| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2013 年 5 月 17 日 星期五  |
| MASK都要FRESH~ (內送驚喜效果+折扣咭) |
分類: 活動 |
常言道, 不時不食, 所以由新鮮食材煮成嘅永遠最好味. 為我地皮膚提供養份嘅護膚品, 特別係面膜, 除非係DIY, 否則要搵新鮮嘅話, 一般都選擇唔多, 而且價錢偏貴. 最近呢個”宿命”終於被打破嘍~
全 因嚟自希臘嘅Fresh Line, 創辦人Mrs Mayra-Vagioni Stasinopoulou憑藉住祖母嘅秘傳護膚配方，揉合取材自廚房及花園中各款希臘草本精華及珍貴植物萃取，研製出新鮮健康、繽紛引人嘅美容產品, 效果明顯之餘, 仲係大眾都可以負擔嘅親民價位.
早前就有幸得到A BitterSweet Life - Syreeta邀請, 出席Fresh Line嘅Masquerade Party 華麗面膜派對. 接待處放有色彩繽紛嘅花束同產品
大會仲為出席者準備左靚靚手花同華麗面具
枱上放左精緻嘅西式糕點. 同各式各樣嘅面膜
先由Fresh Line嘅工作人員介紹旗下產品, 主要分為兩大系列。
-「新鮮蔬果美容系列 Fresh Beauty Bar」採用新鮮蔬果調製而成面膜、淋浴用品、護膚品和香氛皂。產品按其重量出售，可按需要購買合適份量。全線取材自厨房及花園的新鮮材料，例如鮮果汁、水果、牛奶和蜜糖。
- 「天然草本香薰系列」以預先包裝嘅護膚品為主，分為三大系列「天然古方美肌系列 Ancient Facial Remedies」、「天然草本美髮系列 Botanical Hair Recipes」和「神殿水療美體系列 Spa Elixirs」。以源遠流長嘅希臘神話為主題，用古歐洲草本療法配合香薰配方，90% 成份為天然植物精華、香薰精油 & 植物潤膚霜，其餘10% 獲歐洲Ecocert認證，當中包括生物技術成份同維他命等。全面對應各種肌膚問題，例如脫髮、敏感肌、缺水肌、粉刺、細紋及皺紋等。適合不同膚質人士使 用。
對品牌有左初步了解後, Fresh Line仲邀請左美容達人Syreeta分享佢使用新鮮蔬果美容系列面膜嘅感受.
跟住係有獎小遊戲
之後工作人員邊介紹各款面膜嘅功效, 我地就邊按自己喜好/需要試敷唔同嘅面膜
我就先係下巴塗上消炎茶樹泥膜, 有D冰涼感, 我要對付痘痘!
之後係T字位厚敷淨肌泥漿面膜, 排毒之餘深層清潔, 回復皮膚活力
係眼位搽上王牌MASK – 活膚薯仔眼膜, 收緊肌膚去浮腫
最後係兩邊面頰位用上再生玫瑰面膜, 散發淡淡玫瑰香氣, 好RELAX, 深層滋養,保濕修護
用呢種清洗式嘅面膜, 最好就係厚敷, 搽上面見唔到本身皮膚顏色為佳.
約15分鐘後抺走/洗走, 原本偏乾暗啞嘅皮膚即時變得水潤明亮. T字位乾淨左, 膚色明顯白左一個SKIN TONE, 效果好顯著, 好有驚喜
有份即場試敷嘅SIS都好有同感, 覺得新鮮蔬果美容系列面膜好有效.
Fresh Line仲好好咁送上產品作為禮物俾我地返去用, 仲有購物COUPON .
現送出7折優惠咭2張, 有興趣可以PM我呀
|
| 2013 年 5 月 7 日 星期二 |
| 3大系列, 8大產品 - Biore防曬登陸全面睇 |
分類: 活動 |
未到夏天, 各大品牌就已經紛紛推出唔同嘅防曬產品, 面部/身體用都有,防曬系數亦去到SPF30以上, PA++++. 專櫃開架任君選擇. 一早係日本&台灣大受歡迎, 之前去當地旅行都係必買嘅手信. 等左咁耐, Biore終於將佢嘅防曬新體驗帶嚟香港, 正式係各大藥房, 個人護理店 同 超級市場可以買得到喇.
早前仲有機會出席其工作坊, 認識Biore登陸香港嘅3大系列, 8大產品
去到會場, 夏日感十足嘅太陽先生在外迎接
場內放滿左Biore嘅防曬產品, 沙灘佈置深得我心 (船河呀~滑水呀~又嚟喇~)
仲有小遊戲 , 估中有獎呵
先由Biore市場部嘅人員介紹好消息, Biore防曬已經嚟左香港啦
係日本, 佢嘅人氣係NO.1架
嚟到香港嘅有3大系列
I. Aqua Rich Series水凝系列.
全系列特別加入透明質酸及綜合柑桔精華，雙重提升保濕鎖水功效. 獨有水感凝體技術，
係 肌膚表層形成一層保水膜, 釋放大量水分子, 減少因日曬造成嘅水分流失，不停為肌膚泵水。高防曬系數，寬波段(Broad-Spectrum) 隔離UVA/UVB, SPF 50+能長效隔離UVB，防止肌膚曬紅及曬傷, 對抗光老化問題，PA+++有效預防UVA所引起的色斑、皺紋及各種肌膚老化問題
1. 當中嘅皇牌就要數呢支水凝長效保濕防曬乳, 不單貴為日本No.1** UV產品，更榮獲日本美的雜誌投選十大最喜愛護膚產品.
GAP(Gel Agar Particle)水分子水漾質感，長時間保持水般透薄質地，使肌膚表面更柔滑，塑造水漾嫩肌.
之前已經用緊, 仲帶埋佢去越南旅行呵, 詳細分享, GOGOGO
☀面部•全身用 50g
2. 清爽保濕防曬乳
每日水感防曬, ☀面部•全身用 90ml
SPF30高防曬系數及PA+++, 性質溫和, 適合日常外出塗抹
質地介乎GEL同LOTION之間, 清爽唔笠
3. 高效保濕防曬霜
防曬美肌 . 水嫩亮澤, ☼ 面部用 33g
SPF50+高防曬系數及PA+++, 獨有多50%GAP(Gel Agar Particle)水分子, 加倍提升水漾質感,打造極緻水嫩柔滑肌膚
可當妝前底霜, 令粉底修飾效果更持久貼服. MOUSSE質地, 相對傑身少少, 多花D時間塗開
4. 美白防曬霜
防曬美肌 . 白皙透亮 ☼ 面部用 33g
SPF50+高防曬系數及PA+++, 含洋甘菊美白精華, 防止黑斑、雀斑, 為肌膚打造美白屏護, 維持肌膚白皙透亮
都可以當妝前底霜用, 雖然係CREAM狀質地, 一樣咁水水
II . Sara Sara Series清爽透薄系列
Sofcare-STG配方帶來超透薄質感。產品加入左日本全新輕透UV隔離粉(ZnO)使防曬乳質地透明而不泛白，均勻分佈於肌膚表面，加強隔離紫外線，提升防禦效果。
1. 長效輕透防曬乳液
長效防水耐汗. 終極輕爽質感 ☀面部•全身用 40ml
SPF50+高防曬系數及PA+++, 獨有防水耐汗功效,專為長時間的戶外活動及水上活動而設, 防曬效果持久
好水嘅質地, 清爽透薄到不得了
2.透明亮肌防曬底霜
調整暗沈膚色, 肌膚明亮有光澤 ☼ 面部用 30ml
SPF50+高防曬系數及PA+++, 含光感柔粉, 淡淡櫻花色能調整暗沈膚色, 令肌膚明亮富有光澤
可以做妝前底霜, 細緻的柔粉令妝感更透薄. 質地水感透薄
3.零瑕潤色防曬底霜
修飾毛孔, 潤澤膚色, 打造輕透裸妝 ☼ 面部用 30ml
SPF30高防曬系數及PA++, 日本潤色配方, 有效均勻膚色, 修飾毛孔, 令肌膚自然幼嫩無瑕, 打造輕透裸妝
用嚟做妝前底霜一樣OK, 皮脂吸收清爽柔粉, 可防止出油及脫妝. 淡肉色乳液, 修飾膚色
III . 基本系列
防水耐汗防曬乳液
長效隔離紫外線 ☀面部•全身用 50ml
SPF48高防曬系數及PA+++, 具有防水耐汗效果,長時間戶外及水上活動都KEEP住防曬
好薄好水, 完全唔笠, 唔同一般防水防曬, 又油又黏膩.
跟住仲有質地/油份比較嘅小實驗
係board card上留下最少防曬乳, 代表越薄身
出席SIS親試質地, 好快就吸收左, 仿如無物, 幾乎睇唔到
油份測試, 一用面油紙就即時高下立見
Biore嘅防曬明顯係比較清爽, 所含油份亦相對較少
之後仲教我地DIY沙灘手挽袋
只需要一件T-SHIRT, 3條橡筋, 剪刀一把
將T-SHIRT反轉, 用橡筋綁起袖口&領口, 反轉去返正面, 剪出手挽位, 幾下就完成~
嚟緊嘅SUMMER, 就有一眾Biore防曬同我出海玩餐飽嘍~ |
2013 年 5 月 1 日 星期三  |
| 春夏甜美女神妝-教學+應用 |
分類: make up |
以中國曆法嚟計, 過左立春就已經係春天, 雖然天氣仲係乍暖還寒,但各大時裝品牌嘅春夏裝已經上架, 各大時裝SHOW都相繼配上甜美嘅妝容. 早前就有機會出席Bridal Academy x Enid x beauty life嘅2013春夏甜美女神妝教學班, 跟著名導師學習一下
是日嚟到Bridal Academy (香港婚宴管理及形象設計學院), 四周可見唔同嘅化妝用具
仲有靚仔負責人
有請"盛女愛作戰"化妝師Jessica為我地示範, 打好個底 - 為皮膚保濕係重要嘅第一步
先用化妝水幫皮膚做妝前保濕, 加少少CREAM就足夠
之後就係上BASE
要透薄嘅妝容, 可以唔上粉底, 但遮瑕就唔少得
跟住再上碎粉
到眼妝, 利用Le Pichet 旋轉輕柔防水眼線膠筆先畫眼線(黑色上眼線, 白色下眼線)
再用Le Pichet眼影膠筆+SAVA眼妝盒畫好眼影
貼上假眼睫毛, 夾同牙籤都係好幫手, 記得手勢係由上以斜角咁去貼
要填補眼線, 雙眼大左好多
擦上SOFT嘅眉色
打埋陰影令塊面睇落細D
掃上胭脂, TIPS 係唔好低過鼻頭
搽埋個咀
春夏甜美女神妝完成
教學班產品都由ENID贊助, 創辦人Joanne就介紹下頭先嘅Le Pichet 旋轉輕柔防水眼線膠筆
仲SHARE左假眼睫毛嘅TREND 同小知識俾我地
最後有以下禮物
黑金色嘅Le Pichet 旋轉輕柔防水眼線膠筆
真係好易畫又出色, 而且大力擦+用洗手液洗過, 都唔易甩
假眼睫毛就係令雙眼變大嘅神級工具
用上自然款, 以扁口夾夾住子線,再係母線位置去修剪假睫毛,跟返自己眼形剪裁合適嘅長度
塗上專用膠水, 頭尾份量多少少
貼嘅時候中間固定再到兩邊
雙眼即時放大
卸下假睫毛清潔完後,就可以將佢地收納係冬甩形嘅NAF甜甜圈假睫毛收藏盒度, 可以重用
真係多謝Bridal Academy x Enid x beauty life嘅安排, 仲有Jessica嘅風趣教學, 又有新知識嘅收穫呵~ |
| 2013 年 4 月 30 日 星期二 |
| 5種功效1瓶有, Q彈美肌水凝霜 |
分類: Skin Care |
隨住年齡嘅增長, 女性對膠原蛋白/骨膠原嘅渴求就越嚟越多, 飲食方面會用盡可能補充, 護膚品方面都會揀選含膠原蛋白嘅產品, 實行內外夾功, 等肌膚可以keep住Q彈keep住滑.
來自日本嘅機能性開架保養品牌AQUALABEL, 就深明女士嘅需求, 推出左集「化粧水、乳液、精華液、乳霜、面膜」5種功效於1身嘅膠原彈力水凝霜, 為肌膚提供水份彈力之餘, 仲省時方便. 啱哂忙碌嘅時代女性.
火紅色嘅瓶身相當搶眼
掀蓋式開蓋設計, 不過要先擰開, 將內蓋移走
之後就開啟好輕鬆, 便利更易用
成份方面有 :
♥高濃度膠原蛋白GL - 深入滲透角質層，創造水潤回彈緊緻肌, 提高皮膚緊緻彈力
✺雙重透明質酸 - 強力保水, 係肌膚表面形成「3D保濕網」, 鎖住滋潤保養成分, 平衡肌膚係任何環境同溫度下嘅含水量, 持久潤澤柔嫩.
●杏仁精華 - 令肌膚由內滋潤再生, 層促進彈力細胞生長，提升肌膚水潤度
質地係GEL CREAM狀
無色素，散發淡淡玫瑰香氣, 好RELAX, 又易推開.
轉眼就吸收左, 手背變得水潤發亮, 又唔會黏笠
係洗臉後塗抹係暗沈偏乾皮膚上
輕輕劃圈按摩, 凝霜好快就滲透落去
皮膚變得水嫩有光澤, 水潤感十足
用水份測試下, WOW WOW WOW, 水份大提升呀~~
佢仲可以厚敷當SLEEPING MASK, 而且通過敏感性測試, 可以安心使用 |
| 2013 年 4 月 29 日 星期一 |
| 一站式由頭靚到落腳 - D-mopZone |
分類: 活動 |
行街買衫一向都係香港人最愛做嘅嘢, 特別係女性, 放工買衫/落雨買衫/換季買衫/心情好買衫/心情唔好都買衫. 如果係一間SHOP入面買到唔同嘅品牌, 唔使四周圍行先搵到要買嘅心頭好, 感覺會特別爽.
香 港時尚名所D-mop , 近日就係尖沙咀購物藝術中心K11 開設左首間D-mopZone，除左引入眾多知名品牌外，更首度以「Military Theatre」為獨特主題，塑造出超過8000 平方呎嘅全港第一個全新概念店，為追求潮流嘅人士提供一站式購物體驗.
是日就有幸出席Makeup & Styling BLOGGER WORKSHOP.
概念店門口仲有香噴噴嘅爆谷, 開PART一樣
D-mop zone第一次以「店中店」嘅格局, 將購物空間劃分為不同嘅潮流區域, 一入門就係可愛嘅BEAR, 佢仲係店入面做FITTING MODEL
首 度引入香港, 係日本大受歡迎潮流服飾品牌「AZUL by moussy」、D-mop 旗下品牌BLUES HEROES 及LOVEIS、瑞典知名品牌CHEAP MONDAY, 重新打造以「JUST ONLY ONE」為概念嘅運動時尚區J-01 以及主打牛仔褲嘅多元品牌「Denim zone」
呢個可愛到呀~~~
獨家引進Kornit Thunder數碼服裝印花機，提供即時為T-shirt 和Denim 打印個性化圖案的D.I.Y訂制印花服務
服裝印花機呀~
仲有各款各樣嘅鞋
手袋飾物
家品、玩具等「Lifestyle zone」
先由MC GIGI介紹今日WORKSHOP有咩環節
有請D-mop Beauty星級化妝師 - Yan, 為我地示範party look妝容，用上pastel color嘅粉綠色作眼妝
同時係眼尾位置貼上印花圖案嘅眼線貼紙，非常特別又夠SHARP
最後再塗上粉紅+粉橙胭脂, 配橙色唇膏, 成個妝容非常誘人
另外有Hair Corner – 知名髮型師Cliff 作頭髮造型示範
特別用上新款髮型用具 – InStyler滾動式直髮+曲髮電熱器, 可以做到直髮 + 曲髮效果，內藏梳子部分，又可以轉動
令頭髮添上光澤
靚哂~
D-mop ZONE 除左衣著方面選擇多, 仲設有D-mop beauty, 大家去到仲可以體現化妝服務與指導, 咁就由頭靚到落腳啦~
快D去睇下啦 : 尖沙咀河內道18號K11商場地庫2樓B205-206 & B208-209號舖 |
« | 11 | 12 | 13 | 14 | 15 | 16 | 17 | 18 | 19 | 20 | ... | 54 | »
|
