前兩日買左件嬲，7折後都要4百幾蚊..好貴..

今日放工去左飛髮，本來預以往ge一舊水，但去到先知加左價..仲要加足70蚊，個stylist話因為轉左老細，預佢地有能力做到成績..咁我咪仆街囉...

香港地..大部份ge企業管理層係大部份架打工仔心目中都是仆街...新人事新作風果d更甚

今日ok多野做...臨尾要猛咁打電話搵客..最憎做呢d事...但又是工作範圍之內架事...

今日佢地幾個sales clerk internal meeting

其實佢地開會唔好好關我事，但旨在乜都學下咁，大肚婆又叫我落埋去開咁囉

阿頭都開埋，好少同佢近距離接觸，不過佢地開會講ge野十居其9我都唔知係乜野黎

大肚婆15號放產假lu，可能到時多左野出黎俾我做

不過而家有位sales當我真係sales clerk，放d野比我做，=.=咁都好..冇咁悶

今日reception 個winnie病左冇返，我地閣樓搵左幾個人輪流頂佢更，而我都有份

其實之前都跟過winnie學架la，但一直都未試過坐埋佢個位做reception ge工作

下午兩點至三點就係頂佢更ge時候，我身邊循例有個阿映傍住我，話哂第一次呀嘛，識聽就ok，唔識聽即刻劈比佢

不過其實大多數接左ge線都冇咩問題，佢就只係做mon住我ge職責，不過又唔係真係太多電話要接，因為樓上office都有一個reception的，所以有空又同阿映吹下水咁

呢一個鐘時間都幾易過，但真係對呢d接電話or要成日講野ge工好厭惡..可以ge話我寧願一世做d唔駛講咁多野ge工，但又邊有可能呢...?

從同事口中得知原來新年係由年初一放到年初七，哇正呀夠去一轉旅行..不過我冇錢...好似話係因為逼人清假，但對我呢d冇年假可言ge contract仔來說，是一件賞心樂事~

日子冇咩特別，但循例update下啦，本村長素來最憎見到d日記係幾個星期先update一次，所以自己亦都唔係太想本板變成咁

公司一時多野做，一時又少野做，冇野做d時候又可以名正言順吹水，大前提是老細不在

帶起左星期5出去lunch ge熱潮，而家every friday都同梗某幾個同事出去食，搵到d似曾相識ge感覺

又幾日冇打日記la=.=...咁搞法日記好容易變週記..=.=

冇計la..雖然有工番，但日日做ge野都係差唔多..冇咩值得分享..

都有d邊皮野講下ge...今日同事阿fai生日，showroom閣樓成層ge人都走左出去lunch慶祝...帶左飯ge我都唔例外，又食左成舊水...一個月裡應該都會有一兩日係同事生日日子，月頭阿頭已經食左餐pizza..平時帶飯慳埋慳埋果d都擺落呢d social飯局度，睇黎每個月都應該要預番一百幾十係佢地身上...

早兩日媽媽生日，出左旺角食日本野~好味又好飽