d客放完暑假番黎，又開始好忙了

個胃又差左..又要搵中醫幫手..

我都係要節制下自己d飲食..去配合中藥ge調理，如果唔係睇幾多次都是冇用...

on99...原來我部非smartphone是可以上網的，自從我幾個月前轉左個35蚊/月 plan，就有呢個服務了，我幾日前先發現...

琴晚dup完骨，好訓左

10點半醒左，典下hea下11點去check out，then去番第二朝去過果間丹堤cafe食早餐，今次唔係食佢果d免費餐，因為見到佢另外有d早餐好正，所以想試下，但佢d炒旦唔落鹽sosad

食完11點9，出發去動物園站坐貓空纜車，搭捷運去都只係要45分鐘，呢個時候就梗係拎琴日發現ge捷運one day pass用左佢la~

 雖然呢個係動物園站，但我地並冇興趣去睇動物，旨在係想坐下個纜車上去貓空站遊下，唔搭由自可，一搭真係發現好撚抵!!!!!50蚊台幣一個人單，一人同行2人價錢，即係廿五蚊一個人，圍起港紙7蚊都唔使就搭到一程，抵到冇朋友!

不過c仔就話，同香港個360差唔多，但唔明點解可以平咁多haha

上到貓空站，例牌影番幾幅相做留念，呢個時侯仲係風和日麗...再食番碗沙冰抖抖~

臨走想排隊搭纜車走之際，突然間落起雨黎，纜車要停駛，工作人員即刻擔d凳仔出黎俾大家坐住等，然後派水派扇俾大家，仲有人幫大家手扔垃圾，即使冇得搭車要滯留係山頂都gur哂，但係好戲在後頭，有位阿姨走出黎同d細路玩問答遊戲，答中仲有獎品送，呢個娛賓環節真係服到我地5體投地...香港係呢d緊急應變措施邊到有得揮，咪由得你乾企，企到鼓燥，然後上報~

等左半個鐘到，就有捷運旅巴車我地落去，山路曲又彎..又暈車浪orz...搭捷運回程果陣訓著左

下一站去左買手信....拎住旅行社送果張禮券去維格買，我以為最少都換到盒鳳梨酥，點知都一個禮盒仔...zip牙la都唔夠...不過我地係唔係都會掃貨架la，結果掃左2000幾蚊台幣走人...

跟住就趕去最後一站 - 一零一觀景台，用琴日先發現ｇｅ一零一觀景台免費贈券，拎住ｄ手信真係好唔方便，上到去寄放左係ｃｏｕｎｔｅｒ度，先至慢慢遊。如果要錢上黎．．都要成４００蚊台幣，我地可以免費上黎，真係好正∼

  條馬路好長，有冇兩條彌敦道....

 中間果撻空地係我地第一日影相ge地方，今日已經車來車往，點解果日可以人同車都冇，任我地影相

5樓直上89樓，最後只需43秒

不過我地遊左都唔夠一個鐘，因為時間好緊迫，要6點半番到去旅館拎行李然後搭7點鐘車去機場，於是大概5點半直接係101 food court食野，食左個雞扒定食，超正，由於好累，又拎住咁多野，大家都同意搭的士番旅館..點知又中伏，原來好遠的，又撞正放工時間，結果塞車，用左半粒鐘先番到去，唉搭捷運可能仲快d

攞埋行李，7點就去搭國光車去機場...又要再見了台北...

 準備番香港了..台北..下次再會~!

琴晚比第一晚訓得好，可能已經適應左將床

10點幾出發，先去burger king食左早餐先，食完就出發去十分了

搭12點火車出發去瑞芳，佢張火車飛上寫哂火車到達時間，又真係幾準時，exactly39分鐘到達，冇多冇少

 台北車站

搭入瑞芳呢程車我訓著左，c仔無無聊咁發現左一樣好重要ge野......就係在香港機場送俾我地的一本旅遊指南，我地當初見本野薄it it應該冇咩料到，所以唔理佢，但竟然俾c仔發現入面有一張捷運one day pass，同埋一張多用途ge禮券，免費浸溫泉/上台北觀景台/維格買手信/.....等等任你揀一樣，好彩俾佢發現得早...

到左瑞芳，就即刻買下一班平溪線去十分ge火車飛，揀左one day pass..因為想去埋青桐

4年前同pan哥+阿foot去9分但因為打機坐過左站，今次識落車了，梗係影幅相贈俾兩位la~

等左半個鐘，去十分ge車終於黎到，坐左半個鐘唔使就入到去

呢張標誌性貼係度，由於我地係個車站影相，個車站俾我地玩左差唔多半個鐘，影左好多幅相，唔放上黎了....

影完個站，根手行入d見到天燈，本來冇打算玩的，但見無野好做咪玩下，呀點知又幾過癮ge，寫下d搞笑野上去，以下e張最具代表性~

 detoxication..哈哈，作出黎的，唔知有冇呢隻字的~

路軌同路人之間是多麼近，感覺很特別，係繁囂ge香港那裡找得到?

根住行入d入去搵十分大瀑布，沿路有個阿sim話行好遠架~~~~~~~~~，點知行廿分鐘就到，佢果d所謂遠真係....

由於沿路太曬，我地都變埋阿伯，擔把遮出黎遮下太陽，係香港真係唔同你搞埋d咁ge野~

沿路入去又係路+軌

十分大瀑布，又當到此一遊，不停影相

 大約4點鐘，番去車站附近買下野食，買下手信...由於車程同回程時間都好緊迫，所以去唔到青桐，於是回程番去之前半個鐘，又係車站附近ge吊橋一影再影

大概5:35分，搭火車番去瑞芳，再搭火車番台北車站，都已經7點了，去左敦化站食鼎泰豐，排左廿分鐘就入到去，點左好多野食，當然要必點蟹粉小籠包la，仲有個炒反都好好食~

c仔見到有d叫蝦仁燒賣ge野係menu，以為係香港果d，即刻叫左黎食..點知黎到先知係 咁ge樣..

同小籠包一樣，都係有塊皮+一舊肉，最多加多隻蝦俾你，果然係小籠包專家....

食完之後，番左旅店hea一hea先，10點半落左去樓下隔幾個鋪位ge按摩店dup下骨~1350台幣全包任dup兩粒鐘，首先來個浸腳+lin膊頭，再來lin腳.....有d痛...

戲玉之後先黎...全身按摩...估唔到係唔岩我呢d虧人，dup到呢...痛到我仆街....個阿e都唔知是咪玩9我...見我邊到痛就出力dup...痛到我嗌到拆天..

dup完番去...沖涼就睡了

由於本人訓開硬身ge床，所以旅館果張軟身少少ge床訓得唔是好慣..導致琴晚訓得好差..一早9點就醒左訓唔番

等埋c仔醒左...10點幾去食免費早餐，係旅館包埋ge，去一間丹提cafe度食，原來包ge早餐都不是甚麼豐富東西，只係一件雞腿包+橙汁，不過味道都尚算可以

然後出發今日ge旅程了，第一站係去陽明山，諗住去行下同浸溫泉，點知去到先發現，陽明山係好大.....再問下人，原來溫泉係馬槽果度...即係總之要去到好入，為免行到腳跛，我地即刻淆哂底搭車走人

我地搵左架小巴落北投，但架車係會兜左上去冷水坑先至會落北投，呢程車證明左我地離開係岩ge，因為沿途見到荒山野嶺，又冇野睇，落左車都唔會知點搭番車走....

兜左半粒鐘..終於落左新北投，去左一間叫做水美ge溫泉會館度浸，c仔未浸過，佢睇落好興奮，我雖然浸過，但已經係中二ge事，兩次ge感覺當然係截然不同，中二果陣係韓國度浸，心諗:做乜9..仲要同d 3唔撚識7ge麻甩佬一齊鳩 fing fing -->無錯..呢個真係我當時心果句，在呢一刻用更貼切ge字眼表達俾大家知，但果陣年少無知姐，但而家就知道，浸溫泉是一種享受，唔係一般10幾歲玩水ge心態

於新北投站一攝

浸左大概一粒鐘，就殺去永康街醫肚，搭左去中正紀念堂站，行左兩步覺得唔對路，就搭的士殺過去了，第一時間梗係去永康街食牛肉面la，牛肉面我不嬲都唔好，就算而家呢碗面我都食唔哂，但d牛肉就真係好正，好林好入味~

食完後去著名ge冰館，試下個芒果刨冰，哇又真係幾正，家姐的確冇介紹錯~

飲飽食醉，慢慢散步咁樣行番出中正紀念堂，一路都落雨架wor..但一去到就即刻停左雨，完全冇打擾到影相ge雅興，於是我地由在此喪影相

影完相，就出發去番我地琴晚去到山左門ge女僕cafe，間女僕cafe得幾個女僕，招呼我地果個雖然唔係話好靚，但勁玩得，俾人叫主人ge感覺不錯*o*

飲完食完臨走佢話要玩小遊戲，輸左要懲罰，結果我地兩個都輸了，懲罰ge相就唔係度公開la haha，上fb睇吧，不過我地都為唔記得同個女僕影相覺得有d可惜...

食飽又行一陣果條地下街，c仔買到幾件衫，我又買左一本書，要後就出發去師大夜市，去食我掛住ge雞心，見我掛住ge檸檬茶姐姐

杯檸檬茶同埋佢同4年前一樣..都係咁甜~

買埋鹽酥雞，我地就agree搭的士番去..因為出左黎一日..已經覺得好累了。沖完涼..見到電視播35成群，點知d 18+鏡頭cut x 哂..冇癮...

今日一早7點鐘起身，係出發去台北旅遊的日子

對上一次去台北係4年前ge事，呢幾年間一直都好掛住台北，但由於好多個人因素一直冇機會再去多次，今年終於排除萬難去到台北了，感覺好正!!

搭11:05分機，約左今次ge parnter - c仔9點鐘去到機場等，但我太耐冇搭過A31..原來架車45分鐘就去到機場....結果我比原定時間早40分鐘就去到，加上佢又遲左20分鐘...我就咁係機場hea左一粒鐘: 早餐+周圍行+睇報紙....

仲有，我今次嘗試唔食暈浪丸(上次有食)，效果都ok，以後旅行暈浪丸bye bye~

等到c仔來到check in，入閘食早餐，再hea下，10點幾預備上機，台北!!I am coming again!!

11點半先起飛，去到已經1點幾，因為我地經旅行社搞機票，所以有飛狗巴士飛送到我地去旅館，但佢又唔講俾我地知..原來中途要轉公車，更狼狽ge係，轉車時咁岩落狗屎....同我想像ge直接送到門口差好遠囉....

輾轉一粒鐘車程，終於去到目的地!!福泰吉子商務旅館!!

settle down哂d野，決定左第一站去台北101兜一轉~

入左101行左陣，果然係名店林立...令大家都係得個行字..行左一陣，發現左出面一塊空地可以影相，對正台北市政府， 仲係一個人都冇，任影唔嬲...

堂堂市政府，就玩弄於我地股掌之中~

影左好多相，影飽之後，就順路去誠品走番轉，上次黎呢度附近都整哂路+又要係夜晚，搞到我今次到左附近...都唔知自己原來已經到左haha，行左1個鐘多d，買左一本書only

之後就去左我最掛住ge度小月la，又食左馳名的擔仔面，再+碟炸蠔仔，碟炸蠔仔同4年前黎果碟一樣咁好食~

食完打算去台北地下街ge女僕cafe，點知已經山左門...於是係條地下街度行左陣，發現d野都ok平，然後去左士林夜市醫下肚...食左個大腸包小腸，一串串燒，飲左杯野，又已經好飽了~

搭捷運番歸，咁岩睇到曼聯vs曼城下半場，係台北都見證到曼聯贏波，感覺良好~睇完沖個涼hea陣又訓了，預備第2天~