又好久冇打日記了..因為冇咩野可以分享

呢一年ge發展真係不太如意，自上年辭左verify份工之後，冇樣野順境.....想當日舊同事kenny得悉我離開，同我講左句"你係時候出去捱下苦"，講呢句野ge原因係:verify實是一塊福地，舒服到痺ge地方，呢個亦都係我離開ge原因，但人一生ge選擇原來充滿住錯誤，我一而再再而三選擇左一d唔適合自己ge工作，苦瓜乾咁ge面口去做，事實上我係體力唔適合我去做呢d野...大半年ge青春同腳步就咁停滯不前...呢段時間人生一d寸進也沒有，就係呢大半年ge失敗...令我好似兩年前重頭黎過..

但現實情況係，而家我唔係06年ge fresh grad，只係一個有年半工作經驗(非持續性)，學歷可以扔埋一邊ge 08雙失青年...可能係咁，所以send 極cv都好少feedback..

加上自己真係冇咩特長..令我真係可能要搵一d文員仔ge工作....

有人問我，你係咪唔讀書架la...其實我想..經過呢大半年，意識到呢個是唯一出路，但我話俾大家知，半工讀是一定的了...所以現在內心現在只是盤算著...盡快搵份工，做得好地地咁...就去讀書

"做得好地地咁...就去讀書"其實係verify已經可以實行..呢個又係一個冇得後悔ge決定

其實我唔係冇野打...只係唔想打咁多令人鬱悶ge野...

kenny所講ge"你係時候出去捱下苦"，我想話佢知..我捱唔到，但只係苦力個"苦"，出面幾許公司比verify嚴謹同harsh千倍萬倍...就是他所說的"苦"

順道提提verify近況，聽講走左好多人，管理出現問題等等，而家散收收，慶幸自己當時決定正確，亦都是近來最值慶幸的事...

hea左10幾日，又開始搵工了

星期一去見一份工，關於數據處理的，但佢要d對電腦有adv知識的..所以點會考慮我呢個電腦天才?

琴日去見一份marketing officer，叫我去做written test，做左9個字，多數都係老吹...

經過年初ge騰雞搵工，今次我覺得自己個心好安定，冇乜擔心ge感覺

點解咁耐都冇打日記?原因如下

又失業了..真係幾無奈

對搵工仲有d陰影，之前話哂都搵左兩個月先搵到呢份，而家又要過番果重日子..

其實一早都想走...因為真係對呢一間公司冇一樣鐘意...人就反而冇咩問題，但d system、工作模式、以致到個老細，我都唔鐘意..

可能我見識少，我唔知每一間trading係唔係咁樣做野?但同事ge敘述，其他同類型ge公司，工序至少比呢度簡單而快捷，如果唔係都唔使請咁多人擔擔台台...據說老細已經扔左兩球出黎換過個system...但點解一間公司屹立左係貿易界幾十年，而家先識換一個快捷方使d ge system，一句到尾咪又係老細囉...唔係好想講佢不是，好似對佢有偏見咁，但佢管理ge手法，我不敢苟同。同埋人事上高，我某程度好相信緣份，係感覺自己唔適合做呢度ge同時，每當我勤力做野ge時侯，佢永遠唔係度..但當我hea同懶ge時侯..佢永遠出現係我眼前，你話下我呀，佢又唔會，啤完你就算，可能係佢眼中我都係可有可無...話我都費事la...

其實理性諗下..每間trading ge古里程度都應該係差唔多，所以唔係呢間公司唔適合我，係呢行唔適合我...應付唔到，就足以被人淘汰，我唔會唔接受呢個事實。

做左呢間野4個月，我冇野得到，只係得到一個做愛都補唔番ge黑眼圈，失去ge係精神同健康，隻手被d釘呀尖銳ge野整到流血無數次...腰痛同腳痛經常番黎搵我，可能呢個時候個天比個機會我搞番掂佢，十足狀態出黎搵份岩自己ge工...

但失業一個禮拜，send cv後feedback唔多，可能過多一個月會旺番d啦，到時再算了

好耐冇打日記了

我要宣佈下...我已經比人terminate左...

其實已經係上星期5 ge事了...記得果日就黎放工，被老闆娘叫左入一間房...其實應該係叫送羊入虎口先岩..我得閒冇野做，走左入果間電腦房，點知老闆娘已經坐左係度預備叫我入去，點知我已經入左去先..

坐低，一大堆廢話，又話我已經做左幾耐，又話用唔著你，又話唔適合又剩，全部都係事實，但全部都係廢話，因為佢已經決定踢我走，於是我咪又盡下力睇下慢唔慢得番，不過都係冇用

其實佢一個月前已經比過signal我話我表現唔好，已經想郁我，但老細同佢講被多少少時間我wo...佢話睇到我有改善，但都係meet唔到佢地ge expectation，於是就有咁ge決定...

個一刻擔心ge係，比人terminate係一件好不名譽ge事，不過之後都收到reference都冇講衰我，最重要佢係有補一個月糧叫我走，咁我都定少少...

但係之後我真係覺得好難頂..真係冇諗過會係咁樣結束..突然灰哂，想喊都喊唔出，同埋我已經係打算月尾resign，點知被佢快我一步.....放工即刻打左比pan哥傾傾，返到屋企又打左俾家姐傾下，同佢地講咩事，佢地又點睇，之後都算好快冇乜野...

我都係唔識諗啦，果一下我唔知應該係灰好定當冇事好...其實我都已經一早想唔做，而家佢補錢送你走，又有一份工作證明，已經係一個算好ge結果。我果刻真係自我質疑得好勁，質疑自己點解會廢到比人炒(好有信心崩潰ge跡象)...但之後家姐話，呢份工真係唔適合自己，俗d講句唔係我果範，而家咁咪幾好囉......所以，我以後都唔會搵呢d工la!!!

再者，呢輪身體狀態麻麻，做咩都冇乜精神咁，而家可能要做ge事，就係一邊提升身體狀態，一邊搵份適合自己ge工...