∼ 雪　發呆地 ∼
當失憶症和錯亂症還未很嚴重前，記下事情的發生。
suetyee : 個人主頁 - 相簿 - 訂閱  [ QOOZA - 論壇 - 登入 ]
suetyee
暱稱： 怪雪
性別： 女
地區： 北區
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•笑容回來了
•永別了... 世傑 >...
•井底之蛙？
•鹿鳴春鴨鴨夜
•你的離開也是愛...
訪客留言
最近三個月尚無任何留言
網站連結
•Rango
•Suki Chan (幫人化粧)
•月餅
•二鳥
•三姐
•阿大
•細細妹
日誌統計
文章總數： 688
留言總數： 1089
今日人氣： 21
累積人氣： 14990
站內搜尋
RSS 訂閱
RSS Feed
2007 年 5 月 20 日  星期日   雨天


朋友...謝謝你(們) 分類: 爛玩組乘七

本身約左六撞打羽毛球，但發覺傷風仲未好返，手軟腳軟，所以都係抖下了，但之後又會諗同佢地見面的時間已經少左好多，或者...好多原因，俾左好多藉口(定理由?)自己。當去到唔開心既一刻 ... 我真係唔想諗咁多，都係逃避算了，不去問。

講起朋友，昨日見到好耐冇見既喵奇online，一傾先知原來佢去左台灣工作已經6個月有多... 聽到之後感覺有點怪怪，原來已經咁耐咁耐冇聯絡，跟佢傾左少少野，但已經發現同大家有一定的距離，一直都唔想去面對呢種感覺，人...真難理解，曾經諗過主動去找佢地，但之後又冇左個動力同勇氣。
發表時間：2007-05-22 12:49 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 5 月 19 日  星期六   雨天


持續病中 分類: 燕子飛呀飛

食左藥冇咩精神，真係想唔返工，但知道阿圈會專登返來執新舖 d 文具，所以都係返 ~ 仲買左超good早餐配搭來獎勵自己 (由某人100%贊助) 熱熱熱既三文治 + 柯華田走糖，之後就要食藥啦 >"< 不過半日都唔知做左 d 乜咁就收工嚕 ~ 都成3點鐘先走。

請 阿圈 去公司樓下間 "板前壽司" 食lunch + tea time... 一邊傾計一邊食，大家都感到公司太多野變左，已經唔再係以前，或者要向前看吧... 心有點累，我地都唔捨得公司，曾經努力過，亦都開心過辛苦過，不過算啦 ... 變質後係冇得返轉頭。

他放工後煲湯 - 蕃茄薯仔湯(+"算"頭可以驅風)，晚餐有著落，我都覺湯水可以留住一個人，只係我地身份調換了。晚餐好豐富以 "斬料" 為主，有叉燒、燒鴨、燒腩肉、福建炒飯，都有少少眼闊肚窄，不過好開心既一餐，因為有落足心機既湯~
(其實中途叫我落街買 "算"頭時我係有打比阿媽求救點買先叫好，所以唔係我叻，haha)
發表時間：2007-05-21 01:28 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 5 月 18 日  星期五   雨天


一星期 2 次病假 分類: 燕子飛呀飛

頂包醫生睇個時又話傷風 2 日會好返，點知食完3日藥，鼻水又不停流，本身已經想唔返，但今日要教人入資料，所以頂硬上，返到去教完人 & 睇左佢做一陣後就請病假抖抖了 (哈~ 唔通咁都叫對份工冇心咩)。本身想拆個醫生招牌，點知開會未返，最後轉左去睇另一個搞笑醫生，我問醫生 d 藥會唔會眼訓，佢反問我想點，我答可唔可以唔太眼訓但又有效，醫生笑笑口話盡量啦，咁即係點...

返屋企食左藥抖陣就出去睇Sammi 演唱會，所以要精神~唔係就蝕架啦！演唱會幾好睇，d fans好熱情。去到最後Sammi冇預到encall，散場個段野都告示都播左出來，點知大家懶死唔走仲要係到叫，燈又開到光晒，連 d band都散埋，都諗住冇架啦，意想不到真係出返來，仲好串咁話冇巴士走係到懶死，好光猛環境下聽埋最後一首歌就完場囉 ~ 拿拿聲返去訓，明天仲要係長週。

睇演唱會前同埋佢 d 同事食晚飯，但一出火車站落好大雨，行到佢屋企附近先攞把遮，再接佢收工，都算唔話得啦 ~ 哈哈! 難得做返一次好女朋友模樣 (其實係唔想自己淋雨)。
發表時間：2007-05-21 12:22 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 15 日  星期二   晴天


病出來了 分類: 燕子飛呀飛

意想不到今天真係病了，可能掛住阿圈掛到病，哈哈。本身諗住今朝睇完醫生就去返工，但都幾嚴重，所以都係抖一日。可能平時慣左要返工用腦，去到9點個時都訓唔到，起左身去飲早茶，之後就睇醫生。原來本身個個醫生放假，找左另一個來頂包，佢求其是但到呢... 入左去唔夠2分鐘就可以出返來等攞藥... 我唔係來呃病假架 ~~ 俾 d 熱誠好喎 ~~

突然有一日假，都唔知做乜好，最後係屋企打下機，執下個blog抖下就算囉，希望明天可以好返啦，返工日子已經在倒數... 唔夠時間做咁多野~

 

∼ 個blog暫時又冇乜問題嚕，密切注意中。∼
∼ 我唔係有心唔俾你地睇，只係佢會自己連去另一個有毒既web，而個毒 仲要係木馬程式... 都咪話唔驚。∼
發表時間：2007-05-15 04:12 PM  [ 訪客留言(2) ] [ 編輯日誌 ] [ 分享至FACEBOOK ]


2007 年 5 月 14 日  星期一   晴天


帶點呆... 有點病 分類: 燕子飛呀飛

第一日在冇阿圈的日子中返工，唔知係因為病病地定係咩，今日全日都冇乜精神，連笑都少左，感覺只係覺得有點悶悶的，可能真係未慣咁的日子啦，今日先係第一日，不過依然好努力咁清緊野，但 d 野好多，都唔知清唔清得切... 好想有人接到手，無論會員資料定係庶務部，都唔想將呢一年辛辛苦苦執好晒既心機白費。 邊個話我冇放個心落去做，過份!

可能今朝早係梳化到凍親，全日都流鼻水，返到屋企仲嚴重，最後食左藥，睇下明天使唔使去睇醫生，唉... 不過唔想睇醫生。

好多野想做，但有心冇力。
發表時間：2007-05-14 10:02 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 11 日  星期五   晴天


最後一天在公司見阿圈 分類: 燕子飛呀飛

阿圈的走，一直也是個事實，今天便是我跟她以同事身份的最後一天。其實心情這幾天一直也不好，始終最夾最有默契的是佢，佢的走未免令我有點難過。我跟佢今日都好情緒化，不同在只係我台面所有野都係今日deadline... 早已決定唔流淚的，因為咁只會令佢更唔開心，早已在昨天回程時哭夠，好讓自己今天能保持笑容。其實我真係好累，一路都有太多的衝擊啦，實在沒法令我安靜。

前排信我已遞了，實在太忍不住其他人的處事方法 及及...... 好多好多，我已想清楚了。真想自閉.... 唉
發表時間：2007-05-13 11:07 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 9 日  星期三   晴天


差差.. 分類: 燕子飛呀飛

今日屯門店開啦，但只開15日走鬼檔，雖然日子係得個半個月，但都有好多野要執落去 ~ 唉 勞民傷財，時間仲要好迫切添。最後我梗係又執少左野啦... 俾賺錢部打左5個電話來問，咁只好乖乖地運返 d 物資落去。之後就好努力咁清台面，入返過晒期都未入的會員資料，好想執到周圍 d 位都乾淨，所以要努力了!!

OT 到8點先收工，因為佢 D 同事約了係旺角食，不過今餐飯食得唔係咁開心，個心總係有 D 唔開心，因為阿圈就快走了... 之後日子點過呢... 唔諗還唔諗，但都越來越傷心，好累。今晚晚餐冇乜點食野就飽了。
發表時間：2007-05-10 12:57 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 5 月 8 日  星期二   晴天


心情矛盾 分類: 燕子飛呀飛

已經好耐冇寫啦... 實在提不起勁，亦都冇時間，有時會想寫來幹啥？還是做個隱閉青年吧... 呵!

阿圈差不多last day了，唔捨得佢架，好掛住舊office最開心的日子，唔知冇左佢的日子會點呢？今日因farewell 阿圈，所以跟舖面同事去食晚飯，一邊打邊爐一邊哇哇叫，真係好開心架，有時真係覺得呢間公司唔係差，但又唔可以叫好，好在佢有一班好員工。但食飯時我又會諗，呢個情況都唔會太多了，之後見面都少，感覺帶住矛盾，有點唔開心，唔識形容。

岩岩過去既一星期，好嬲好嬲市場部，將我一直以來儲落的怒火差 d 爆出來，已經俾人碎到死死下，仲要出聲話我冇心睇住 d 會員資料，我真係好想講，如果我冇心就唔使同你捱啦，佢地只會覺得自己辛苦... 算了，我唔駁咀，身心好倦，都唔知為乜，想當日我緊會員資料時你地都唔知係到做緊乜啦... 好激氣咁過左幾日...

佢知我唔太開心，星期六特登去 和民 食，希望日本野能令我開心返。星期六的安排，超感謝你的體諒及帶我遊街 ~ 我有感覺的，對我咁好我會內疚架... ...唔寫咁多嚕
發表時間：2007-05-09 01:53 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 4 月 5 日  星期四   晴天


補祝兒童節 分類: 愛搞事家庭

清明節，9點鐘起身，準備12點到達柴灣拜山，清明比重陽多人，好熱鬧。其實我地似聚餐多過拜山，所以今年搞搞新意思，帶杯麵 !! 我諗... 下次可以帶菜上去煮，哈哈，大家都食得好開心。

夜晚預去睇戲，下午已經買定飛，諗住陪佢睇恐怖片＜魔翼＞，已經懷住驚驚地的心情，去到仲有見到好多細路添，佢話d 大人為左想睇戲就帶埋 d 仔，咁我都未覺得奇。入到去睇到迪士尼片頭，以為佢賣廣告，仲覺得咁搞笑做恐怖片做睇 d 咁cute既廣告，點知睇左差唔多30分鐘，先醒覺原來係睇緊＜羅拔神奇家族＞，即刻呆左o_o!! 以為入錯戲院... 原來係佢做的好事，佢話兒童節當然要睇I級片啦，好笨咁睇完套戲，幾好笑架。 兒童節大餐當然去食日本野，哈哈 ~ 我大晒!!所以去左和民 ~ GOOD! 好滿意的慶祝活動 ~ 謝謝 !!
發表時間：2007-04-06 08:19 PM  [ 訪客留言(3) ] [ 編輯日誌 ] [ 分享至FACEBOOK ]


2007 年 4 月 4 日  星期三   晴天


兒童節!! 分類: 左思右亂想

今日兒童節，在我心中，今天永遠都係開心既節日，永遠都係我大晒 !! 哈哈 ~ 真想永遠也擁有天真 ~

活得糊塗，也活得快樂！

感謝還當我是兒童節主角的人，開心的。
發表時間：2007-04-04 02:38 AM  [ 訪客留言(0) ] [ 編輯日誌 ] [ 分享至FACEBOOK ]


« | 43 | 44 | 45 | 46 | 47 | 48 | 49 | 50 | 51 | 52 | ... | 69 | »