我今日隻牙都係好痛呀!!又唔似生智慧齒呀.. 媽媽話可能係因為夜訓又唔少食生果搞到咁囉! 唉* 好慘呀...  面都腫埋呀!好樣衰呀!! 好痛呀...  嗚嗚嗚" 琴日俾媽媽既脫牙經驗 嚇到喊~ ...

                                                  今日番學... 好眼訓! 中化堂講"情"好悶.... 跟住eng堂我終於記得帶書喇! 哈哈! 叻女!!   中史堂好乖呀我...  係到做功課! 係米乖先? 我冇訓覺啵~ 冇晒時間呀!! 哈哈!! lunch時, 就出左去食飯囉!  我喇, pan 喇, carmen 喇, lili 喇! 哈哈... 真係開心呀! 本來我想食多d 架, 不過我好痛, 又知我一定食唔晒... 所以就算啦!  不過我冇肚餓呀!    勁喇!! 跟住係學校門口傾左一陣.... 唉* 時間過得真係快呀!  有唔捨得, 不過都冇辦法喇...  大個女喇!  要學識向前看! 講咩都係假..  人就係會變。 何必咁執著??  只係你地冇諗過我, 我比你地更慘! 你地仲有同班同學...  但係我呢? 我咩都冇!  唉* 唔講喇...      跟住又係空堂, 做功課囉! 咩事呀?  唔洗做呀...  唉*  好鬼煩呀!!

                                 我唔鐘意宜家...  我覺得自己比不上人地!! 人地就好叻...  但係我呢? 做份功課都差過人地!! 今年我一定考第尾喇.... 我唔鐘意宜家... 因為我覺得再冇人為我著想!!再冇人考慮過我既感受!! 往往只得我去安慰人... 其實我都唔開心! 當然我唔開心 有好多原因...  以前有人會幫我緊張, 幫我做野, 當我唔記得野既時候, 有人會幫我記埋! 我基本上可以咩都唔洗做, 因為我一定有人陪我....  但宜家呢?  冇晒!! 我絕對係好依賴人! 以前有人俾我依賴, 宜家我連問多句 都驚俾人話我煩! 唉*   只係你地, 從無係我角度考慮我既感受....  其實我比你地更慘喇... 唉

                                其實我有幾難受.. 你地又知唔知呀?!  有d 野我唔想講喇... 因為講黎都冇意義。  我.... 唉*  唔鐘意宜家!  感覺真係好難受...  難受並唔係因為番學咁簡單...  仲有其他野!   我好想喊... 因為我好似已經唔再重要...

         已經再沒有人令我心動了... 除了你。miss you     就這樣結束了嗎?

                                       天堂與地獄

                                               我的牙痛左好幾日喇... 點算呀? 我今日見到佢好似係生牙囉!! 智慧齒??!!!!!  唔係啊嘛?  要脫架啵..  佢地好衰呀! 講得好恐怖呀! 嚇到我喊左出黎!!  因為真係好痛, 直頭訓唔到囉!!~   今日d 時間都過得好快呀... 上通識... 唉* 唔好講喇! 唔知點咁~ 跟住中史, 我直頭理佢死!!! 照訓!  我本來都仲好乖既, 會睇書! 但係過左幾日, 我真係頂唔順囉... 唉**  上西史堂ok 喇!因為好俾心機take notes 啊嘛~估唔到2堂好快就過lu!         lunch時, 因為我口開唔到, 所以只好食麵喇!  不過食得好慢! 哈哈哈!!   跟住我發左牌氣!唔鐘意! (不過唔好意思! sorry!)    到 中化堂又好躁囉我!!   都係果句喇...  對唔住呀... 

                                            唉* 你地唔知架喇! 一黎我隻牙真係痛得好緊要!! 好煩!! 二黎 我好掛住以前呀... 因為我係好任性!! 好野蠻!! 好麻煩!!  以前有人食得住我... 所以我一定唔會亂發牌氣! 但係宜家就係冇人食得住我! 反而俾我自自然然 食番轉頭~ 唉* 我都唔想架!! 以前我成日笑人, 話番人轉頭... 但係宜家我唔會咁做! 已經冇氣咁做!    原來有人食住我, 肯"就"我, 明白我, 俾我發下牌氣, 俾我串下, 俾我鬧下,  係好好架.... 真係好好...  點都好過宜家! 得個"悶" 字!  身邊既人又唔明白自己~   唉*  搞到我好自然就將自己既不滿& 怨氣 表露左出黎.... 唉**  好傷心。

        雖然你的樣子,你的髮型跟他有分別, 但你的聲線, 你的外型, 你的行為, 你的口吻, 你的嚐好, 跟他都是一樣的!! 難怪... 難怪...  令我看得目不轉晴。

                      偷偷對望多幾十年　就結束嗎?

                                       好靚!

                                                  今天星期一了! 時間又過得好快...  宜家又係10月尾啦! 幾恐怖~~ ^^  今日時間真係過得好快... 好似冇上過堂咁呀~ 好彩今日冇中史呀! 上西史堂又難明, eng堂係咁同pan傾計! 好開心...  女仔仲係會諗幾時結婚呢? 幾時生仔呀? 第時住邊好呢? ... 好多哩類問題!我好想知答案呀! 不過我唔多想生BB 囉.. ok?    lunch就買番黎食喇! 食飯... 好飽!   跟手就係pe 堂...  跑2 個圈!已經好累...  好累...  跟住仲話要咩"糖痴豆"  仲要跑?! 我就黎死喇... 不過我都係有玩囉!  玩玩下.. 又幾好玩啵... 哈哈哈!  放左學仲要死上5 樓拎書包!!! 坐左一陣... 好累呀...  同miss ma 講左一陣野就走lu!

                                              不如我講番我星期6 既中大之旅喇!!!  我好期待果日, 仲好開心囉!!  一去到大學站已經好多人了...  其實我真係比較少去果邊, 都唔記得大學站係點樣lu! 去到之後, 先發覺中大好近... 好近...  我覺得果到好有氣質!果然係大學唔同d 架啵... ^^  一路行上去... 好多人... 去到崇基個教堂! 幾靚~ 爆多人囉!!! 完全冇位坐...  好辛苦先搵到!!不過個位好差... 係望唔到既~ 我地可以聽! 所以我地笑話要訓練我地既listening 呀!! 哈哈哈!!  上半場 根本就冇聽過! 我地一行12人... 一路傾計! 一路玩電話... 我地聽到佢話有個小息咁樣, 先識得起身!!      同學們仲話不如唔好聽, 去食早餐! 其實我就想既,  不過有少少良心過意唔去...  或點都上到黎喇!   最後我都有番上去聽~ 但係就走左3個人仔囉...      係聽既期間, 我見到我前面既女仔 不停take notes!  重點呀!!!!-->   all is English !!!!!!!!!!!! 嚇到我呀~ 我果刻直頭覺得同人地出面 完全唔同level 囉!! 咩事呀宜家?!

聽完之後, 個個都話走...  有d 就去沙田! 霞姐佢地就番粉嶺~ 得我一個人仔係中大出面等人...  好曳呀!! 哈哈!       晏少少就番跳舞lu...  發生左一件唔太開心既事~  不過係到我唔會講的...  仲之宜家冇事就可以了。      

                                      我記得我講過...  宜家既我 真係冇咩時間去拍拖囉!! 我連同你傾電話既時間都冇呀~  唔好話出街喇... 我d 功課不知有幾多呀.. 有幾多書未溫呀! 我只怕會累左人地... 所以我成日都話" 唔好搞我呀!唔該!!"     但係好奇怪既係... 每當我見到佢既時候,  個句說話 就好自然咁走左去!咩都唔記得... 只係會係咁望住佢囉!  咩事呀又?? 明明我覺得好煩..!  但係果一刻, 我又好願意煩喎~ 哈哈!  人真係奇怪。             

                                知唔知咩叫靚呀?  成日貼埋d 香港女仔相!!  to hinha ..  哈哈哈哈哈! (唔好打我呀!)

                                                   今日番學得我一個人... 因為pan唔得閒,所以冇番學喇! 周小凝又係咁囉! 唉* 只得我一個人... 本來都唔知點算囉! 好彩... 都冇咩野! 第一堂中史 我就訓喇...  勁訓... 玩下電話咁喇!  跟住西史 都ok...  essay 唔識做! d 男仔真係衰呀.. 明知我唔識做又要我出去講囉!!  咩男仔?! 哈!  最後尾我都冇出到! 哈!!   中化堂好驚何柏基囉!  仲有呀, 我以為自己唔見左條鎖匙, 佢又唔俾我落2 樓搵喎! 哼!! 激死我了,,,,,    後尾lunch時, 我本來同雪雪食! 突然之間, 又話唔得閒囉!!!!! 激死我!  好彩俾我見到霞姐ja.. 真係好了!! ^^  食lunch期間, 我地笑到收唔到聲囉!!! 搞到好似靜左2分鐘咁...  笑鬼死!!!    到eng堂時, 好廢囉... 好眼訓!! 真係訓左lu... 我今日訓得好多囉!! 唉* 好嬲囉!   番學唔應該係咁樣囉!!!!

                                                 仲有呀, 我今早講英文呀... 好叻女呀!超驚囉又~  以前只係聽人講, 宜家自己講... 感覺好奇怪!!  ^^"    今日真係好悶...  放左學就走lu!  聽日仲有得去中大tim呀... 哈哈哈! 好開心囉!!

                    好靚... 真係好靚...  ^^

                                                    今日好快就係星期4 lu...  開唔開心先? 唔知點解我個人係好鐘意星期4 囉~ 好似開心d 咁呀.. 你覺唔覺呀??  我今日好lazy呀!! 上第一堂中史即訓!! 係即訓囉! 唔該~  訓到連打左鐘都唔知呀..  我訓到發埋夢囉! 哈哈!  因為真係好好訓囉...  不過其實我有上堂既~ 係自己睇書囉! 乖呢?? 我都知架喇!    上eng堂 無啦啦俾人叫左我去讀英文囉! 哎呀!!  係聽日朝早呀!!!!驚到暈左...  算啦!  跟住就係通識堂...  我地又要搵問題喇!! 激死!!   西史就ok 喇~~  好快就lunch 喇...  今次我記得帶錢啦!!  買番學校食呀.....  ... ...

                                                放左學, (因為pan有事, 所以冇同我一齊去家政學會) 跟住我自己落去家政室...  好耐冇去過囉! 今次整"蘇皮" 呀!! 好可愛的...  超容易整呀!! 又好似好好味囉!!  有機會我一定要再整囉!!! 可惜我屋企冇焗爐啦!!  都唔知點整呀...  激死我喇~~唔緊要喇...  不過每次我整完野食, 都好開心囉~~ ^^  4:35 就走lu~

                                                不過當我行番屋企既時候, 就發生左少少事喇!!!  我行行下, 就見到對面有幾個男係到... 係到... 推黎推去!  繼而動武! 推個男仔 撞落牆到... 好似好激咁!  但我就一路行! (跟住完全冇理過佢地, 只係到諗"嘩! 唔好打到我呀!")  點知突然 就走出一對夫婦..  個老公唔知係米差人定咩喇...  就大聲叫左一聲!" 喂! 仲有皇法既?!"  另一方面由於我完全冇理過.. 咁就走左喇我! 所以之後果d 就唔知喇! 但我最憎就係果d 阿婆& 師奶!! 佢地企係到睇show 囉! 仲要慢慢行咁樣...  我好唔鐘意佢地!! 最重要既原因係.... ... ... ... 佢地阻住我番屋企條路呀!! 你地知唔知架??  跟住我真係好唔鐘意, 就同佢地講!" 有咩咁好睇呀?! 唔該 借借喇!"   我簡直大快人心呀!! !! 佢地又唔出聲喎... 望住我就行開左!  哈哈!白痴仔!   不過, 咁係啊嘛!! 真係唔知有咩咁好睇! 激死左我.... ^^"

                                             聽日pan 又唔番得喇... 周小凝又唔番學!  悶死我了! 唉* 

 我已經知佢叫咩名喇...  叫做" Jessica Stam"  好靚呀!!  仲有呀!! 上次果兩個都係佢來的...  下次再貼多d 先!! 哈哈!