∼ 雪　發呆地 ∼
當失憶症和錯亂症還未很嚴重前，記下事情的發生。
suetyee : 個人主頁 - 相簿 - 訂閱  [ QOOZA - 論壇 - 登入 ]
suetyee
暱稱： 怪雪
性別： 女
地區： 北區
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•笑容回來了
•永別了... 世傑 >...
•井底之蛙？
•鹿鳴春鴨鴨夜
•你的離開也是愛...
訪客留言
最近三個月尚無任何留言
網站連結
•Rango
•Suki Chan (幫人化粧)
•月餅
•二鳥
•三姐
•阿大
•細細妹
日誌統計
文章總數： 688
留言總數： 1089
今日人氣： 75
累積人氣： 14927
站內搜尋
RSS 訂閱
RSS Feed
2007 年 4 月 3 日  星期二   晴天


朋友 分類: 繼續齊撞聾

早前跟貓貓傾開為什麼要騎牛搵馬咁找新工，佢話以前曾經有一段經歷，試過大約一年時間冇做野，佢話個時好大壓力，會唔想出街/見朋友，因怕俾人問及份工，同埋覺得自己好冇用。

聽完後... 想起 四弟，或者當時我們出於好意的關心，對佢來說，通通都變成迫害既毒藥，只是我們都冇發現。

朋友，可以因為一句話而開心，有衝勁；但同樣，因為一句話而變得萬箭穿心，心痛。

誰是朋友，心中清楚，一句無心的說話已經可以對所有事改觀。到底... 傷了多少朋友？

如果裂縫會越來越闊，那何時才開始修補？珍惜那些很久沒聯絡的朋友們

已經充滿了累的感覺，這星期 ~ 太忙了... 只有時間讓我亂想一通
發表時間：2007-04-04 03:03 AM  [ 訪客留言(1) ] [ 編輯日誌 ] [ 分享至FACEBOOK ]


2007 年 3 月 28 日  星期三   晴天


清潔姐姐 唔做了... 分類: 燕子飛呀飛

公司個清潔姐姐唔做了... 即係Office Assistant。呢個位真係好難頂，各同事會將遲遲的文件凶神惡殺咁要求送件火速送到目的地，吃力不討好... 永遠都唔滿意，唉 ~ 係呢到做最細既冇咩好處，有獲我地頂，不過佢轉工都是一件好事，至少佢開心。不過...我就唔開心嚕... 由於未請到人，所以清潔姐姐把平時 d 工作程序交接比我 -0-! 阿圈仲有2日先返來，咁呢2日就靠自己，今次真係咩都關我事啦，真係24小時都唔夠用，8 hrs 做清潔姐姐、8 hrs 做 Reception、8 hrs做行政助理，哇，齊頭24個鐘。

今日放工約左佢食飯，不過我同佢都好忙，所以食飯時都好夜，最後去左吉之島買特價壽司食，雖然係好普通既一餐，但我覺得已經足夠了。佢已經好倦，但都堅持送我返去，當然我拒絕了，還是叫佢早點回家抖抖吧，始終工作辛苦。

全日其實都發生左幾多野，不過眼訓... 明天記得先再寫 ~
發表時間：2007-03-29 01:54 AM  [ 訪客留言(4) ] [ 編輯日誌 ] [ 分享至FACEBOOK ]


2007 年 3 月 27 日  星期二   晴天


重返工作崗位既第一天 分類: 燕子飛呀飛

已經習慣了放假，唔想返工... 不過始終都要面對現實，返到公司張台... o_o! 嚇親，想開返個mon都難 (可惜冇影相)，完全冇心機清 d 野，一來又要走出走入，二來真係好多野要做，整個朝早都好忙。

收數部同事話有好多難題等住我，因為問魔女野，佢全部都話等我返來決定... 什麼...! 點解係我決定!? 唔通升左上神台? 哈! 不過有個好得意既感覺，一返到去魔女就好開心咁問返我工作既野，佢仲好安心話我終於返來，感覺自己好似帶住個細路女出街。其實我諗佢真係有幾分傻氣，應該係懶在唔肯去了解我地庶務部的運作。對於離職的問題，我對走左之後的情景帶有期待但又擔心，雖然冇左我唔會死，但我又知道佢唔係好搞得掂我做緊d 野... 好矛盾...

本身心情都 ok，但放工前知道佢而家用緊 d 密碼，是跟最最最之前的一齊時用慣的密碼一樣，唔係想吃醋，唔係想找交嘈，但因習慣左易記而繼續用? 咁一直用一路都會易記, 就係咁到無限? 我也決定改密碼。 (忍左成晚，講完!)今次我冇同你講因咩事唔開心，講出來只會嘈交，沒有高EQ就少說話。以前你已講過話會改，但又話怕會唔記得個新密碼，最後已經冇再理你有冇改... 或者我真係唔應該理咁多，何苦要自己勞氣，明白了！
發表時間：2007-03-28 12:57 AM  [ 訪客留言(2) ] [ 編輯日誌 ] [ 分享至FACEBOOK ]


2007 年 3 月 26 日  星期一   晴天


明天返工! 分類: 燕子飛呀飛

最後一天假嚕 ... 有點捨不得假期的過去，明天要開始捱世界啦，阿圈 佢放假，得返我一個嚕 ~ 俾佢講中左我真係唔想返工。今日已經收到佢的來電交帶返 d 工作，亦知道我張台已經放滿紙張... 我估應該好少的...好少的...

唔知係咪返工前恐懼症呢... 我由今朝9點幾醒左一醒之後，就一直發惡夢發到11點... d 夢又真實又連貫，唔係有人病...就有人入院或者有人香左... 真係好驚... 大吉利是!! 即刻彈起身唔敢再訓，起左身都要定一定神先知而家既野係真實定夢境。由於上午太恐佈了... 所以下午決定輕輕鬆鬆的過，打機 上網 執下野，好休閒咁就過左一日。

佢仲病緊... 前幾日都已經叫左佢食藥，但係都唔聽話我都冇辦法，激死我啦!! 佢返到家食完飯就打機 同 幫人燒碟 ~"~ 都冇乜理到我，拿住個電話白等...嗚 ~ 今晚同佢其實冇傾到計... 唉 ~ 唔通我要同部Wii爭寵!? 算~ 就當俾佢輕鬆下，我有我生活，唔同佢傾電話當懲罰!! 其實近排都冇乜心機跟他講野，感覺好遠 ... 所以唔想出聲，又發作!?
發表時間：2007-03-27 12:36 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 3 月 25 日  星期日   晴天


做運動!! ~.~ 好累... 分類: 繼續齊撞聾

熱熱的天氣下，跟六撞去大尾督踩單車，不過發現 d 巴士將「大尾督」變左「大美督」，有點睇唔慣。本身以為踩堤壩，但原來今次係衝出 ~ 大埔工業村，踩返去大埔市，去時一路都順利，但回程時阿三發生小意外 o_o! 仲留下戰績... 好在冇乜大礙。幾經辛苦終於返到還車處 (雖然唔係遠，但大家又餓又累...)，仲食左山水豆腐花先走 ~ ok架，不過堂食都用發泡膠碗，好唔環保呀 >0<，之後我地就坐返巴士返火車站 ~

由於大埔諗唔到食咩，所以大家提議去沙田食 -0-! 咁我咪遠左 ~ 嗚 >_< 我不依，最後都係乖乖跟大隊 ~ 6點就開始食我地既晚餐 ~ 元氣壽司是也。我反對話要食元氣，最後結果... 還是乖乖地吧... 完成左我地差不多2小時的晚餐去左食 滿記糖水。由於冇位，所以外賣咁帶左去個好有情調既地方到食... 天台公園 ~ 仲有噴水池，不過旁邊再遠遠遠既地方就有好多一對對既係到「fing頭」(諗到咁既形容詞...佩服!)，俾佢地教壞我嚕 ~ 之後發癲到差唔多10點就散嚕，因為大家明天都要返工。

咩我真係對佢好差咩... 我自己就覺得ok架... 最多咪唔識得做人女朋友囉...或者我性格卦? 唔 ~ 要檢討下... 或者只有佢頂得我順，隨我任性... 不過我都會改改架啦... 認真架!! 係!! 奸爸爹!! 唔好再話我叼蠻任性啦 >"<!!
發表時間：2007-03-26 05:52 PM  [ 訪客留言(2) ] [ 編輯日誌 ] [ 分享至FACEBOOK ]


2007 年 3 月 24 日  星期六   雨天


差點...我就要下廚 分類: 靜靜的生活

星期六 ... 依舊的不用返工，下午後去找了男朋友，由於明天踩單車，所以今日就陪下佢，免得整整一個假期冷落了他，先周圍逛，逛我們最愛的玩具店，睇到好多得意的figure，咩都睇一餐，不過只睇唔買的 ~ 哈! 跟住行到扭蛋區，見到NDS 筆筆，諗住幫阿三扭，但佢已有了 ~ oh ~ 唔緊要啦，有冇人有NDS？送支比你。

之後去左打Wii，Cooking MaMa、炸彈人都 ok 架，不過都係佢主力玩，其實我只係坐係旁邊打我既NDS... 佢仲未病好，仲要幾辛苦，我都係少出聲為妙，免得驚動佢 d EQ... 因我既耐性也是有限公司...

夜晚本身諗住我煮架，本小姐首次下廚，雖然未諗到煮咩，但由於有病人，所以都係壓後擇日再煮，最後去左M記食至尊漢堡，睇下 Eason有冇呃我地。不過見到個飽個塊厚厚既牛肉，勁！我食左一啖，ok既~即時食到蕃茄 & 生菜味，都叫做唔錯，至緊要係有返菠蘿特飲 ~ yeah ! 只係加加埋埋個價錢就貴左少少啦 ... 之後一邊食一邊傾公司 d 野，咁就完成了一個長長既晚餐。
發表時間：2007-03-26 01:53 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 3 月 23 日  星期五   陰天


休閒咁過一天 分類: 靜靜的生活

雖然放假，但都冇訓得太晏，因為Vin話要去試下Red Box，去到旺角先知原來佢約左 Eddie 去唱K，不過Vin電話冇電聯絡唔到佢... 正係大家諗緊點算之際，當時的員工竟然可以借到叉電器，超好人!! 通完電話後，先知 Eddie 佢今日都出唔到來，哈哈 ~ Vin話佢自己錯有錯著 ~ 真搞笑 ~

唱完K 就去左Vin家坐坐，好休閒咁嘆左一個下午，好似 d 日本婆婆咁飲下茶、食下餅，其實有時咁嘆下都唔錯呀 ~ 幾寫意 ~

由於男朋友仔唔舒服，所以之後去左睇佢，順便同佢食晚飯，可能返工太忙嚕... 捱壞左 ~"~ 真令人擔心... 要快 D 好返呀，因為一病唔舒服就冇晒EQ，好易發炆 ~ 好驚!! 再咁病落去就冇人理我架啦...

發表時間：2007-03-24 11:39 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 3 月 22 日  星期四   陰天


做乖乖女 分類: 靜靜的生活

本身諗住早起身去叫醒人，但我一醒已經係9:30... 好在佢已經返左工，佢全日都忙，所以繼續我有我節目。

今日做乖乖女，陪阿媽出左旺角行，但係本身諗住帶佢去食... 築地 八爪魚丸 ／ 發記 糖水 ／ 九代 鐵板燒，不過全部最後都冇食到，因為 ~ 實在食得太飽嚕，唯有等下次先再出去食 ~ 最後返左自己地頭食碗魚蛋粉就算了。返到屋企冇幾耐我就已經恰著左... 同佢今日只係通過一次電話，咁耐以來都係第一次，佢實在太忙了... 到底幾時先忙完？~"~ 睇見佢就辛苦... 唉 ~

學車... 依舊未打去問，因為懶；搵工... 今日睇過份Recruit，諗緊 d 野。
哎呀!! 唔記得左打返俾小花，俾佢估中我唔會覆電話添...
發表時間：2007-03-23 12:36 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 3 月 21 日  星期三   晴天


放假了~ 分類: 燕子飛呀飛

之前紅日返工展，餘下 d 補假要月尾前放清，唔係就會冇，阿圈 都有4日要放，所以我同佢輪流放，今日就係我第一日假啦，好似係呢間公司做都冇乜放過假，下星期二先開工，終於可以抖抖了，不過要好好計劃下點用呢個假呢 ~ 訓晒去？ haha。本身諗住用呢 d 假學車，點知一直都在忙，所以冇book時間... 浪費晒...

貓貓 為左公司的事唔開心，做朋友的都唔知點勸佢好... 只能說忍到就忍，知佢辛苦架啦，不過... 睇開點~人自己過得開心 d。其實大家心入面都有疑問 ~

俾人話我一放假就過度活躍，可惡! 我呢 d 係叫放鬆心情咋
發表時間：2007-03-21 10:24 PM  [ 訪客留言(2) ] [ 編輯日誌 ] [ 分享至FACEBOOK ]


2007 年 3 月 18 日  星期日   晴天


做朋友比較好？ 分類: 左思右亂想

雖然無微不至，照顧周到，但至少不用跟很多人去分，

總是為朋友出力，可以不比較嗎？... 不想因吃醋而被討厭。

怕很多事，擔心很多，脾氣...改善嗎？ 盡力吧...不知道

說話全聽在心內，細路女... 我認，亂諗野... 我冇

至少能做到，唔出聲，免得改變了你的行動

知你好少來這看，放在這留待機會吧
發表時間：2007-03-19 02:43 AM  [ 訪客留言(3) ] [ 編輯日誌 ] [ 分享至FACEBOOK ]


« | 44 | 45 | 46 | 47 | 48 | 49 | 50 | 51 | 52 | 53 | ... | 69 | »