開開心心又要星期6....  哈哈! (其實都ok喇,未算開心)   不過今日又冇得去跳舞喇...  媽媽都話下個月先...  激死我! 就黎想打佢.. 再唔跳, 我真係...  (算數)   今早起身諗住帶con ,點知副con好有問題! 自己卷埋一舊!! 想點呀!!!  冇帶左3日喇...  俾我帶一日都唔得呀宜家!!你唔好唔記得 係我買你番黎架! 如果唔係, 你仲係到發梅呀! 哼...  (好無聊呀我,咩事呀?)   整左好耐 終於帶左...(識副con識做~^^)   跟住米過黎寫日記囉..  哈哈!

                                                   哈哈....  我都唔知係米鐘意周杰倫架! 竟然 未聽過佢d新歌... (不過我其實上youtube 睇左佢3首歌既mv囉!) ^^"  而走去聽fergie既新歌, 仲要dl 左2首tim囉... 哈哈哈! 咩事呀我!   搞搞下. 我冇咩心想去jay隻碟~不過又想聽, 又想睇,又想要... 哈哈!!  買碟都買窮我呀~...  3 隻呀!!!! 唉* ^^       不過我真係要推介一下呀,  fergie 新碟入面的... "Big Girls Don't Cry" &" Finally"  <--- 超好聽呀!!  快D dl.....  go goｇｏ．

  靚靚....  我都想做個靚媽媽呀~ 哈哈( 不過我唔會生)^^"

       ps:  我唔會有新目標既...  係囉.. 應該係喇~   都唔算係!!講真的...  我依然會掛住佢!哈! 我知, 你知, 朋友們都知我唔會移情別戀! 對吧? (我知一定有人話不對!!因為果個人鼓勵我移情別戀<-- 壞份子^^)

                                                   今日ok 喇... 上中史堂係最後一日代課阿sir ///  其實佢都幾搞笑~d男仔問佢拎msn囉! 唉* 人就係咁架喇!! 係人走既時候,先識珍惜!!冇辦法喇.... 唉*  d 堂過得好快囉...  所以冇咩好講囉! 是真的...   不過就一定要講中化堂囉...  因為真係好好笑!! 同埋何柏基真係好好笑囉...  上堂係到聽歌, 講到時間過得好快<-- 我相信人人都有哩種感覺。  跟住佢又講到少少情史啦... 哈哈!笑到我死咁制~ 我要承認阿sir 確實係有少少才華既...  哈哈! 唔怪之得d女仔會鐘意佢喇... 哈哈~ 始終d女仔係鐘意有少少才華既...  如果唔係呀,當初周杰倫夠唔靚仔喇,一樣有咁多女仔鐘意佢! 你睇下, 家下米變左個靚仔! 係米先? 哈哈...  跟住就放學去忠社果到囉...  真係好慘呀!個個都話 好忙,唔得閒~ 走晒! 真係有d唔好意思, 不過我地真係有野做嘛.... 唉*

                                               其實我地之所以有野做, 係約左carmen,何媽 佢地飲茶呀!! ^^ 哈哈! 真係開心呀...  見到佢地...  雖然係有訴苦!不過感覺已經好左好多喇... 唔洗擔心!!知嗎?? 跟住就食野囉...  傾計囉! 鬼呀!!明知我笑得咁大聲, 就唔好引我喇~ 真係衰呀... ^^    嚇親人就唔係咁好喇~真係呀... 哈哈,  坐左一陣, 就同何媽搭70x 番屋企.. 佢就去買野!  唉* 咁樣一別又唔知幾時有得再見.... 我會掛住你地架!! you are the best!! 你知道嗎?? ^^

       嘩...  The Devil Wears Prada 呀! 超想睇囉...  ^^

          ps:  我不會移情別戀的! 我不會移情別戀的! 我不會移情別戀的! 我不會的... 不會的...  我要信自己~我可以做到的! 死喇...  點解會咁既?? 應該唔會的!! 我不會移情別戀的___  我要信自己呀!!我只愛你一個!!唔會架.. ~ (死火lu~) >< "

                                                                                 其實  我都要生活。不能永遠活在過去•

                                           我今日早發生了一件 令我心情趺落谷底既事....  我唔再提唔想再講! 因為我唔想諗!! 我反而冇野想講...  唔知可以講d咩! 有少少平靜,但番到學校就搵左miss Tang 傾計...  就狂哭** 佢都仲可以幫到我少少,開解左少少~ 但係我始終係唔開心.... 我有dd 唔知邊個可以幫到我~我唔係話朋友唔可以, 但係起唔到咩作用囉... 唉* 我唔想講野....  我唔鐘意屋企!!              

                                              上堂冇心機聽書... 冇心機做所有野... 冇咩心機玩  ....  冇心機笑.....

                                女孩子們要爭氣喇** 唔可以輸俾男仔睇呀~~

                            好好哭吧**

                                                  今日都ok 喇...  中史堂果個代課既阿sir 迫人做咩討論, 問香港應唔應該合法"叫雞"?!  d男人一路講一路笑.... 好黑人憎囉!好唔知點咁!  佢話下次到我地喎! 我米話囉... "好呀! 下次講叫鴨呀!" 哼! 真係幫女人爭一口氣先得呀!! 如果唔係, 由佢地咁講咁笑呀?! 真係呀!    跟住到西史堂...  哈!唔洗上咁! 只係討論問題... 下次到我寫lu~哈!     到我最怕的中化堂喇......  ... ... ...  佢真係叫左我講野!可惜我只係講左幾句... 仲要唔知講左d咩?! 因為我真係冇宗教,so真係唔知可以有咩感受.... so sorry...  不過我相信我就快有囉! 何柏基講得好好呀~<-- 佢話有時身邊既人或朋友 都俾唔到好大既安慰, 俾唔到一種力量我... 所以有d人就會去相信神,相信上帝! 我睇黎就快要喇... 唉*

                                                放左學之後...  番低囉!到4點幾就走喇...  pan 整broad啊嘛!陪下佢囉, 同埋自己都有幫手...  其他同學就好忙咁傾緊學生會!哎唷*  又係得我一個人走... 真係好悶呀! 同埋 我覺得哩種感覺好慘好辛苦咁! 可能悶得制...  .. 所以我會打俾肥軒傾下計囉! 就係咁喇!.... 不過今日係lunch完左之後果一陣間, 唔記得左有咩咁好笑...  我好似係咁笑囉!仲笑得好大聲! 完全將我既醜態表現出黎囉~哈哈哈! 真失禮囉! ^^ 你知我咩都笑架喇! 哎唷** 唔記得笑咩喇...  總之就係咁笑喇! 真係第一次呀!~

  太美了* Gemma Ward___

            ps:  不出一個月, 麻煩的感情事又來了*我又聽到了* 唉,.. 感情哩樣野,真係好煩呀!!好煩呀,好煩.. 好煩...  唔好煩我呀! 我唔想俾意見呀...  一個月之ma!大把時間啦..係米?  反正我又冇咩目標呀, 應該係話搵黎搵去,都搵唔番有以前果種感覺囉!或者係話冇其他男仔令我有"肯定"既感覺... 哈哈哈! 我好專一架~ ^^(唔知醜囉我)   算吧喇*唔好煩呀我呀...唔好呀!! 

                                                  今日好悶呀...  果個中史阿sir又唔番!我諗佢 唔係真係死左呀?! 真係廢呀... 仲有代課阿sir又搞埋晒d廢野...  迫人做咩discussion!佢去死喇!  我d功課都未做晒仲係搞哩d野...  ><  所以我冇理過佢!傻既~  跟住西史堂... 仲慘呀..  <-- 我愈來愈唔明,好亂! 都唔知點算呀... 嗚嗚嗚... 空堂好煩呀...  唔識做功課! 又不停傾計...  其實有少少煩~ ^^"     lucnh 又得我同個新朋友女 食....  又悶喎~ 你地知唔知架? 同佢又冇野講....  唉*  上eng堂又做自己野, 我周圍係冇人架囉!  咩事呀宜家.... !!  放學又得我一個....  所以就打左肥軒傾電話... 點知電話又冇電! <-- so sorry...  我知你有睇我日記的~ ^^

                                          激死我囉... 明明 我又有得去香港交易所囉!!!!! 古美貞都話喇...  等你番一個人啊嘛!  呀呀...  激死囉! 都係郭太知我心~明我~  哼....  唉*  明明都話左想去... 唉* 唔想煩呀!!   宜家真係好多野煩呀... 唔知點解! 唔鐘意身邊所有野...  所有人囉.... 唉*  點解會咁?? 你地明唔明呀??

   哼, 死仔呀! 我唔覺得劉心悠靚囉!!你見過靚女未呀?!

 佢係Gamme Ward !! 應該見過啦嘛?