| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2011 年 12 月 7 日 星期三  |
| 想肌膚叉足電?Shu Uemura 30分鐘就搞掂 |
分類: Beauty |
早前出席完「專業底妝•簡易化」美妍聚會(按:詳文), 見識過Shu Uemura植村秀點樣可以係30分鐘內幫皮膚叉電之餘又可以極速拐靚,真係好期待去親身體驗下.當然要預約啦,不過位處IFC Mall嘅旗艦店,好多OL都會嚟relax下, 好在最後都book到時間.
是日嚟到門口
產品陳列擺設同上次唔同晒
就嚟聖誕節嘛..Shu Uemura都推出左唔同嘅優惠裝..
入到去,咁啱係由上次美妍聚會嘅大會化妝師MIC幫我呵~
佢先了解返我想要邊項服務,其實一路都想試Recharge-up 速效活膚眼膜護理服務
之後幫我做左基本嘅皮膚分析,揀返等陣會用到嘅產品
MIC就去左準備所需嘅用品
坐去特別為Recharge-up服務而設嘅CONER,先用綠茶抗氧化潔顏油卸妝
再抺返紅萃能量活肌化妝水
係眼部鋪上薄紗,以紅萃能量活肌亮眼筆去按摩雙眼..其間FEEL到冰冰涼涼,加埋獨特嘅日式穴位按摩,真係舒服到差D瞓著
兩眼都按摩完後,就敷上深海凝肌保濕水凝眼膜(需時大約15分鐘)
係呢段時間, 就會係手部按摩環節
清潔左雙手先
跟住用紅萃能量活肌乳液去按摩
手法好特別
按完雙手水潤,不油不膩
眼膜都敷夠時間嘞,搽返紅萃能量活肌眼部精華就完成眼部護理部份
去到另一面進行亮肌美妝服務
1.全面塗上妝前乳液底霜SPF20 PA+++
2.搽上全新絲滑貼膚粉底液 SPF 18 PA++
3.用全新專業遮瑕筆K.O黑眼圈
4.掃上碎粉
5.上胭脂(我揀左淡粉紅色)
6.最後搽埋淡紅唇膏
完成~真係又快又方便,可以去街嘍.
除左Recharge-up服務外,仲可以試用返全新嘅絲滑貼膚粉底液 SPF 18 PA++同專業遮瑕筆
外盒被收回,帶走嘅就係個涵
絲滑貼膚粉底液smooth fit fluid foundation SPF 18 PA++ 特別加入透明質酸 同 石榴精華, 保濕之餘令妝容更貼
泵裝設計 (早前買嘅植村秀粉卜終於大派用場)
我用嘅係564色
係手試下先
水水嘅質地,望落好似好深色咁..但印開後就溶入皮膚中,手上嘅青筋都唔見左, SMOOTH晒
素臉毛孔粗大, 而且鼻位D印相當明顯
慣性地將粉底點上面,再用五角棉推開->輕印->按壓, 搞掂
粉底非常貼面,好似搽護膚品咁,感覺水潤唔會乾,毛孔同痘印都遮左,膚色均勻左好多
再用專業遮瑕筆
含抗養化嘅維他命E, 細細支帶出街都好方便
開始時要扭多幾下 (扭呀扭叨扭,有喇~)
質地係輕盈嘅乳液嚟
點係眼周同暗瘡印位置
設計方便控制分量
D印消失左..眼位有打亮嘅效果呢.
妝化得好,皮膚個底都要KEEP得好,所以之前嘅美妍聚會都有最新嘅護膚品俾我地去用返,保養一下嘛.
相信潔顏油好多人都有用過,係度唔詳細講嘞. 返而另外兩款新品真係值得推介
紅萃能量活肌彈性面膜
一盒6片
含印度醋粟,石榴 & 番茄紅素等抗養化原素,配上能量複合物及二胜肽成份,發揮鞏固彈性纖維組織及緊緻功效，令疲憊肌膚瞬間重現彈性及光澤
第一次見到片裝面膜都有說明書,仲有8種唔同語言
撕開包裝..面膜被裡面嘅精華淹沒左..真係勁多呀..
未敷之前,測試下面部肌膚狀態如何先
其實眼見都睇到有幾乾..果然不出所料..水份得百分之30幾
由額角開始敷上,再拉向髮鬢兩邊.
都幾貼呵..感覺同拉提MASK相似,仲有埋眼位,可以係完全休息放鬆咁去享受下呢10分鐘
時間夠,拉起面膜..仲有好多精華係面度..按摩下等佢吸收埋..
皮膚變得柔軟水潤,毛孔細晒仲好有光澤呀..
水份UP UP UP
仲有就係紅萃能量活肌亮眼筆
內附說明書
金屬滾輪按摩球(走珠)設計
結合瓜拿納果精華及紅萃能量複合物嘅活顏配方,擊退暗啞、黑眼圈及浮腫
精華嘅質地比以前用過嘅同類產品傑身少少,有D涼涼地嘅
係眼部四周打圈,除咗可以促進血液循環之外,金屬按摩球+冰涼嘅精華更可以帶嚟即時提神效果
我唔要再起身眼腫腫呀~
P.S Recharge-up速效活膚護理喺ifc mall旗艦店獨有架,有興趣嘅可以向植村秀專業美容顧問查詢喔.
植
|
| 2011 年 12 月 3 日 星期六 |
| 勁興奮-Shu Uemura「專業底妝•簡易化」美妍聚會 |
分類: 活動 |
Shu Uemura植村秀一向深信完美妝容,始於完美肌膚,所以,研制出一系列結合植物精華及突破性科技嘅護膚產品,當中最多人喜愛同熟悉嘅就係潔顏油. 同時亦致力創造薈萃豐富色彩嘅彩妝品,底妝更係當中嘅皇牌.
上個月就係人氣熱點ifc mall開設旗艦店,特設全港首個半私人服務專區及沙發區,可以無拘無束咁享受植村秀專業嘅服務同試用全線產品,仲特別推出全城獨有的 Recharge-up 速效活膚面膜及眼膜護理服務呢~
早前有幸出席「專業底妝•簡易化」美妍聚,勁興奮呀,了解多d之餘,仲有機會體驗呵
店入面當然有齊唔同嘅護膚同彩妝產品,可以隨便試用哦~
仲準備左食物同飲品俾我地呀
今次活動由本身係BLOGGER+MODEL嘅HEIDI做MC
先介紹旗艦店內嘅特別設計
之後MODEL出嚟示範卸妝
用嘅係人氣強勁嘅綠茶抗氧化潔顏油,乾手乾面咁塗勻面部.眼睫毛位由根部輕按至尾端.
之後加少量水份乳化
化妝師亦將潔顏油加入水杯中,可以更清楚睇到乳化情況
最後用清水洗乾淨
MODEL面上嘅彩妝卸走晒
佢仲分享返感受,乾淨得嚟唔會乾呵
跟住有請羽翹介紹佢體驗過嘅獨家護理服務 - 30分鐘recharge-up速效活膚面/眼膜護理
本身佢拍戲/唱歌/主持/出SHOW/寫BLOG,好忙碌,要花1-2個鐘去做一個FACIAL,真係未必有時間,返而呢個極速叉電facial嘅只需要30分鐘就可以令肌膚即時叉電,好啱D又忙又唔想花太多時間去做facial嘅女仔,之後仲可以化番個靚妝出街.
咁呢個咁正嘅recharge-up護理又有D咩呢? 化妝師同MODEL就即場示範左其中一部分
MODEL頭先已經卸乾淨面上嘅化妝,抺過化妝水後就可以敷上紅萃能量活肌彈性面膜
再用紅萃能量活肌亮眼筆,以金屬滾輪按摩球輕輕喺眼部四周打圈,可以促進血液循環兼且提提神
做好護膚部份,就到化個靚妝
1.全面塗上多效BB泡沫底霜SPF30 PA+++
2.搽上全新絲滑貼膚粉底液 SPF 18 PA++
3.用全新專業遮瑕筆令瑕疵自然「消失」
4.以粉卜輕印上碎粉
5.掃上胭脂
6.最後係添上唇色
完成,妝容亮麗自然
羽翹又再出嚟同我地分享佢對植村秀化妝品嘅喜愛,特別係新出嘅絲滑貼膚粉底液 SPF 18 PA++,覺得非常貼面同滑之外,只需要用少少就可以有足夠嘅遮瑕效果喔
開心時間過得特別快,大會向羽翹送上感謝之花,聚會就結束lu
最後仲有產品返去體驗,稍後再分享嘍
|
| 2011 年 12 月 2 日 星期五 |
| 魔法變粧@夢幻公主地 |
分類: 活動 |
細個嘅時候睇過唔少嘅童話故事,當中最吸引嘅當然係公主嘅角色啦,因為唔單止有王子,仲有華麗嘅衣飾同城堡,唔少得嘅就係有一個佈置得好似夢幻仙境一樣嘅 睡房.外國某D國家都仲有皇室,香港一定係無啦(唔係國家嚟嘛).但係香港呢個彈丸之地,竟然有機會見識華麗到好似公主房一樣嘅地方 - Majolica Majorca Room.
多得eLadies嘅活動,早前有機會去到樂文娜公館THE LUXE MANOR 12樓 Majolica Majorca Room,出席MJ魔法變粧教室彩粧活動.
去到樓下,服務櫃台職員已經主動迎上詢問係咪上12樓,之後搭lift上到去,一出去就見到好vintage嘅牆紙+壁燈
再經過走廊(同樣復古嘅座枱燈)
嚟到啦
一入去見到嘅牆飾
之後轉入夢幻擺設嘅客廳,叫人移不開見光嘅就係呢個願望魔法櫃(心入面暗叫..嘩..)
全個櫃都放滿左Majolica Majorca皇牌彩粧品 同 精緻嘅飾物
每個櫃箱裡面放嘅都唔同,可以逐一發掘下,尋寶一樣.
旁邊係化妝師嘅工具箱, D嘢好齊備
行入D見到Majolica Majorca嘅魔法書台~
同樣擺放左唔同嘅產品同飾物
好精緻呀...(大心
)
另外仲有一張枱放左小食同今季新品
限量版指甲油
隔離就係等陣俾我地學習化妝嘅小矮桌
用品已然準備好
客廳入面仲有水晶吊燈 & 鳥籠作佈置
去另一邊嘅睡房參觀下先
睡房嘅出面係化妝間..門都靚過人..
化妝枱上放左唔同嘅妝品
有KING SIZE大床嘅睡房 , 連床單嘅圖案都配合返房間嘅主題
最後係華麗神秘嘅浴室..
如果可以係度住一晚就好喇..
(發夢中..)
參觀完 Majolica Majorca Room之後,係時候學下MJ魔法變粧術嘞
化妝師係現場邀請左WINNIE做示範
因為WINNIE本身已經化左底妝,所以化妝師先為佢補妝.
之後再畫眉
用眉筆嘅另外一端Blend返開
跟住係眼線
眼影
睫毛液
胭脂
唇彩, 示範完畢
到我地啦
可以先塗Skin Lingerie Pore Cover零毛孔瓷娃娃底霜
再上光滑亮透粉餅 SPF 18 PA++
到眼妝嘞, 畫眼線先
然後用單色閃亮眼影-WT963 Sparking閃耀樹液打底
搽上大地色係嘅Jeweling Eyes鑽光眼影盒眼影盤-GR792巡遊
睫毛就以 Lash Bone Black Fiber in base打底,保護及加強睫毛膏增長濃密效果
之後搽魅光濃密睫毛液
搽埋甜蜜胭脂-杏桃小杏餅(橙色)
最後係閃耀唇彩-PK211花樣年華
搞掂..(漏左拍完妝照 )
仲有紀念品呵.
|
| 2011 年 11 月 29 日 星期二 |
| 早到的禮物盒,遲來的分享(仲有機會免費得到....) |
分類: 收穫 |
生日月快將嚟到,每年都會趁機買鐘意/想要嘅嘢俾自己(意義大不同呵),今年仲未有心水,不過估唔到11月中已經有驚喜送上,真係開心.
先要謝過DREAM MAN嘅太太 - LISA.S創辦嘅GlamaBox,直接掛號到手.
作為經常穿梭各地嘅時裝模特兒,LISA.S 成日都搵到好多正嘅扮靚產品同服務, GlamaBox嘅出現,就係LISA.S將好嘢分享俾愛美嘅女性,等大家都可以樣艷光四射.
拆開之後..係好sharp嘅桃紅色
打開..係清析嘅產品list
GlamaBox專業團隊會搜羅最適合嘅產品或服務,每月準備嘅盒子入面,係包括左各式各樣高貴的產品及服務嘅
呢個GlamaBox有呢幾樣:
1.Suisse Programme GIGAWHITE精華液
抗老化 + 美白, 正~ 價值HK$910架..
2.CLINQUE水溶性七日按摩霜
有效去除角質及死皮
3.Cyber Colors MegaCurl 睫毛膏
嚟自義大利,正合我心~(就算流落荒島都要有睫毛液呀!!)
4.Suisse Programme GIGAWHITE 防曬面霜SPF30 試用裝
防曬係一年365日無論晴天陰天雨天都要用嘅
5. MODERN BEAUTY SALON FREE TREATMENT
LISA.S嘅親筆簽名呵..
只要花費HK$88,就可以月月有驚喜,得到物超所值嘅產品&服務, 實在太讚啦~
被燒嘅話可以去呢度睇下呵~ : 官網
依家去GlamaBox FACE BOOK仲有機會免費得到首個歐美超流行嘅Glamabox, 快D行動啦. GO
|
| 2011 年 11 月 27 日 星期日 |
| 美睫工作坊,新寵現身 |
分類: make up |
11月開始,各大品牌都陸續推出聖誕優惠套裝,有護膚品,有化妝品,務求令大家出血之餘,都真係可以打扮一番,靚住過節.
要 係聖誕PARTY入面成為焦點,可以著得特別d,行為出位d,或者係個妝化得靚d,bling bling亮眼就可以發放攝人魅力.今年L'Oréal就係11月中舉行左美睫工作坊, 學下點樣可以化個簡單但又"吸睛"嘅靚妝,仲有機會率先試用進化版Double Extension CURL 睫毛液同其他最新眼妝產品~
嚟到朗豪坊嘅專門店,L'Oréal Paris特意SET左個地方,放左產品等我地慢慢試.
活動有化妝教學,可惜工作纏身(天呀~~~~),錯過左大部份環節,唔緊要,睇下出席嘅SIS嘅完妝照補數
全個妝容都只係用左幾樣產品,就輕易打造出嚟
包括左:
1. Double Extension系列加入嘅新成員 Curl 睫毛液
全新紫金色包裝(大愛..我係紫怪)
一貫同系嘅雙頭Mascara（一邊 Base、另一邊Mascara）, 只要2步驟：
步驟1. 金色管狀睫毛打底霜含水性柔軟劑(Aqua Flex System) 能即時軟化睫毛,令睫毛處於可塑造狀態。
步驟2. 紫色管狀睫毛液含防水塗層彈性捲曲聚合物 (Flex Polymer),令睫毛24小時長效防水捲曲.
2. 兩款今個冬季限量版嘅La Color Infaillible凝澤不脱色亮彩眼影
佢係40% 純膏狀狀態57% 純粉末狀態嚟.同時擁有眼影膏之顯色度及眼影粉末之透薄定妝效果
限定024 BRONZE GODDESS色
限定027 GLODMINE色
質地貼薄,顯色度高之餘又夠閃亮,一深一淺就足以塑造立體嘅眼妝
Eyeliners:
3.L’Oreal Paris Superliner (Lasting Silky crayon)
幾柔軟順滑呵,有黑、啡2色
4.L’Oreal Paris Superliner DUO(Smoky Eye Designer)
個人覺得係Superliner嘅進化版,顯色度不俗.柔軟海綿棒幫助輕易暈化出自然煙熏眼線. 除左大路黑、啡色外,加推藍色
5.L'Oreal Paris Color Riche Made for Me Naturals唇膏
高度保濕配方蘊含抗乾燥成份及加強保濕修護配方、蘆薈及荷荷巴蠟等，紓緩及呵護脆弱櫻唇,保持櫻唇柔軟滋潤
一共有6色,為全個妝容起畫龍點睛嘅作用
學完化妝,仲可以趁機會入手聖誕優惠套裝,有好多配搭.
睇真d有乜:
DREAM MAN 代言人 - 男士系列
PR好NICE咁送左係美睫工作坊入面試過嘅產品返去用真D
就算流落荒島都誓死要揀睫毛液,L'Oreal Paris嘅睫毛液之前都用過好幾款(詳文),即刻試下今次嘅Double Extension CURL先
暫時得黑色
全新配方
睫毛打底霜-軟化睫毛,令睫毛處於可塑造狀態
其中嘅水性柔軟劑(Aqua RELAX System)
- 水性複合物(Hydro Complex): 100%能即時軟化睫毛
- 亞根油及荷荷巴油(Argan Oil & Jojoba oil): 滋養及順利睫毛根部到尾部
- 神經酰胺(Ceramide):其粘接特性能幫助柔順睫毛角質層，令睫毛更強壯有光澤
本來嘅素眼
夾完睫毛輕輕搽一層..FEEL到睫毛挺身左,但唔會因為多左纖維而感覺厚重
濃黑睫毛液-捲曲睫毛達105度
防水塗層彈性捲曲聚合物 (Flex Polymer)
- 捲曲定型因子 (Flex Polymer):配方令睫毛立即捲曲
- 特製弧形刷頭: 能捲曲和為睫毛定型
- 防水技術能防止因環境潮濕以引起下垂，長效保持曲線
搽一習已經明顯見到睫毛長左濃密左
近睇..唔使再夾都已經好翹
無"曱甴"腳,感覺輕盈,咁就唔使擔心會DUP落嚟..
過左成10個鐘,都仲KEEP到喎,完全無panda eye...讚~
效果比預期中好,佢已經成為左新寵啦.呵呵呵.. |
« | 30 | 31 | 32 | 33 | 34 | 35 | 36 | 37 | 38 | 39 | ... | 54 | »
|
