呢排已經做到冇停手，怪獸(阿head) 要我找的資料已經想將個死線延遲，點知個死線提早明天要起貨，一整天我也好乖咁努力上網，冇做其他野 >"< (除左MSN)，不過原來8個鐘頭係咁上網係好辛苦架，傻架！返到屋企都唔想上網...做到我又頭痛發冷，又傷風復發，最大獲係眼訓... 最後小睡了一會再開工，實在好想明天放假一天，但我又冇病... 唔可以咁既，不過我最後係拿左份野回家努力
M&M (HR同事) 同 圈圈(reception) 而家齊齊玩MSN，教壞左佢地添，本身佢地唔玩架，哈哈！ 放工，行左一陣先走，但其實尋日同今日都好倦... zZzZ
早上個鬧鐘又再次呱呱叫，又係時間返工，但個人都仲係唔想返工，無奈醫生只係寫左一日假，所以... 還是乖乖的起身吧！~~晨早仲要發夢「撞"野"」...超驚...不過好似話發 d 咁的夢代表有財運，唔知係咪真架呢？
經過一日的封閉，我台面有好多紙o_o! 最後花了一整個上午解決晒！實在唔想令我將混亂的台再亂落去，我會發癲的 ~ 而今日收到「那頭豬」(老闆) 向全公司發e-mail，表明以後send 給大家的e-mail必須正統的寫內容 (例如: xxx out of office) ，咁我承認之前好錯咁send過一個半開玩笑的mail出來，那頭豬扮晒野話唔公開邊個犯錯，>"< 但用我之前個mail forward出去，算咩呀，扮君子？呸!! 骨子裡還是個小人!!! 我記住你!! 你老闆 以及 狐狸同事，你地咪叫我做野！
食左火藥的我夜晚去左食元氣，不過可能太嬲了，沒什麼胃口...事件一堆接一堆，實在氣得我差點>"<，不過後來心情都好多了。元氣卡 還餘下2個印仔就完成了！努力!!想起那超正斗的軟殼蟹手卷，以及謝謝您一直同我食元氣 >o<
今日請病假，一來真係唔舒服成身倦倦的，二來想偷懶，上幾個星期已經想抖下，但因為要睇住 d part-time，所以先冇放到。在睡夢中通了幾個電話，打返去請假、叫人起身、有人出門口啦，不過其實都訓到昏昏迷迷，最後12點先起身，坐左陣就落去睇醫生，某人就開心啦，唔使擔心又肯自動去睇醫生~
第一次睇醫療卡既醫生，以為會是是但但啦，點知個醫生又幾好喎，我只係講左有鼻水，有d頭痛，有d咳，有d骨疼... 點知最後就比左咁多藥我 (當然唔會全部食晒)，我諗呢到都會收$180吧？咁大支咳藥水... 對網絡醫生有點改觀了~ <---- d 藥都多得幾得人驚....
返工前沖涼，點知凍親... 樣衰，咁岩公司整地，d塵飛晒入來，完全冇心機做野，星期六都係抖下的好 ~做左 d 無關痛癢的野，但 d 塵加速左我 d 鼻水 >"< 好辛苦
放工去左飲茶，好滿足，本身話晚餐由我煮飯仔，佢實在有太大的勇氣去試啦!! 但都係下次先。成個人累到唔想郁，所以冇行街，租左隻碟返去睇。返到去已經想訓，攤屍左一陣就被發現啦 ~ 當然我唔會話唔舒服啦，免得要人擔心 (仲要食藥添)。
夜晚有好豐富的晚餐 (肯定比我煮的好食)，有鍋貼、餃子、小籠包、炸魚蛋&魷魚鬚，再加杯豆漿，完美的組合。不過之後就俾人發現傷風了 >"< 被迫食「一d都唔幸福的傷風素」x 2。中西合壁，買了「熱檸樂煲薑」話可以驅風，第一次飲，感覺比西藥有效，好多了，感覺自己像患重病 (呸...)，好累好累咁再次訓著左...
估到佢會擔心，所以冇出聲話唔舒服，最後被警戒唔准再唔講...其實只係想佢少一份擔心，成個樣表現晒出來，上上落落樓咁多次，仲要照顧這個細路女... 辛苦晒 >"< 唔知講咩... 但超感謝有您在身邊 >//< 希望我也有能照顧你的能力...
黑色星期五的心情，由朝炆到晚，氣死我了 >"<
一早回到公司怪獸已經係咁哦哦哦..., 係到嘈話要教返準公司打卡機，佢已經冇乜野做，但依然好努力咁點我地做野，我更2度比人捉入房... 一入房工作量又再增多了... 要我做的是我最不願意的打電話找資料，得閒諗咁多野又唔見佢自己做囉... 咁關我咩事喎! 在考驗我的EQ嗎？今天用了一整天做勞作 - 貼紙仔，吼~ 又要對字型, 麻煩~~ 她整天都沒事幹，又來煩我了... 還在我前面轉來轉去，氣爆!! 幸好有M&M請飲野~
本身諗住放工去找他... 但他說不用了，其實有少少炆，但不堅持了，打了電話回家返去食就氣衝衝的收工，不想發脾氣，還不如下街走走。今晚火車好多人，好多自私不理旁人的人，心中咒罵，更被後方捉住擺手的人打到個頭(數幾次)，本身已經唔多舒服，想嘔又暈... 心情更差...回到屋企已經好累了 >"<
p.s 別誤會，我跟他不是常吵架的，只是之前記載的大部份都是不太開心的事
p.s.s. 阿姐今日做滿一年了，代表我在這公司也差不多留了 1 年... 時間過得真快 ~
又係好耐冇寫過... 呢排實在冇乜上網，全心工作 (你就想)，等我回顧下呢排發生咩事啦 ~
10月6日 中秋節公司難得早放2小時，放左工去左買冰皮月餅(賣晒)，返左屋企換衫再出阿嫲到食飯，食完飯 "外賣仔" 已經送來冰皮 ~ 辛苦晒! 跟住去了行沙田，中途玩「笨蛋有緣遊戲」，結果... 自己攞黎衰 >"<。由於睇戲未夠鐘，所以去埋朗豪坊，第一次上到頂，有 d 驚... 最後去睇 "黑拳"，越睇越驚，變到唔睇得暴力片了...
10月7日 坐早船過大海，旅行去好多但反而咁近就未去過，呢日似捱難 (講笑^^) 也許太忘形了，食左一個唔飽的早餐後，係7:00pm 先記得食野，一路落order，一路喊肚餓 ~ 哈！去左好多地方，仲入埋賭場，不過佢唔查我身份證呀 >"< 唔通我個樣老左!? 酒店個邊由於房間問題，免費upgrade去 商務房 ~ 超開心 ~ 萬歲!
10月8日 呢日時間 free d，大部份時間都係食，夜晚仲食壽司，上左觀光塔，只係比人嚇死，個樣呆到冇反應，下次會小心睇住條路，唔再去你唔想去既地方，乖乖地咁係身邊。回程時已經好累，船上訓著了，因為要坐巴士所以行了那一直都唔想再行的路，回到家執埋野就去訓了 ~ 仲要返工 =0=! 超累...
* 今年第一次冇同六撞慶中秋 >"< 要等到下年了~ 下次帶禮物給你們補數吧~
心情不佳已好幾天，每每電話都是好好的開頭，超差的完結
雖然心中想著一大堆疑問，但記得前幾天說的心碎... 無意中影響到別人...
言詞要小心了。到現在要拿個平衡應該如何管呢？不知道...
那就不如不管了 ~~ 更輕鬆 ~~
釣魚中... 眼訓... 上面打了什麼!? 忘記了 ~
自從星期日去完大陸回來後，呆呆的...
返工沒什麼動力起勁，只是交到功課便可以了。
很倦，心情有點差... 胃口還可以，但人好累
亂諗野嗎？我想沒有... 有在亂想其他東東？我不知道...
這感覺並不好受，大家也在同樣辛苦...
發生什麼事？自己嗎？我不想認... 思想不在我控制範圍內
係公司偷懶睇人地 d blog, 見到有個人寫得好吸引 >v< 好勁呀, 深深被佢吸引左, 我都要學下先得 ~~~ 不過最衰冇bookmark個個網 ~ 而家找唔到嚕 ...
公司 d 新政策次次都加重我的工作量，難道我跟他們真的有仇嗎？把通告send到舖面，然後又要打電話落去問收唔收到，15間呀 ~~ 不是一個小數目... 今日收工時仲要突發性來個 "急件"，明明已經過了 office hour, 一句「唔該呀~」就使死人，佢地就可以早早收工，太可惡了 ~~ 我不依!! 還害我8點鐘才走，中途已經發過無數次火，吼 !! 還好阿爸沒有怨太遲回家，不然...嘿, 要佢地好受！
返工上半場, 個人呆呆地... 下午就好多了, 有返精神串咀下, 不過很累... 超感謝公司請左 part-time 幫手入資料, 輕鬆不少 ~ 可以分散下 不過台面還是亂亂的... 放工已經唔執台, 反正明天又係咁, 懶得就懶 ~ 本來想影, 但實在多到入唔晒鏡!! 哈哈 ~~ 因為已經霸左幾張台...
我諗要有 d 恆心執返個相簿先, 好多相影完又冇左件事.... 點解咁懶架 ~!! 好多野想執想做, 但時間跟心情 又跟我作對 ...
終於叫到人去訓了... 又話唔舒服, 又話累... 仲唔去抖, 激死... 我炆時佢又炆, 吼~~~
個死線提早明天要起貨，一整天我也好乖咁努力上網，冇做其他野 >"< (除左MSN)，不過原來8個鐘頭係咁上網係好辛苦架，傻架！返到屋企都唔想上網...做到我又頭痛發冷，又傷風復發，最大獲係眼訓... 最後小睡了一會再開工，實在好想明天放假一天，但我又冇病... 唔可以咁既，不過我最後係拿左份野回家努力
，扮君子？呸!! 骨子裡還是個小人!!! 我記住你!! 你老闆 以及 狐狸同事，你地咪叫我做野！
(當然唔會全部食晒)，我諗呢到都會收$180吧？咁大支咳藥水... 對網絡醫生有點改觀了~
<---- d 藥都多得幾得人驚....
