琴日我訓得好好,今日八點起左身,之後去左吉野家join子敏佢地,但我唔知點解真係好冇胃口,第一次係咁,個肚真係有o的唔辛苦,係呀,我買左星島,真係好意頭^^

   之後番左學校,係派成績之前mr lau係咁同我地講左好多唔同的出路,仲話我地班得好差,搞到我地鬼死咁驚之後一開始話我地班的成績,我地班係咁多年中七最差個班,唉...英文得83%人合格,中化都有4個定係三個肥,phy得一個人b二個人c搞到我地好鬼驚,之後mr lau一開始就派左成績好的同學,一開始係派俾何軒,同李志,之後到左化龍,佢地三個都係拿左all creadits,呀jay立即拍一拍我個膞頭,我都開始有o的緊張,派到我時我都唔敢睇,我番到個位先睇,一睇就見到phy 拿E,我都好想喊,但我立即記得我應承左一個好朋友以後唔可以喊(但我諗你都唔記得啦!)我一直係度忍,一直係度忍,直到呀JAY派完之後,好唔開心,我再打俾我呀哥時,呀JAY攬住我,我果時真係忍唔住,我喊左出黎,我喊住同呀哥講我得五個E,之後我係咁喊,我係度諗:我做左咁多年PASTPAPER只值一個E?我補左年KEN CHAN,我睇到咁熟,做左甘多PRACTICE KITS,咁多練習真係一個C都唔值咩?我真係好唔甘心,點解連呀妮都可以E,匡都可以D,化龍都可以C啦,我真係一個C都唔得咩?愈諗愈唔甘心,但一見到好多人都考得好差,我真係唔知講咩好,我只可以一直係度周圍行下之後我去左覆PHY同中化,其他人都係.....

      我之後都係同小春周圍行下,但行左一陣就番左屋企,我都唔係好敢番,唔係好想面對佢地,我都唔明點解佢地有個咁冇用的細佬同仔,但一番到屋企發覺冇人, 一陣之後大佬番左黎,佢一黎就摸我個頭講:少事O者!讀多年啦!我立即又好想喊,但是今次我忍住左,之後我玩左陣MSN,鍾彤就打左黎,佢真係對我好好,其實我一直都唔知點同佢講好,唔知點開口,因為我一直都冇諗過會差過C,真係一次都冇諗過,但真係出現左,我都唔知點面對你。但真係好多謝匡同我講左俾鍾彤聽,鍾彤打黎真係好驚我會自殺咁,放心啦!我考唔到個A唔會死住的,佢仲係咁安慰我,唉.....點解大家都對我咁好呀?但我又咁唔爭氣,今係好對唔住呀!我REPEATE的話我一直係好俾心機,我會連CHEM都會背,唔會再令大家失望。

    嬌姐姐,你唔可以放棄嫁,我一直係支持你的

    多謝咁多位,想過OR打過電話俾我既朋友,真係好多謝你地,你地令我有勇氣去面對過去,去面對將來,多謝你地!多謝你地冇放棄呢個咁冇用的我,一個只有五個E的我,多謝你地,宜家我自己一個冷靜下先,得閒搵下我,我驚一個人會亂諗野><

之高考生涯與我

           聽日就放榜啦!我宜家個心情同中五真係差好遠,中五果時知道自己一定升到,一早估到自己phy最少有B,所以都冇驚到,果晚仲好好訓。我係放榜果日為自己A唔到都有少少唔開心,之後宜家中六個個黃佰,仲同我講:下?你A唔到呀?Mr Ngan又話你好勁?聽到之後我同自己講,我高考phy一定要A,因為一向都係相信會考A唔A都好講運氣,旦高考係全無運氣可言。所以alevel phy拿A係我呢二年的唯一目標,都是我讀書的一個動力。順帶一提,我係黃佰放榜果年我報左仇,因為條友仔PHY ONLY有C定係D,我咩都冇講,ONLY拍下佢個膊頭。個心涼哂

    之後我就好俾心機讀PHY同埋英文,因為我發覺自己會解唔明O的MC,因為有太多我SPECIFIC的VERB,所以都要溫下英,我係一路都KEEP住補KEN CHAN,我由中4一路都開始補,一直補到中7最後一堂,唉!日子真係過得好快,我仲記得KEN CHAN第一堂話自己好似張達明,HAHA,咁就4年,到左一個日子係我要回憶.......

      我讀完中六的PHY之後都係覺得PHY好易,除左AC,我俾AC搞左好耐,我由中六開始,一日做一年PHY MC,所以我好有信心可以講我一定係做得最多MC的一個人,你地自己可以計下我做多幾多年,我係咁耐都係有十幾日冇做到><真係做得太多啦!

      升到中7之後,我同王啟榮坐,佢真係好叻,佢的天才一定俾我高好多,一坐都FEEL到,果時我地開始學WAVE,其實我都係唔係咁識,仲係度探索緊,佢已經可以問一O的好難的問題,我的自信心一下俾佢打下來。果時仲有一個中五的同學仔叫我教佢PHY,真係好多謝佢,其實我果時每晚都讀得好辛苦,好想真係認真的休息一下,我果時係每日7時溫到34點,真係好累,但如果好早訓係張床度,會內疚嫁!所以同你溫書果時真係好舒服,又唔使點諗野,可以傾下計,我果時真係好開心。

     之後最煩係我地班二個repeater,佢地好似咩都識咁,我好唔甘心,我唔明白自己己經好勤力讀啦!但都好似追唔到佢地咁,所以我開始讀課外書,咩univerisity,tom duncan,但最後發覺真係ken chan notes係最好的。

    最辛苦都係study leave之後,知道有o的同學開始放棄,都有o的同學同埋出面都frd都打俾我討論phy 問題,但每日都係phy,phy同phy真係好辛苦,有時睇下中化同chem release下,之後都係用左三個星期到讀chem,頂,chem真係易phy好多好多,但我都係鐘意phy多o的冇計,我諗大家都仲記得我講過大過要做老師,同埋要讀hku phy,但都係俾syudy破壞左....

    係study leave入面,我開始一日做二年phy mc同一份practice kits仲有睇一本ken chan note,愈來愈悶,愈來愈辛苦,次次都係錯少少,又唔知自己唔識o的咩,係果時,我冇打俾mr ngan,我開始打俾mr wong,佢真係對我好好,佢又冇教我,但又好有耐性教我,又俾我煩,有時一煩就係幾鐘,真係好多謝你!但對我愈好,我就愈驚,我驚考得唔好,真係好驚,成日呀媽都將我同呀哥比,佢地真係好叻,但我真係唔同佢地,咁比法令我好驚嫁,我睇下報紙又問我做咩唔溫書,睇下英文新聞又問,咁我可以點呀.........又話我早訓,又話我懶,又話我傾電話......真係....真係...好辛苦

       所以我一直都好驚考得唔好同埋到唔到好的大學同埋department,因為好多人都想知我考成點,又問我覺得自己都考成點...好似mr ngan咁,佢成日叫我溫多o的,有個A先似樣,仲有mr wong,呀聲,鍾彤,姐姐,alice,raymond,winnie佢地,仲有o的好見到的朋友,佢地話話放榜之後打俾佢咁點到我唔驚呀!有時又聽到佢地話:我對你好有信心嫁,你一定得的!頂講我都識講,考之前我都好有信心...唉!但係,我都唔知講咩好,我都希望大考得好,我最想係呀jay,匡,kk同埋姐姐,仲有何儀,嬌姐姐,仲有何軒,李志,jojo,化龍,子敏考得好,希望你地的付出有所收穫啦!

       我番左大陸4日,係呢4日入面我學左好多野同埋去過好多好新的地方,就等我宜家去總結一下。

第一日

     我地等埋我二哥番到屋企再沖埋涼先番去,今次我地由皇崗去,去到撘黃巴時己經覺得自己已經番左大陸,因為o的人又唔排隊,係咁推黎推去,又係咁食煙,真係地佢地唔順,又有o的人係咁講今晚係大陸邊度搵女人好,頂,香港真係好多「雞蟲」。

        之後過左二地的關卡之後,老豆叫左一個7人van車我地番去grand mother度,係嫁van仔度我地三條友同埋媽媽唯有係咁吹水渡過時間,大約一個多小時到我地到左,之後見到三嬸好遠叫歡迎我地,我地都好耐冇見,佢又老左啦,之後原來二個呀叔都係度,仲有二嬸tim,今日都算人齊,我二個堂弟都係度,之後我地冇耐就食飯(一個堂弟係5歲一個係8歲,二個都唔可愛同好煩),二個堂弟係佢地呀媽的提點去幫我地添飯,之後佢係二個用手一人拿住一隻鵝脾係度食,一路食一個跑,之後佢地食飽之後分別企係我同大佬隔離,我好離佢會用隻手同我「玩」,但不幸的事發生了,佢想用手攻擊我,我當然唔會當面打7佢,雖然我件衫係白色,但好在唔係好深色,我搞完我件衫之後,條友仔仲想同我「玩」,我當然好樂意啦!之後我好左好大力「摸」佢隻手,再問佢:你仲完唔玩呀!同埋你好似仲完洗手呀!所以我強調二個堂弟都係完全唔可愛的,食完之後我同大佬同埋三叔係度吹水,因為我大佬下個月會係大陸番工個QC,間野係布廠的,三叔都係大陸開布廠,所以佢同我同埋我呀哥分享經驗,都幾值得聽。之後我又去挑戰我二叔的象棋,但佢今次勁左好多,佢話佢上次輸左俾我之後佢日日都同電腦捉><捉左二次都輸><都係好勁,之後都冇咩野做,番左上去訓,但空調都好勁。

第二日

     我地一早起左身去拜爺爺,因為我大佬升大學之前都有拜過,個個地方叫「五點梅」,(相傳話O個個山有五點風水好穴,找地的話佢地個後人會好有錢,但宜家都係得四個點俾人搵到)之後我地去拜爺爺,真係好耐都未拜過爺爺啦!我拿過支香同爺爺講左好多野,又諗到好多我細細個同爺爺的回憶,爺爺係我幼年園高班的時候過身的,雖然我印象都唔係真係好多,但我仲記得爺爺見我每一次番黎都叫我坐佢大脾,又摸我,用佢好粗糙的手同我玩,佢真係對我好好,但好都算完成佢的任務,教大左六仔女,爺爺你真係好叻!

      之後我地拜埋陳家袓先,我都係第一次拜,我同佢許左好多個願,之後拜多幾個親戚就去左飲茶,之後去左搵婆婆^^

      一開始見到舅父同舅母,佢地都好似好開心咁,之後仲見到婆婆,原來表姐都番左黎,好耐都冇見佢,佢又瘦左好多啦!但表姐的仔女都係咁可愛,我地三弟係咁同佢地二個玩,之後我地全部人去食lunch,呀姨同佢全家人都黎左,我地都傾得好開心,之後媽媽同二哥自己番香港先,我同老豆同大佬去左姑姐度去搵佢地,因為好耐都冇見果佢地,之後佢地係咁吹水,我都冇咩興趣,睇tv,之後我地去左姑丈度睇佢捉魚,因為佢有一個魚塘,我都係第一次睇人捉魚,真係好得意!hehe我有影睇嫁,遲o的post上網。之後係姑姐屋企食埋飯我地去番去訓,但之後我地去jusco買野,再番去sleep。

 第三日

       我地一起身就去左食早餐,之後又去左三叔間廠,之後三叔個布廠partner劉生都黎左,佢係一個好好勁的top sales,佢把口係好勁的之後我地一齊食飯,飯後地又番去佢地第二間廠,間廠仲大,之後我地呀哥係度聽佢地話人生道理又聽左幾個鐘><之後我地出左去dinner,間野勁好食,我地全部人都係咁飲beer,發覺自己原來幾飲得,之後呀叔話同去見識下......

       就我地就去一間夜總會度,我去到樓下時個心真係跳得好勁,仲好驚tim,上到上去就見到好多好sex的女性係邊,我地坐左一張木台,頂佢,一睇就知佢係媽媽生啦!真係好有雞樣,頂之後呀叔叫佢叫多o的女仔陪我地,shit!勁驚!

      之後發覺佢地係玩制服誘惑,學生果o的呢,你都明啦!之後我地玩下大話「色」,但我都係唔係咁想理呢o的女仔,雖然可以佢地有好多理由先做呢份工,但我真係接受唔到o的女仔咁姣,我知唔姣冇客仔,但呢個真係本人問,題,同埋o的女服務員真係好鐘意坐係人地大脾上面,雖然佢冇坐我上面,但我見到唔知咁點,同埋個夜總會個hi fi真係好大聲,我連唱k都話好嘈,佢果度一定嘈過平時果o的好多好多。講下,如果唔係必要我一定唔去

      之後我地今次去左hotel sleep,好累呀!

第4 日~今天

      今日我地完早餐之後就三條友告別三叔,去左深圳,去左買書,買完之後,番左屋企,好累,但今晚我地又話去游水我仲係屋下見到歐偉倫,我叫佢佢唔認我,佢嬲左我,但一個咁小氣的朋友,講真,真係要唔要都冇所謂,太煩!游水時見到打雷,我太怕死,因為放榜前唔想死住,所以番左home,j,好鬼多人問我星期4晚係唔係去mr lau home,我宜家可以答你唔係,因為mr lau第二日要番工,所以我地要找第二個地方,其實我係想去白泥睇日出,但煩的係,因為唔知果日多唔多人,所以要搵人早o的去留位,又唔知有幾多人去,又要contact,真係好煩!!!!!!唔知點解o的人一有呢o的煩野一定會搵我!大佬,你覺得煩,我唔煩咩?我真係好唔想搞,可唔可以搵人幫下我呀,contact呀,留位呀都要人,唔好成日果番工番工,唔想付出就想我地幫你做?

P.S.其實我都知最後都一定係我做番,但我都係發下脾氣ONLY