今朝約左鍾彤去睇五星級大鼠,佢約左我十一點四十,個時間食住左,搞到我都唔知以做咩,之後係企聽左一陣BBC之後出左去,去到佢個樣都OK黑面的。之後我地去買飛,之後匡都黎左,我地之後去左入場。之後佢聽電話時有時會有一二句話下我咁啦!都唔係咁想黎睇啦講真,好似黎俾人罵咁!之後睇個五星級大鼠都係一般,有O的位真係幾好笑,但唔夠之前PIXAR同迪士妮合作果D好睇。

     之後一齊去左大家樂食野,都係悶悶地。食完之後匡借左把傘俾我番屋企,我去遵理睇下補STATISTIC O的野,但行過一間叫遵道的學校,發覺入面O的人仲多過遵理,同埋佢仲女仔校服都好吸引,係日本的水手裝^^唔怪得咁多人報啦!

      之後去到遵理問O的人如果自修生報補習要幾錢,因為我想報個個係200,佢話自修生的話要625,SHIT!佢個個SYSTEM都真係怪怪地,其他現代英皇果O的都冇的。之後我都應該報英皇個個。因為我覺得個呀SIR冇教PURE都好一O的,因為佢唔會好似兼教咁...都係試下先^^

      番到屋企,睇左一陣報紙,好累又去訓左一陣,終於可以FOLLOW番個時間表溫書啦!3A1C,I AM COMING~~~

      今朝約左匡同鍾彤8點搵學校,我一早聽到個電話,見到係鍾彤,佢問我係邊,我再望一望個鍾,大叫了一聲:食屎! 之仆左去擦牙!之後鍾彤打黎叫我唔使,因為我去都冇咩用,我覺得好似唔係咁好,我話去ma,做朋友,去陪下佢都好ma,之後匡都叫我唔好去,咁我最後都冇去。之後低發覺個頭有D熱,我feel到係發燒,之後去訓多一陣,匡打黎叫我check中六學位,我之後上網search左好耐先找到個web,我同佢講左中文理科的學位,之後係部電腦等佢地,因為驚佢地可能要用電腦。之後十二點幾匡打黎,話鍾彤報左十8鄉repeate,我覺得唔係咁好,但算啦!我都冇計!我又去番訓,因為有o的計苦,今晚又約左小強食飯。訓到點幾,匡打黎問我做咩only同佢講中文理科的學位,佢話鐘彤係想讀英文理科的,佢話以為得咁少位,先叫鐘彤repeate,我都唔知講咩好!佢地又冇同我講鍾彤係想讀英文理科,佢中一到中五都係用中文讀,我好自然覺得佢係讀中文理科。我唔係話我冇錯,可以係我太懶醒吧!之後都有o的內疚,都係太辛苦,又去左訓訓到成四點幾。再沖左涼,好似好番o的,去左觀塘搵小強,我地去左pizza hut食,我拿左我中七o的相俾佢睇,佢又拿左o的俾我睇,因為我地成一年幾冇見,太多野講啦!我仲介紹左我班的美女俾佢識!佢勁開心

     唔講都唔覺,我原來都真係幾有女仔緣,但我唔覺得真係咁好><唉....聽日同鐘彤去睇movie同埋散心,早o的訓先,好辛苦

            一聽到中五放榜,腦海中好多影像都不奇然浮現了好多好多回憶,我還記得中五放榜同學們心情都十分沈重,我好想講下,但好似冇人理我咁,我之後番左去一樓的課室,同學們坐得想平日上堂一樣,天然哥又係同我坐,我好記得,我係樓下見到mr ngan,佢用一個好睇唔起的眼神望我,我真係好驚!之後我聽到天然同我講,我考左6a,我心入面完全被佢擊倒。好快,MR KWOK都黎左,佢講左一d白痴野,就講李天然拿了6A,又講我地班考得點,有幾多人升到,之後順CLASS NO出到拿,我勁驚,因為我6號好快到我,佢叫了一聲:陳啟鋒。我好驚,隻腳唔聽話係咁震,第一第咁驚,之後黃啟聰拍一拍我,天然哥又拍上我,姐姐都拍下我,我出左去,我簽左個名後,見到自己14分,唉!好彩升到!之後番個位,好開心!O的人都話我叻^^我再睇.我原來係十五分,係五科十四^^之後O的人開始喊。我之後見姐姐同敏敏都喊,我等多一陣,去左搵MONKEY,佢冇喊,但係咁震!我拍一拍佢,之後去左登記中六,好記得我填話想讀PURE,之後MR WAN話健仔數學有天份過我!我之好讀CHEM,時間證明左MR WAN係錯的!

          第二年

   我去左呀JAY 屋企睇英文考成點!一開始係呀JAY睇先的,佢D左,我之後勁驚!我驚D都冇><之後一睇,D左^^YEAH之後我地坐的番去睇二個''聲''放榜,我同佢班好熟的!我坐左係最後的地下上面,呀聲拿16分番到位大叫左一聲,之後家聲升唔到,好DOWN,佢之後出左課室,我係佢班房搞左一陣.去左搵家聲,之後佢同我講好想升大學,MR LAU叫佢重讀,考得好好地咁中六先咁冇辛苦,之後我陪左佢,佢一直都冇喊,我宜家諗番,佢真係好勇敢!

    大家升放榜的同學!我都唔知可以講咩好!因為我都係呢一個考試SYSTEM下的失敗者,我只係比你地遲少少先失敗,放榜點會唔驚呀?我放完之後都用左好多日先可以回復心情,但唔好咁快下決定,升唔升都好,問一問其他人意見,最好最下熟你的老師,師兄,佢地的閱歷比你地多,諗D野比你地更全面祝你地好運