∼ 雪　發呆地 ∼
當失憶症和錯亂症還未很嚴重前，記下事情的發生。
suetyee : 個人主頁 - 相簿 - 訂閱  [ QOOZA - 論壇 - 登入 ]
suetyee
暱稱： 怪雪
性別： 女
地區： 北區
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•笑容回來了
•永別了... 世傑 >...
•井底之蛙？
•鹿鳴春鴨鴨夜
•你的離開也是愛...
訪客留言
最近三個月尚無任何留言
網站連結
•Rango
•Suki Chan (幫人化粧)
•月餅
•二鳥
•三姐
•阿大
•細細妹
日誌統計
文章總數： 688
留言總數： 1089
今日人氣： 71
累積人氣： 14923
站內搜尋
RSS 訂閱
RSS Feed
2007 年 3 月 17 日  星期六   晴天


依舊想訓.... 分類: 燕子飛呀飛

星期六本身係最休閒既一日，今日要執返間亂到爆的Meeting room，好倦，但至少而家就見得下人啦，免得到時俾人鬧啦。今日講開「六四事件」，一路都以為係64年發生... 原來係89年6月4日... 即刻俾人問我出左世未 -0-!!串咀... 有時覺得呢到打工，同事真係唔錯架，走與唔走都係唔捨得 d 同事，開開心心又一日，不過我要學會踏出第一步去改變先... 有勇氣繼續向前行嗎？

今日係火車站跌左張八達通，有個好心人叫住我，突然覺得好人還存在的，因為張八達通用了全月通，一唔見就冇左之前個discount架，感謝那位好好先生！

個人企係火車都訓得著... 到底幾時先補得返 d 睡眠時間呢？好累
發表時間：2007-03-17 10:51 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 3 月 16 日  星期五   晴天


無得作反嚕 ~ 分類: 燕子飛呀飛

由於零晨3點先訓，今日一早都差 d 唔識起身，坐車仲要中中下咁釣魚，實在訓得太唔舒服啦，手手腳腳仲要未好返... 痛ing，不過今日都有好多同事請假，返工都無乜心情...

LUNCH前收到60蚊電話約出去食飯，不過帶左飯，雖然想出，但推左嚕，係呢到做咁耐，好少可會咁出去約食飯。

工作一直做做做... 知道好多野做，但又提唔起勁喎 ...

OH ~ LoLo返來啦，冇得作反嚕 ~~~~

發表時間：2007-03-17 01:18 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 3 月 15 日  星期四   晴天


週年晚宴 舉行啦 分類: 燕子飛呀飛

已經為春茗的事忙了2天，因為冇乜時間去買禮物 (要待批)，所以全部都放到最後好急咁做，而魔頭就唔會理咁多，佢好努力咁ban ban ban，令到負責game個邊的同事都好唔鍾意，好似未試過 d idea係未ban過，要求多多但佢唔會幫手，完全唔知實情有幾煩。我已經學會了一點點如何和她溝通，所以大致上ok，只係佢迫 阿圈 做野，而阿圈又唔敢駁，實在炆... 唉, 要看化了~

不過買野過程都幾得意，有時 d 路人甲仲會問我地買咁多係咪好平 ~ 笑! 昨晚將 d 薯片放晒入個紙皮箱到方便拿，但大家都以為我地咁大力抬得起2個箱，真搞笑。

今晚因為企得太耐同埋抬野太多，所以手腳四肢都好痛... 倦到明天唔想返工... 諗下好了~ LoLo今日已經上左大陸嚕~ 雖然係冇皇管日子，但同樣都冇左人關心 ~ ha ~ 不過都係幾天呀
發表時間：2007-03-16 03:08 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 3 月 13 日  星期二   陰天


Annual Dinner 倒數 分類: 燕子飛呀飛

今日 Annual Dinner 依舊放工要去睇野買，之後就約左佢 二人世界，不過知道佢好倦，所以都拿拿聲叫佢返屋企抖下，亦都知道了佢星期四返大陸啦，可能要到星期六先返落來，好少會咁的分開，有點唔慣，搞到講BYEBYE時好似見到有人有眼水，唔知呢，不過一切都要小心啦。

知佢倦，擔心佢明天唔夠精神返工，叫佢去訓，點知佢竟然在試遊戲機話遲 D 先去訓，實在激死我啦... 最後冇佢咁好氣，少少吵架feel收線。 本身先話要改左自己 d 脾氣，但點知呢頭就做唔到了，太難忍了~
發表時間：2007-03-14 01:51 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 3 月 12 日  星期一   晴天


怨 ~ 分類: 燕子飛呀飛

全日都在忙 Annual Dinner d 預備功夫，我是禮物組之一，但個list 遲遲都唔批，咁又點買呢 ~

放工決定同公主去沙田買住 d 先，始終都要交功課，到時咩禮物都冇咁點好呢~。而LoLo今日就同女同事去旺角買Wii，因佢熟間遊戲舖，估到佢地會食埋晚餐，雖然個同事我都識仲成日見，但就越諗越氣憤，仲咩同女仔單獨出街架!!(我冇冇冇冇吃醋架!!) 在旺角的路途中時，向公主投訴時講左句 (我就係要講佢是非，等佢可以係我面前出現俾我打!) 點知 o_o 迎面咁見到，好邪 ~ 真係一早唔好講人，交談左幾句之後就各走各路了 ~

其實一路都只係講下笑扮吃醋，但點知心情真係影響到有 d 唔開心... 我應該唔係咁少器架! >"< 唔開心... 唔鍾意 ... 唔知呀... 不過我都要收斂下 d 臭脾氣... 比人怨我啦 ~"~

發表時間：2007-03-14 01:36 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 3 月 9 日  星期五   晴天


MSN 做善事 分類: 未分類

在別人blog中看到的，大家在msn前有個 I'm的標誌，咁就有機會每次傾計做到善事啦，雖然未必同到外國 d 朋友 MSN，不過有心都夠了。睇睇下列網址~ 不過要用8.1 msn version 先睇到個符號

http://www.uwants.com/viewthread.php?tid=3565043&extra=page%3D1
發表時間：2007-03-11 10:06 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 3 月 6 日  星期二   落雪


驚蟄 ~ 有人生日快樂！ 分類: 愛搞事家庭

3月6日，驚蟄，冇去鵝頸橋打小人，因為年三十晚買左新鞋踩小人，希望真係可以無晒 d 小人啦。

今日係LoLo誕生日慶典，登登登登!!早就約左放工去食自助餐，佢自己決定的~哈~ 地點「尖沙咀州際」，去到覺得自己真係真見識少= =!，見到好多貴氣人家，連侍應生都講英文 o_o 哇! 香港貧富差別都幾大，我地都係因為張卡有優惠先來食。不過食物都好豐富，有海鮮龍蝦、翅、好多好多既甜品，不過享受一次就夠嚕，因為實在太貴啦 ~ 而且我又唔係咁識享受的人，不過有人開心又冇乜所謂。

送左一張砌砌生日咭 & 領呔 一條，買呔的原因係因為以前電視劇通常都會送呔，中毒太深所以照樣學樣，但我實在太冇決定力啦，動用到2.5個人去決定，感謝 貓貓 的建議 & 圈圈的包裝技術，將禮物包成一扎花。分左2次送生日咭同禮物，不過預備時間不足，加上工作問題，搞到無心機去諗點慶祝 ~ 好在佢冇介意，嘻! 不過唔知佢係咪真係鍾意條呔呢 ...

原來為人製造驚喜係咁難架... 我諗上年我生日確實苦了佢，哈哈！謝謝
發表時間：2007-03-08 02:13 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 3 月 2 日  星期五   晴天


心情呆呆 分類: 燕子飛呀飛

自從上次入房照肺後，心情都未見太開心，雖然心意已決，但難免有影響，同事們感到有點問題，都會上前問問，至少非坐房級的都知我的工作，不過最搞笑是 紅毛大佬 & "媽媽" 的串咀對話，謝謝各位。或許我入世未深，最捨不得的會是班同事。貓貓也講過，人... 一個一個的走，公司已經無乜好人了... 再請囉，我相信世界總有好人在的，只是好人活在這裡就太辛苦了...

他 讓我發了好幾天脾氣，感謝在忙碌的工作中依然有耐性地聽，辛苦了！早在事發的一天已送上膞頭一大個 & 紙巾數十張，知道他好怕有人喊，但他還是讓我喊過夠，最後送上慰問及支持，謝謝您！我就是這麼犯賤，又唔開心又辛苦都還是要繼續落去..
發表時間：2007-03-03 06:17 PM  [ 訪客留言(1) ] [ 編輯日誌 ] [ 分享至FACEBOOK ]


2007 年 2 月 27 日  星期二   晴天


死心... 累了... 分類: 燕子飛呀飛

對公司好失望，既然吃力不討好，為乜仲要堅持呢？

「唔做野又冇交帶」，到底係有人失憶定有人失職？好一句「你仲有冇心係到做」... 好記得!

未分清誰對誰錯，總之就一定係庶務部錯，值得咩？

連續答左3次既答案，都可以話逃避問題冇答過，火遮眼定選擇性收聽？

做錯會認，打就企定，但唔好A字膞卸到落黎就得個屈。唔該鬧既問題分清誰是當事人。

流了好多不值得的淚，心死了，抹乾淚，何不找個吉日倒數吧。

學到血汗錢是咁有血有淚。為工作的歷史增添咁精彩的一面，真是啟蒙老師。
發表時間：2007-02-28 01:13 AM  [ 訪客留言(4) ] [ 編輯日誌 ] [ 分享至FACEBOOK ]


2007 年 2 月 7 日  星期三   陰天


公司發癲中 分類: 燕子飛呀飛

又有一段日子冇寫嚕，代表部電腦仲未好返... 而公司都忙。而家公司有CS啦，係之前走左個個~ YEAH ~ WELCOME BACK TO 好人有限公司，都叫做office有返 d 聲氣，唔使靜靜靜，得我一個發癲。不過佢話search到呢個blog，實在太意外啦!!等我係到講多 d 是非先 ~ 哈!!

暫時keep到早收工，唔再開咁多OT，放工咪放工囉，只係 d 野真係好似堆山咁堆，我已經好努力令到個位整齊 d，只少可以睇到張台面先，而且仲要清埋左右兩邊延伸出去的雜物，係時候動手了，唔係就清唔切。眼見HR繼續俾人 "迫" "拍"，看來佢都習慣了，旁觀者就覺得慘囉... D人想做到成績出來，都冇理由咁對 d 細架嘛! 個個都係咁，都睇慣了，做野...迫唔來的，只會增加討厭感。對 阿虎 依舊沒什麼好感，睇唔到可以學到咩... 呵，在這學到了忍耐力 及 EQ。本身佢做 d 野都比左我... 想點? 人真奇怪，到底是靠有經驗還是人事才可坐到呢？真的會什麼到不懂嗎？有點掛住舊人...

市場部將公司間會客室整亂左，放晒成堆海味一路都唔執，老闆娘放工時竟叫我地幫手執，仲話而家係要解決問題而唔係推來推去，超! 咁點解庶務部只係執野執遲左就要比人出e-mail話，偏心得來仲要講埋 d 丫理 ~ 睇你唔起囉。佢地忙，我地要幫手執，咁我地忙呢？咪又係自己執。佢地跑到數，到底有幾多真係關佢地事？冇人"照顧"佢地做唔做到先，做到又唔同講法。公司的細路永遠都唔識大，永遠都係要有人照顧，仲扮勁。呢到... 走左都唔使幸 ~ 同事講得岩，既然呢到唔係諗住待一世的工，何不早點出外找一份更值得係果邊儲我的年資。揀個吉日先

公司好多人都在變...
發表時間：2007-02-01 02:09 PM  [ 訪客留言(7) ] [ 編輯日誌 ] [ 分享至FACEBOOK ]


« | 45 | 46 | 47 | 48 | 49 | 50 | 51 | 52 | 53 | 54 | ... | 69 | »