| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2012 年 4 月 23 日 星期一  |
| MJ魔法學院神秘誕生-美麗傳道大使の委任 |
分類: Beauty |
好多女仔細個嘅時候都會愛睇童話故事,除左想成為公主,同樣想擁有故事入面嘅魔法.到大個左,知道魔法並不存在,但就迷上魔幻彩粧-MAJOLICA MAJORCA!發音仿似魔幻咒語,讓所有女孩子都變得美麗!!
早期香港買唔到,去台灣/日本 or朋友去,都必定會入貨,直到幾年前MJ登錄香港,終於唔使四圍撲.MAJOLICA MAJORCA為左貫徹品牌理念,係今年嘅2月份宣佈嚟緊將會成立魔法傳導學院,仲會係亞洲各地招收見習傳導師,有機會去到MJ係日本嘅魔法傳導學院接受院長百合佐和子
(Sawako Yuri)傳授美之魔法~
好開心係接近100位有志成為美麗傳道大使嘅博客中得到邀請,獲選成為8位大使嘅其中一員,真係好榮幸.因為我地都係熱愛MAJOLICA MAJORCA,一樣有追尋美麗嘅夢想同決心(事實唔怕認: 我真係好貪靚架~~).
係受委任嘅一刻起,就肩負住美麗傳道大使嘅使命,依家正式宣佈MJ魔法學院已經神秘誕生,旨在讓人人可以發放愛與美的魔法力量,平凡如你我都可以變得魅惑動人.
早前MJ魔法學院已暗中召集了數以百計嘅追隨者，經過多項挑戰後, 最終選拔出一位代表香港成為美麗傳道師-男武士Kitson
佢擁有同MJ一齊追尋愛與美嘅毅力+決心,仲係星級化粧師Gary Chung嘅門生嚟,具有相當唔錯嘅化粧技藝同潛質.
依家Kitson已經坐上神秘嘅客機,飛左過去日本嘅MJ魔法學院神秘總部
仲會聯同其他5位來自馬來西亞、星加坡、菲律賓、台灣及泰國嘅美麗傳道大使,擰起課本接受3日密集式特訓.
接住落嚟嘅幾天,我會肩負著MJ美麗傳道大使嘅任務,同大家逐一貼身披露整個秘密特訓嘅過程,探索MJ美麗魔法力量嘅神秘由來,大家拭目以待呵~
(TO BE CONTINUE.....)
|
| 2012 年 4 月 18 日 星期三 |
| 亮睛睛之秘密 |
分類: Skin Care |
眼係靈魂之窗,好多人望人嗰時都會望對方嘅眼先,所以護眼真係好重要.當壓力、睡眠不足、欠缺運動令新陳代謝減慢，浮腫眼袋/黑眼圈想擋都未必擋得住,眼紋又會日漸加深.特別係眼部皮膚比面部要薄得多,如果護理產品light驚唔夠力, rich又驚會出油脂粒,真煩人.
點先可以一次過做到抗浮腫、收緊、淡紋改善血液及淋巴微循環,回復緊緻嘅亮睛睛呢?(咁多要求,出奇蛋都攪唔掂啊喎大佬!?)
等革新版Dr Swiss嬰肌抗浮腫緊緻原液BB Anti-Puffy Eye Serum出手打救啦.
筆型設計
打開係鈦金屬走珠設計嚟
用嚟碌眼,可以刺激眼部穴道,增強血液及淋巴微循環,消除疲勞減浮腫
成份包括:
氨肽+植物黃酮+Alpha橙皮苷: 幫助排走眼底多餘水份
肌膚生長因子EGF: 同人體天然嘅hEGF活性蛋白非常相似,促進肌膚細胞生長及自我修復,活化膠原蛋白再生，提升眼肌緊緻度及彈性
NASHA級透明質酸: 利用生物衍生科技萃取而得,比動物性透明質酸係人體嘅相容性同安全性高,強效補水,撫平及預防乾紋
質地比水傑身少少
試係手無咩大感覺,用係眼會唔會都係咁架.
碌呀碌
打圈再打圈
按摩ing
原本眼部嘅細紋
得到強效補水
減淡左呵
不含香料及色素,清爽低敏配方適合大部份膚質使用
眼部feel到冰冰涼涼,好醒神呀~ (但成份入面無薄荷架噃,唔通冰涼感係嚟自鈦金屬?!) 嚟緊夏天用一流呀.
細細支帶出街都好方便,啱晒開會/上堂"釣魚"嗰陣用,明目又提神,雙眼可以全天候亮睛睛 |
| 2012 年 4 月 17 日 星期二 |
| 見識皇室御用-蜂毒護膚 |
分類: Skin Care |
近年韓國嘅美容護膚風越吹越烈,仲興起多個熱潮,由早期嘅BB CREAM(依家連歐美大牌都爭相推出),到蝸牛護膚,再到更新嘅蜂毒護膚,連英國嘅康沃爾公爵夫人卡米拉都用佢嚟護膚,到底有幾厲害?
剛好有機會試下Mask House Celebrity水凝面膜系列 — 蜂毒緊緻膠原再生面膜,見識見識.
一盒3片裝
成份方面有:
1.蜂毒
由蜜蜂毒腺提煉而成，含多種蛋白質及55種以上的酶類元素(包括多肽類、酶類、組織胺、酸類、胺基酸及微量元素等),具有深層抗氧能力,刺激膠原蛋白及彈性蛋白循環再生,預防及修護皮膚衰老引致細紋及鬆弛等問題.舒緩疲勞及壓力造成嘅暗啞、粗糙皮膚.
2.活性肽
擁有緊緻元素,促進皮膚細胞分裂增生,極細活性肽精華分子深入底層細胞,煥醒細胞發揮再生功效,修復受損肌膚,提升皮層組織密度,回復持久彈滑緊緻
3.膠原蛋白
膠原蛋白,令肌膚回復緊緻飽滿,補充水份、提升彈力&光澤度。同時柔化肌膚細胞,有助吸收,有保濕、滋養、抗皺、修復作用
特別啱乾燥皮膚
打開包裝,面膜有珍珠紙托底
質地唔係平時用開嘅棉/絲嗰種,而係現代生物纖維物料設計嘅面膜.質感滑滑地,綴綴地手,堅韌嘅啫哩膜feel,精華睇落唔算多
錯誤地先敷左下頰位置
好貼,綴實塊面
再敷埋上半部
貼得嚟好薄下,利用嶄新TCD™技術,面膜可以吸收高出自身重量數倍嘅液體(難怪精華睇落唔算多),根據溫度改變而慢慢溶解及釋放出活性成份,促使超水凝精華迅速融化並滲透細胞,直達肌膚深處鎖緊養分,加強滋潤舒適效果.
15分鐘撕走面膜
精華被皮膚吸收晒,得返好少係塊面度
再按摩吸收
皮膚變得有光澤左,滋潤左(個人覺得足以唔使再搽cream,100%唔黏膩),返而係摸落觸感好似絲咁滑!!(好似搽左某d要嚟填平毛孔/皺紋嘅用品咁).
用左一盒,挽救假期係北京被風沙乾燥天氣所催殘嘅皮膚.終於了解點蜂毒會咁受皇室人員熱捧.
|
| 2012 年 4 月 16 日 星期一 |
| 盛夏前做好準備-Home Secrets 草本瘦身系列 |
分類: Health |
香港人日忙夜忙,開OT,進修,應酬,連瞓嘅時間都未必夠,要的起人心肝抽時間去做下運動,真係唔係話咁易,有時真係寧願懶下,HEA下,瞓下,唔願郁.咁落去唔係辦法,冬天儲起嘅肥膏,係時候要解決.如果唔係今個夏天去滑水同船河,就會影響市容.
唔想節食又唔想運動,安坐家中都可以修身,最近就試左嚟自法國嘅Home Secrets全新草本瘦身系列.
全個系列一共有4款產品,包括:
脂肪不見了Fat Burner
飢餓不見了Overcome Hunger
胃腩不見了Keep a Flat Stomach
水腫不見了Eliminate Excess Of Water
Home Secrets貫徹家中美容修身概念,設計左貼心嘅「DIY家居修身實戰」分析遊戲: http://video.sasa.com/homesecret/game.html
透過分析可以更了解自己致肥嘅原因,再針對問題對症下藥, 揀出最適合自己身體嘅Home Secrets草本瘦身系列產品.
天生下半身肥胖嘅我,脂肪不見了Fat Burner 同 水腫不見了Eliminate Excess Of Water 就啱晒嘞.
以體重嚟講,我唔算肥,但偏偏脂肪比例分佈極唔平衡,下半身係重災區,粗壯嘅大脾同豪華臀,搞到買左嘅賴間legging都唔敢著出街.
Home Secrets脂肪不見了Fat Burner
專為新陳代謝慢，缺乏運動之人士 、肥胖和脂肪比率過高之人士、較夜進食晚餐及晚餐份量較大者而設，幫助穩定體重,唔反彈
一盒2排,每排14粒
早晚配方,根據脂肪細胞白天 vs 夜晚不同嘅生理行為,發揮雙重功效,早晚針對性燃燒和消除脂肪,擊退橙皮紋,增加纖體功效
包裝圖文並茂,好清楚
日間有效成份:
-可可、馬黛 & 青咖啡: 加快脂肪燃燒
-甲殼素: 控制脂肪吸收
晚間有效成份:
-香橙皮: 增強新陳代謝,減慢血糖吸收
-山竹子: 減低脂肪吸收
-葡萄皮: 能強化血管，加速微血管循環，維持組織健康，減低橙皮紋的形成
早晚餐前各1次，每次服用1粒，以大量清水送服就ok
水腫不見了Eliminate Excess Of Water
天然草本去水腫配方,激活身體排出多餘水份同體內毒素, 有助加強血液循環,從而修減腰肢和腿部
我嘅下半身肥胖, 唔多唔少係因為水腫所致, 水腫不見了Eliminate Excess Of Water就啱水份積聚於下半身、缺乏運動或長期站立、想改善下身和面部線條之人士.
一盒2排,每排15粒
有效成份:
-葡萄皮、柑橘及維他命C：促進血液循環及維持微血管健康
-接骨木花精華、茴香: 幫助舒緩組織阻塞，排走多餘水份和毒素
每日兩粒，於早餐前服用，1至3個月為1個療程
食左大約2星期,體重唔算下降左好多,只係輕左2磅,但pat pat 同 大脾就明顯firm 左 slim左!
Home Secrets草本瘦身系列由全天然成份製造,無副作用,食左2星期都無任何肚痾,肚痛,心跳快左,無胃口等異常情況出現.
分析遊戲中仲有營養師建議嘅健康餐單,如果跟住食,再係生活及飲食習慣作出調理,修身效果就自然會事半功倍.
依家仲有優惠呢: http://video.sasa.com/homesecret/coupon.pdf
為左嚟緊嘅陽光與海灘,繼續努力~ |
| 2012 年 4 月 3 日 星期二 |
| 日本直送超貼薄面膜 |
分類: Skin Care |
踏入春季,天氣變得好唔穩定,時冷時暖,時潮濕時乾燥,皮膚狀態都變得脆弱,要打醒二十分精神,定時嘅特別護理行動-敷面膜就起著重要嘅舒緩作用,當中以保濕面膜嘅消耗最大.
自從團購出現後,網購護膚品嘅數量大大增加,係瀏覽各大團購網嘅偶然下,認識到日本馬油專家 www.81net.hk-東瀛宅急便,仲有機會用到Arbro EG 保濕淡斑面膜,幫皮膚急救.
一包有40pcs嘅Arbro EG 保濕淡斑面膜
攞上手好有分量
日本製造,空運到港
無礦物油、無香料、無著色
密實袋包裝,可保持面膜內的濕潤.
打開後會見到一大疊嘅面膜+多到不得了嘅精華,當中蘊含天然成份:
• 諾貝爾獎得獎成分 EGF(Epidermal Growth Factor 表皮細胞生長因子) : 促進肌膚細胞再新、達到抗氧化、抗老化、令肌膚年輕化,修復肌膚,減淡細紋及色斑、增強彈性、收縮毛孔、保持肌膚水潤
• 透明質酸、聚谷氨酸(γ-PGA): 增加肌膚的天然保濕因子、鎖水保濕
• 熊果素、大豆精華: 抑制黑色素形成,調理肌膚,給予肌膚通透明亮的質感
• 木瓜酵素: 分解及去除肌膚表面老化角質,強效去除黑頭
面膜由100%純棉製造
洗完面後乾燥嘅皮膚
將Arbro EG 保濕淡斑面膜敷上
好貼面,而且超薄呀..薄到個鼻位好似無敷嘢咁.
不過cuting就差dd,鼻位兩側照顧唔到(定係我塊面太大?!)
15分鐘過後
面膜嘅精華都被吸掉
面上留有少量精華(都被皮膚吸收晒)
按摩一下,等佢吸收埋
皮膚變得水潤,膚色明亮左少少
東瀛宅急便除左可以買到Arbro EG 保濕淡斑面膜外,仲提供「Pay在香港，Buy到日本」服務嘅專門店。所有產品保證百份百來自日本，100% Made in Japan,融合「樂活．LOHAS」(Lifestyles of Health and Sustainability)嘅生活哲學,從日本馬油、旅美人、備長炭系列開始,
我們大部份美容護膚產品都係以天然、環保理念開發而成。
有興趣可以去呢度睇下: www.81net.hk |
« | 24 | 25 | 26 | 27 | 28 | 29 | 30 | 31 | 32 | 33 | ... | 54 | »
|
