冬天..真係令我又愛又恨..

我一向怕凍..仲要而家身體差左..更加怕凍...

不過歐洲進入左冬令時間，d客係我地呢邊3點至番工，即係2-3點呢段時間可以無限上網..爽yy..

閒日因為要上堂..d 好友飯局推哂..唉....都未得(張cert)就係咁失...你知la..我好難得先有人約架ma...

聽日present marketing...gogogo

講起讀書...當中真係好多種唔同ge人，有d真係令人眼界大開...所以揀人group 組都真係一個學問...自己就中左少少伏la...

結婚..離我好遠

但身邊識ge人已經陸陸續續結婚了，今日想講ge係，曾經係我生命中出現ge 3個女人都結婚了

我唔怕寫得咁白，因為..已經過去了，放下了

三個女人，三種心情...

第一個係王少清時代認識ge maggie，當時同佢都叫做好朋友，有咩事都會一起分享，至於點解認識得咁深入，真係唔記得了。她知道我喜歡她，但她不喜歡我，但都keep住好友關係，中五後離開了王少清，都仲有keep住見下面，直至近幾年，大家已經再冇聯絡。幾日前，見到佢ge婚禮相片，先知佢已經結左婚..我感嘆，為何昔日那麼要好，變得現在的疏離，...我也找不到答案了

第二個係yy1的yuki，6b時的同學，我追求過佢，做過而家潮語入面的"厹"，日日陪溫書放學，持續左一個上學期。當然最後是追唔到佢la，之後大家都各有各生活，互不相干。現在她以同學身份請我地飲佢果餐，咁正常當然係鄧佢高興架la，而我亦沒有同學身份以外的feeling，只是這個婚禮是我第一個以同學身份出席的婚禮，要體驗一下是甚麼東東。

第三個是vicky，verify時的同事，不著墨與她何等熟絡了，大家是很好的朋友，我喜歡她，但不敢表白。為了不破壞大家這個單純的關係，我用了很久的時間才將她放下，直至對她只有朋友的單純感覺。但說實話，她是一個很討人喜歡的女孩，和她交朋友好舒服，所以當初聽到她結婚了，我真心為她高興。我亦都同佢講過，結婚唔好唔記得請我飲，從呢件事我知道，咩係發自內心ge高興。當天的放下，造就了今天的開懷。

講開又講....vicky個餐係1月1，yuki果餐係1月2....大鑊=.=.......12月31又有除夕飯要食...sosad

04年果次...點樣養病依然好深刻...成個暑假攤左係屋企休息...因為食左抗生素都西藥，個人好累..玩一場fm已經冇哂精神

果時咁岩中7完左高考，等放榜時d fd去哂做part time，我就係屋企抖暑...之後一齊去搵asso course，搵搵下因為太累而中途走人，到space收左我，因為仲養緊病而ocamp都冇去...

估唔到一單胃病就錯失左咁多野...

今次胃唔舒服，我又好驚好似上次咁，食藥食到天昏地暗，做唔到野，所以遲遲都唔肯去照胃鏡，妄想食中藥會康復，但事實卻不然

而家照左知咩事，對症下藥先係上策，係止蝕最佳ge方法，食藥後都冇太差的反應，都算ok

呀..其實我已經番左一個月學，去左上一個management diploma，今晚仲要present tim...努力

最後終於頂唔住，係星期日入法國醫院照胃鏡

04年照過一次，照到有幽門羅旋桿菌，幾經辛苦用左一段時間先康復和適應，點知因為自己on9，近半年都冇好好保護+護理自己個胃，搞到又虧左...一切都是自己的錯....

胃一唔好，所有野都唔好，包括精神，飲食，吸收..等等...所以我呢兩個月瘦左好多，冇廿磅都十幾磅，由年頭ge160跌到而家得番130..好很勁...

04年照果次，並唔係專科幫我照，所以好唔pro，特別係麻醉果part...照照下我醒左十幾秒，係咁嘔，然後訓番著...

今次呢，我搵左個專科醫生幫我照，仲有個麻醉師負責麻醉，成程我都訓著左，醒番已經照完了....

不過專科真係好能貴，冇保險claim我寧願訓政府醫院....

星期日入去，星期一先照，因為要住一晚先有得claim，打算照院睇完報告就出院，最後照到係個胃發炎，有d地方又紅又腫咁......點知仲有個驗血報告話我血色素偏低，要留多晚院check下乜事，第2日check到，原來係缺鐵性貧血，.....都係可能因為之前胃唔舒服左好耐....食得太少野而導致咁樣.....要食鐵片同食多d含鐵質食物補充番d鐵質....

04年到而家，都有6年了，呢6年幫個胃累積ge健康，用半年就搞round了，感覺上呢6年是浪費了...而家又要食兩星期藥再去覆診......

琴日一個風球，令到我可以訓多一覺，叉番日電

好似好耐冇試過因為8字波放成日了,hoho

不過代價係，今日番公司忙過隻狗咁

琴日打風d野又咁岩好多，係咁做係咁做，琴日老細仲特登渣車番黎，由9點做到7點

琴日儲埋儲埋d energy，今日嘔突番哂出黎，真係頂佢個肺