| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2007 年 8 月 13 日 星期一  |
我就係我  |
分類: 未分類 |
今日8點幾起左身,之後原來打算去圖書館溫書,但又諗起今日星期一,圖書館唔開,之後係屋企睇左電視同漫畫^^
下午二點去左珠屏溫書,望一望個鐘,就五點,真係第一次可以咁專心一次溫咁耐,好開心呀!因為成個acid base終於明左^^發覺自己上年真係冇讀過chem,之後番左屋企訓左一陣,今晚一要定要比心機呀!
今日上網果時諗到一個問題,我成日都覺得日本d女仔個靚真係好靚,又笑得好靚,但我真係好諗唔明點解佢地會拍果o的電視呢?我一直都係覺得一個人可以用個笑容同埋個樣黎睇的。我真係好唔明?點解呀.......
之後睇電視又諗到o的野,今日港台講個社會企業,好touch,因為我呀媽話呢班人係白痴,佢地自己有錢又唔賺,咁得閒黎幫窮人。睇完之後令我諗起自己細細個其中一個小夢想,就係無國界醫生。可惜我根本唔係一個做緊生的材料,宜家最多都係做一個無國界的牙醫or護士^^大個有機會的話一定要幫下呢d志願團體,做一個真正的世界公民,做番一個真正的自己。
p.s.其實我都唔係咁幼稚o者^^
|
| 2007 年 8 月 12 日 星期日 |
| 都ok的 |
分類: 未分類 |
今朝8點幾起左身,之後9點去左圖書個自修室,今日溫電,尋晚都溫到好有考試feel,因為好多野都唔記得左,溫的時候一o的都唔記得自己今年係repeater,加油呀!鋒鋒(學自芋中的blog)
之後係圖書館見到張穎賢,開始都唔覺得係佢,因為佢染左一頭金啡色頭,唔知做咩,做色真係ok的,但加埋佢個樣搞到我笑左好埋,我都覺得自己好衰^^
之後溫到十一點幾,同成家人齊去左飲茶,食得好飽,之後同左二個呀哥去左買衫,因為大佬大多錢用唔哂^^之後行左好耐都係買唔到,only買左個fan,因為我房個個俾我搞壞左
都係溫書先,今日上左ken chan個網,佢講左一句''提早準備有策略，無須臨急抱佛腳''haha |
| 2007 年 8 月 11 日 星期六 |
肥鋒論天下之  |
分類: 未分類 |
展望明天篇
今日有一名朋友跟我電聯,他問我為什麼唔找學校重讀呢?我想了一想,事實上我跟其他人說我要重讀的時候我是好順口地答出來的,並沒有經過深思的,我的下意識深深地明白自己是應該自修的。大概我是想跟高考來一個背水一戰,讀書是一件十分個人的事情,我還記得中五的時候,每天放學就立即回家溫物理,食完飯以後就聽英文和讀英文,每天做一年物理mc,再溫chem,我一直都覺得沒有甚特別,因為我永遠都看見我的哥哥在自己的房裏做同樣的事情,直到我中五時,我才知道自己比別人更加勤力,但成績同其他人差不多。這一刻我明白到自己只是一個十分平庸的一個肥子。所以我更加勤力,直到我中七。
老豆大約在我中六時同我說過:啟鋒,只要一等到你大學畢業的時候我就退休啦!我今年用多一次去收拾高考,目的是換取更好的前途,今年我會大幹一場!可能大家會覺得一個人讀書十分辛苦,每日不停地讀,十分辛苦。相信大家都聽過吃得苦中苦,方為人上人。我也是最近才深深地明白到這個大道理,讀書時難免有些事情會有所犧牲,但也是在所難免的。所以我也要講一聲:對唔住!希望大家會明白我!在這一刻,沒有任何事比讀書和升大學更重要。
我的目標是3A1C,下年我不會再考中化了!仲有232日就考ALEVEL喇!
要做鬥士,要在別人不信任自己的時候信任自己~陳文達老師
|
« | 20 | 21 | 22 | 23 | 24 | 25 | 26 | 27 | 28 | 29 | ... | 43 | »
|
