camp- 1

朝早起身果時好眼訓 起身刷牙洗面換衫食野
食完之後返學  今日好似比較特別! 搭車果陣見到呀英同簡樂峰
之後1齊返  返到去之後佢地返哂自己課室   我就好悶咁自己1個
tina都返lu..咁岩d衰人係tina後面..佢望左我一眼之後好大聲咁話; 係我就唔著褲啦   
好明顯係串緊我= = 之後都冇理佢! 佢地返去課室果陣 瓜子係窗門果度唔知講咩! 
聽唔清楚  1定又係d人係度講衰我  將d野有咁大講咁大  之後又再叫瓜子串我地囉 
d人好賤格囉! 冇理佢地  係度抄數學  之後夠鍾  落去集隊.  第1,2堂中文  又係代課
唔知做咩. 勁辛苦, 想嘔又嘔唔出, 肚又痛! 小息..tina都係咁, 佢去買野食 我冇買
佢食完上返去!! is堂..冇事了 笑完之後就好返 哈哈! 派卷..好幸運地有53分 合格! ha..
之後睇解剖牛眼  好核突.  之後又小息 又到我食買3文治食, 威完返上去
數學堂  第1堂教返d數, 第2堂就小測. 唉!  我有4題冇做 1定唔會合格囉
之後我係度諗; 哈,就去camp了! 等等等等.. ;)
收卷後lunch..同蔡菜子坐.  傾到夠鍾我地走喇 呵!!!  拎d書落去, 呀英好遊閒咁 係度慢慢行xd
之後等埋佢拎野  就1齊落去!! 我地首先就落左去先..之後stone sir搬野, 又去放書
d野拎好哂出黎, 就幫手搬上車. 但呀英, tina同我上左車之後就唔想再落去
係車度1邊等 1邊食野.  之後2點幾出發, 基佬同死田雞坐我地前面. 係度講鬼故
有d都幾恐怖, 差唔多到洞梓童軍中心果時..因為見到有芭蕉樹 佢地又講緊芭蕉精
我個刻係好驚, 到左之後就落車. 果陣好似3點幾!! 去左露營區2,
我1去到冇耐已經比隻蚊叮左下= =  好惹蚊, 之後既日子你叫我點過
之後周圍走..突然基佬同我講話呂sir話下面係亂葬崗
我問下呂sir..佢話唔係, 叫我唔好人地講就信  我真係太白痴喇
死田雞就係度奸笑囉= =  之後呂sir同林sir講解左d守則比我地知之後
大家就開始搭營, 我地都搭得幾慢. 幾經辛苦終於搭好
之後食野, 食腸仔,煲熱d水6腸仔 ,食得   林sir話係下5荼時間= =
 果陣已經5點幾  食完之後我地去左廁所果度睇下係點, 都okay
不過黑媽媽, 有d恐怖.  又落左去飯堂個邊,  見到人地打緊波
我地又想玩, 就借左羽毛球黎玩  我同tinai對打, 我成日打得大力左sor
打打下有d又係黎露營既人黎問我地; 可唔可以借過拍比佢地..佢地要拍野
我地就借左比佢地, 之後就同呀玲&彤彤打排球, 打打下有個女仔話想1齊打
就1齊打, 都幾好玩! 打打下話圍圈打, 比個男仔成個排球打埋黎手臂度= =
好多人問我有冇事, ha 好warm!!  之後佢地冇打了 要去食飯..
6點了!!  林sir叫我地入去洗手食飯, 呵! 好野, 唔駛自己煮
同stone sir同枱, d湯好好飲;)  裝左好小飯, 我只係食菜, 其餘果d唔岩口味
食食下打到果個男仔走黎問我有冇事, 我擰頭...  佢又話;聽日再打過啦 = =
我繼續食, 食完之後走人!  天開始黑, 我地又玩排球  
打打下哨牙昌無啦啦係我後面扮怪獸 仲要哇哇哇咁叫, 想嚇我 
但我唔覺得驚, 仲覺得佢好搞笑,  我同tina講, 佢又1齊笑   哈哈 
之後打下波又笑下, 呀英&彤彤都唔知我地2個笑乜. 好疑惑! 
打完之後上左去營地, 拎電筒果d   因為有野玩, 之後拎哂噴哂蚊怕水之後分組 
tina同我被迫要同呀英分開 = = 得返tina..彤彤&我3個上戰場  
我地要玩既係越野追蹤, 要搵d圖案. 呂sir見到我地慢慢行
同我地講; 哇..你地咁遊閒既?! 好似行街咁..計時鬥快架啵.. 
之後我地都仲係慢慢行xd  我地搵左好小, 我地3個都唔想去廁所果度搵, 因為好恐怖
好睬tina記得個圖案姐, 之後去左入口果邊, 2邊d渠好恐怖, 又黑.
終於比我地搵到,之後就梗係即刻走咖喇 ,我感到好似有d野跟住我地咁.
細細聲同佢地講; 不如我地跑啦 ..   我講完之後就跑,tina同彤彤都好合作
可能佢地都覺得有唔妥. 我地去到d光d既地方先行返慢d.
我地1見到d黑d既地方就唔敢入去了,  之後我地比人老點左囉
上左樓上課室果度搵, 真係好恐怖.  我地真係好白痴, 咁都信佢.\/.
算, 繼續搵. 之後死田雞話我地串佢喎.. 冇野呀  我地又唔係話佢, 話個細佬咋嘛
之後1個2個坐左係張枱面  唔比我地搵  因為有1個圖案係係枱底  好衰囉.
嬲嬲地咁走, 放棄了! 唔玩喇 .又累又黑.比返張野呂sir.抖抖下, 見到基佬副眼鏡斷開左 慘
玩第2樣野 就係用d膠袋蒙住你對眼, 比條繩你 要你靠住條繩行 
途中有好多野阻住你. 你要越過佢, miss黃帶我行去果度先.  之後叫我地坐底
等佢地叫你起身先起身! 最重要既係, 唔可以出聲..所以係呢晚更添1份靜上加靜既感覺
不斷聽到d昆蟲叫  呢種感覺真係好舒服! 係度等  知道呀sir狂影相.
到我了. 好驚  我知道帶我出去果個係林sir黎架. 因為佢行得好快= = 
佢比條繩我捉住, 我既命運就交左比呢條繩喇! 我記得前面有樣野阻住我
我去左另一邊 ,又有d野左住我= =" 我唔知點好. 慢慢再試下向前行.
又行唔到, 之後有把聲教我. "岩架啦..繼續向前行呀" , 原來係stone sir 
我有返信心喇! 繼續行,真係過到呀 ;)  繼續  有度要行過條繩, 要跨過去
我唔知點咁. 隻腳又唔夠長伸落d喎. 係我唔知應該退好定繼續好既時候..
唔知邊個拉我隻手 又推我隻腳. 呢關就咁過左喇  唔知係邊個幫我既呢  林sir?
之後行左幾耐..stone sir就同我講; 你完成左啦, 可以去休息..
之後又好似係林sir帶我走, 無喇喇又變左miss黃帶我搵地方坐 之後坐坐下
我係度諗, 上年"飛躍teen地"都係要咁玩, 不過蒙眼果度舒服d.係用眼罩
同埋係d人會拍手掌. 比你憑拍子行,  d同學仔知道有樓梯, 就細細聲同我地後面果d講
呵 果次真係好好玩! 後尾終於可以除d膠袋啦! 呀英佢地自己走左= = 
好睬stone sir等埋我姐! 仲有基佬陪我  仲幫我介開個膠袋 呵 唔該哂 ;)
之後全部人去左籃球場.講左d野, 話我地已經好好. 原本呀sir可以嚇我地.但佢冇 
我地比ac已經好好多倍. ac果d係晚上扔自己1個人係山度坐.唔似我地.. 有人帶.
之後又講聽日要8:3前要起哂身.for in好 我地好齊咁講完:"yes sir"
之後就返上去, 我地1上到去就拎野去沖涼, 拎埋營燈!  之後去沖涼.
個浴室好多飛蛾果d野, 又係我沖得最慢= =  沖完之後著好衫著返鞋就走
借支沐浴露比果個男仔,  之後返左入營.係入面傾左陣野, 余振傑問我地食唔食杯麵
我地話食  仲記得果陣係10點幾! 我地等佢地煮水, 之後6麵食 呵.  唔錯唔錯
之後呂sir上黎拎水! 呂sir穿得好隨便, 哈哈哈! 食食下見到個呀伯行上黎, 以為撞鬼= =
原來佢人, 上黎係熄燈. 佢都幾慘 無喇喇比我地當佢係鬼 不過又唔怪得我地
咁夜見到有個呀伯係度 你都會亂諗喇xd 之後我開營燈, 好光! 食完3個1齊入返營之
係度玩uno. 只係玩左1局.我1路玩.1路係度聽hacken d歌xd 可能累啦,  所以玩左陣就訓
12點幾先訓