之金錢篇
錢真係一個好奇怪的東西,你無也唔得,多又好似唔好咁...我始終認為萬惡真係「錢」為首。
有人說過,萬惡係淫為首,我覺得個羅輯係這樣的,因為飽暖思淫慾,但「飽暖」的條件係有錢先可以,你有錢,食飽之後先可以身痕的,你朝不保夕的話,你係咁做野,點可能有淫呢?你唔飽的話都淫唔到啦
所以錢真係必須的,我都好認同,我記得好細個聽過一個故事:有一個好窮的家庭,二口子每日都好努力去搵錢養活一家,佢地生活得好開心,每一日佢地屋入面都發出開心的笑聲。有一日,一個富翁路過佢將一個金磚俾左佢地,果一個窮人家庭,好開心,但之後佢地就好驚有人會搶果一塊金,從此快樂開心的笑聲在這個家入面再沒有聽過。富翁的妻子話:我地都係因為呢O的野而唔開心的。
看完之後係唔係有咩感覺呢?賺錢真的必需的,唔係大過點可以養妻活兒呀!個兒都供書教學的,所以我都覺得好矛盾。總之錢係要賺,但真係要用得其所,好似可以捐o的錢俾o的慈善機構,助養呀咁....
其實我今日主要係探討係唔係有錢人的吸引力會比較大,因為我成日聽到一o的女同學講一個男朋友有錢係好重要的。聽到真係好反感,一個十幾歲的女仔都可以睇錢睇到咁重要,我明白有錢的話個男仔「可能」會送好多名牌俾你,可以同你去好多地方玩同你食好野,你又唔使俾錢,咁諗埋都好似好好咁....但諗真的其實係唔係怪怪地呢?個女仔好似俾人包左咁,我想你今晚陪我,就叫你出黎,咁真係叫愛情咩?諗到呢度我不禁諗到一個大陸女仔的新聞,大陸有o的女仔好窮,但佢又俾唔起錢旅行,咁點算呢?佢地就post自己o的個人質料同張相上網,如果o的有錢人去公幹or 旅行就有靚女陪就會搵佢地,一切所有食住,買野都係由個有錢人俾,個個女仔其實都要俾少少費用,但個費用俾夜晚先俾,俾的方式當然係由有錢人決定啦 咁多位女同學,咁呢o的工係唔係好好呢?
其實一個男仔係唔係有錢,都唔關個男仔事係佢上一代的問題,係佢上一代搵的,而佢上一代又俾錢佢o者(細個時)所以我一向都唔羡慕o的人有錢過我,我明白我要努力過先可以同佢地俾,佢地條路可能俾我行得舒服,但我都相信努力係可以改變一切的 我總之都係覺得自己賺or儲的錢係使得最爽的,而唔係人地俾我的。女生們,男生俾完o的野你,你係唔係要俾番一o的合理回報呀?
http://forum.qooza.hk/viewthread.php?tid=228254&fpage=1
p.s.又係唔知自己講咩
|
