∼ 雪　發呆地 ∼
當失憶症和錯亂症還未很嚴重前，記下事情的發生。
suetyee : 個人主頁 - 相簿 - 訂閱  [ QOOZA - 論壇 - 登入 ]
suetyee
暱稱： 怪雪
性別： 女
地區： 北區
«‹ September 2026 ›»
SMTWTFS
12345
6789101112
13141516171819
20212223242526
27282930
最新文章
•笑容回來了
•永別了... 世傑 >...
•井底之蛙？
•鹿鳴春鴨鴨夜
•你的離開也是愛...
訪客留言
最近三個月尚無任何留言
網站連結
•Rango
•Suki Chan (幫人化粧)
•月餅
•二鳥
•三姐
•阿大
•細細妹
日誌統計
文章總數： 688
留言總數： 1089
今日人氣： 92
累積人氣： 19450
站內搜尋
RSS 訂閱
RSS Feed
2005 年 9 月 5 日  星期一   晴天


戎~戎~戎~ 分類: 爛玩組乘七

返早其實大致上無咩野做，但見卡露咁忙- - 有點兒唔忍心
不過佢 d 野交唔到比我做的，我能做的就只有...不停地騷擾佢 & 增加佢的工作量~
有個客話我前天答錯佢野...但我真係記得我無答過
但佢又好確定話係我答佢的，唔通...我真的失憶？真係唔記得了...
比 d 客激到我啤啤聲... 喉嚨都痛... 唔想講野，最後決定聽歌!
今日見到Sales Dept 阿仁同客傾計的魄力及壓迫力真係勁
真係要向佢學下野先得，唔係遲 d 出到來隨時比 d 客恰返轉頭

放左工未咁快走住...留低同 d 同事玩下，還是那一句：別說我愛公司..
未走時咪幫下手做下野，大家也辛苦了...
時間過得幾快，好快就要走人了
約左阿媽去行街街，行到我...腳累了 ~ 真係大出血... $ 呀~ 別飛走!

呢排要戎...
戎...成日粗俗地講個... "頂" 字  << 真係要忍忍忍!
戎...欠缺了一向那耐性及溫和
戎...出手打人動手動腳 ~ 但同事們你地實在太好打了 ~ 呵...
發表時間：2005-09-06 01:13 AM  [ 訪客留言(3) ] [ 編輯日誌 ] [ 分享至FACEBOOK ]


2005 年 9 月 4 日  星期日   雨天


想通了？ 分類: 靜靜的生活

今天返早，感覺好多了，好像尋回自己la，明白到總不能讓身邊的人擔心!!
雖然未算完全變返好心情，但我沒事的!! 頂得住!!
如果我都頂唔住，如何支持身邊的人呢？
公司 & 人 ... ... ... 我都要努力!! 因我有著一班好同事 好朋友 的支持及分擔^^

放工後去到上水幫 Vincci 買飛，等回覆的時候入左商務睇書
原來已經好耐無睇書了，好多書都想睇想買 >v< 但...不如去台灣掃吧!
唔知有冇機會去呢？行過旅行社順便看下旅費的價錢，看後再想想..>v< 好想去!!
感覺心情好多了 ~ 原來...只是想想也足夠了 ~ 知足便是歡樂

Really Really THANKS ALL OF YOU!!
心情未算好晒 ~ 但至少現在的情況不用大家擔心了!

發表時間：2005-09-04 10:00 PM  [ 訪客留言(8) ] [ 編輯日誌 ] [ 分享至FACEBOOK ]


2005 年 9 月 3 日  星期六   雨天


慨嘆人生...= =! 分類: 繼續齊撞聾

傳說一個人每嘆氣一次，就會殺死身邊一個幸福精靈...
又聽說，每嘆氣一次，生命中的幸福便會減少一次...
但...今日的一個早上...我已經嘆氣了足足有一百次之多- -!
同事們也忍不住問，難道一句 "唉..." 的嘆氣聲，變了我的口頭禪？
只覺得嘆一聲個人好似輕鬆 d，雖然唔見得有咩好轉...

放工後本來約左表妹的，但她還在家中呢 ~ 所以不約佢了
阿三 & 蕭同學打來問出唔出去聚聚，好耐無見蕭同學了>.< 都有2年啦
一見...哇，佢成個日唔同左!! o_o 嚇親我，不過佢d 面部表情還是一樣的多 ha
發癲地影完貼紙相就閃去新光了 ~ (>"< 不過我好似唔係太投入呢)

本來今日約左CUSCS佢地的，但無奈我真係想放多 d 時間係屋企人身上
所以 sorry，爽約了，遲些吧，我會盡量抽時間的

近排心情唔太好...- -!開始連自己都唔清楚自己煩乜諗乜...
不用擔心...沒事的...給我一點時間吧，好快會回復以前。
自己的心需要自己去破解，有你們在旁默默地支持已經足夠了!
發表時間：2005-09-04 12:49 AM  [ 訪客留言(3) ] [ 編輯日誌 ] [ 分享至FACEBOOK ]


2005 年 9 月 1 日  星期四   晴天


今日...紋紋地 分類: 爛玩組乘七

九月一日開學日，但已經跟我沒關係了，放著那永遠也不會完結的暑假...
有少少羨慕學生們呢，有點想回返去以前的生活

零晨時份又是大家的活躍時間，在談論著那公司的問題
吼!! 最後結論：叫他們去死吧！(他們?!)
如果唔係現場感受，我都唔會知到現實係幾無奈...同埋失望
真的要說一句...算了算了...咩都變晒, 仲想點?! 靠自己吧

阿爸又在打單時把程式搞垮了...唉...講極都唔聽...想點
近日心情不佳，今日特別唔好= - 好像連之前的一丁點胃口也沒有了...
但為免大家擔心，還是把食物放進肚子內，但聽說沒胃口而去食野會仲傷身的...

正想看喵的日記，發現已經封鎖了-_=!! 郤意外地發現了佢的畫!
很利害，畫了咁多 o_o 好佩服佢呢!!(因為我是畫畫白痴..) 請加油囉!
剛收到阿lok send 的 "吉祥三寶"，幾得意的歌，謝謝你!^^

P.S.  Vincci 今日你來比我時，正在幫爸打緊單，所以聽唔到電話喔>.<"
發表時間：2005-09-02 01:24 AM  [ 訪客留言(0) ] [ 編輯日誌 ] [ 分享至FACEBOOK ]


2005 年 8 月 31 日  星期三   晴天


閒日的早上返工 分類: 爛玩組乘七

為了那快將滿到迫爆的mail box，決定check晒去
點知一check就4點了...=0= 仲要返早...
差 d 唔知醒，再遲多10mins起身就唔使返工了...

返早大致上都幾空閒，時間係有但 d 野又唔可以係呢更做到
小白未走住，所以一齊同Wingo傻 ~ Wingo...簡直上晒線個隻
係咁講國語(佢話係"敏南"話)，小白又答佢時講潮州話(好似係..)
無奈我係普通話白痴- -! 聽不明不特止還把意思 "丫" 曲了 ~"~ "敏南"話 變左 蠻男= =!
仲之一整個早上都是笑笑笑，笑到流眼淚，嗚...>.< 你地整喊我

放工時= =個PM的做事方法...真係有點兒那個...完全不理大家生死...
唉..點算... (幣..我又殺左個幸福精靈啦><") 我要請假一整個星期 ~~ 唔想理>"<

今日再諗返我未來呢幾個月想點呢?...我唔知...暫時未有好確實的計劃
但...好多野真係唔想去諗...是時候放手了？該怎樣做？要靠自己了
發表時間：2005-08-31 11:12 PM  [ 訪客留言(7) ] [ 編輯日誌 ] [ 分享至FACEBOOK ]


2005 年 8 月 30 日  星期二   陰天


訓覺...訓覺... 分類: 靜靜的生活

本來話今日去睇戲的，睇1:00 pm 場，但點知... 唔知醒= =!
oh no...>"< 好想去!!~ 但沒法子啦！
訓醒後再幫屋企打埋 d 單，打到我...頭都暈...好亂喔!!
所以最後去左訓覺-_+ 又係訓~ 之後就起身食飯

覺得呢排出街玩的次數多左好多~
但唔緊要啦，而家唔玩之後無得玩了
發表時間：2005-08-30 10:16 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 8 月 28 日  星期日   陰天


練仙...唔使訓 分類: 爛玩組乘七

打機打得慶起...鬧人也鬧得慶起，只小睡了半個鐘，頂住!!
坐火車時，企係到都訓得著，真的厲害!!
返到公司還是半睡半醒地訓了一個早上
還好沒有影響工作表現，只是感覺鈍鈍呆呆的...
有時突然失憶...想著自己身處哪裡呢? 怕怕..

精神差，難道撞野的機會率也高？在廁所聽到有人拷窗...
但個窗無開，亦望唔到人影...但d聲越拷越密...o_o!!驚!!
希望只是人地裝修d聲...聽錯聽錯聽錯...唔諗唔諗唔諗...

本來諗住放工後在公司小休一個鐘，但原來肉丸表哥急要部相機@@"
趕忙交帶了事情便離開公司，去到(女麻)(女麻)家頂唔順訓左1小時...

呢排無心情，胃口都無乜...就來訓都唔太想訓...唔通我真係練仙？~"~
哀...我真的要努力! 但講同做又是兩回事...
發表時間：2005-08-29 12:48 AM  [ 訪客留言(4) ] [ 編輯日誌 ] [ 分享至FACEBOOK ]


2005 年 8 月 27 日  星期六   陰天


充實的一天^^ 傷心 分類: 爛玩組乘七

零晨打機後，因為要返早，所以訓左2粒鐘就彈左起身!!
收到好多比人鬧的電話，non-stop個隻...
九成係公司錯，但又無得賠，想點..?只好繼續比人鬧
我也開始有少少悔氣，聲都沙，心情也有點不爽..
連食野心情都無，算 ~ 慳返!

由於去新光同親戚們聚會，>v< 好耐無見la
未夠鐘，係公司同源妹 & Rango 傻下鬧下傾下怨下咁就七點了
走個時見到柏樹女朋友 @.@! 好瘦 ~ 輕飄飄的感覺

食飯個時收到喵電話話出來睇戲 咁突然？呢排有少少愁，出去輕鬆下都好
但愛生事家庭的成員們怎會讓我好好的離開呢...還說要審問我= =!
去到先知原來佢唔係跟CK二人世界!?(笑) 係通宵四人幫^^ 哈
睇 "朱古力獎門人"，套野幾得意的，好笑
我都係第一次坐第二排睇戲，睇到暈船浪...@@"
最後返了公司打源妹，原因...報導錯誤 haha~

返到家便再開始打機生涯了 ~
(突然發現...今日大部份時間都係公司過, 可別說我愛公司呀!)
發表時間：2005-08-28 11:45 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 8 月 26 日  星期五   陰天


沈迷打機again... 滿足 分類: 靜靜的生活

近期打機、打機 & 打機
唔想做其他野，沈入打機中，唔使諗咁多野，good!
我諗都係減壓的好方法
不過好似真係太沈迷了...哈...成日都夜夜的訓~
發表時間：2005-08-28 10:15 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 8 月 23 日  星期二   陰天


天氣放晴，本日宜 BBQ! 分類: 爛玩組乘七

落左幾日雨，天文台話只有今日陰天無雨，所以決定去燒野食！
即興係我地的習慣...仲有車，good ! 再諗慶祝理由，咁就去玩了 ~
只可惜Andy要返工，Kelly 跟 Rango 昨晚找不到，所以未算齊人

6:30pm 屯門 M記等，仲呃到杯雪糕食，嘻! 但我好似未入過屯門...
齊人後諗住坐免費巴入去，但等極都等唔到，只好坐巴士嚕 ~
先頭部隊已到達龍鼓灘，我地屬於後者
成班人玩下傻下癲下咁又一晚啦，難得! (但幾時先可以齊人?)
11點回程了，有人要返工，有人明天返早
一行七人，五人坐車走，我跟Yen自行坐巴士
架巴士等左好耐都未到，係咁餵蚊...
終於出返市中心，發現尾班巴士開左o_o! (好在有小巴返上水)
上左小巴，但等齊人先開車，咁就等到12點先開車 ...
亡命小巴30mins到上水，但miss左架火車，好在仲有火車但要10mins後...
1點鐘返到屋企，就去沖涼嚕

沖完涼出來，即刻電話響@.@!! 原來佢地已經打左10次來...
大家也在擔心到底我安全回到家未...sorry...>"< 去左沖涼..
咁岩電話係袋入面，屋企人睇電視聽收音機聽唔到...
仲驚動埋卡露o_o!! 真係唔好意思... 勁過意唔去，要大家擔心了!
因為平時放工都係差唔多呢個時間，所以唔為意要打電話報平安...

^^真的謝謝您們！同你地真係好好玩好開心 ~
公司無乜好... (唔好找我尋仇)，同事是最好!! >3<
發表時間：2005-08-24 05:40 PM  [ 訪客留言(1) ] [ 編輯日誌 ] [ 分享至FACEBOOK ]


« | 60 | 61 | 62 | 63 | 64 | 65 | 66 | 67 | 68 | 69 | »