尋晚番到黎之後,打埋個blog再等埋個頭乾都差唔多三點幾先有得訓。今朝老豆六點幾就拉左我起身陪佢飲茶,真係好眼訓。之後打jay打黎叫我陪佢出黎打table tennis,番到屋企再搞埋今晚生日會o的野(都話唔鐘意做搞手)就出左門口,行去合益果面,先發覺自己唔記得帶銀包,銀包入面又有打波張票,又有今晚訂蛋糕的收據!所以冇計,唯有跑番屋企拿,果時都差唔多一點四十分,番到屋企用左十一二分鐘(我約左佢地二點鐘係賽馬會的)之後去打的去,頂!又塞車,坐左十五分鐘先去,之後去到都成身汗。

     原本我地係打二個鐘的,之後打打下我地又加到三個鐘,打完之後呀jay要番屋企搞dd野.我同,土去左m記吹水同埋食左少少野。之後我地三個一齊去左拿蛋糕之後去左元朗廣場等其他人,天然最早到,我地傾左一陣之後,子敏同jojo先黎到,子敏今日真係好sexy,佢著左一件黑色的貼身背心,我都差o的忍唔住流nose血,jojo宜家染左個頭,同埋黑左,型左好多,真係溝死女!之後等埋何軒我地去左一間cafe叫1984,一開始我地玩同埋傾計先,之後妮同埋sammy都黎埋,妮今日著左一件露膞的衫,搞到我地都唔知俾咩反應好.....

    之後又係傾下計同埋食下野,o的野食真係黎得好慢,最後我都唔記得玩過咩。埋單就係一人一百,再加五十開cake費,之後加野個cake151,每一百三十七.一,但最後我唔知做咩出左二百六十幾shit佢,搞到我破左產宜家邊度搵錢去大陸玩呀><

之猴子腦篇

       今日老豆同我說了一個真人真事的故事,他有一次回鄉去了一家酒家,酒家是食野味的,有一個野味是這家飲家的招排菜~新鮮猴子腦。我老豆當然不敢食啦!但他又非常好奇,他見到隔坐有一個人叫左猴子腦,酒家是用一個鐵圈固定一隻生猴子的,大家可以想像成金剛圈,牠的二腳是不著地的,一個猴子腦要4百,吃之前收了錢先,之後個廚子,一刀將猴子的頭斬開,但鮮血並不是得多,他再加了少少白酒在牠的頭內,用一個勺子掏了個猴子腦出一個碟上,可以看到個猴子腦仍在不定跳動,猴子只有不定的流淚和號叫,叫聲充滿在酒家內,個大陸人叫了一口之後,大叫了一聲「好!」不久個猴子又死了,四百元也袋袋平安,個食客都十分滿意。不知是否人們看到猴子腦十分美味,很多人都叫了一客,聽說連我的叔叔又想叫,但我老豆他說:不了!會折福的!究竟我老豆是不敢食還是好人了,我不知道,但我只覺得他做了一件好事。

       廣東人只要四腳朝天便會吃的,這是人所會知的!好似五爪金龍,穿山甲,果子狸,貓頭鷹...就連現在的二十億田鼠現在也要攪一個田鼠宴,所以有人也說過廣東人是所有動物的天敵。河南的鼠災其實又都要我們們咎由自取的,廣東人把所有田鼠的天敵好似果子狸,貓頭鷹(不包括人類)通通放進肚子內,所以如果廣東爆發SARS的話,也是低佢仆街的。(注:仆街不是粗口)

     今日約左呀嬌姐姐出街,原本係約佢出尖咀的,但佢話個con有o的野,唔出,所以我地又變番元朗一日遊^^一開始我地係元朗廣場等,之後同左姐姐去左千色的眼鏡店,之後我地去左睇mobile,因為佢話想轉,之後我地影movie,但元朗戲院去到又冇,之後又去番百老匯,等左一等,去左睇變型金剛,個movie真係好一般,但個內容有幾個位都ok感人,下之我先討論,姐姐睇睇下都訓著左^^之後睇完佢問番我o的內容。之後去左馬天尼食,我地食到間野收門^^之後因為佢太累,我地坐西鐵番,之後送左佢番屋企。

       我今日真係諗通左好多野,我明白到朋友係分幾個level,有o的朋友你可能真係好少見,但你可以同佢傾到好多野,因為你有好多野佢唔知,咁即係有好多話題,但又有o的朋友,因為好少見而冇野傾,因為佢又好多野唔知。呢個answer(因為佢好多野唔知)真係好好笑,我立即諗到厚黑學,面皮要厚,心腸要黑......

p.s.睇唔明最後果道就算,我係同自己講的    唔覺唔覺,原來有一千個visitor,真開心