今日天寒地凍，但都出左去，仲要去一撻仲凍ge地方

約左同事去左屯門龍鼓灘，但唔係好多人，仲有一件友甩底

成員只有vanessa，小明和她的bf，margret和她的bf

人少少bbq又唔係話太差，不過就真係好凍，離開個爐一刻都唔係好得

所以係咁狂加炭，加到俾老細話

我地去果到都算係龍鼓灘入面算出名ge一檔，出名在佢地d料真係整得幾好食，而我就食左唔知幾多塊雞扒..

4點燒到9點幾，又走人了，今日得著係，了解同事多d

哈哈，vanessa個細佬係讀緊wsc，有話題之餘，又8到唔少野

呢一晚同左pan哥食dinner

傾左好多

講下我又講下佢

大家自身都有好多煩惱

有好多野要諗

大家都要加油la

好無聊咁list哂08年我入戲院睇過ge戲，再列出10大我最喜愛的2008電影

登登登凳~~~~之求其評

1. 魔法奇緣  (watch with harold，kennis nad ivy) 誤打敵撞的入左戲院睇，又估佢唔到咁好睇wo，將童話世界ge idea放落real life原來係咁好笑)

2. 葉問 (watch with mother) 子丹打得型唔在講，仲擺脫左一般武俠片ge嚴肅，只略嫌帶多了一點熱血

3. Iron man (watch myself) 本來想睇d打鬥場面多，但係呢d場面唔多夠，反而滿足到我ge係男主角羅拔唐尼ge型格同幫佢做盔甲ge高智能管家

4. 地心探險記 (watch with sister) 刺激戲一向鐘意睇，睇完更同家姐一同後侮，點解唔俾多d錢睇3D版

5. 大象阿頓救世界 (watch with kennis) 卡通亦都係我ge飛佛，畫功出色之餘，葛民輝ge配音更是一絕

6. 功夫熊貓 (watch with 呀豪) 同"大象"都係差唔多ge特色，"大象"高一級是因為多了一份親切感

7. Hancock  (watch myself) 本來以為係一套例牌ge英雄片，點知係內裡有故事的感人片，兩者平衡得唔錯，故事的轉變ge感覺唔突兀

8. 第一誡 (watch myself) 甚少戲院上畫ge一套戲，得力於冇人捨得dum錢宣傳，但其實係一套有水準ge港產片，題材亦算新鮮

9. 賊兄弟連環劫 (watch myself) 劇情荒謬絕論，但可以激發到我諗好多野

10. The dark knight (watch with kennis and chris) 其實呢套係十大之外，係比面佢係大製作，同埋得力於希思來杰出神入化ge演出，而缺點是劇情太複雜，好難消化

我求其評架咋，想知多d就自己租碟or d/l來睇啦~

呢兩日冇野做，大部份時間都係坐左係度等運到...

今日先發現..原來老細同事頭婆並唔係夫妻關係..係叔嫂關係...

08年過左去，07年尾從冇諗過自己會有咁失敗ge一年..

量地前前後後量足半年，突顯左自己決斷力同判斷力都嚴重不足

男人最怕入錯行，呢句說話係極度正確，入左一行唔岩自己做ge行業，睇黎一生人最多遇到一次就好了...

希望可以吸取到教訓，之後遇上類似難題時可以處理得更好

所以，我08年失去左好多，現實d睇，錢，係我失去最多ge野，而冇錢，就咩都做唔到，令我今年經歷ge野得太少

基本上冇諗過，自己ge弱點可以引發出一連串連鎖效應，令自己ge人生停滯不前

其實今年我發生過d咩事大家都知，唔知都可以feedback一次本告示板,,

不過有d邊皮野都想講下，話說我做果份古里工果時，某早上，我起身照鏡，見到自己對黑眼圈double左..好誇張...我番到公司再望下老細果對..哇，直情凹左落去..

所以有時諗番轉頭，咩叫有自唔在攞苦黎辛就係呢d

我再重申一次，我冇後悔過離開verify，我後悔只係離開之後所下ge每一個決定..都是不正確的

而導致08年，我過了一個極不穩定的年份，所以我而家只係希望09穩穩定定，起碼累積番咁上下銀彈，先有得講理想，而家正宗係no money no talk...

而家份工，覺得自己真係好幸運咁搵番黎，雖然我份工ge condition ok，但其實呢份工係滿足唔到我，時機一到希望會轉到，有一點好重要ge係，呢份工係一年contract，呢個因素令我有唔到長遠ge計劃，所以唯有睇得短d，穩得住份工係基本要做的事...

感情方面..一片空白，冇錢冇事業 = 冇女，完。不過都嘗試到d冇諗過發生係自己身上ge事，感覺係...唉一聲

健康方面，時好時壞，自從條腰奶過野，好番後keep住做ex就ok，唔做又會痛...

家庭方面，家家有本難唸的經，所以唔打算係度分享

08過去，展望09，希望大家，包括自己都開開心心，事事順利