今朝10點幾起身,,跟住同老婆玩sms...12點幾同左三嬸三叔落左去食lunch...飽飽的
過左一陣..媽咪同細佬出到黎..4點幾同阿佬出左去朗豪坊....今日到佢買Jeans....
去到Levi's Store買....佢揀左條501..咁我就幫佢揀款式..都係揀左一條洗水牛王...
買左之後...因為要改褲...要等一粒鐘,,就決定係朗豪坊hei到7點半拎...
行左去睇Porter袋.....見到幾個岩心水....不過唔買得住,,要遲d先買呀
7點半拎完褲就返去屋企食團年飯..真係好耐未試過成家人齊齊整整圍埋一齊食飯啦

10點幾就走先啦..因為約左Tracy同Evil佢地行花市....咁就行去搭西鐵啦.
搭緊西鐵個時同老婆send緊message,,發覺原來佢就係我之後個班車..
一落左車..係個出集口度等....等左好耐都唔見佢,,咁就打電話俾佢..
原來佢宜家係新元朗中心,,咁就周圍搵佢啦..點知搵搵下..電話收唔到,,
咁就跑得仲勁...勁跑搵佢,,可惜搵極都搵唔到,,
打番電話俾佢...佢已經就黎返到屋企><...只係差個一步
"  只差一點點　即可以　再會面 　可惜　偏偏　剛剛　擦過 ||

跟住就超唔開心咁去搵Evil...一見到佢拖住左某某...恭喜哂啦<<
之後就行去花市...中途老婆打俾我...佢宜家去朗屏...跟住同Daddy就過黎花市
佢一陣同Daddy分開行...就可以搵番我啦>3<

行到入花市...真係好多人...係入口個度撞到Miss楊同佢個仔...
Evil你真係好采...Miss竟然睇唔到你兩個拖手...
跟住就係度勁行...發覺麻麻地好行...又污衊
某某因為同Evil要走先...所以我就去番入口等老婆..
我終於見到老婆個Daddy啦..不過好采佢見唔到我姐..嘰嘰
本來諗住教區前一個返學日係最後一次見面...點知今日仲可以見番...
見番面真係唔想又分開...行左4個字左右...老婆Daddy就要佢走啦....真係超唔捨得lor
不過都無辦法啦...跟住就同Tracy佢地行...行左一陣就走啦...
同Colmen..Tracy..Henry搭輕鐵返去...

返到屋企就即刻沖涼...之後玩電腦...msn竟然老婆add我...
傾左一陣...就忍唔住要傾電話...一傾就傾到5點啦...因為聽日老婆要走啦...

今日10點鐘要練習...so尋晚叫左老婆今朝叫我起身...但係8點幾叫醒左之後....頂唔順訓番 ..

11點幾起身,,12點幾就食lunch...之後玩左陣電腦,,約左Thomas 2點9係元朗Levi's Store買Jeans
去到Levi's Store Thomas都未到..so已經睇左一陣...901實在太多識既人有啦....所以唔買lu...
Thomas黎到...佢著住阿Jay個條Engineered...不過我覺得比較單調..so唔會買.,..
睇左一陣...最後都係揀左Edison代言個條523...係洗水牛王既cutting...價錢$669
真係好耐未試過洗咁多錢落衣著到lu..但係真係好型 |...物有所值
買完jeans就行去千色...係個度行左一陣...入雄峰睇左陣背囊....Gergory背囊$1290...囊中物
Thomas要出去食飯,,so佢走先...我就去搵Evil啦...Join左佢之後..就去搵Mandy同Kaka...
佢地拎回鄉證喎...拎完就行左去千色...佢地話要夾糖...跟住就行番Evil屋企食蛋糕..
行緊返去個時...我後面有架貨車...Mandy都係...Evil竟然一手拉開Mandy...唔理我 心淡啦

上到黎生屋企..佢拎左個蛋糕出黎,,不過見到個樣..已經唔想食..但係見佢地整左咁耐,,就試下
一啖咬落去...d朱古力粉成口都係...噎死我啦...係咁咳..係咁咳..
6點幾就走人啦...Evil送我地去搭車..佢就出銅鑼灣....

返到屋企...好早就食完飯啦...之後阿佬打電話黎...三嬸叫我宜家出去唷...
咁就同媽咪講啦...之後就執野出去啦....換左條523出去...無著505..但係發覺條523長了少少....遲d要拎去改啦..
出到旺角就去左陪阿佬睇Levi's...佢都要買番條Jeans...不過仲未睇岩
跟住就去左朗豪坊啦....上左去Izzue到睇衫...我同阿佬分別揀左一件恤...之後見到件橙.淺藍.白間條既長Tee..
勁想買埋囉...同老婆1人1件....襯爆 ...可惜買完就無錢嫁啦 ...決定返到元朗個間Izzue同老婆一齊去買
跟住又落左地下Levi's睇...上年買左條Boxer....所以今年都買番條Levi's Boxer過年...可惜無紅色...如果唔係實買
返番波鞋街..Join番家姐同富哥...就搭的士去食宵夜啦....去左餃子檔打冷....
叫左好多野食....唔好以為餃子檔淨係賣餃子,,仲有好多正野食.....食左70幾蚊

返番屋企就過左隔離屋打麻雀,,1蚊番..3番起糊..開頭贏緊...最尾輸左幾舖大牌...唔制
2點幾就沖涼...3點幾就訓覺啦...累了...聽日食團年飯

補充:全日都一直跟老婆sms...無暫停過聯絡

今朝同樣地6點起身,,落m記買左個早裒就返學..返到學校等左一陣就上車去小西灣...
係車到同老婆傾左陣電話...就訓覺lu....

去到運動埸就即刻換褲,,跟住就去熱身啦...今次熱身都幾足嫁啦...
100m final召集...好耐未試過跑final啦.....心情頗為緊張 ,,,
一起跑個feel唔多好...好似加唔到上去咁...之後壓線岩岩壓到第5名...唔駛包底
跟住就去睇chloe同|Sumyi佢地跑400m>..一開始Chloe明顯帶出...但係Sumyc竟然包底
不過好采衝線佢追番第2姐...Chloe第1...之後就到Judy跑....第6個返黎呀...唔錯的
200m Final以為食完lunch先開波...點知原來係lunch之前..so就去加加速跑...不過加左1下..條腰激痛
不過頂梗上啦...去檢錄200m final..第8線...好大的影響
一起步個感覺ok...所以頭100m都係第1名...但係入直路..背脊喪痛..速度開始減慢..最終第7名過線...唉
一過線個人好似無乜力咁,,行左幾步就跌低左..跟住校長同Miss過哂黎睇我,,之後個醫療輔助隊既女隊員過黎...
之後用lotion幫我按摩背脊...痛得很..但又十分舒服,,正
跟住就趴左係度...等d Lotion滲入去...個背脊愈黎愈熱,,好似火燒咁...校長問我要唔要去急症室
趴左大約15 mins左右,,就行番上看台坐,,就同老婆傾sms,,同佢訴苦..
lunch之後就落左運動埸既warm up area到訓...同老婆傾電話...
之後老婆返番學校..就收線啦...跟住同Kyo..Eddy係度睇4x400..係咁賭咩色衫贏...
上番看台就睇4x100m啦...彩虹果然好勁...落後10m都追得番..
跟住到友校接力....請左喇唦..張振興書院...可惜無請埋拔粹男書院...一定勁好睇..最尾張振興贏左...贏成條街..無野講.
終於完哂所有比賽...到閉幕禮啦...閉幕禮去到5點先完,,

上到車覺得頭痛的...so訓覺啦...一路訓到番元朗...係學校拎完通告就即走...
去搭276去上水練習...係車到同老婆傾電話...唔知為乜....哭了
前後坐位既人不停的望住我...好唔知點..行到去運動埸...峻佢地咁係問我有冇事...
高sir仲講...輸左比賽唔哂喊成咁喎...跟住又彈左句...失戀姐...唔好咁
跟住就jog圈...拉筋...拉拉下高sir叫我跑5個圈..今日應該係好輕鬆...
跑完5個圈...隻小腿d肌肉硬得很..高sir叫我勁拉筋....係咁拉唔駛做其他...
咁就照做啦....睇峻佢地跑150m....個個跑到死死下咁...好想嘔咁...我都想跑150m
最尾再同峻佢地jog多個圈就收工啦...我因為太肚餓...去左Rainbow食糖水...
嗌左兩個糖水食..好味的...跟住又買左d煎饟3寶食...餵食爆...嘰嘰
陪峻佢地入左機舖一陣..就走啦...係車到同老婆傾左一陣電話...無事lu...
峻係元朗落車...我就自己搭番天水圍啦.....

返到屋企沖完涼,,,11點食飯...傾多陣sms就訓覺啦/..太累了

今朝6點起身,,6點9就去搭車返學校啦,,
返到學校繼續同緊老婆傾sms,,等下等下7點半先開車走....早知唔咁早返...
係架車到就同老婆傾電話,,陪佢返學,,傾到佢入學校就收線,,之後係車到聽歌...

去到小西灣運動埸,,等佢開幕禮完左,,就正式開始比賽啦,,
9點4跑100m....第1 Heat第1線...正,,時間12'16..PB左呀
lunch之後就跑200m...又係第1 Heat第1線,,時間25'28....又PB埋..Yeah..
等到3點幾就跑4x100Relay..又係第1 Heat第1線..真係好既排位..
可惜頭1捧同2捧交得唔好...蝕左1s...交到俾我個時追番第3都無乜用...
不過都希望入到Final...因為上次教區又係第9名入唔到Final...唔想今年又係><

返番學校好快就解散,,之後就同Judy佢地去左M記食左個餐.太肚餓啦..
之後搵Evil佢地...原來佢陪緊Mandy睇袋...又叫我幫下眼..算啦..我tastes好...嘰嘰

搞搞下我7點幾先返到屋企,,跟住就打電話俾老婆,,發覺佢又嬲左我,,唉><
8點幾就食飯,,之後沖涼,,跟住繼續同老婆sms,,唉...仲係咁..喊死lu...
12點幾就訓著覺

今日24號....同老婆由11月24號一齊...到今日已經2個月lu.

起身就已經同老婆傾sms啦....今日去到新元朗中心我早過老婆到...唔駛佢等啦..嘰嘰
佢俾左一大排朱古力我食...好味的.. 搭車個時就拎左d尋日影既貼紙相出黎睇...老婆露出左可愛既表情

返到學校就將d相傳黎傳去,,係咁show俾人睇...老婆又show埋星期六影個d出黎啦...
跟住我拎左個裝到滿滿既筆袋出黎,,老婆即刻搶左佢....又唔俾番人.曳曳也

一開始上bio x2....好多人都訓著哂...勁多人趴係度....I.T堂就討論d問題,,so無訓著到...
rest就同老婆落左去坐...凍到佢死死下咁...變雪人啦
chem x2唔駛教書...張sir叫我地自己睇書...跟住出黎講番...過得好鬼快...即刻到lunchtime咁..
lunch Tracy佢話好凍...唔出去食飯...但係我同老婆.Eddy都想出去..so就出去食啦....
行到去生活知味食lunch...Eddy因為April無返...so佢覺得好似好突出咁..唔緊要既....
我地遲過Evil..Thomas..菜心..區江佢地到...都早過佢地有位...我地食哂佢地仲食梗...
返番學校企左一陣...就上堂啦....
life skill x2...但係俾Miss 楊拎左黎做中文堂...次次都係的....
宜家又要做Project...不過我幾鍾意呢個題目...介紹一種香港既傳統行業....
我同Evil..菜心.區江一組...做既係冰室....好想快d去實地體驗呀.
放學之後就好快同老婆走左lu....

我地見埋今日...就要等到放完年假先有得見...聽日我要去教區...
為左今日可以相處耐d....我地去個地方hei....sweet sweet ....
好唔捨得老婆也...但係點都要返屋企啦...咁就講ByeBye啦 ...鳴鳴><

返到屋企5點幾,,就即刻打俾老婆傾電話...掛死你啦
傾到7點幾就食飯,,今日打邊爐唷....食左好多肥牛....同樣地我同老婆仍然傾緊...不過係sms...
傾呀傾呀...期間玩左陣電腦...傾左好多野呀...講到好興起....
11點幾老婆話眼訓啦...咁就唯有終止聯絡...其實真係好唔想停的...不過無辦法...
之後聽下歌...放鬆下..12點半左右訓啦....

人人都希望放假...但係俾我揀...我寧願唔放..至少每日可以見到你>3<