∼ 雪　發呆地 ∼
當失憶症和錯亂症還未很嚴重前，記下事情的發生。
suetyee : 個人主頁 - 相簿 - 訂閱  [ QOOZA - 論壇 - 登入 ]
suetyee
暱稱： 怪雪
性別： 女
地區： 北區
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•笑容回來了
•永別了... 世傑 >...
•井底之蛙？
•鹿鳴春鴨鴨夜
•你的離開也是愛...
訪客留言
最近三個月尚無任何留言
網站連結
•Rango
•Suki Chan (幫人化粧)
•月餅
•二鳥
•三姐
•阿大
•細細妹
日誌統計
文章總數： 688
留言總數： 1089
今日人氣： 44
累積人氣： 14896
站內搜尋
RSS 訂閱
RSS Feed
2007 年 7 月 1 日  星期日   晴天


回歸10週年 分類: 未分類

回歸10週年，咁就10年囉 ~

記得1997年回歸 ... 我仲係中一 (哎呀, 透露左年齡出來添)。由於解放軍會途經學校門口，所以叫左我地7點返去學校歡迎佢地，超晨早!! 有史以來咁早返學既一日，天都未光晒，超誇張 ~"~ 點知返到去就話解放軍提早左經過，坐左陣就散band，即係.... 運吉!! 之後呆下呆下咁諗住行商場 (未開...)，最後去左食M記早餐就返屋企了... 好無聊既一日....

回歸.... 令我下定決心學游水，本身我好驚水，但阿媽恐嚇我...「如果回歸有咩問題，就要游水返大陸架啦 (好似 d 人要移民咁)，全家都識游水，你唔識游冇人救你架」，由於個時太天真啦，真係信，所以好努力...學識游水 ... 去到今時今日我都會問阿媽，香港回歸中國，游水返大陸仲咩!? 哈 ~

發表時間：2007-07-05 12:44 PM  [ 訪客留言(2) ] [ 編輯日誌 ] [ 分享至FACEBOOK ]


2007 年 6 月 30 日  星期六   雨天


七劍 ~ 再見還是朋友 分類: 爛玩組乘七

七劍... 好耐冇聽過既名，對上一次同佢地見面都一年前了 ... 真係好耐冇見佢地... 時間過得快，呢一年大家都變左，喵都已經去了台灣6個月後返來，大部份人都已經唔再單身 ~ 但依然怨氣，哈!!

今次齊人，仲多左 ck & 小白既另一個，而目的地已經移到旺角一間 cafe，齊齊打 NDS 孖寶賽車 + Wii Mario Party，鬥到你死我活，原來我地係孖寶迷，大致上大家都冇變到，依然咁鍾意玩... 不過遲 d 喵又會返台灣了，此情此景又再改變。

咁耐冇見佢地，同佢地都叫做仲有話題，開心架，始終呢班係以前 "波波波" 出生入死既兄弟。返公司玩大富翁 ... 通宵打機 ... 俾警察拍門投訴 ... 去M記狂飲贈飲咖啡 ... 實在有夠癲

... ... 下雨天  總掛念  從前 ... ...
... ... 球場上那可愛笑臉 ... ...
... ... 突然又已一年 ... ...
發表時間：2007-07-04 03:14 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 6 月 26 日  星期二   晴天


I'm Back from Langkawi 分類: 森林野餐去

2007.06.21 - 2007.06.25，5天的浮羅交怡渡假生活過得好快，好唔捨得架! ~ >"< 我地都好鍾意呢到!

雖然7年前去過，但都咁耐，又未試過自由行。不過最後我既擔心係多餘既，因為人實在太好啦 >0<，佢地總係笑容滿面 (無論警察, 過關 或 舖面)，而且溝通方面 Dino d 英文「洛洛聲」，同佢地傾計仲流暢過同我講野.... 有個英文了得既人仲使乜擔心~~ 不過/_\ 相比下我英文太差啦!! 真係要進修下啦... (俾佢串!)

今次見識到好多野，自己搵路plan行程，參觀唔限時限刻，不過洗費就會多左，但值得好玩 ^^。住個間酒店唔係高星級(已經full booking)，仲好森林feel，食飯會見到白鴿、松鼠、貓，朝早有雞係附近雞啼，夜晚聽到猴子係屋頂叫。

呢次旅行開心收到雪人公仔, 氫氣球 & 其他禮物，超豪海鮮餐，佢肯坐纜車上山 4次船 4次飛機 (雖然知佢驚)，相處既時間多左，又肯陪我發癲...
但唔開心在... 同佢吵架，為爭拿袋 (低能!)，佢顧住訓覺而唔食生果... 為左支雪茄而心痛...
而我更唔見左等左3年既生日禮物.... 真係好心痛... 知佢努力咁令我開心返.... 多謝

有機會先寫返旅行 d 事出來啦，不過曬黑了 ~ 換皮中
d 相懶懶中... 未有恆心將佢放上網~.~
發表時間：2007-06-28 05:14 PM  [ 訪客留言(4) ] [ 編輯日誌 ] [ 分享至FACEBOOK ]


2007 年 6 月 20 日  星期三   晴天


放假，其實每天都在放假 分類: 森林野餐去

明天就開始去浮羅交怡啦，未執野... 本身係跟團 變左 自由行，意想不到既改變，雖然唔係咁想自由行，但都試下啦，會全5日都住浮羅交怡。

由辭職去到今日都已經3個星期，比以前更精神 (變年輕了!?)。不過老實講，都要多謝舊公司既訓練，對一個新人來講，呢年半既生活係辛苦，但獲益良多，始終冇佢地既對待，都唔會有今日既我 ~ 但由於已經到頂了，所以係時候引退，哈哈! 雖然比之前走遲左，但走得都算合時了。
發表時間：2007-06-20 03:40 PM  [ 訪客留言(4) ] [ 編輯日誌 ] [ 分享至FACEBOOK ]


2007 年 6 月 19 日  星期二   晴天


7天沒有網絡的日子 分類: 靜靜的生活

經過 7 日冇得上網... 我確實有點悶，不過買左 d 電腦game和書，以及出下街搞下機票，返舊公司攞野等等，都令我呢7日過得好充實。

星期一上唔到網，等阿哥返來check完打左去維修部，冇人聽留言；
星期二朝早再打book期為星期五4~6pm；
星期五師傅上來話個上網機壞，但冇機係手....有冇搞錯!!；
再book期星期一6點上來。今次終於上返網了

和記個邊亦都俾我鬧都抽筋，叫埋其他人打去鬧，最後由一個叫做客戶關注小組既部門覆左我，雖然佢 d 解釋係一個又一個既大話，不過都冇辦法，佢亦都講下次有咩問題可直接找佢，佢會盡量縮短等待時間。睇下點 ~ 但我都唔想佢再壞...

發表時間：2007-06-20 12:24 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 6 月 10 日  星期日   雨天


星期天 APM 行街 分類: 靜靜的生活

今日出左去APM行街，又係 d 藥力發作，所以變左1點半先出到去。先到 Cooked Deli (即係food court) 揀野食 ~ 哇，個間食咖喱既超正!! 又香又好食，推薦!!  跟進就開始我地的行街，我地真係好少可星期日出街，仲要去咁多旺既商場，好在今日都唔算好多人。

呢排發書癲，書興大發，入左三聯書局到睇書，我諗係俾個日書局內個路人甲&乙(詳情請看前幾篇)的說話感動左。見到「標童話集」&「偽科學鑑証」(即係有聾貓故事)，本身都冇諗住買，但佢 d 幾格漫晝又幾搞笑，都幾貴下... $88，就當支持下本地創作買來睇啦，本身都ok架，但返到去先睇到其中一本書面是俾人睇到曲晒 ~"~ 真係千揀萬揀囉.... 好，算啦 ~ (呢排做左施主，成日都算算算~)。

晚餐去左觀塘「青葉」食，因為實在諗唔到食咩，之前都食過，唔錯架，好過旺角個間添 ~ 不過亦都好無奈，我仍然係要戒口，所以係冇乜野食得... 超蝕呀!!! 努力食菜食菜... ha ~ 我就來似減肥多過戒口了，always 食素 ~
發表時間：2007-06-11 12:44 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 6 月 9 日  星期六   陰天


想去旅行既心情 分類: 靜靜的生活

皮膚既藥真係散得好勁，好似傻仔丸咁令到我呆呆下，今日起身已經差唔多12點 ~"~ 太好訓啦 ~~~~

冇出街，晚上去左新光，我都好耐冇去見親戚們。去到知道表妹去完旅行返來，不過太累係屋企抖緊 =0= 咁癲...晚晚都訓少少，大學生的精神真係唔同呀 ~ 佢之後又會出發去旅行啦，我都好想跟佢去~ 布吉，陽光與海灘 ~ 雖然都識佢班同學，不過都係唔好去做長開既電燈膽，哇哈哈哈!! 我覺得我自己實在太識趣了 ~~~~ (不過還是在好想好想去旅行的狀況中...) 就俾我係到發下癲啦 ~ 唔講唔舒服 ~~
發表時間：2007-06-11 12:26 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 6 月 8 日  星期五   雨天


逛逛街 看看書 分類: 靜靜的生活

今日唔使出街亦都唔使學車，決定陪阿媽去上水，至少唔好呆係屋企，但我真係想係屋企抖下，但只好硬住頭皮去啦 (咪好難為咁啦!)，咁當然我都有我既目的 — 商務，因為匯豐卡有折。今次唔再係打書釘，不過好多書都冇，可能沙田個間大，書都齊 d，但唔緊要啦，買左1本書「50個女生想男生知道的心事」，很有趣的書名，內容都幾得意架，雖然早前已經睇中亦都有人話送我，不過個時覺得貴 + 唔知買來仲乜，不過時間唔同，感覺都唔同吧？

其實去完商務我既精力都已經用晒，但阿媽話行下街... 千不想萬不願，咁當然最後都有去啦，都有收獲既 ~ 晚餐食元綠 (最想食元氣)，入到去先醒起我要戒口海鮮... 即刻唔多選擇.... 唔緊要啦 ~ 遲 d 先再食過

收到舊公司同事既電話，投訴而家 d 人好唔掂... 都冇辦法了，幫又幫唔到，當聽下啦，雖然我地既人事變動唔會令到公司死，但郤增加左好多的混亂。新同事只懂一味話我地交低野交得唔好，預計之內，我地已盡了本份，想用我地做藉口都唔係用得好耐，真希望佢地會長大。
發表時間：2007-06-11 12:08 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 6 月 7 日  星期四   雨天


學車 大考驗 分類: 靜靜的生活

第一次落雨中開車，亦都終於可以踩油去到20km/hr，今次好多野學，師傅話我轉彎唔ok，成日都轉得太大 / 細，經過好幾次練習後，終於get到少少，果然係憑感覺，多轉多感受。再來就係學，S位泊車、斜路停車開車 & 窄位調頭。秘訣已經講左，但做又另一回事，只係記得師傅成日都話「快d扭盡左」「快d回呔」「速度要慢，手要快」哈哈，真係要慢慢研究，如果跟到佢既指示，又確係泊位泊得好靚，但渣車都唔係一件易事，又開始擔心泊位考試會唔合格了，要加油!!

食完個午飯 + 下午茶就去左睇醫生，因為 d 皮膚有少少痕，如果之前未resign前去睇就好啦，至少醫療卡都可以幫補下，醫生話要介口，所以暫時食飯都要小心點，希望快 d 好返然後去旅行。晚上去左唱K，唔知d藥勁定太耐冇食藥，個人都呆呆地，玩到11點幾，真係累了，大家明天都要返工，最後他到了旺角陪我吃宵夜便送我回家了。
發表時間：2007-06-09 01:15 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 6 月 6 日  星期三   晴天


宜 理髮 分類: 靜靜的生活

可能昨日學車既關係，好累... 所以我俾自己訓多少少 ~ 打陣機後就去飲茶。

天氣都開始熱，係時候剪頭髮，加上去旅行如果要等個頭髮乾都幾大獲，擇日不如撞日。去到個剪髮師以為我係學生，仲問我拿學生証，因為有折，我個樣有冇咁細過呀= =!! 唔好呃我喎 (如果個樣真係咁細過都唔錯架)~ 點都好啦，滿意今次個新look ~ 唔長唔短 ~ 哈哈! 不過等左好耐，咁就冇左個下午嚕，但就當俾自己抖下啦！

昨日行沙田個時，好少可以慢慢行欣賞下周圍既景物，突然感覺好得意，覺得自己成日忙忙忙，跟本冇時間同精神去管咁多野，果然真係時候要俾自己抖抖!
發表時間：2007-06-06 06:39 PM  [ 訪客留言(6) ] [ 編輯日誌 ] [ 分享至FACEBOOK ]


« | 41 | 42 | 43 | 44 | 45 | 46 | 47 | 48 | 49 | 50 | ... | 69 | »