今日一早俾我老豆拉左我同大佬出去,六點幾出左去,好累呀!之後坐西鐵去到元朗站,再坐部深港巴士,部巴士都幾新同先進,個坐位都幾舒服,但好似個扶手好矮,搞到我好似就跌就跌咁,但個view真係幾山靚,有個位係經過白泥的,我成日都話白泥日落好靚,原來個view都己經好靚,搵日真係要去下,最好係同子敏一齊手拖手一齊睇日落,諗起都正

      之後第一次體驗到一地二檢的威力,真係勁勁勁勁快,過二個關total唔使三分鐘,我諗二分鐘到,行就。之後我都唔知去左邊,得個行字。之後我地去左juso買左o的搞笑薯chip,同埋餅乾,之後番左屋企,好累但係我尋日話過今日要睇英文,睇左一篇time同查埋字典就訓一陣。

      我好想買過部電話,但又好似好浪費咁,我個電話已經開始打唔到啦,有時message又收唔到,雖然大佬話俾$我買,但真係唔好意思,同埋媽咪一定唔俾,佢又話我識女仔呀咁,唔打啦,溫書先 

      美麗的敏敏

今早呀jay打俾我叫我幫佢幫佢番學校搞覆卷o的野,之後我番左屋企先因為仲係早我覺得o的老師仲要上堂。之後同老豆去左飲茶,十點飲完之後行番學校幫呀jay搞野,但呀jay打黎問我做咩唔幫佢俾o的野老師,搞到我好似唔想佢覆卷咁

      之後番到學校搵左一輪先搵到mr lau原來mr lau係hall 處理english drama club的事,我係門口左佢好耐佢先得閒理我,仲搞到我成身汗之後mr lau幫佢出支票,之後mr law出左黎,一出黎就講:王啟榮係邊呀,我打俾佢,佢好似訓緊咁,佢係唔係真係想覆卷嫁?o的錢係唔係你出嫁?你唔好幫佢啦!之後我幫呀jay「程」清,但佢地都好似都唔係咁信,mr lau仲話o的錢係我幫呀jay出之後好快搞掂左,我番左屋企。

      lunch之後我同呀哥去左買收機,行左好耐都係搵唔到一部收音機又可以聽radio又有得用帶的,頂,搵到好耐都係得一o的好貴的,一部成五百幾,太貴啦!之後買左一部係199的,都ok呀!之後仲買左個鬧鐘,最後買左個78的,幾靚的!

     今晚約左姑媽黎同呀哥預祝佢升到大學,但我就.....今日佢地一黎到我都唔知點咁,佢地係咁話呀哥好叻好叻,佢地又冇話我,唉...佢地一路講,我就一直無地自容,我都唔知點好,之後媽媽拍一拍我個頭同我講:乖,乖,你一定得的! 我都好內疚,點解我要屋企人為我擔心呀!我真係好俾心機嫁,點解一個c都唔俾我呀!媽咪我認承你,我今年一定會盡力讀,你以後一定會有好日子過我宜家的目標係3A,希望大家會支持我,俾O的勁NOTE我,仲要多謝JOJO,佢俾K KWOK NOTES我,我愛死你,我想問大家知唔知邊個補CHEM係好O的嫁?我一定會盡力的,我要LKT後悔冇要到我

我尋晚有個frd打俾我,佢打黎同我講左一o的人生道理,重點如下:

1.我為人太霸道

2.唔識同人相處同埋唔識做人

3.結論:咁會冇咩朋友

p.s.其實我真係唔係好記得你講過的咩,可以的話同我講多一次

之後佢講我phy拿到E係唔係自己太過自信,因為出面的人好勁,佢意思即係話我活係自己世界入面,唔知天高地厚,所以先拿到E。佢仲話出面O的人可能比我仲勤力好多好多好多,所以唔出奇同埋同我講野好辛苦,因為咩都要理由SUPPORT。

     聽到之後真係好HURT,我真係好俾心機讀PHY,我當然知道讀CHEM個回報高好多,PHY又容易失手,因為可能出正O的題目你係唔識的,但我都堅持讀PHY,因為我CE得B,同埋我同呀哥同埋MR NGAN講過我要A俾佢地睇,所以我呢二年都係攻PHY,日日都做一年MC加一份KEN CHAN PRACTICE KITS同一份KEN CHAN NOTES。我覺得有人俾我勤力係一O的都唔比奇,但我深信咁的話真係一O的都唔係井底之蛙。我PHY咁自信唔係因為我個人自大,我相信我的自信係來自我的勤力,因為我自信我的努力可唔同收穫唔係1:1,但點都會有少少啦,你可能話我講英文好有自信,係我口才好好。但我同你講呀,我中4的英文ORAL勁差,係因為我自己唔知醜,係咁日日講英文,有時係MTR見到鬼佬又同佢地傾下計,係書店見到又傾,所以先慢慢大膽左,我敢講你地先覺得我勁,但其他你地諗真O的,其實只係我敢試而你地唔敢,所以我比你地行得快....火影個呀凱老師同小李講過:不相信自己的人,沒有努力做事的價值。所以我知努力不一定有回報,但我知我唔勤力係一定會後悔。的確我收到張CERT時真係好HURT,仲HURT得好勁,但我都係冇後悔,因為我冇付出過的話就唔可以唔開心,最少我試過MA

TODAY

  今朝叫左何軒陪我番學校搞APPEAL(覆卷) O的野,因為我唔見左張成績表,真係好驚俾MR LAU X,但原來MR NG一早同MR LAU講左(因為我之前同MR NG講左),佢地對我太好啦,學校REPEATE同埋APPEAL都唔使成績表都OK,但因為我可能出去搵學校用。之後MR LAU會同校長講,個成績表個簽名佢簽錯左,所以佢希望MR NG可以幫下手做過一張出黎佢地對我太好喇!點解我考得咁差的呀!

     之後去問左MRS SO,問佢會唔會有人要RE,但佢話個機會好細,同埋佢SUGGEST我去夜校RE。之後何軒都話我可以諗下,我宜家仲係諗緊係邊讀好,因為我真係唔係咁想讀日校,因為一個新環境要時間適應又可能又有好多誘惑例如女仔,所以我都唔知點好...俾O的意見呀