| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2012 年 6 月 16 日 星期六  |
| 眼睛活化修護對策 |
分類: Skin Care |
眼部係靈魂之窗,同人交談嘅時候,要望住對方嘛,而眼部皮膚比面部皮膚脆弱得多,加上化妝/帶con,對眼部容易做成傷害,所以要打醒十二分精神去護理,要乾走乾燥、細紋、暗沉,就要靠有效嘅產品.
結合皮膚醫學、藥學、生物化學等領域研發人員,針對亞洲人膚質度身打造保養產品嘅台灣專業醫學美容品牌Neogence近日就推出左ACE全效煥膚系列.創新研發『肌底煥膚科技』,針對肌膚五大問題『粗糙暗沉、斑點沉澱、毛孔粗大、鬆弛無彈性、乾燥細紋』提出全方位改善.
今次就用上ACE 彈力新生眼部精華,針對25歲後眼周容易出現嘅多種老化問題提出『活化修護對策』.選用兩大強力撫紋活化成分+兩大亮白配方,針對眼周惱人細紋進行密集修護,提升彈力；同時改善眼周暗沉問題,展現眼眸肌膚亮采活力.
TUBE裝入,分量有15ml
質地係薄身嘅cream狀
推開質感柔滑
按摩一下就吸收晒,感覺完全唔油膩
原本佢嘅成份來頭唔細:
◎ 2%高純度維他命A: 活化眼周X提升彈力X撫平細紋
以溫和煥膚方式促使肌膚去除老廢無用角質,修護肌膚,配合膠原蛋白作用改善肌膚彈性,對抗老化細紋,使皮膚柔軟、緊緻有彈性，同時防護環境對肌膚的刺激，全方位維持肌膚健康狀態.
◎ 胜肽撫紋因子Matrixyl™ 3000，強力改善眼尾皺紋、延緩老化
法國SEDERMA複合修護胜肽MATRIXYLTM3000蘊含兩種特殊基質活化胜肽 –寡胜肽與四胜肽，專對皺紋及缺乏彈性的肌膚密集保養，強力活化肌膚、撫平細紋、提升彈性，延緩老化、使肌膚光采亮澤。
◎ 眼周亮白因子BIOPHYTEX®
BIOPHYTEX®係由多重植物（金雀花、雷公根、金盞花、七葉樹）與甘草酸銨、酵母萃取物所結合而成嘅天然修護成分,有效舒緩眼部肌膚，幫助亮白眼周暗沉。
◎乙基維他命C，有效改善暗沉
全面亮白肌膚，協同膠原蛋白作用，讓肌膚緊緻有彈力，改善肌膚的彈性、光澤、毛孔細緻。同時亦係一種有效嘅抗老化成分，
可以保護肌膚，對抗外界環境因子嘅不良影響,延緩老化。
◎ 複合ACE維他命配方(TOCOPHERYL ACETATE)，幫助眼周肌膚全面活化
能保護、滋養肌膚，且具有強大的抗老能力，協助對抗環境汙染源、維持健康膚況。同時協同膠原蛋白作用，提升肌膚彈性，展現美肌緊緻光澤
◎ 明星保濕成分—透明質酸
透明質酸係極佳嘅天然保濕成分,將大量水分長時間保存,使肌膚保持彈性,延緩水分流失,維持肌膚健康有光澤
成日對住電腦又挨夜嘅雙眼,幼紋出現左 >~<
取綠豆大細嘅份量
用指腹輕輕按摩
等佢吸收
感覺水嫩滋潤而唔黏膩,唔會形成油脂粒.
用左一排,眼部無之前咁乾,幼紋都淡左少少
另外亦可以用Neogence ACE彈力新生眼部精華厚敷一層於眼周肌膚,利用夜間睡眠嘅長時間裡達到密集修護、緊緻亮白嘅作用架.
|
2012 年 6 月 13 日 星期三  |
| ☆❤☾睡得甜☺☽♡瘦得到✰❊❁ 皮膚好の3D真體驗 |
分類: Health |
都市人生活節奏急速又繁忙,無論係家庭主婦定返工返學,生活壓力都相當大,家務OT/功課過後,睇下電視/影碟/上網/打機減下壓,轉個頭已經12點幾1點,要瞓覺.壓力舒緩到嘅都會唔夠瞓(第2朝一早又要起身),大壓力一族可能碌嚟碌去瞓唔著,甚至瞓到半夜會扎醒,睡眠質素好極有限.搞到唔夠精神,免疫力轉差,易病,情緒唔穩定,個人燥晒,皮膚差,無便便,仲容易導致肥胖,我唔要咁呀 >.<
要延長睡眠時間唔係咁易,咁要大大提昇睡眠質素就係有效解決嘅方案嘞.致力於世界各地搜羅優質天然、有機健康食品及營養補充品,利用天然，將有機飲食，以食物增強抵抗力嘅概念帶俾所有家庭嘅安康Ankang,亦深明睡得香皮膚嘅重要性,推出左瞓住靚,瞓住瘦嘅美肌新產品 - 膠原舒眠美肌飲.
早前有機會去到ANKANG嘅OFFICE,透過『睡得甜 瘦得到 皮膚好』Blogger 體驗會了解左呢款美肌新產品(按此回顧),之後就攞住2盒返去試清楚嘍
戒開封條,一盒有6支
每支50ml
主要成份：
- 低分子膠原蛋白12000mg: 分子結構與皮膚膠原蛋白嘅基本單位相近,可以真正被肌膚吸收.每日一支就足夠補充肌膚膠原蛋白
- 玄米萃取GABA: 可促進人體分泌生長激素,加速燃燒脂肪&代謝,幫助紓緩壓力,提升睡眠質素.保持優質睡眠,達到瘦身效果.
- 維他命 C: 有助美白,預防黑色素形成
每樽只有82卡路里
使用方法：
- 每日瞓前飲半個鐘飲1支,可以直接飲,或者加係冷水/鮮榨果汁度一齊飲
要留意嘅係 [高溫會影響產品嘅酵素活性,避免加入熱飲中]
扭開..睇唔到係咩色喎(個樽太深色嘛)
倒出嚟,就見到係茶嘅色澤
質地比水稍微傑身少少,味道酸酸甜甜,帶淡淡嘅荔枝香味,好易入口
近排轉新工,混亂情況令壓力大增,本來已經唔夠瞓,點知瞓得仲差左(惡夢纏繞),又要出trip,皮膚差左好多,竟然有乾紋 (我接受唔到囉)
剛好膠原舒眠美肌飲出現,飲左真係瞓得好左,夢都無咁多,睡眠質素提昇左,皮膚都改善左.
想瞓覺都可以甜d,瘦d,皮膚好d(3D咪就係佢地囉), 膠原舒眠美肌飲係一個唔錯嘅選擇呵. |
| 2012 年 6 月 12 日 星期二 |
| 一按一沖,濃妝淡妝無晒影蹤 |
分類: Skin Care |
日本花王旗下嘅Bioré碧柔,由學生時代就已經用緊,絕對係價廉物美,近年來產品發展越嚟越多,由去台灣都必入手嘅防曬,到大熱嘅卸妝油,都一樣大賣.依家再獻新猷,推出高效水漾卸妝凝露.
亮眼嘅粉紅色造形,同卸妝系列相呼應
咁佢同卸妝油有咩唔同呢?
˙全新特有「迅速潔淨卸妝技術」,只需按摩一圈就可快速卸除防水或濃厚妝容
˙質地清爽易推，一沖即淨不殘留
˙含1/3美容保濕精華液,卸妝同時保濕,卸後水嫩不緊繃
˙手濕臉濕都用得
真係咁厲害? 一試便知龍與鳳
泵裝設計,仲有安全膠蓋,唔覺意按到都無有怕
一泵嘅分量
透明無色嘅稍傑身水狀,咁有油FEEL嘅?!
散發淡淡花香
慣常嘅淡妝
卸半邊面,就可以睇清效果
乾面搽上
輕輕按左一圈(感覺滑嘟嘟,唔係油淋淋)
直接以清水沖淨
真係乾淨晒
完全無任何殘留
洗後嘅肌膚摸上手好平滑、清爽,毛孔乾淨左好多.而且完全無乾燥緊繃嘅感覺,應該係因為高效水漾卸妝凝露有1/3 保濕精華呵
1泵就可以洗乾淨半邊面,即係2泵就搞掂成個妝.一支可以用上3個月呢!真係超值呀~ |
| 2012 年 6 月 5 日 星期二 |
| ☆❤☾睡得甜☺☽♡瘦得到✰❊❁ 皮膚好の體驗會 |
分類: Health |
早睡早起身體好係老生常談,可惜現代嘅都市人就唔係咁易做得到,返工返學一族,又OT又功課,再睇下電視上下網,一眨眼就12點幾1點,使人容易入睡嘅褪黑素都唔見左一半(分泌最多嘅時間係晚上十一點至凌晨兩點達到高峰),結果唔係碌嚟碌去瞓唔著,就係唔夠瞓,第二日做嘢唔夠精神,仲搞到皮膚差晒,個人肥晒.
致力於世界各地搜羅優質天然、有機健康食品及營養補充品,利用天然，將有機飲食，以食物增強抵抗力嘅概念帶俾所有家庭嘅安康Ankang,就深明睡得香皮膚嘅重要性,推出左瞓住靚,瞓住瘦嘅美肌新產品.
是日仲有機會去到ANKANG嘅OFFICE
出席『睡得甜 瘦得到 皮膚好』Blogger 體驗會,了解下呢款美肌新產品.
SET定晒講台
仲有一袋袋嘅禮品?!
工作人員好快就送上飲品
之後仲有小食
體驗會開始喇,由ANKANG MARKERING嘅人員主講
先介紹下ANKANG產品嘅專業認證
皇牌產品排毒酵精, 原來就係頭先飲嗰杯.
仲有健康蔬菜片, 頭先嘅小食, 健康又好味
入正題,點先可以[睡得甜 瘦得到 皮膚好]?
先了解睡眠嘅唔同質素
唔夠瞓就會產生毒素,可以影響好大
健康養生之道
主角 - 膠原舒眠美肌飲
主要成份：
仲有得即埸試飲
酸酸甜甜咁,有d荔枝嘅香味
瘦身教主唐安麒小姐都有飲過
連ME都有介紹
嚟緊呢2個星期就會仔細去體驗膠原舒眠美肌飲嘅威力,再分享嘍~ |
| 2012 年 5 月 21 日 星期一 |
| 礦物護膚新勢力 |
分類: Skin Care |
係美國紅透半邊天嘅礦物彩妝品牌bareMinerals,主要因為佢得到經臨床測試可改善皮膚,而且不含任何化學物質,保護肌膚同時令粧效自然亮澤,好似素肌一樣,係舊年強勢回歸香港後,繼續領導礦物彩妝嘅潮流.當時有機會係回歸workshop試過佢嘅護膚品(按此回顧),將礦物配方伸延至護膚品當中,等左成年,全新礦物護膚系列終於都嚟到香港喇(真係頸都長埋)
一共有7款產品嘅礦物護膚系列, 今次有幸用上其中五款呵(簡直係還我心願)
全部都蘊含專利 ActiveSoil Complex 成份,包括左72種礦物質 - 鈣、磷、鎂、鐵及鋅等等,強效抗氧化,促進細胞更新及新陳代謝,減少細紋及皺紋,收細毛孔,夜間持續12小時天然護膚,解決膚色不均、暗啞及衰老等問題，有助皮膚柔滑光澤,再配合日間礦物彩妝,實行24小時全天候礦物護膚.
洗面產品有3款,其中2款係:
1.Hydrating Milk Cleanser洗面乳
水溶性潔面配方可以徹底咁潔淨面上嘅污垢同彩粧,啱晒化慣淡妝or有時懶到只用有色防曬嘅我(夏天面油侵襲 =.=)
質地係稀身嘅乳液嚟
先整濕雙手,一隻手要盡量兜d, 按壓瓶泵兩次,加少少水,另一隻手就用手指去搓(打圈形式),再加少少水,再搓,再加少少水,乒乓波咁上下大嘅幼滑細緻嘅泡沫輕易就做到喇
泡沫好豐盈,而且厚身滑溜,就算反轉隻手,泡泡都唔會掉下架!
用咁厚嘅泡泡去按摩洗面,就唔怕會拉扯到肌膚洗面乳
卸粉底要乾面用呵(示範ing)
洗面乳當中嘅選擇性潔淨成份有大量嘅保濕因子,另外加入牡丹&木樨精華,改善皮膚狀態之餘仲可以令肌膚有光澤
過水後真係乾淨得嚟唔會掹掹緊.
2.Exfoliating Treatment Cleanser深層清潔粉
有效溫和咁去除面上角質，改善肌膚暗啞，使用後肌膚回復光澤,早晚用都得
推蓋式設計(莫非idea係嚟自礦物彩妝?!)
成份除左ActiveSoil Complex外,仲有舒緩敏感嘅燕麥&天然稻米粉末,滋潤抗養化嘅維他命E&綠茶,亮膚保濕嘅絲蘭萃取物+蘆薈+椰子.
所需份量大約一蚊硬幣SIZE左右
都係加水打圈直到起泡,上面打按摩後再用清水/暖水沖洗
感覺滑和得嚟,又有磨沙FEEL (台灣腔: D"沙"超幼細的說)
用完皮膚都無任何泛紅
除左要嚟洗面,用深層清潔粉加水開成糊狀,就變身成為深層清潔面膜嘍~
3.Active Cell Renewal Night Gel 精華啫喱
可以促進透明質酸及膠原蛋白係晚間形成,強化細胞功能. 配合按摩使用,等蒸氣同熱力令毛孔擴張,更有助皮膚吸收精華
輕盈嘅GEL CREAM狀,包含左維他命E導入體,可可巴油,透明質酸
質感滑溜,特有嘅AGAR吸收配方, 好快滲透
使用tips係 - 濕用!!
係沖涼嗰時使用,把3至4 泵份量塗上整個臉,然後慢慢按摩，蒸氣及熱力令毛孔擴張，有助皮膚吸收精華。沖完涼後,用以毛巾印去多餘水就得
皮膚吸收嘅精華比平時多,水嫩返晒
4.Active Cell Renewal Night Serum精華乳霜
茶色樽配滴管式設計
蘊含黑茶精華,改善粗糙嘅肌膚表面,令皮膚更加平滑. 配上燕麥內核精華,維他命C 同 E, 利用晚間黃金時段促進細胞更新,提升肌膚嘅水潤度,改革緊緻度同彈性.
水水嘅簿身精華
搽完好快吸收晒
珍珠份量已經夠全面用,輕輕按摩
滋潤得嚟不油不膩(可恨嘅係按完好易微紅)
5.Hydrate & Nourish Moisturizer二合一保濕霜
結合爽膚水及乳霜嘅功效,簡化保養程序,有效調節細胞嘅新陳代謝及增強皮膚嘅保濕屏障機能,令肌膚水潤柔軟回復緊緻有彈性
提供乾性、中性及混合性3種配方,可以根據唔同膚質揀返合適嘅.
用上嘅係中性,含可可巴油,黑莓百合根精華,白樺樹精華,L-絲氨酸等,平衡水份VS油脂分泌,穩定T-ZONE同U位嘅肌膚狀態
質地都幾水,比精華啫喱仲稀,感覺絲滑
用左幾日,皮膚水嫩明亮左DD呵..
除左以上幾款外,bareMinerals礦物護膚系列仲有Purifying Foam Cleanser 泡沫潔膚乳同Blemish Remedy 粉刺護理粉,下星期正式開賣啦~
要入貨就要去:
bareMinerals專櫃﹕
金鐘太古廣場Harvey Nichols查詢電話：2918 0592
尖沙咀海運大廈FACES查詢電話：2376 3766
旺角朗豪坊西武查詢電話：2466 2128
銅鑼灣時代廣場Pop-up store查詢電話：2506 1515
網站：www.bareminerals.com.hk
Feel free to contact : [email protected] |
« | 21 | 22 | 23 | 24 | 25 | 26 | 27 | 28 | 29 | 30 | ... | 54 | »
|
