都唔明d大陸同事係點做野ge

話說大陸同事要搵我地幫手做d野，但手續又做唔做，email同佢講番都仲係做唔足，仲要甩甩漏漏咁，唔叫佢都唔會做，正一係踢一踢就郁一郁

同之前verify同古里工一樣，叫d大6同事做野永遠都係叫幾次先會睬你，被動到不得了，唔知係咪因為大陸冇老細係度，山高皇帝遠，hea下hea咁

呢兩日犯上同樣ge錯誤...打左ge單唔記得左save，搞到哂左d時間又打過..

今日會計個wiiliam走落黎講mpf d野，條友出名長氣多野講，一講就講左兩粒鐘，仲要一半都係題外話..

星期5開始一連3個工作天都是公司個機械展覽會，d supplier同客都會黎底下 ge showroom聚集

好多technican都係埋度，所以之前報左今日名參加新同事先有得睇ge機床示範，行tour行左成朝，啞左唔少時間~~

有d搞笑樓下d con room開d研討會太少人入座，老細唔想難睇，叫我呢d生面口ge扮客撐下場，聽到想訓著咁滯...

司徒瑞祈連姓都轉埋...變左賭徒瑞祈...

又發左d怪夢..

我夢見我間公司執笠，自己又番去失業ge狀態...

失業失到驚..驚到夢埋d冇可能發生ge事

自己做足本份，但命運係都要你失業，夢裡的我亦沒有反抗的餘力...

早幾日夢見自己俾人炒..

唉..被人炒ge陰影仲係揮之不去...

自己今年主要經歷過的事情，引發出呢d恐懼感，現在這些恐懼全都投影在我的夢中....呢堆夢，可算是我今年ge成績表....

今日唔知做乜鬼，全日都精神渙散，做極都唔上心..個心係度飛黎飛去..

其實覺得而家個位置好監介...我又唔係sales clerk..但又會接觸d sales clerk先會掂ge野，但又唔係好似一個sales clerk咁所有野都要識要跟，所以對有d野真係唔係咁熟，但你唔做..又冇野比你做...咁到底我對d sales clerk d野唔熟，是唔是理所當然呢?人地見到我半桶水，又會點諗??唉我諗唔通，講都講唔出個意思來，希望你地明la

而家d同事問我做緊d咩呀...?我話我係marketing果邊ge..但做緊sales ge野...自己答完都覺得很搞笑...