camp- 2     


早上6點幾醒左  呀英最早起身   之後係我 最後係tina  
之後我地3個去左廁所  我見到有隻我最驚既小強  = =
呀英同我即走  之後去swimming pool果邊果個廁所
去完之後我地又坐返入營  坐係入面好熱  之後果個男仔影我地相
我地自然地狂避  落左去食野 又係食杯麵 = =
d人好煩囉  成日都要走過黎  又係咁講大話喎  
又唔知自己煩&討厭  之後返上去  7點幾   stone sir for in哂佢地!!
之後係度話佢1起身就聽到10句粗口!  所以要佢地做掌上壓..呀英..彤彤..我冇做
遲下要做返sit up   之後我地3個又做 .又煮早餐食  stone sir玩佢地
佢地好多人冇叉用嘛  拎之前要佢地講; 我-xxx冇叉用     哈哈 好搞笑
彤彤  .mini同我都冇去拎..stone sir見我地唔食野..就比左d朱古力我地沖黎飲!
之後我地落去沖..之後又上返去  呂sir影人相 佢地仲要係唔知  佢地好enjoy自己d野食
我地飲完..又落返去擺杯! 擺完又上返去 .佢地食得7788..開始收營  慢慢就開始拆. 
好曬呀   我地企左去d樹底遮蔭 ..林sir啤住我 = =  可能我大叫掛
之後林sir又叫我地執垃圾  我去問stone sir借無比滴 因為比d蚊叮到隻手好痕 
搓完之後好好多.. 執野落去飯堂果邊  再搬d野上去房  之後我地去射箭先  好玩呀
我玩左3次  得3次係中射把  不過係白色既地方..全部都係冇分 = =
之後又去玩成網  都幾好玩..有個野好好玩. 衝落去個下好涼爽 哈哈!!
第1次玩都幾驚   之後又玩多2次  玩其他野, 玩玩下唔想玩   企埋1邊睇人玩
到左12點幾   入去飯堂食野 同stone sir,林sir,,miss黃1齊坐   我食左好小野咋
之後1齊走  出左出面坐 係度傾計  之後for in,  我地都要入隊
上去上面拎返自己d野  見到我個袋比人整左落地  仲有比人踩過既腳印= =  好衰囉 
我覺得1係死田雞..1係余xx  ,我記得個袋明明係擺書包後面喎   點解我個袋跌左
書包又冇跌  好唔正常.\_/.  我覺得係死田雞.  落返下面 又影相..
好討厭哨牙昌企我隔離呀.  好曬呀 影完之後再上去搬d野落黎 
之後見到尋日同我地打排球果個姐姐  佢同我地d女仔講拜拜
我地又好齊咁同返佢講  哈哈   之後哨牙昌又係度問我; 喂! 你地識架咩?!
其實識唔識都唔關佢事啦. 身為男仔都咁八掛= =    上車.. 等左好耐..d人搬慢左..
之後我地係度等.   等到d人到齊哂就 開車  超級熱. 累到我地仕車人訓哂 
架車好靜  好難得!  個司機都熱到落車開冷氣   都都仲係好熱
不過我已經訓左  好好訓=)   之後tina叫醒我    1起身.已經係洪水橋 
唔知係我訓得耐定架車開得快   上去拎返d書  佢地check野  我地就企側邊囉
之後林sir又啤..個心肯定話我地乜都唔做.. 我地都想做架 d男仔圍住哂
我地都冇得入去啦  人多手腳亂嘛  之後到左2點幾 走人!  
呂sir問我地係咪返元朗!  之後我地3個又搭免費車了  ha
架車到左我屋企樓下  全部人落哂!  呵 真係唔該哂你呀  呂sir
之後我送佢地去搭車, 然後就返屋企, 返到去即訓!