夜晚同kch一起吃飯，再睇埋殺神特工，感覺麻麻，但都係好睇

唉條腰又痛番la..好似比上一次還嚴重....又要搵醫生了

我都幾黑仔，準時放工又俾老細見到，申個懶腰又俾佢見到，偏偏我勤力ge時候佢又睇唔到...

同事阿豪聲稱自己識睇掌紋

兩個月前被佢望過一望..佢話我40歲都未必有婚結

今日又被佢睇一睇..佢話我有婚外情..

笑左...婚到唔知有冇得結就有婚外情.....

呢兩個月裡面，我有做過些甚麼?得過些甚麼?令我可以由有冇老婆都唔知變到有二奶?

係我ge黑眼圈，腰患，定係失去左ge時間..?

冇上黎幾日..因為真係有少少頹

工作上ge不快...

被老細忽視..真係唔好受...只怪自己太唔著緊自己所做ge野...

過左幾日..都慣左啦...但之前真係連打出黎果關都過唔到..

呢一刻..又唔覺得係乜野一回事了

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

不過，自己ge缺點，連自己都覺得頂唔順...

粗心大意..令到自己花多一倍時間於一項工作之上

雖然冇人催我..但都諗緊自己點解返左年幾工都仲係咁

粗心大意，可以決定我下半生，有冇一個老板同埋女朋友會鐘意一個粗心大意ge伙記同男朋友呢?

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

痴痴地，近排係咁落雨，帶左傘都搞到半個人濕哂

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

呢輪番聽吳浩康ge擇日失戀

裡面有一句.."....崩潰我有經驗...."

崩潰是甚麼?我真係未試過呢種經驗，如果試過，係應該自豪定係悲哀?

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

尋晚ge euro08決賽...好悶...

波力克 -- 10亞王..笑左

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

暑期電影又來了!!!

WANTED，功夫熊貓，HANCOCK，BATMAN...好想睇哂佢!!!

我黎LA!!!!!

今天多言了...

你需要付出時間去取悅老細

你需要工作上的震撼性去取悅老細

你需要無限精力去取悅老細

但我似乎力不從心

老細..我似乎同你唔多夾咁wo

但遊戲規則點容到你話唔跟就唔跟

輕則受冷眼對待，重則被流放塞外

即使係剩番一日於公司工作，我都不想受到這種對待

呢個禮拜henry因為放大假，所以真係冇乜野做..有時百無聊賴游手好閒...估唔到咁樣就出事...

琴日比老細同阿富多次超到我游手好閒，呢個時候我已經feel到d殺氣，主動問阿joe(一個經常要搵人幫佢手ge人)有冇野做..但可惜已經太遲..做做下老細召喚我落花部幫手，o..我都算威囉....因為冇野做而踢我落花部幫手..可能我係第一個，花部d人仲問我:你冇野做咩?我都唔知點答...一幫就幫到食lunch

晏周已經埋頭苦幹阿joe比我做ge野，點知阿豪冇野做又話同我一齊做..結果唉...仲之我地兩個人痴埋一齊就冇好下場，老細看在眼裡，會覺得我地係坐埋傾計多過做野....經過呢一日，我係老細心中ge印象已經....

今日..老細經過親都望實我做緊d咩..scan緊野ge時候又問我做緊d咩...慌死我冇野做咁...看來......經過呢兩日...我已比老細列入監視名單了=.=以後要醒醒定定