一大朝早起身番工...但今日狀態差勁，肚仔唔多妥..好唔想番..但今朝老細開talk，唔番好似唔係幾好咁..所以死頂都要番

早餐都唔想食，就落左showroom個員工大會聽老細講野，內容大致係講海x之下行業ge情況有幾嚴唆，客戶群有唔少停工，提早放假，甚至執鬼埋，呢d影響到我地之餘，我地訂左好多機，d客都因為業務委縮而放棄訂購，結果好多機都滯留左係出產地，錢就俾左出黎，但回唔到本，呢個問題真係幾大....為左開源節流，佢話會接收同行ge客，因為有d規模細ge同行已經摺左，第2係開發新客源，第三係更有效益地利用現有人手，最重要都係搞掂果堆滯銷ge機床.....當然最皆大歡喜ge消息就係唔會炒人la~仲有d甚麼bonus等等，不過都唔關我事la，我呢d contract仔...

事實上呢排都真係冇乜野做，佢地都係打緊d report，而我就都係pack file...黎緊呢個月，可能仲會有想像唔到ge清閒...

最後我都冇咩事，應該是唔夠訓姐

番工，都仲係執緊d file...

收爐都冇得早放...鬼叫呢間公司係呢d行業

放工約左c+k....又係要等佢地=.=.....準時..睇黎只係我ge習慣

過左灣仔食金鳳，我真係冇黎過...間野係好馳名的扒房，而我之前浦左咁耐灣仔...都冇黎過，真失敗，而家先知道呢度d扒真係超好食，價錢亦公道，輪侯時間比想像中短~

食完搭船過尖沙咀，目的就是倒數，harold後join，接近10點過到去..已經好多人，好彩都仲搵到個位望到ifc

但呢兩個鐘都幾難捱下....d時間過得好慢，仲要移動不能...企到腰都攣腳都痺埋....唯有吹下水搞下gag影下相過日晨...其實倒數呢個行為都ok，但形式就好反智，企係度兩粒鐘就係為左幾分鐘...曾幾何時試過同pan哥出times倒數，結果連d apple都見唔到....呢d野，都係幾年先黎一次就算了

去到11:55分，海上有船響安作提示，成堆人即刻多輪起哄，我都試左次帶起個頭haha

倒數一分鐘開始，係咁勁嗌，氣氛很好，踏入09年一刻，見到有人咀咀haha，睇埋煙花走人

逼到出去jordan吃m記同搵糖水醫肚,,,已經好累了，最後3點先番到家

懶得post相，自己上facebook看個夠吧

呢兩日再次做古里...要pack好一大堆陳年box file..搬黎搬去..好累

加上琴晚夜左訓...放工真係散哂咁....

好似番番去之前古里份工..呢個影子...做4個月，可能咩足一世...果種厭惡ge感覺，真係好深刻....

vicky已經回來了!!!!

臨近歲晚收爐，比較清閒了一點

同winnie吹左兩句水，佢話生意少左，電話都少左，佢語氣比我feel到情況好似比我想像的還要差..

夜晚約左少清同學仔打邊爐，成員依舊有pan哥，梁仔，方伯+max，仲多左兩個稀客，肥愷同歐雅，真係幾年先見佢地兩個一次咁滯，兩個都過左外國讀書，肥愷更是唔知讀乜，讀左n年都未番黎hk定居...所以佢地好似老人痴呆咁..剩係記得幾廿年前王少清d野，最update ge都只不過係幾年前...

席間又做d例牌野，狂叫狂食，發放笑彈，派膠(肥愷派足全個下半場)，半個同form ge少清友行蹤大發掘，下次我唔坐方伯隔離，坐親冇好野...

都最後...個個食到捧住個肚走人...

我七老80，仲會唔會黎得到呢度望住你地，找尋幾廿年前ge回憶...?

無聊topic & 開首...姑且略過

公司個dinner d相，遲d補番