今日超勁,6點幾起左身,唔知邊度黎的幹勁,一起就係咁溫chem,宜家溫chem唔同之前咁,宜家可以好好好精咁又睇k kwong,又睇cclee,又睇elbs本野,我要勁過化龍神同周周,因為我成日都覺得佢地係A人,同我呢O的E人差太遠,我要勁過佢^^

    之後十點到出左去LIBERARY,真係估唔到有咁多人,有成十幾人,我開頭以為最多得4,5個,宜家O的人真係好勤力,但原本著拖鞋去LIBERARY好煩的,行路好大聲的搞到O的人係咁望住我,所以今日我係圖書館係面都冇出過去。今日溫CHEM都算OK,起馬唔會悶先,溫到2點到,去食LUNCH,番左屋企睇TIME同埋聽BBC NEWS,五點到出左去拿果次同呀包果次的相,影得一般啦!

   之後番左屋企,今晚溫M &S,正!

  P.S.終於有你MSN啦!我真係好勁

   今日大佬番大陸番工又係我第一日要認真溫書的一日,今日我訓到8點幾,之後起身溫mechanics,之後發覺o的英文字樣衰左好多,所以我將o的重點係咁抄,一邊可以寫多o的英文,一邊可以背下o的重要o的pt,溫到二點幾。

   下什同小春去左拿相同埋買左本cc lee organic,今年一定要俾心機讀chem呀^^之後又買左個電話繩同埋扇,正,今晚我要溫英文同chem,一定得的,我聽日去圖館溫呀!

    今晚我地約左monkey,小春,甘美同呀包食飯,因為同呀包補祝生日^^我地約左8點人家食飯,我同小春同monkey8點到左,,跟住見甘美,所以我地入左去等先,當然我地係邊等邊食,但開頭真係幾尷尬,我地monkey同小春都算係成日見,但甘美就由中五畢業之後都冇見啦!開頭真係唔知講咩好,咁我地唯有叫野食先,叫叫下o的gag野就開出野,我地又多左好多話題,但我地叫個個湯低真係黎左好耐,要我地等左成三個字先到,之後我地係咁寫單,但等到8點9真係淨係黎左碟菜,我地幾個係咁不斷罵咒佢地,等多一陣,o的野係咁不停咁黎,終於有野啦!但個死人呀包9點二先黎到,佢話夾個頭夾左好耐,算啦!佢黎左o的話題多左好多,好耐都冇試過傾得咁開心,其實係放完榜之後傷心左幾日,down左幾日,覺得自己冇咩野咁,但有時同其他人出出下街都會有少少罪惡感,覺得自己係唔應該去玩的,係應該係屋企溫書的,所以之後真係好少有機會開懷大笑,呀包同monkey真係好搞笑,我俾佢地笑地,仲可以令到我一o的都諗唔到高考自修o的野,真係好多謝你地

      之後呀包話想去食m記,唯有陪佢去食,但點知係m記撞到呀jay,心諗:食屎!次次同呀包出街都見到佢,有排煩,我仲要坐正佢斜對面,搞到我唔知點咁。之後我change左個位罝先可以又傾個計,坐多一陣之後我地去左green box果面間相鋪影相,影完之後呀包話影埋特區護照相,又等左陣。影完之後我地去左eoples下面間cafe坐,間野之前我都野過一次,都ok的,但今次好多mk係店食煙,搞到我都唔係咁想入去,之後我同monkey發覺有個女仔真係勁靚的對係我地附近^^但小春俾佢老豆急call,所以要番屋先。

     我地係入面係咁傾計,又傾自己係中學識意個邊個男仔or 女仔,又講下以前我地的好笑野,講番轉頭,原來我地呀包淨係係中二同埋果一次,但都唔知點解可以咁frd,haha果時同佢坐真係好開心,日日係度玩,hea到一點幾,送完佢地坐車,我同monkley都番屋企,發覺自己成身煙味><

     聽日開始啦!加油呀各位