| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2012 年 12 月 10 日 星期一  |
| 3D立體多角度改善眼部肌膚方案の應用 |
分類: Skin Care |
經常笑面迎人或者嘻哈大笑嘅人, 俾人感覺都係開心果, 煩惱可能相對比較少, 但係佢地可能忽略左大笑帶嚟嘅表情紋, 日積月累, 年紀漸長, 就會成為笑紋->細紋 ->皺紋. 而眼部嘅魚尾紋, 一笑仲特別明顯,要 進階微整眼周皺紋, 唔一定要去醫療中心進行醫學美容(微整形), 依家日常護理都做得到, 只因CLINIQUE 3D立體多角度改善眼部肌膚方案 - [激活激光修護眼霜]嘅出現
早前有幸出席左發佈會(詳情按此), 深入了解過激活激光修護系列皇牌產品嘅厲害,
點都要試過先知真定假. 帶左佢地返屋企.
激活激光修護精華素可以用作EYE CREAM前嘅打底. 因為眼都搽得.
主角當然係激活激光修護眼霜啦
扭開外蓋仍然有厚厚膠蓋作雙重保護
蘊含多種成份, 達致4大修護
●無痕修護力1【24hr修護再生】- 日夜不間斷修復光老化傷害：
含 「非感光酵素」(Encapsulated Micrococcus Lysate= Ultrasome)藤黃微球脂質膠囊 ,具抗紫外線嘅有機體, 係接觸紫外線嗰陣融化釋放修護酵素，滲透肌膚底層，24小時逆轉光老化傷害。同時係夜間發揮最佳成效，強化肌膚修護UVB紫外線引起嘅傷害。
●無痕修護力2 【逆齡賦活撫紋】- 促進膠原蛋白增生，提升撫紋修護效果:
-黑茶酵素, 、海茴香精華強化細胞更新能力，唔會造成刺激。海茴香提升彈力纖維及膠原增生, 改善皮膚密度, 減淡幼紋皺紋.
-膠原蛋白增生與補充: 小綠球藻、淨化乳清蛋白，強化膠原蛋白增生，促進膠原蛋白與彈力蛋白的再生，創造強健平滑肌膚。
-豨簽草萃取更能預防膠原蛋白斷裂，增加彈力韌性。
-寡胜肽有促進膠原蛋白，彈力纖維和透明質酸增生，提升肌膚含水量，增加皮膚濃度以及減少細紋嘅功效。
-Zinc PCA具有改善皮脂分泌過剩功能，能給予肌膚清爽感覺, 同時可抑制膠原蛋白水解酶產生，極具抗皺功能。
●無痕修護力3【內外還原防護】- 抵禦自由基 強化肌膚防護力
獨家雞尾酒成分，以維他命C和E、麥角硫因（Ergothioneine）等豐富高效抗氧化物，阻絕環境侵襲因子所釋放自由基，預防DNA再次受損，提升肌膚防護力。
●無痕修護力4 【智慧保濕潤澤】- 修護天然保濕滋潤膜
-速效保濕同步長效滋養嘅透明質酸、海藻醣、親膚甘油立即提供肌膚保濕潤澤，係接觸肌膚同時建立天然保濕滋潤膜。
-抗老成分如青瓜、迷迭香、大麥、向日葵精華能淡化眼周暗沉，預防眼周暗沉，舒緩環境對皮膚所產生嘅刺激。
質地柔滑易推, 保濕滋潤
我D眼紋真係好深下 >~<
利用之前學到嘅按摩方法塗搽:
1.先沾取3顆米粒大小嘅激活激光修護眼霜，以大拇指、中指與食指搓揉溫熱，輕輕拍點於眼周。
2.用中指腹輕柔地按壓在眼周肌膚包括眼頭、眉頭、眉峰、眉尾與太陽穴。
3.再沾取一些眼霜，輕輕以食指與中指，撫過眼頭、上眼瞼到太陽穴。
4.最後，再順著眉毛的上方弧型掠過。
搽完之後, 眼周感覺滋潤而唔黏笠
用左2星期左右, 效果唔錯噃, 眼底紋理明顯淺左D, 希望KEEP住用, 將佢地全部擊退.
|
| 2012 年 12 月 4 日 星期二 |
| 3D立體多角度改善眼部肌膚方案の發佈 |
分類: 活動 |
梁朝偉, 方中信, 金城武都係公認嘅城中型男, 佢地殺死人嘅眼神居功不少, 笑咪咪嘅女性都會特別吸引, 可惜越笑得多, 面上嘅表情紋越多, 特別係眼紋, 比任何嘅紋理都要顯眼. 要改變呢個情況, 醫學美容(微整形)可以幫忙, 只係有無咁嘅勇氣呢? 如果日常用嘅護品都有醫學美容嘅效果, 就唔使擔心風險問題.身為全球第一個由皮膚科醫師創立嘅品牌 - CLINIQUE, 積極係抗老化領域不斷創新，經十年皮膚醫學研發，繼推出突破性科技抗老產品「激活激光修護精華素」後, 再獻新猶, 3D立體多角度改善眼部肌膚方案 - [激活激光修護眼霜]由此誕生.
早前有機會去到CLINIQUE嘅training center 出席簡單嘅發佈會,率先一睹佢嘅真身.
成幅牆咁大嘅BACK DROP
主角s
另外一面仲有新季嘅彩妝產品 同 王牌產品
大會仲為出席者準備左豐富嘅下午茶
PR Debbie為我地介紹新品
再由導師PP同我地講解
肌膚老化至少有2大主因:
● 第1主因-陽光，80%上肌膚老化現象，都因曝曬陽光而起。有害紫外線會穿透至肌膚底層，傷害細胞DNA，導致膠原蛋白和彈力蛋白提早受損，並且阻礙健康 細胞代謝機能，長時間下來，會產生膚色不均、暗沉、細紋、皺紋等老化現象，進而造成「日光性斑痕」(solar scars)。
●第2主因是新世代生活型態造成局部肌膚壓力緊張，引起習慣紋或者動態紋。化妝和卸妝同時對眼睛周圍肌膚刺激甚大。加上現代人使用電腦/智能手機頻率高、常熬夜與極端面部表情，也造成用眼過度使眼周提早老化，修護動態紋路或習慣紋路的傷害才能讓眼周紋路淡化或者消失。
時 下流行嘅醫學美容抗老療程中，LASER係最普遍有效的療程之一，但眼周肌膚就算用LASER手術改善肌膚皺紋、細紋等老化現象，術後保養及效果維持更突 顯平日居家護理保養嘅重要性。使用含有對抗光老化酵素、多胜肽科技等多效合一抗老成分，不僅能維持LASER手術後肌膚回春效果，還能保護肌膚不受陽光、 壓力、污染物等環境所帶來嘅光老化傷害。
激活激光修護眼霜就正正以Encapsulated Micrococcus Lysate= Ultrasome藤黃微球脂質膠囊,維他命C和E, 乳清蛋白, 黑茶酵素, 綠球藻, 青瓜, 迷迭香、大麥、向日葵萃取, 海藻醣等多種珍貴而有效嘅成份, 達致去紋修護效果.
期間導師仲教我地按摩嘅技巧, 等EYE CREAM更吸收, 雙眼更精靈
當然唔少得試下產品啦
激活激光修護精華素
好快吸收又唔立
激活激光修護眼霜
質地柔滑易推, 保濕滋潤
究竟激活激光修護眼霜WORK 唔 WORK? 兩星期後再報告嘍~
|
| 2012 年 12 月 1 日 星期六 |
| 絕色櫻唇♥水感滋潤 |
分類: make up |
女生要望落有好氣色, 係咪一定要FULL MAKE UP? 未必, 唇紅齒白都可以令人睇落精神D, 亮麗唇色就成為一眾女士所追求嘅美麗法寶.唇膏嘅出現已經為女性添上嫵媚, 之後唇彩嘅誕生, 更將少女嘅心俘虜, 令櫻唇更3D, 更自然. 早年嘅唇彩一般都比較厚身, 黏立, 搽左之後好似"漿住"個咀咁, 亦唔一定夠滋潤, 特別係多閃粉嘅, 搽左都會偏乾D.
呢個傳統將會由L'Oréal Paris打破, 12月推出全新SHINE CARESSE 水漾絕色唇彩, 為唇妝帶嚟新體驗之餘, 仲可以令聖誕妝容更SHARP~
一共有8色, 有幸用到其中三色, 打造唔同妝感
高貴嘅金色包裝, 外班絕對比得上專櫃品牌
唇掃係專利羽毛狀空心設計, 可以準確沾取適當份量，能避免過多, 觸感相當柔軟
顯色度相當高
持久度係意想不到咁好, 手上嘅試色, 用紙巾抺完之後,仲有約30%嘅色留係手度, 就算用水沖過輕擦都無咩點甩到
SHINE CARESSE水漾絕色唇彩以嶄新水感配方研製, 擦上咀有涼涼地嘅清新舒適感覺
鮮粉紅系嘅603色, 感覺好自然, 日妝最啱
大熱嘅粉紅604色,顏色亮麗, 個人睇落好精神, 返工見客之選
橙紅系嘅804色, 色調比預期中稍紅, 夜晚去街去PARTY用就更見突出
全部搽嘅時候都無用潤唇膏打底, 但真係好潤, 唇紋即時淡左, 滋潤感KEEP到幾個鐘, 飲水都唔會係杯邊留痕, 最重要係唔點黏立, 而且好簿, 就好似將"有色嘅水"搽上咀咁,就已經擁有光澤水潤櫻唇.
價值仲超值到不得了, HK$99/ 6ml.
2012年12月1 日有得賣啦~ |
| 2012 年 11 月 28 日 星期三 |
| 秋冬抗皺, 搵SOFINA幫幫手 |
分類: Skin Care |
一到秋冬天, 皮膚容易變得乾燥, 除左要保濕外, 亦特別需要加強滋潤,先可以抵抗寒冷帶嚟嘅皮膚問題, 一唔留神, 細紋/乾紋就會出現, 慢慢就會變成皺紋,到時就恨錯難返, 永遠都係預防勝於治療.
之前有幸出席左SOFINA 秋冬美肌工作坊(詳文按此), 學到唔少嘢之餘, 大會亦送上產品去用真D, 重點推介:
先用SOFINA beaute高濃度W雙效抗皺精華素enriched wrinkle essence
特別為缺乏彈力肌膚研製嘅「高濃度W抗皺精華配方※」,獨有嘅誘導滲透科技將成份輸送到角質層最深處,用滋潤填滿每一個角質細胞,賦予肌膚彈簧般有彈力嘅緊緻感
好LIKE個金色蓋~
成份方面有 :
大米精華肽 - 強化肌膚內部支撐著膠原蛋白嘅彈力線狀纖維, 從而改善皺紋問題
生薑精華-抑制已變質嘅酵素活性及生產量,以免肌膚底層纖維被分解,回復表皮彈力緊緻
用量方面大約8MM左右已經可以搽晒全面(眼部亦可用)
塊面除左乾, 紋理亦開始作怪
配合提升塗抹法, 特別係眼角及嘴角嘅塗抹技巧
濃厚啫哩質地, 觸感細滑, 好快就融入肌膚, 完全唔黏膩, 感覺持久保濕
無色素之餘仲帶淡淡花香
嚟個評分先, 5粒★為滿分,代表最滿意
1滋潤度★★★★ 2滲透度★★★★ 3乾紋淡化度 ★★★★ 4保濕度 ★★★★
再敷上SOFINA beaute重點提升抗皺眼膜wrinkle sheet pack
一盒有12 pairs
可以用係眼下/虎紋位, 平復眼尾、眼下皺紋、眼袋及嘴角笑紋，提升肌膚緊緻彈性
獨特黏貼質地產生「密封效應」
將佢貼上眼紋勁深嘅眼下
真係貼得好實, 向下望都唔會甩
成份有: 高濃度水溶性生薑精華NL、檸檬精華、馬栗樹精華SP 以及
-尤加利精華：提高滋潤度及防禦力，保持表皮彈力,預防乾紋形成。
-柚子精華：促進血液循環、減淡黑眼圈
敷15分鐘就足夠
d紋真係淡左, 勁
1滋潤度★★★★ 2翌日/稍後上妝貼服度 ★★★★ 3乾紋淡化度 ★★★★★ 4保濕度 ★★★★
最後搽上SOFINA beaute高濃度精華乳液 Enriched Emulsion
長時間為肌膚注入水分, 讓肌膚全晚持續滋潤嘅「持續型細胞間脂質配方」, 加上媲美精華液嘅抗老化滋潤成分-生薑精華、柚子精華、尤加利精華,使因乾燥而形成嘅幼紋變得不明顯
個花花形蓋好可愛
分量大約1.5cm
可使用於眼部幼嫩肌膚, 通過過敏測試, 無色素之餘仲帶淡淡花香
質地幼滑, 好易推, 感覺滋潤
同樣用提升塗抹法搽上, 皮膚緊緻, 光澤感UP UP UP
1滋潤度★★★★★ 2滲透度 ★★★★3乾紋淡化度★★★★★ 4保濕度 ★★★★★
嚟緊各大節日PROMOTE, 絕對值得入手
|
| 2012 年 11 月 26 日 星期一 |
| 卸妝無難度,5秒已做到 |
分類: 活動 |
好多人都會認為要皮膚好, 用上貴價嘅護膚品就一定得. 實際上清潔皮膚先係護膚嘅首要工作,皮膚唔夠清潔,就阻礙護膚品吸收. 日常有化妝習慣,卸妝更要徹底,以免彩妝堵塞毛孔,否則痘痘暗粒就會跟住嚟. 有人會選用潔膚水, 有人會揀卸妝油,一次過全面落妝, 但對於防水嘅眼妝/唇妝, 有時要卸多一,兩次先掂,應該先行用眼唇卸妝產品將佢地K.O.
擁有過百年歷史嘅POND'S,讀書時代已經開始用佢嘅產品.最近又有新品登場,一出就成為左韓國人氣產品-深層潔淨眼唇卸妝液. 早前就有幸出席左體驗分享會, 發拙又一好物.
場地方有唔同嘅POND'S卸妝產品
每張枱上都有主角 - 深層潔淨眼唇卸妝液
大會仲安排左好味嘅TEA
有請MC 同 化妝師出場, 同我地分享卸妝嘅重要性
再請出MODEL
化妝師幫佢即場化妝, 再示範落妝
預先上左底妝,仔細咁化上有層次嘅眼妝, 胭脂同唇妝, 仲教左我地唔少秋冬妝TIPS
完成
之後即場用深層潔淨眼唇卸妝液去落妝 , 落一邊面睇下分別
深層潔淨眼唇卸妝液使用BIO SPA COMPLEX特殊配方,添加含礦物質成分溫泉水,清爽唔油膩之餘,仲蘊含天然葡萄籽、山茶葉精華, 歐洲赤松葉精華,唔會刺激皮膚,仲有修護功效
使用前先上下搖勻卸妝液,以適當份量沾濕化妝棉, 再敷係眼蓋/唇上5秒, 大部份眼/唇妝已經抺走
眼線可以用棉花棒沾上卸妝液仔細擦掉, 亦可拭去面上彩妝
真係好乾淨喎
落埋另外一邊
彩妝一點不留,乾淨晒
跟住仲玩左個BLIND GAME, 先幫相片化妝
再用3個唔同牌子嘅卸妝品去落妝
比較下清潔度, 清爽度, 都係POND'S深層潔淨眼唇卸妝液最出色
到我地都動手去試下
一將POND'S深層潔淨眼唇卸妝液吱到相片上, 彩妝即時已經化開
落得好乾淨又唔黏立
防水唇妝都一樣輕易搞掂
最後仲有禮物呵~
更多分享在後頭...TO BE CONTINUE... |
« | 14 | 15 | 16 | 17 | 18 | 19 | 20 | 21 | 22 | 23 | ... | 54 | »
|
