今朝都係成11點幾先起身,,好累的...昨天練習辛苦的
跟住好快就食得lunch,,因為媽咪之後又打牌,,
食完野食就打機同埋同老婆玩sms ,,
今日練2點鐘係元朗,,所以1點半就執哂野,,就搭輕鐵出去啦...

去到運動埸竟然見到Eddy個d係度,,原來今日係學界足球比賽<,
不過就咁同佢地say左helo,,就去jog圈啦,,
開頭得好少人咋,,慢慢先開始有人黎,,
今日做10下拉高跳跟住跑樓梯x10,,跳到腳都痛啦 ,,
跟住駿...阿星..都黎到啦,,咁就過左運動埸另一面做起跑50m...
一路做就一路睇比賽...可惜下半埸係2分鐘內失左兩球,,之後又失多一球,,3:0...
起跑50m做左好多組,,高sir次次都唔俾我同星佢地跑,,所以最尾一定要同佢地挑一次,,
不過輸左就有懲罰,,如果我輸左就要做100下拉高跳,,贏左就佢地做50下拉高跳,,
最初都有d猶豫..不過都係應承左,,On your mark>Set>Go!!!!
贏左佢地啦 ...每人50下拉高跳...嘰嘰
突然之間高sir叫星佢地挑番我機,,400m...星同駿都係400m選手...
今次輸左60下掌上壓....其實好唔想玩,,不過算啦,,因為我就算第二都係贏,,
頭300m都係第二,,不過最終後勁不繼,,俾駿過左.....輸了..
做完60下掌上壓,,隻手完全唔可以郁,,痛得很
之後駿佢地話食d野,,就陪佢地去食野,,之後上左5cm買左兩件衫,,就返屋企...

返到屋企坐左一陣,,玩左陣電腦就沖涼,,跟住訓落床抖同埋同老婆sms,,好累呢....
一路抖到食飯,,跟住睇左陣電視,,就玩電腦,,玩到1點幾就訓了.

今朝本想早點起身做功課,,可惜仍然是12點多先起身 ,,昨天的練習太累了.
起身後即係搵老婆先,,跟住就嗌外賣食,,媽咪唔煮飯,,不過食完都唔係好覺個肚有野,,但係唔理啦,,
跟住都係受唔住打機既誘惑,,都係去左打機,,一打就不停地打,,打到5點多就換衫去北區練習啦,,
坐個架276A,,坐到我頭暈暈,超唔舒服<, ,,見個肚又開始餓餓地,,就去買煎釀三寶食,,好味野
一路行一路食,,跟住撞到高sir,,問佢今日練咩..又唔講人知,,好驚跑654321添
入到運動埸,,等左一陣高佬就黎左啦.,咁就去換衫啦,,
之後阿星同k汶都黎到啦,,阿星拎住兩個蛋撻,,咁就即刻搶左黎食,,好味.發覺自己好餵食
跟住就同k汶 Jog圈傾偈同埋一齊拉筋,,今日原來要跑50個50m,,,分5組跑,,
跑個時係咁同峻..跳遠佬玩,,嘰嘰...打patpat
跑10個抖7分鐘又10個,,可惜我最終跑到第32個,,因為d肌肉太痛了特別係patpat,,
睇黎我都引證左,,年紀大屎忽壞,,高sir唔駛我跑啦,,咁就同Isccic一齊Jog圈,,Jog jog下抽抽地筋,,好采無咩大礙姐,,
跟住睇埋阿星佢地跑5個圈就同佢地走啦,,本來諗住又去買d煎釀三寶食下,,
不過眾人見到個幾個阿嬸既熱情款待,,又話送汽水,,又話有電視睇(呢個真係有問題,,度度都有啦).又話有k唱..
個個俾佢嚇親咁,,雞咁腳走人lu,,之後去左seven買左杯雪糕食,,其實好想食d熟食,,
之後就同峻搭276返屋企啦,,架車開到我暈暈地咁,,頂唔順想訓覺,,

返到屋企10點半啦,,沖完涼11點都黎lu,,宜家先開始食晚飯,,跟住就同老婆玩sms ,,
老婆玩到1點幾就訓左啦,,我就繼續打機,,3點幾左右訓著啦 ,,

今朝12點幾先起身,,尋日太累了,,
食完lunch,,係屋企又勁煲game同埋勁同老婆玩sms<,一路打一路打,,
打到5點左右就換衫執野,,搭輕鐵出元朗練習,,重拾戰靴

去到見到Sumyi佢地就黎練完,,跑到成隻狗咁,,好辛苦 ,,
咁就好驚今日同佢地一樣要跑600>500>400>300>200>100..
跟住高sir話今日我跑20x100m...分兩組連續10一組,
雖然唔駛跑654321,,但係咁耐無跑,,20個100m唔係小野,,
熱完身就換釘鞋出去跑啦,,頭幾個跑得好唔順,,無哂之前d節奏咁,,
隻手又鬼咁痛,,所以跑左8個就頂唔順,,要坐低抖,,
點知呢個時間無端端落雨,,我又流完汗,,個時又大風 ,,
吹到我超凍,,搶左阿杰,,駿件衫褸住,,凍到我唔想郁,,直程訓左係度,,
高sir見我咁就俾我抖耐d,,一訓就訓左成半粒鐘,,因為抖得太耐,,
要出番去跑埋個12個..可惜我跑左6個,,都係頂唔住,,要坐低啦,,
見到阿星佢地跑個600m,,因為唔達標,,要跑多轉,,真係死咁滯 ,,
坐左一陣,,就死埋個6個100m啦,,跑完的感覺永遠係咁開心 ,,
不過全身的肌肉痛到想死咁,,高佬佢跑完個300m...陣亡了,,嘔到七彩
9點左右就離開左運動埸,,去買野飲啦.....

返到屋企,,差唔多10點lu,,先開始食飯,,
跟住先得閒同老婆傾sms,,抱歉要你久等了
咁又開始打機啦,,打到2點左右就訓覺啦

今朝9點幾起身啦,,跟住就打俾老婆先,,不過聽到佢把聲,,你都係訓多陣先啦
咁刷完牙就睇電視,,老婆用sms搵我,,今日希望有得上佢屋企玩啦 ,
睇到咁上下電視,,就開始換衫啦,,因為今日要開始練番習啦,,
執好哂d練習野,,就去食飯啦,,今日好早就食lunch呀,,因為實在太餓,,
12點幾老婆打黎話可以去佢屋企啦,,超開心..
好快就上到老婆屋企啦,,原來我屋企還要比佢屋企大 ,,
咁就放低哂d野,,就同佢玩啦,,爆開心囉,,勁sweet ..好耐未試過咁啦..
連續地玩2粒鐘,,原來係好累嫁,,玩到3點幾就要走啦,,唔捨得呀
之後叫Evil出黎食Tea,,咁就先上左元朗廣場個間5cm同Double Park睇衫,,
5cm睇中左件恤衫,,可惜得番s碼,,無哂L碼呀,,有錢而無得買
唯有星期六出番去旺角間5cm買啦,,咁就去左食tea啦,,
竟然紅日無下午茶,,要食常餐,,常餐仲要唔多好味,,shit ..
食完野就過左喜利商埸,,睇左一陣野就諗住去搭車啦,,不過突然收到峻既電話,,
話今日唔駛練習 ,,好采我未上車去北區姐,,咁就搭車返屋企啦,,其實同老婆玩完真係好累 ,,想抖...

返到屋企就攤左落床,,不過就keep住sms,,
之後Evil話又有得玩番之前個隻Game,,正野,,超喜歡....
玩左一陣,,就去沖涼先,,跟住食飯,,之後係咁煲隻game,,
12點幾又打俾老婆傾電話啦,,雖然幾累下,,但係都照傾..
傾到3點就收線啦,,真係要抖下

因為尋晚睇電視睇到3點幾,,今朝12點幾先起身,,
刷完牙諗住開電腦,,突然電話有message喎,,原來係老婆個message呀 ,,
咁就係咁sms啦,,完全無停過呀,,食飯都一路食一路玩,,
跟住因為佢Daddy出左街,,就打電話去傾偈啦 .
傾左兩粒鐘左右,,佢Daddy就返黎,,咁就收線用番sms啦,,
一路玩到到睇叮噹,,之後去沖涼,,
今日晚飯食左好多野,,飽死. ..
之後就做英文既功課,,愈做愈悶,,愈唔想做,,...放棄了
咁就專心同老婆玩sms,,玩到12點又傾電話啦 ,,一傾就傾到4點先收線,,眼訓了