考試中... 唉*   今日真係好死呀!!中化死!! 英文死!! 咩世界呀??  我真係有讀書架... 我有溫架!! 唉**  溫左都係咁...  一拎起份卷, 眼都唔敢望一眼呀! 因為真係唔識, 好辛苦答左一題..(唔識既) 另一題就... 唉****  答左幾行! 唉***  我一路考就一路"唉" ....  算喇一句" 我真係有讀書架!!"      

                                                    放左學番屋企... 真係好凍!! 冇咩心機.. 扮開心囉!所以就睇左詹x文既喜劇, 笑到死左!! 開心番少少啦...  跟住就睇通識...  信我啦! 通識 睇就ok架喇!  唉

                                                  每次唔想溫,就諗下可以去邊到玩... 已經好開心lu! 因為我要去嘉年華呀! 我唔理呀!

原來每次經過  你都在場            可惜偏偏獨欠"緣"字

             07年  好想係幸運摩天輪大叫  07年  好想伸手摸下個天   07年  好想玩跳樓機   07年  好想去旅行

             07年  好想離開煩囂的香港    07年  好想整負離子   07年  好想讀好書  07年  好想遇著另一個"他"

             07年  好想做個好女人。(哈)   07年  嫁個有錢人 (開始亂講野)  07年  好想做少奶奶 (全身名牌個種)

            07年  好想日日都笑   07年  "it's ok"     

                                     07年   l will be a star* look!!

                                                   我終於番黎喇... 親愛的*   新的一年!! 要開開心心!! 我就早d嫁人! 哈哈!! 邊個娶我?  有好多野想講呀...  首先係, 我12月既跳舞表演好順利!! 有carmen,pan,何媽黎睇我!! 好開心, 見證我美麗的一刻! 哈哈!    12月24日, 出去食聖誕大餐!好開心!! 行街! 勁笑!! 真係好好笑!   有人送花俾我, 我又送左俾人...  哈.. 咩事?    影左d相!     之後我冇出去倒數呀... 有少少遺憾! 不過唔緊要, 下年我地一定會出架!! 我好乖架... 唔飲酒架!  ^^

                                                  當06年過去既前一秒, 我好清醒! 我唔再傻!唔再等!   你想點就點!  跟住就要開始溫書.... 係咁溫, 係咁溫... 人都就死! 緊張死!  仲驚過會考... 咩事? 因為真係難左好多好多... 唉*   唔緊要! it's ok!  考完之後, 我就癲!  癲俾你睇!! 哈哈,,,

                                               今日考完第一日, 一出學校門口係巴士站!!  我見到茶瑜!! 原來佢想同我一起食lunch! 開心到我癲左!!! 我真係估唔到見到佢嘛....  飛左埋去!! 講左句" 我好掛住你!"  ^^   跟住就去食m記.. 冇換茶犬呀~ 因為我知道有人換俾我!  ^^   跟住就行左上水... 睇名牌野!  女仔係咁架喇!  哈!  佢就立即買左個同我一樣地圖既銀包仔! 哈哈! 一樣的!!  不過佢有隻船仔囉...  我講左好多句"點解我冇架!? 火都黎呀!!"  哈...  算喇! 下次就一齊買埋個銀包佢! so good"        我忽然覺得自己好衰, 因為我成日都以為佢會唔記得我喇, 點知原來係自己唔記得佢!   信我! 唔會架喇!!我唔會忘記的!   大家都係果句"得閒打俾我喇!"

                                07年  真係唔會喇! 我想變得特別d... 

                                                   merry christmas!!!!   好耐冇打日記喇...  係呀, 我哩排真係好忙呀!! 我就黎死喇... 你地要黎幫我手先得喇...哈哈哈哈哈     勁跳舞, 勁跳舞...  我跳到唔想跳!咩事?!  冇晒新鮮感... 唉*  都唔知點解!   因為.. 我太勁喇! 哈哈哈...  傻左!  叫左carmen,pan, 何媽黎~叫佢地一定勁拍手! 唔准影小朋友...哈哈! 影晒我!  so good*    最衰有個人不來  唉*  我好想佢可以睇我跳舞~      

                                                    宜家係11點55分, 我1點10 就要出去lu!  太興奮了...  我媽媽又黎, 姨媽又黎!<-- 仲要黎我屋企過夜! it's happy day !! right?    哈哈哈....  今日就要solo 了! 太緊張!! 哈哈哈

                                               考試?? 唔溫喇...  玩完先算喇!! 哈哈哈哈哈    我都未送禮物俾自己! 真係呀!!   不過我請自己係又一城睇左<< 黃金甲>>  .... 好色情, 有d核突~  麻麻地...  不過有周杰倫 嘛!!  勁撐!!!  我同sara 仲係到笑, 因為入面勁播預告片嘛... 隻主題曲就勁係到唱... 我地就話"係周杰倫呼喚緊我地呀! 聽唔聽到佢叫我個名呀??" 哈哈哈... 咩事呀?!  我全日笑唔到... 直到`跳舞...  我肯定我冇停過...  哈哈哈...  l love sara

         若然有人難得牽動我情緒   為何不相信  不接受

                 可惜偏偏命運選中你   就連夢境都迷戀你的漫遊

                                                my  love ~ merry christmas

                                                     今日一早好涷... 唔願起身! 我一路搭車都見到粉官既人, 嚇死我以為唔洗番學~ 哈! 如果唔係, 一定樣衰死!! 番到學校, 第一堂中史.. 個test得... 唉** 唔好再提!! 最低分係我!! 我恨死中史!!!   跟住就係通識, 好快過... 到西史堂... 我唔識講野架嘛! 我只係識得寫出黎! 我會怕羞架嘛~ ^^   lunch就出左去食囉... 好凍... 真係好凍....    最後個堂係中化... 又激死...  咁快就叫左我出去講野!!  死晒~~ 唉**  題目係"師生應否談戀愛?" 我明明諗到好多野...  但係又太驚, 又講唔出口啵~ 唉*  仲之就死左喇...     放左學之後, 就有carmen 黎左...  陪我等車... 傾計...  笑死我了!! 哈哈! 真好!   番到屋企... 2個字! "好涷!!"

                                                    喂喂, 我已經排左solo 喇!! 雖然好hea, 不過都幾好呀... 到時你地記得睇我跳舞喇! 哈哈! 開心死我了... 不過"超級大壞蛋"你唔准只係睇小朋友跳舞架!! 要睇我呀!!  如果唔係, 我又恕話d 小朋友...哈哈哈! 等你唔開心先~ 仲有呀, 唔准99張相入面 只有一張我路過!! 要100張都係我! 哈哈哈...  開心死。

                                               就到christmas喇!! 好開心呀... 哈哈! 我要買禮物!!我要唱聖誕歌! 我要食自助餐!! 我要行街! 我要shopping!! 我要嫁個有錢人! 好似徐子淇咁...  ( 哎呀~連自己心個句都講埋出黎tim!死lu! )   哈哈!!  我地要玩交換禮物!好不好??  哈哈哈.....   我都希望有你出現

                                                  今日一早起身同carmen,pan,賴文食大家樂早餐..... 好味... 好凍!! 去到都冇咩野, 北區運動場之ma...  我每日都經過!! 第一次參加好"hea"既比賽... 推鉛球.... 哈哈! 好白痴的...  個球比我想像中更重囉! 我拎第一次既時候, 我真係以為我冇力拎呀... 哈哈!(心諗:死喇!) ...  推左3次... 好hea! 算係有參與呀! 好勁架喇~^^    跟住就睇比賽lu... 叫下咁囉! 其實都ok 架... lunch時, 就出左花果山食野! 好味...   番到去就有好多接力既比賽, 超開心!! 落左去睇, 勁叫! 勁打氣!! 俾水人飲...  覺得自己有份跑咁~ 哈哈! ok架!   放左之後, 就同pan,雪雪去睇書...  去左街市行左一陣, 買零食!  咁就食喇~  ok架...

                                                 5點幾番到屋企...  頂佢!! 我老豆又偷我100蚊囉!!!!!! 佢有冇病呀?? 我已經冇咩錢, 仲要拎!! 都唔知咩老豆黎架?! 我真係好嬲呀!! 都唔係第一次喇... 仲要咁樣!! 果刻超想叫佢食屎囉!!!  冇錢 就識得搵我, 我冇錢 又唔見你俾d 我... 你去死喇!! 咩老豆呀?!!  我宜家都唔知應唔應該 將d 錢放去第2到呀...  放左 又好似好衰咁! 唔放, 又驚佢又會拎!! 唉**  點算呀??  我真係好嬲呀... d 錢 我自己辛辛苦苦 儲番黎, 佢一個"唔該" 就拎鬼左去!!! 佢良心過唔過得去呀?!  我唔想再見到佢呀...  有老豆 等於冇老豆!!  永遠只識得對我期望好高!! 自己就一d 作為都冇!!  唔洗止意 我將來會養佢呀!! 佢都唔好問我借錢呀... 我唔會借俾佢呀!!!!! 次次都係咁! 借得幾多呀!!  有咩, 第時問我老公喇!!!! 唔好煩呀!!   我唔會俾錢佢呀!!!!!!!!    

                                 我特別想你   想告訴你  你永遠都是第一位