| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 5 月 10 日 星期三  |
| 心情怪怪 |
分類: 燕子飛呀飛 |
公司又有人唔做了... 流失得真快
而爸在食飯時再問「幾時轉工？」唔想答... >"<
雖然呢到成日要OT, 而且仲細過應該出去見識多點
但d同事都算好, 而且習慣了少少, 暫時想定下先
不過他真的很想我轉工, 也許很快便這一天吧?不知道
左邊的手腳又再痛了... 痛得有點不自在,
但唔再跟家人說啦, 免得增加擔心 & 更強烈要求我唔好做
給了自己的空閒, 突然在想佢也頗辛苦
任性...? 把話收收埋埋?? 唔會知想點... ?
到底自己在發什麼傻?
也許中午擔心到傻左, 連胃口也減少了...
|
| 2006 年 5 月 9 日 星期二 |
| 返來喔 ~ |
分類: 靜靜的生活 |
抖左咁多日, 終於今日魂魄返來啦 ~ 開工做野!
之前個幾天又真係無乜心機做野, 都唔知仲乜
今日睇e-mail 話每早一碗「十米粥」就可以能醫百病, 真定假!?
如果係真, 我會想叫嫲嫲試下食, 要身體健康呀!
新聞依舊在說會考英文卷用web出貓,
但咁多個格仔要填仲要4個ans差不多, 真係有人會用 d 時間去記住?
值得咩, 用晒 d 時間去記個part, 唔代表份卷會合格, 每分每秒都好緊要喔 |
| 2006 年 5 月 6 日 星期六 |
| 扮自遊行 ~ |
分類: 靜靜的生活 |
放一天假又要返工了, 無帶個心返公司, 好在半day
食完個遲來的早餐便開始呆呆的, 不知不覺間就放工了
好!! 要開始比返 d 心落份工到先得 (暫定)
放工後... 旺角 > 紅磡 > 尖沙咀 ... 超笨的方法到達尖沙咀~
以多粒墨魚丸當午餐 >v< 正!
再逛 city'super, 感覺良多, 收獲 ~ 零食一袋
今日目的地 --- "星光大道" 出發!!
經過鐘樓見到有得上去!!?? 原來係個維修師傅唔記得關門所以先入到去
好想去睇下 ~ 但錯過了時機 oh!! ~ 失敗!
謝謝您! |
| 2006 年 5 月 5 日 星期五 |
| 行行行 街 ~ |
分類: 繼續齊撞聾 |
由於夜訓, 起身已經知道趕唔切去... 所以食埋 lunch 先出去
食左之前同事送的日本公仔麵 x2, 如果唔係都唔知幾時先試到
因為要開爐煮架... ha, 好在今日阿媽肯幫手~
去到西田找埋「一二三六」就進行我地的行街計劃
但d人多到呢... 好似執笠咁, 人一多就無心機揀野 (我地無做師奶的潛質)haha
買左 d 野, 影埋一張有成10個人頭的貼紙相= =!傻的...超笨
之後約左 Vin 佢地行街 , 請左佢地食Pizza Hut ~"~ 好貴呀 =0=!
走前問左一個一直也沒有答案的問題, 到而家都係無答案
佢講的野, 確係.... 唔知比咩反應... 不過都謝謝給我的意見
明天又要返工了, 雖然返半日, 但唔多想返... 對工作失去了熱誠...>.< |
2006 年 5 月 4 日 星期四  |
| 重返的第三天 |
分類: 靜靜的生活 |
大家好 ~ 我又回歸呢個網絡世界啦, 實在跟大家有點疏遠了
係時候努力記返下 d 野 la, 不過無上網的呢3個月, 發生都幾多野
重點是... 哥哥出院了, 隻腳努力康復中!! 拍拍拍, 掌聲鼓勵 ~
今日係公司hea, 悶到呢, 係有野要做, 但我又無心去做呀...
返工等食飯, 食飯等收工, 呢排個人都無乜心, 最後出左Reception 到玩
暫時諗唔到想寫咩住= =!有點亂
主要報過平安及通知大家 >v< i am back!! ha |
| 2006 年 4 月 19 日 星期三 |
| 還是老樣子~"~ |
分類: 愛搞事家庭 |
公司近來好多事, 實在沒有什麼心機, 睇淡左~
唔為d "o靚" 著想的阿head, 實在有點激氣
d 工作越來越多... 怎麼搞的... 開始超出我文員仔夢想的範圍... 救命
今日又派左一個job比我... 嗚 ~ 唔要ar
明天reception 開始放假啦, 到底之後會點呢...
個個都去旅行~ 澳門, 韓國, 泰國到到齊
阿哥手術後已經在康復中, 佢都好努力咁做物理治療
仲有我部腦個底板正式要買過塊, 阿媽話總之唔等, 算啦, 點都無所謂啦
其實都有開心的事, 不過唔寫住 ~ 累了
+ 暫時個腦閉塞... 咩都諗唔到, 遲 d 先再寫下呢個月記啦, 哈 |
2006 年 3 月 23 日 星期四  |
| 呆呆的 |
分類: 愛搞事家庭 |
我離開左大家成個月... 開始想要返自己部機 ><"
屋企條線總算連得返, 安慰了... 總要搞返好等阿哥返屋企渡假時可以用
係公司的我進入超忙狀態... d 死線去晒月尾, 到時仲有冇命呢!?
睇到大家好努力咁寫, 突然又有返少少衝勁想寫, 想講野比你地知
訓唔著, 好精神, 但唔舒服, 想嘔, 嘔得出, 但我唔會咁易放棄嘔出來架!!
原因? may be飲左杯咖啡! may be 暈車浪!? may be 心痛...
口話無野, 但接收到怨氣電波.. 不是有心隱瞞, 只係真的唔記得左
餘下沈默... 唔知講咩好... 知你唔開心但無法令你安樂...
看著你... 更心痛... >"< |
| 2006 年 3 月 20 日 星期一 |
| 手術 成功! |
分類: 愛搞事家庭 |
阿哥前日做完手術啦, 不過要等佢物理治療先知康復的情況
星期日去左探佢, 同佢傾下計發下癲玩下咁 ~
阿媽話未見過佢咁好心情(仲有笑添), 問我同佢講左 d 咩... ha
不過可能係做完手術鬆左一口氣, 所以阿哥心情都變靚靚
雖然對人就心情好好 但= =!自己近排就呆呆咁...
唔知自己想點... 身心疲累... >0< 好想去旅行呀,
工作...好煩... 唉...
開始唔太鍾意個上司... d野又...
吼~~~ 煩死~
<發下癲only>
星期六放左一個短假, 開心呢 ~ 休休閒閒咁總算叫做有休息吧!?
嘻，唔話你知 |
| 2006 年 3 月 16 日 星期四 |
感動上線  |
分類: 愛搞事家庭 |
屋企 d 電腦終於搞得返上網，但係我部機仲未搞好...
不過還算感動的, 都要多謝 Vin 給的website, 所以才看到大家寫的野
見到大家的近況有點心"up"+擔心... 大家要快快樂樂咁生活呀!
希望朋友們唔好因為我瞞住佢地而嬲我喇...>"< 我唔係有心架...
只係好多野唔知點講之嘛... 嗚, 你地都唔明嗚...
阿哥明天做手術啦... 佢今日仲同個醫生少嘈...
看來心情還未好轉呢 ~"~ 我仲要係咁煩佢上網 d 野添
唉, 我咩都唔知呀...唔理la... 唔係又同佢吵都似
暫時咁多, 累了, 還是個句「好掛住你地」唔好忘記我呀 ~~~~~ |
| 2006 年 3 月 10 日 星期五 |
| 生活閒事(加長版) |
分類: 愛搞事家庭 |
呢排好多事, 但...我的失憶更加嚴重...已經忘記昨天的事...
真係擔心點解腦筋咁差... 可能要食d 合桃補腦先得, 唉
阿哥暫定17號做手術, 但佢的心情未見好
一來佢預期手術前可以行到路, 但而家情況...
二來日日都有個傳教人來煩, 話咩你唔信就唔會行得返! 頂!
咩人來架!!恐嚇咩!!唔該尊重下人(病人)得唔得, 唔信咪唔信囉!
佢夠膽係探病時間出現, 睇我鬧唔鬧死佢呀拿!!
(*我係慶架啦, 以上內容唔聽就唔好睇, 謝謝!)
呢2個星期...只係返屋企食左2~3日飯...
大家都係晒呢排約...真係呢,玩死... d錢倒水咁...
而近排個人又有少少燥底, 係咁同人嘈...搞咩...
公司Admin同HR玩合併, 變左又委派多左野我做, 得一對手...點做...
個新同事坐係我對面, 佢都話好似咩野都關我事, ha
我的夢想達到啦!! 哈哈哈!! 夠皮嚕~
睇到阿大,二,六去左台灣, 好好玩! ...嗚~好想去旅行!!無得去...
日記只睇到呢到link過去個d, 所以唔好意思呀...
要等到屋企部電腦好返先可以追返你地d日記la...><"
實在太耐無講野la~~打得長左少少添~ ha |
« | 55 | 56 | 57 | 58 | 59 | 60 | 61 | 62 | 63 | 64 | ... | 69 | »
|
