∼ 雪　發呆地 ∼
當失憶症和錯亂症還未很嚴重前，記下事情的發生。
suetyee : 個人主頁 - 相簿 - 訂閱  [ QOOZA - 論壇 - 登入 ]
suetyee
暱稱： 怪雪
性別： 女
地區： 北區
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•笑容回來了
•永別了... 世傑 >...
•井底之蛙？
•鹿鳴春鴨鴨夜
•你的離開也是愛...
訪客留言
最近三個月尚無任何留言
網站連結
•Rango
•Suki Chan (幫人化粧)
•月餅
•二鳥
•三姐
•阿大
•細細妹
日誌統計
文章總數： 688
留言總數： 1089
今日人氣： 39
累積人氣： 14891
站內搜尋
RSS 訂閱
RSS Feed
2007 年 8 月 3 日  星期五   晴天


由今天再出發 分類: 左思右亂想

所有事情已過去，繼續展望未來，事實沒法改變，只能繼續接受。

閉上眼睛，忍著淚水，努力堅強下去! 我不要再流淚，何時變得這麼脆弱？雪要溶掉了。

感謝各位朋友，謝謝。要你們擔心了，雪人沒事，還是堅強地站立著。
發表時間：2007-08-04 12:58 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 7 月 30 日  星期一   晴天


2007-07-30 分類: 靜靜的生活

既然說話講左出來都可以比人誤會，為你好都似係我假，又既然乜野都話係我諗多左既話，咁我又仲咩要辛苦自己！咩都唔講，順晒你地意見咪仲好，使乜搏咀搞到自己咁激氣！以後都唔俾意見，反正一向你地都覺得係我錯架啦，為咩要係咁嘈，咁做返個假面人，以後冇人駁咀，咪仲好!! 唔該，唔係第一次啦! 到底係我誤解你，定你誤解我呀 !!! 話人前唔該諗下有冇錯先呀! 唔好用個小部份屈我!!

好炆好炆好炆 !!!! 激死我 !!!!!! 仲咩要咁上心!  為咩要咁辛苦自己 >"< 為咩呀! 為咩呀!!!
發表時間：2007-07-30 11:06 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 7 月 27 日  星期五   晴天


忙 ~ 明天出發 - 長洲 分類: 靜靜的生活

朝早落街買牛奶俾貓貓試飲，順便攞Recruit，結果一如意往.... 10分鐘內已經派完，咁多暑期工同我爭... 其實網上都可以睇到內容，但我鍾意派個本，因為可以八卦睇埋其他職位出 d post，會開心 d。

嫲嫲一連幾天入院照腸，本身今日探她，但因為醫院只可 2 個人輪流入，爸媽就叫我不要去了。

見有時間去了公主家幫佢睇睇部電腦，由於找唔到安裝碟，要下次先整到，公主媽開頭問我食唔食蕃茄同蝦米，公主話佢整小食，唔係煮晚餐，點知7點時就見到炒了一大碟通粉 (咁都唔叫做晚餐?)，就係咁留低食飯，不過真係唔明... 點解佢咁都唔算係晚餐= =!!

今晚貓貓開始跳上床了，彈跳力得人驚，要更加留意佢的行動，以免跳樓... 鬧佢或打手手佢都以為係同佢玩...如果佢再唔聽話，就不能再帶過來了，因為太多窗通風，危險!

差不多一星期沒和他閒聊，連吵架時間都冇，感覺在那遙遠的附近 (遠了)。感到抱歉連續3個星期六日拋棄佢，但親情，友情，愛情大考驗，時間該如何分配呢？不能兩全其美嗎？自閉兒... 想咁多仲咩，船到橋頭自然直，反正一早已知自己不是個稱職的女朋友，還是早點睡吧!
發表時間：2007-07-28 02:48 AM  [ 訪客留言(6) ] [ 編輯日誌 ] [ 分享至FACEBOOK ]


2007 年 7 月 26 日  星期四   晴天


寄養家庭 分類: 靜靜的生活

想了很久，也想不到今天發生了什麼事 ... 最後勉強記起少少 ...

貓貓再次寄養在我家 ~ 貓貓有名了，叫做「涼粉」，雖然我鍾意叫佢做 "勒撻 / 貓貓"，要改口嚕 ~ 但據網上寫貓貓係唔會記得自己個名架，叫咩都應。以為佢悶左尋日，今日變乖少少，但一到食飯，又開始發作，明知故犯跳上梳化咬野引我地注意，但又驚俾人鬧即刻將自己藏係個咕臣後面，都唔知好嬲定好笑。

媽雖然都係驚貓，不過已經開始習慣 (永遠都好佩服佢既勇氣)，因為我已經用出街時間就貓貓，未必次次都夾到時間，笨 ~ 點解我要顧咁多呢，又唔係我養... 已經問左佢地係諗清楚, 會唔會冇時間照顧貓貓而放棄，但事實已定只好接受... 一個唔係到住而出面又咁多野玩既人點養? 誤會了嗎? 養 ... 不是白講，不是不用付出和犠牲的。只怪我們心太軟 ... 抵死! =0=

心中既疑問比說出來更大，正確既信心遁時失去 ...
發表時間：2007-07-28 01:50 AM  [ 訪客留言(1) ] [ 編輯日誌 ] [ 分享至FACEBOOK ]


2007 年 7 月 25 日  星期三   晴天


原來變黑了 ~ 分類: 靜靜的生活

今日貓貓嘗試不寄放係我家，放返係佢地個邊，睇下貓貓一個有冇問題，佢地返到去話貓貓好乖，唔似係呢邊咁... 阿哥講笑話我教壞貓貓=0=!! ~~~ 可惡 ~~~~ 今日貓貓唔係到，我自己都整下自己 d 野 同埋 出下街 ~

原來踩單車曬黑既程度仲勁過去旅行! 只係一個吐露港就ko了....香港既太陽實在太可愛啦 ~ 去旅行曬完後會脫皮，皮膚紅完就會變返白，但今次就直接變黑嚕 ~ 唔... 我諗去曬多次太陽就可以變朱古力 ~ 好食 !! 黑黑忟迎夏日 ~

呢排都訓得唔好，成日都發奇怪夢，夢見以前燕子國既老闆開書店，唔知點解路過都會入去幫手做東做西 = =! 之前又夢見返去探燕子國，但唔知點解同老闆娘去左行街睇野... 真係幾奇怪都有~"~ 都冇解既 ~
發表時間：2007-07-27 01:51 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 7 月 24 日  星期二   晴天


停一停、諗一諗 分類: 靜靜的生活

呢 2 日係屋企都好忙 ... 因為多左一隻貓 ...

事源阿哥個女朋友鍾意貓，而佢同事又有貓仔，所以便開始收養了。本身已經想講佢地忙都冇時間俾貓仔就唔好養，但就已經拿左返來，而佢地呢 2 日都唔得閒照顧貓仔，所以暫寄係到...

    就係呢隻 -->     

其實我一直都好怕貓= =! (應該係動物)，不過近呢一年已經大膽左，對住佢都叫 ok 既... 不過經過呢 2 日，佢已經由得意變左頑皮百厭... 仲開始令人激心，話極都唔聽，又要亂跳亂咬野... 差唔多全日時間都用來睇住佢，變左自己咩都冇做到，開始有少少累- -! 精神壓力... 今晚食飯先最忙... 前後捉左佢4~5次.....

或者我冇乜愛心啦... 不過養寵物前，真係要停一停、諗一諗... 到底有冇咁多時間同愛心呢？同埋養佢後要為佢做既清潔呢？真係要叫佢地諗清楚先決定繼續養...
發表時間：2007-07-24 11:08 PM  [ 訪客留言(10) ] [ 編輯日誌 ] [ 分享至FACEBOOK ]


2007 年 7 月 22 日  星期日   晴天


狂玩12小時 分類: 爛玩組乘七

小喵返台灣既日子越來越近，我地當然唔執書，呢個星期日出來瘋狂大玩。

朝11:00相約大圍火車站，我地先去食早餐(係午餐...)，跟住揀好車就出發嚕。都未離開沙田區，喵就話要休息，後來問題都不大~ 滿晒淚水同汗水，一邊踩一邊話咁熱邊個提議踩單車，終於到達大埔吐路港，其實都係唔錯個活動，只係撞正烈日當空咁岩又冇一滴風既情況下暴曬，我地個個都熟晒，紅卜卜。本身話會再踩去大尾督，最後都係放棄，直接去喵家玩Wii算了 ~

其實今日係要同卡露 & 源妹補祝生日，有個好靚既 "豆豆" 蛋糕 (咁岩我一直都好想試)，而我地玩左Mario Party，後玩Wii Sport - Tennis，因為可以4個人一齊玩，全身運動，CK, 源, Yen & 喵激戰，最後由於小白女朋友到達，變成情侶組大戰親情組，Wii 真係用來招呼朋友一流。晚餐由沙田改了出旺角寧記食麻辣火鍋，可能太累都冇乜胃口食野，最後11點幾就散隊~

不過好可惜，最後係喵家都唔記得左影返張大合照，難得既機會~
發表時間：2007-07-23 11:40 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 7 月 21 日  星期六   晴天


新光聚會 分類: 靜靜的生活

其實都好耐冇去過新光同親戚們聚會，確實有點 ... 不過都會盡力抽時間，上星期去完先發現表弟長大了，連諗法都唔同晒。

表妹一家去完北海道 ~ 哈，我當然要去食手信啦，同埋聽下佢地講北海道 d 行程，本身都諗住跟佢地去，不過價錢令我卻步，加上諗住找工做，所以冇去到~ 不過意外地收到幾份手信 ~ 哈, 有雪人電話繩 x 2, 同狐狸型誕生石繩，so happy，3樣都好得意架~~ thank you!!

食完飯仲睇埋港姐添，表妹超激動 ~ 點解冠軍係佢架~ 哈哈，代表我地既眼光同評判唔同囉，最後走個時已經11點嚕... 返到去拿拿聲沖涼就去訓，明早仲要去踩單車~
發表時間：2007-07-23 05:58 PM  [ 訪客留言(2) ] [ 編輯日誌 ] [ 分享至FACEBOOK ]


2007 年 7 月 20 日  星期五   晴天


熱辣辣 打邊爐~ 分類: 靜靜的生活

好耐冇找過Dino，我放假的日子比平日更加少見，由於呢個星期六日都唔會見，所以今晚去找佢食飯。

夜晚未夠鐘食飯，去左睇玩具、扭蛋，至愛Window Shopping，不過今次見到架好得意又好細既QQ搖控車，仲話可以用手提來控制添，不過個價錢就唔得意啦，$79 ~ $1xx不等，所以都係睇下就算嚕。行過大家樂，又想八下個朱古力噴泉係點喎，不過時間唔岩，大家都未去到食甜品個part，所以冇野睇，遲 d 自己去食，不過俾我揀就要香蕉船做甜品。

行完街，見差少少先到打邊爐特價時段，其實都只係平$10，但等下又冇所謂，因為去左掃零食，掃左一大袋，正!! 跟住就去 "京都" 打邊爐，本身送既海鮮頭盤好多野食，放晒落個清湯個邊再加粟米蕃茄，就變左好好味既湯~ 仲加料$8 20隻蝦，最後埋單$170有找，好滿足咁離開 ~

發表時間：2007-07-23 01:54 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 7 月 19 日  星期四   晴天


好耐冇寫嚕 分類: 靜靜的生活

好耐好耐冇寫野啦... 又開始懶了，加上好多其他野發生，個人又開始進入自閉反思期.... 就俾個洞我鑽入去吧!

今日終於有勇氣面對返自己，留返低幾個字啦。
呢排仲未開始找工，唔好問我點解... 唔知，就當我懶想抖抖... 要先搵返以前個心返來，冇左以前博殺既心，咩都係假 (返來呀∼∼喊驚)，不過短期內會找工架啦，因為唔會再等考完車先找工，planning全部亂晒... 想死

學車考泊位踩界肥左，要再補鐘，對自己失望，連泊位咁都肥... 對開車冇信心嚕... 咁岩考前幾天大病... 咁岩呀，但我唔覺得呢個當係籍口，阿爸阿哥都問點解會肥架，我亦只答，唔知喎，自己抵死唔識泊囉，世事就係咁~呵! 緣份要我泊多次~最浪費既係錢同時間...

舊公司找我回去幫手，本身都有少少想返，但諗深一層...就卻步了，唔係掛高來賣，只係原因在唔係我唔交低清d 野，之前我走個時已經問過 d job點，大家都話算數唔理唔重要，咁又何苦大家又要見返我呢個頂心人呢? 呢一年再難聽既說話都聽過，公司唔會冇左邊一個人會死，唔想又跳返入去，努力吧，精神上支持。

怨氣重了嗎? 或者啦，其實我並不是大家睇既咁堅強，少放怨氣出來，只是想減少大家既擔心，就係咁... 再再收斂一下。
發表時間：2007-07-19 05:35 PM  [ 訪客留言(4) ] [ 編輯日誌 ] [ 分享至FACEBOOK ]


« | 40 | 41 | 42 | 43 | 44 | 45 | 46 | 47 | 48 | 49 | ... | 69 | »