| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2012 年 3 月 15 日 星期四  |
| 愛生活,愛自己 |
分類: Beauty |
婦女節啱啱過,各位姊妹有無係當日特別對自己好d?其實要對自己好d,唔一定要特定日子先可以嘅,平時就應該錫住自己,扮靚d,食好d,人都開心
d嘛.
早前就有幸得iMore嘅按排而可以出席「愛生活 愛自己 AQUALABEL與妳談情說愛」座談會,去同朱薰同Miki一齊傾下開心、
自信之道，同時親身體驗AQUALABEL嘅水潤威力.
剛去到嘅時候,到達嘅人未係好多
大會埸地設計簡約,除左back job之外,有放大左嘅產品模擬stand,可以要嚟影相.
另外兩邊放有唔同嘅產品,即場試用下先
差不多到活動開始,已經座無虛藉
鬼馬嘅MC - 朱薰出場. 同我地分享近期嘅活動,係令我羨慕嘅旅行呵.但返到HK就係曬黑左嘅護膚煩惱
之後就到MIKI同美容導師Samantha上台.
朱薰先嚟同Miki傾下偈,講下護膚之道,貪靚嘅Miki都有試過搭長途機,唔怕人眼望望都要敷保濕mask呢
皮膚果然唔錯
傾左一陣後,就到向美容導師Samsam嘅心得
Samsam就推介開架品牌-AQUALABEL
以「導入式護膚」為品牌嘅宗旨,由資生堂研發,深信要達到更佳護膚效果,就必須要讓肌膚源源吸收護膚品嘅成分精華同水份
而缺水,的確會帶嚟好多問題
我地嘅皮膚角質層,其實對保水都起著重要嘅作用
咁每日嘅基本護膚就由角質護理開始
角質層太厚會令毛孔粗大
「導入式保濕」系列就啱哂: 針對乾燥、缺乏彈性、毛孔粗大及加強肌膚的吸收力,含「高密度水潤配方」、雙重透明質酸及雙重骨膠原GL，
提升肌膚彈性.
Miki仲推介透明毛孔遮瑕膏,即場有得試
角質層過厚會令皮膚變得暗啞
「導入式美白」系列：針對色斑、暗啞及缺水肌膚,幫到手呵
工作人員仲每人派左粒浸滿美白補濕水蹏丸裝mask
如果肌膚嚴重缺水,出現細紋
就可以用「導入式抗老化」系列：針對熟齡肌 - 持續肌膚乾燥、色斑暗啞、欠缺彈性及對護膚品吸收能力減低等等
早前入場嗰時有一張護膚冷知識嘅問卷,當中嘅問題得7個人全部答啱.
大會抽出左3位幸運兒
之後有Q&A環節
仲請左平時逢星期一6-8PM 係http://www.aqualabel.com.hk/chat.php同大家解答護膚疑問嘅Miss Aqua同的地傾下,解答疑難
適逢當日係四年一遇嘅2月29日,所以在場2月生日嘅出席者都有一份生日禮物呢.
其他人都有導入式保濕系列嘅底妝產品呵
|
| 2012 年 3 月 12 日 星期一 |
| 韓風-陽光姊妹淘(SUNNY) |
分類: Movie |
早幾年好唔鍾意韓劇,勁喊苦喊忽,劇情老土到不得了. 不過一系列偶像劇推出後,情況開始有變.
2011年, 台灣有"那些年",中國有"失戀33天", 韓國都有同青春有關嘅-陽光姊妹淘(SUNNY).
有幸去到優先場, 一睹為快.
例牌不設劃位, 先到先得.
電影簡介
影片講述曾經是中學 "七公主" 小團體成員，25年後為人婦為人母後再次重逢相聚，尋找青春回憶的溫馨故事。
從全羅道轉學過嚟嘅娜美（成年：柳好貞、少年：沈恩京）對周遭一切感到惶恐不安，特別係自己嘅方言第一天就遭到學校小混混們嘲笑。
就在這時，幾個女孩子及時出現，保護了這個初來乍到，有點傻氣的女孩。她們就是頗有大姐大風範的春花（成年：陳熙慶、少年：姜素拉）、為了得到雙眼皮不遺餘力的玫瑰、文學女孩金玉、夢想成為 "韓國小姐" 的福熙、盛氣凌人的冰美人秀智和滿口髒話的真熙。
七個女孩組成了歌唱組合"陽光" ，力圖抗衡實力相當的組合 "少女時代" ，希望在學校公演上大出風頭。誰知，一場意外令七公主的團體就此瓦解。
25年後，已為人妻人母的娜美突然感到生活缺了點什麼。一天，她偶遇當年 "陽光" 的成員之一春花。兩人都甚感欣喜，並決定尋訪其他成員……20多年過去，當年的少女如今都已人到中年。她們擁有各自不同的人生，再聚首會是怎樣一種情況呢？
導演：姜炯哲
主演：沈恩慶、姜素拉、金敏英、朴真珠、南寶拉、金寶美、閔孝琳、俞浩珍、陳熙慶、高秀熙、洪真熙、李妍京、金善慶
故事笑中有淚,睇嗰時都會諗起讀書嗰時嘅友誼.
雖然老死無7個人咁多, 但畢業後各有各忙,大家都只係間中聯絡下. 套戲做中左個reminder, 係時候聯誼會下嘍~ ( 25年先再聚? 太crazy呱..)
|
| 2012 年 2 月 28 日 星期二 |
| 纖得瘦@官燕棧「一餐纖燕」 |
分類: DINNING |
之前嘅聖誕節/新年,慶祝活動離唔開食,食,同食,放題/自助餐/打邊爐/BBQ....(下刪數十樣),加上天氣凍又唔願運動,好易就會肥晒.
咁啱官燕棧「一餐纖燕」「即食燕窩纖體餐」, 全系列由較低熱量嘅天然穀物、新鮮蔬菜及矜貴燕窩製成, 打開即食,極為方便,香港製造,零味精,零防腐劑,零色素,低卡低脂, 健康得嚟又滿足到食慾&飽肚感.
早前就食緊蕃茄四蔬燕窩餐(詳文),話咁快9包就食完,之後就食南瓜五穀燕窩餐嘍~
同樣係1盒3包, 每包有200g
一樣有建議餐單
每包200G, 但就得76Kcal.低卡低脂而高纖
食法同蕃茄四蔬燕窩餐無分別
1. 即開即食 (夏天應該OK,穿冬天都係食D熱嘢比較好)
2. 成包加熱5分鐘: 將整包鋁袋放入熱水入面,浸大約5分鐘
3. 微波爐加熱2分鐘: 剪開鋁箔袋，將材料倒入碗中，用微波爐加熱約2分鐘。(切勿將 鋁箔袋放入微波爐加熱) ；
另外可以加蔬果,EG:蘋果或香蕉等,更好味之餘又可以增加膳食纖維及其他天然營養.
未叮之前, 比起蕃茄四蔬燕窩餐,相對無咁傑
感覺用料好似少dd
材料方面有:
南瓜: 美味，含有蛋白質及多種營養，健康有益
馬鈴薯:各種營養成份比例平衡，而且全面，可提供人體所需的多種食物元素
蕎麥: 清糖，營養成分十分豐富。
洋蔥: 可分解脂肪。
大麥: 含膳食纖維，有助腸道蠕動
燕麥仁 : 含多種營養及水溶性纖維。
官燕:促進皮膚的新陳代謝，能美肌及增強免疫力。
當中嘅矜貴燕窩仲係「頭期官燕」,即係每年第一次採摘嘅燕窩,濃度高。天然燕窩含豐富水溶性蛋白質及大量的表皮生長因子(EGF)，EGF能加速細胞分裂，促進表皮生長，同時活化衰老的皮膚細胞，快速將死皮層移走。
懶過鬼嘅我依然係叮左佢2分鐘,有得食啦~
同樣變稀身左
之前食過蕃茄四蔬燕窩餐,都知道即食燕窩纖體餐味道應該係偏清淡嘅.
呢款南瓜五穀燕窩餐,食落鹽味多少少,但都係清淡派. 但係個南瓜味就唔算好出
食左差不多2個星期,去便便暢通左好多,而且期間零運動,體重都無特別増加,可以keep fit之餘又唔使捱餓,又方便.加上有官燕,皮膚都好似好左少少咁.真係可以纖得飽，纖得瘦. |
| 2012 年 2 月 18 日 星期六 |
| 纖得飽 @ 官燕棧「一餐纖燕」 |
分類: DINNING |
今年嘅冬天特別凍,天氣咁凍,搞到運動欠奉之餘,仲要D活動唔係BBQ就係打邊邊,咁落去真係唔多掂.
剛好就有機會試下官燕棧全新嘅「即食燕窩纖體餐」-「一餐纖燕」,配方選用天然穀物及蔬菜，再添加燕窩精心製成, 一共有蕃茄、南瓜、七穀3款口味,今次就試左其中兩款.
全系列由較低熱量嘅天然穀物、新鮮蔬菜及矜貴燕窩製成, 打開後加熱 OR 加熱後打開就可以即食嘅燕窩纖體餐,極為方便,而且係香港製造,無味精,無防腐劑,無色素,低卡低脂, 健康得嚟又滿足到食慾&飽肚感.
先嚟試下蕃茄四蔬燕窩餐,去一去呢個聖誕食落肚嘅肥牛/燒雞亦嘅脂肪先.
一盒有3包, 每包200G, 但就得74Kcal,比一碗白飯嘅卡路里仲要少,可以當早/午/晚餐,大幅減低每餐熱量.
內付建議餐單
食法 (無須加水)
1. 即開即食 (夏天應該OK,穿冬天都係食D熱嘢比較好)
2. 成包加熱5分鐘: 將整包鋁袋放入熱水入面,浸大約5分鐘
3. 微波爐加熱2分鐘: 剪開鋁箔袋，將材料倒入碗中，用微波爐加熱約2分鐘。(切勿將 鋁箔袋放入微波爐加熱) ；
另外仲可以加添蔬果,EG:蘋果或香蕉等,更好味之餘又可以增加膳食纖維及其他天然營養.
未叮之前, 比較傑身
呢包一餐纖燕相當足料呵
原來有:
蕃茄:含茄紅素，有抗氧化作用
官燕:促進皮膚的新陳代謝，能美肌及增強免疫力。
高梁:含多種營養成份及食物纖維，有助腸道蠕動
燕麥: 能潤腸通便，保護心血管。
糙米: 增加飽足感及有助腸道運化。
紅蘿蔔: 可抗氧化，增強皮膚組織的完整與生長。
西芹:可抗氧化，含膳食纖維，有助消化
洋蔥: 可分解脂肪。
當中嘅矜貴燕窩仲係「頭期官燕」,即係每年第一次採摘嘅燕窩,濃度高。天然燕窩含豐富水溶性蛋白質及大量的表皮生長因子(EGF)，EGF能加速細胞分裂，促進表皮生長，同時活化衰老的皮膚細胞，快速將死皮層移走。
用最方便快捷嘅方法, 叮左2分鐘,食得~
比未叮嗰時稀左dd
食落味道比預期中要清淡得多,因為以前食過類似嘅食品,沖水開之類,,不過全部都偏鹹.而呢個一餐纖燕清清淡淡,啱晒一向食得偏淡嘅我之餘,仲足證係100%無味精
呢個即食燕窩纖體餐有咁多種穀物同埋蔬菜膳食纖維, 可以維持營養均衡及腸胃暢通,幫助排出體內毒素,腸道都健康D
當早餐食,去到lunch前就會有dd肚餓. 返而日頭食得太多,想夜晚食少d,一包啱啱好
依家日日食,有望纖得飽,纖得瘦,等我食多一排,再分享成效同另一口味 - 南瓜五穀燕窩餐啦~ |
| 2012 年 2 月 13 日 星期一 |
| 閃爍動人Glass Trick 玻璃戲法晶瑩美妝班 |
分類: 活動 |
近年大型連鎖式個人護理店都推出會員制,為會員提供唔同嘅優惠.而免費入會嘅屈臣氏,除左不時推出購物優惠/獎賞外,仲舉辦化妝班呢.
一月嘅時候屈臣氏就同Majolica Majorca合辦左一個閃爍動人美妝班之Glass Trick 玻璃戲法晶瑩美妝班,俾會員參加,好開心有機會出席.
嚟到Shiseido Beauty Center
上堂嘅training room以Majolica Majorca嘅logo作裝飾
枱上面都放滿左唔同嘅產品
MC 同 化妝師 出場
請左其中一位出席嘅會員做MODEL去作示範
先以Skin Lingerie Pore Cover零毛孔瓷娃娃底霜打底
質感透薄輕盈
再搽光滑亮透粉餅 SPF 18 PA++
COVERAGE不俗又唔厚妝
晶瑩剔透嘅底妝完成
到眼妝,畫眉先
係雙頭設計,連眉粉嘅眉筆
用上立體幻彩眼影盒
顏色非常自然,又有埋eye base
之後用炫彩魔法眼線筆
畫上眼線
夾曲睫毛後
以 Lash Bone Black Fiber in base打底
擦上最新嘅「極緻魔幻激長睫毛液」墨藍色冬季限量版
再用返立體幻彩眼影畫下眼線
eye base + 單色閃亮眼影-WT963 Sparking做high light
掃上甜蜜胭脂
塗上超甜心唇蜜 Honey Pump Gloss NEO
搞掂.
示範完就到我地自己動手化,我嘅完妝照
同場仲有得用下晶瑩甜蜜潤手霜 Dress Glove Cream (冬季限量品)
真係有d亮片呀..手都可以bling bling
最後仲有小禮物呢,就係超甜心唇蜜同現金券,happy~
|
« | 26 | 27 | 28 | 29 | 30 | 31 | 32 | 33 | 34 | 35 | ... | 54 | »
|
