今日番學...  都係咁啦!  第一堂上中史, 我訓左... 真係訓左! 訓下又起下身啦!  同學仔又係到講老師...  好煩呀, 唔想聽! 跟住eng堂, 好無聊玩d games, 想點呀??!  跟住又通識囉, 幾好玩喎! 幾開心呀!  估唔到我地冇睇新聞 都識答d問題... 下次唔洗我地搵題目! ^^ 哈!   西史就ok 啦...  都係咁... 有少少悶!  不過都好快落堂, 因為我好俾心機上啊嘛! 哈哈!   lunch時  就買番黎食囉...  傾下計咁!!   跟住就係中化,班主任堂!!  何柏基好似好惡呀..  <--好驚囉!!!  有好多篇文未寫...  果到都唔知有幾多千字呀!!  嚇死我啦!!! 點算??! 唉*   唔想諗...                    班主任就要聽果d 咩性教育囉,係課室ja!  好搞笑囉...  玩遊戲!原來我果班d男仔 真係好好笑!!!!我笑到沙聲囉! 咩事呀?!  我唔想係到講呀..  仲之就好好笑喇!我只係識得笑, 咩都冇聽過....  笑笑下就落堂lu~  番屋企。

                                                我近來既生活... 平凡得唔可以再平凡!! 雖然我好enjoy 平凡,簡單既生活, 但係宜家仲係覺得唔知點咁... 真係唔知點咁囉! D 人!  算啦... 好煩呀!!  我見宜家上堂又冇咩野就算啦... 唔想理咁多野!唔想諗呀!!  心其實就一直都唔鐘意宜家既學校生活...  我寧願好似以前咁!!  日日番學開開心心,... 玩玩玩..  至少番學, 放學都有人陪我呀!!有人陪我笑呀!! 雖然 肥軒成日串我...  不過我都係笑架囉!~ 唉...  你地做咩唔番黎喎!! ... 激死!!   人變了...

                                      我琴日放學即刻飛番屋企..  睇埋成套<<梁祝>> 喊到阿媽都唔認得!!!  我記得自己好少睇戲會喊囉... 除左睇一本書叫<<戀一生無後悔的愛>>... 我都係喊到死囉!  不過梁祝哩個故事, 我就一直都好鐘意既...  不過真係好感人呀! 好淒美囉...  即使係外國既<<羅密歐與茱麗葉>> 都比不上呀!! 吾吾!! 一定係啦!!

                                                                                                      其實都好掛住你...          

                                             中秋果幾天...  我都出下街咁啦! 食下野... 又見唔到d朋友仔喎!有d 唔開心...  不過都過左去lu~ 今日係上學日。. 搞笑的是..  我一早起身 係張床到...  諗左好耐, 究竟我要做d咩呢?洗唔洗番學呢?定係仲放假呀?   真係諗左好耐... 因為我太累了~~ 結果見到媽媽沖涼先知我要番學.. 哈哈!  仲有唔知點解..  今早班車又遲!又多人...  真係比平時遲左d番學! 因為我見到pan 早過我囉...  ^^ 一早就係通識堂..  ok喎! 好開心!!  原來我是斯文, 少說話,靜... 哈! 不過其實我唔係!!哈哈!   跟住就係最煩的中史堂...   訓!講完!   西史堂, 唉* 功課做得唔到... test又差喎!!  成個人... upset左! 唉***       lunch就貫番黎食, 個個都好努力諗緊中化d 問題... <-- 因為個個都好驚啊嘛!  哈哈!    如果上中化堂都未到我出去講野... 好彩ja~      放學...  見到carmen 同何媽突然出現!!!!!  開心到爆!!   係學校傾左一陣..  就走lu!  最黑鬼人憎 就係落雨囉....  全身濕晒! 一個我忽然好sexy ...  ^^

                                             我好掛住一個人...

                         琴晚睇左<<梁祝>> 囉!! 好睇到暈...  我仲睇到喊囉! 因為太感人啦!! 我覺得最慘並唔係佢地死囉...  而係分開! 明知大家仲在生, 可惜大家又不能相見!! 真係好慘好慘... 好難受果種感覺!! 佢地一直都好強調...  [你一定要番黎搵我呀!!] ....  嘩**  聽完之後, 我直頭想喊囉...  .... ... ... .. ...   唉**

             你一定要番黎搵我呀...  你都要係... 你都要...  知唔知!!  無論 點都好, 唔可以忘記我!! 即使過左好多年, 你都要搵番我! 就算我忘記左你...  都要!!!!!

                                                   中秋節快樂呀!!!!!!!!  今早一起身隻眼又有事啦... 唉* 激死我~ 又帶唔到con囉! 咁我米唔靚囉~^^ 講笑ja... 加上我好似病病地... 所以冇企係到早會!反而坐左係入面... 原來早會真係好...好... 好.... 長囉!好慘囉!    上中史我直頭訓啦.. 唔洗問!佢講過d 咩我都唔太清楚lu... 哈哈哈哈*   跟住就係西史...  好快就過...  我真識架啦~^^    之後就有2堂空堂...  我最鐘意的 點解??  我唔話你知呀!! 仲之我真係好鐘意啦...  你理我呀?!^^             lunch時, 我係唔記得帶錢囉! 好彩有pan借俾我囉...   到eng堂, 都係咁啦... 冇咩好講。...  放左學竟然要補課囉! 想打佢呀...  而d男仔就因為有比賽 就可以唔洗上!!  有冇搞錯呀... ^^"  哈!算啦~  放之後, 就睇左一陣...  其實我睇既野, 同其他野唔同的...  哈! 我都已經好開心架啦...  真是的...    去左華明等車...  有雪雪, 菲菲, pan陪我... 多好! 雖然等左好耐, 不過傾左好耐計...  笑死我了... 哈哈^^

                                             番到屋企...  我見到d 恐怖野囉!!  就係我見到個電話...  個電話... 有5 個miss call,  14個message 囉!!!  係14個呀!! 14呀!  多恐怖...  我都係第一次ja...  不過我都好開心...  多謝晒!我一定會send番俾你地的...  仲有一個不知明既電話打黎...  冇聽到。... 哈哈!

                                            中秋節快樂囉..

                                                   今日都幾開心... 上通識終於講到"人際關係"喇~好輕鬆囉!  上eng堂真係好煩...  完全唔識囉///  後面個唐小明又咁叻喎...  唉*都唔知點算?!  西史都ok... 時間又過得快喎! 今日又冇中化堂... lunch時...  本來諗住約肥軒囉... 點知佢又唔得閒喎, 算囉! 所以就有我, 唐小明, 周小凝, pan, 仲有一個朋友仔...  一齊食禾穗子! 幾開心呀...  一直笑! 番到學校坐底....  (好想番去以前)  跟坐傾下計...  傾我d野~我始終過唔到自己個關. 有d野始終講唔出口~ 算啦!!   後尾同學仔開始落黎上pe堂..  勁笑囉我係!!!!!  我地真係笑得好勁囉! 好噪呀... 哈哈!     我好少咁投入上pe堂~好累呀.. 好熱, 跑黎跑去...  激死~  放學就休息左一陣...  走lu...  番屋企...

                                                 今日本來我真係好開心... 可以同一齊同學仔去食飯, 又傾得咁開心~ 我真係好開心既...  但係放左學之後, 最衰自己望咩ja! 又多野諗... 多顧慮喎!! 搞到自己唔開心...  好唔開心... 好唔開心....  覺得好灰!! 我冇晒心機...  一路搭車.. 一路諗...  究竟我諗咩呢?  好煩,,,  好煩... 唔開心...  唉****

              我望着窗外夜雨一直下
              心开始有點慌
              怕弄濕了眼眶
              我站在人海不停地遥望
              等待着一道曙光
              照亮未知的方向

                     ps:  人是犯賤的* 當我開心時, 我唔會記得你! 當我唔開心既時候, 我先會想起你! 無論發生咩事, 即使全世界人姑意傷我, 但你一定唔會係我面前做出令我傷心,令我唔開心既事... 即使全世界人不愛我, 你依然關心我! 雖然我唔知你會唔會咁做, 但你俾到哩種感覺我~ 

                                                  講番琴晚先,  我打俾肥軒傾左一陣計... (我地要keep住份友誼呀!!唔好學其他人咁樣!!我知你唔會既... ) 跟住沖完涼就同媽媽出去食野,  食完野就拿拿聲飛左出去接我的*小朋友 放學, 因為佢拎左野俾我~真好*  佢竟然讚我個頭髮好睇呀... 哈哈!真好!(梗係靚啦! 係我既靚仔表哥幫我電的, 電左成個月啦... 哈!) 個小朋友 咁乖就請佢食甜品囉...  食完,佢順便送埋我番屋企先走...  點知番到屋企 話俾媽媽知, 佢話: 你個頭咁亂, 都話靚呀??     哼, 俾佢激死左!!

                                                今日d 時間都過得好快呀...西史要test 囉* 唔識做, 都唔夠時間...  不過我見到有個同學女寫得好多呀... 嚇親我~咩事?! 跟住廢的中史阿sir又黎啦... 唉***  佢有講書.. 都係唔知點咁~冇聽過...  仲想訓tim!! 又冇人同我傾計... 有冇搞錯? 旁邊既同學仔話: 我聽書架!  我就答佢: 你扮野啦!!學我帶金錶~  ......  哈! 我寧願自修中史囉!咩事呀宜家!!  then 就係中化了...  何柏基太好笑了! 我讚佢一句"才子" !太識講野啦...  哈哈!    好快就到lunch 喇...  買番黎食囉~ 跟手就整左少少broad 囉...  其實我都冇整到, ....  搞破壞咁樣樣, 哈!   最後就係eng堂, 佢竟然話要補課囉!!!!!!  冇病呀佢?!  補一個鐘囉, 真係唔該晒佢呀~><   又唔識做喎... 又take 唔到notes!  俾我旁邊的同學仔 話我: 你做咩唔做呀? 發緊夢呀?...... .... ... .....  我想死囉...  其實我根本就唔識做! 咩呀! 串我呀!  放學就有pan, pan妹妹 雪雪 陪我等車...  開始幾鐘意雪雪了^^ 哈!

                                               其實我開始發覺我地班d 小朋友有時都幾可愛既...  雖然一定有d唔慣, 有d 唔鐘意既...  不過哩d可以慢慢咁習慣既.. 係米?  我成日都話人唔可以向後望架!! 向前看啦!! 我唔係話自己可以100% 做到, 至少我做到40%... 我唔想日日都唔開心, 日日都好煩咁...  因為真係辛苦左自己囉! 我記得carmen講過:傷身呀! 仲有呀... 果陣時係巴士站到, 我地大聲講過一句....   我真係10分, 10分, 10分 記得囉!! 就係... " 明天會更好! 算!"  <-- 好似變左我既左右銘咁呀~ 哈!    我絕對希望我身邊既朋友仔都可以放開d 囉...  是真的。

     真係好靚好靚!! 好女人呀~

     ps:  我在心虛什麼呀?!  連望都唔敢望... 咩事? 但你的背影  我真的很喜歡