哇好耐冇打日記la...因為自己太懶了

只係幾日，我覺得呢幾日係呢一排最充實ge一段時間

上個星期尾..阿映小姐放假...結果佢d野好多都比左我做..但由於我未d野熟哂手，做起上黎雞手鴨腳，做做下又要問，問完又有錯，錯左又要改，改完又要對...浪費左唔少時間，但當中六都學到唔少野，我亦喜歡呢種忙到要搵時間抖氣ge感覺，同埋有滿足ge感覺，暫時看來我搵岩條路行了~~

但我仲未擺脫到被炒ge陰影...成日好驚做錯野..由其是自己獨立處理一d未熟手ge野，同埋之前提過ge check iso......看來呢種心理要盡快擺脫

星期6去左同前同事阿豪食lunch，又8到好多舊公司野~再去poly贈下pan哥興，同佢影左幾幅畢業相，第一次見到傳說中ge pan嫂~係入面竟然俾我撞見以前王少清個鄭鳳梅又係影緊畢業相，哈哈我好唔客氣咁痴相影~

琴日就去左同k+h去睇007...其實不嬲都唔好007..但又走左去睇....老實講都幾悶下=.=

幾排仲發左好多不可能ge夢，我夢見王少清ge中5 last day...仲有不少面孔好清晰咁投映係呢個夢入面...我夢見我阿爺未死ge時期....仲有我夢見我對我家姐講粗口....

今日都係依然HEA下又做下野咁樣

早兩日阿映俾D contract我practise下點樣為之complete ge conrtact..原來叫我做呢d野係鋪定路...

話說不久ge一星期後就有人黎做iso..要拎d完成哂ge contract黎check下岩唔岩標準..

我黎緊呢星期就係睇哂今年d完哂ge contract..諗起都辛苦=.=.....check野又唔係我強項..唉好驚出錯會比人斬到一頸血..

唯有打醒十二分精神，朝朝隊茶提神...

但呢一輪做緊ge野同之後要做ge野根本唔係太大la lun...

琴晚呻一呻，今日又突然又多番野做，有野做時間過得好快，斬下眼又5點半放工

班sales clerk好似好忙咁..5點半通常未走到..不過通常都唔會O好耐...但其他dept ge人5點半一到就開始走人...呢種可能係公司文化..我鐘意haha

係時候訓覺了

仲未係太多野做...都唔知咁早請我做乜，新system又未接觸得到...sale clerk又唔係太多野比我做

一日齋坐足足坐左一半時間

老細又係坐我後面，好彩公司mon住唔比上網，少左樣引誘..冇野做唯有攞任何公司野睇下la..

之前話我做緊野果個dept有5個女人

今日就同左呢5個女士lunch出左去飲茶順便大家了解下，有時眼睇同心諗ge真係同事實唔同，當中有個睇落唔算老ge大肚婆叫joey，原來已經生第2胎..最令我surprise ge係阿映小姐原來都已經生左一胎...睇落唔似囉，有位叫阿cat的...佢已經準備緊結婚...對象係公司男同事，仲有其餘兩個叫阿yan同vanessa，我以為佢地入左黎做好耐，點知係半年都冇....

仲有更多估唔到..原來公司仲有其他contractor，阿yan同vanessa雖然係permanent，但係待遇同contractor差唔多，都係冇double pay...哇點解會咁=.=