一個牙sir的說話..
呢d野令我諗起以前間中學搞笑到爆既中史牙sir..距講野同以下內容差唔多
1.我唔會話你知測驗測邊到 測意大利 (唷 唔知測邊度 點算喔>Q<)
2.我唔會話你地知今次考試邊個最低分既! 黃德榮 放學黎見我 (當我地白痴咩 咁樣同講左 有咩分別..又一個gd)
3.清政府晚清改革既目標其實一個字講晒 "鞏固統治"(大佬 明明係四個字...)
4.話說孫中山係外國比清兵捉左 佢丟左張紙出去 佢師父聽到即刻去救佢 (點解丟張紙出去會有人聽到= =?)
5.蘇聯全名係"蘇維埃社會主義共和國聯邦" 如果叫蘇聯其實唔係好岩 你會唔會叫歐陽做阿歐 司徒做阿司嫁? (你試下一堂叫"蘇維埃社會主義共和國聯邦"十次...我就比個good你)
6.你地做份卷有三張野唔好 第一 無速度 第二 唔夠快 第三 太(拉長)慢啦!(三樣實程有乜分別?)
7.考試分數高低唔緊要既 最緊要唔好低分 (又話高低唔緊要...)
8.拿 我唔係要你地背 係要你地記啊 (背同記又有乜分別= =?)
9.好 而家測驗 收埋書 邊個未得?(有人舉手) 好打開書 溫多兩分鐘(過了兩分鐘...) 好收書 邊個仲未得? (又有人舉手) 太慢啦 唔等啦 最後兩分鐘
10.呢D野你地要記好佢啊 mc有機會出 歷史資料題又有機會出 問答都可能會出 (一句講晒考試會出咪得囉)
11.打仗係在所難免嫁啦 不如簽和約啦 (在所難免又簽到和約...)
12.你放學黎留堂\../(到了後) 仲留係度做咩 仲唔返屋企?快D走
13.你成日去廁所 叫你咩好呢?唔...就叫 廁所大魔王啦!
14.有次佢改錯我卷出去加分 佢話:係啊 你係岩嫁 但你concept錯左 無分加(岩但又無分加 你想點啊.....果題我寫幾個字你又知我concept錯 咁勁 唔怪得你可以做老師啦...)
15.你2個同我企成堂 你坐低 你都坐低....
16.打開書第147頁 收埋書先 我想講少少野
17.好 而家講書 係講之前我想你地同隔離位傾下 ....
18.拿 呢本書呢 就係一本書黎既...(書梗係書黎 唔係你想本書係咩黎?)
19.你地咁嘈 我唔講啦(蚊咪...過了幾十秒 插咪)好 講返呢度...
20.黃韋碩 第二次警告(傻仔碩無奈地:喂 我第一次炸wo)第一次係個心度數左啦!(好高張的老屈)
21.好 你起身答我法西斯黨有咩方法對附反對者(之後一輪咀)拿 佢可以暗殺人啦 綁架啦 恐嚇啦 答晒啦 坐底啦 (唔知佢叫人起身做乜= = )
22.你想去廁所啊?咁快D挖個洞鑽!
23.呢題其實係考你識唔識既!
24.你地小息唔好黎搵我啦 我要去5樓行"必"(哇 行必咁勁 你差人定警犬啊 
25.我計過啦 但係又可以話未計 不過我其實係計左既(咁姐係計左定未計?.?)
26.雖然我都知佢走左嫁啦 但係你都等埋佢返黎先好鎖門(走左點等啊 = =)
27.(速度超快 因是口頭禪)你過黎 我有野同你講 你知我講咩嫁啦 我講得好清楚啊下(究竟想講乜 )
28.你地快d做 聽日做完 今日交!(聽日先做完今日點交 = =??)
29.丟到我本來唔係咩大問題 (加重語氣)最大既問題係你地丟到我啊！
30.咪以為我唔知啊 其實我睇得好清楚係邊個做 邊個做既同我企係身(無人理佢 跟住周圍問人知唔知邊個做 ....所以根本其實佢咩都唔知= =)
31.我一定要講埋呢度先落堂嫁(打鐘)好 goodbye class
32.黃韋碩 中秋節就到啦 你係咪想做雙黃白蓮蓉??
33.你雙黃白蓮蓉都無得你做啊 你只係d無人要既五人月餅炸!!
34.黃韋碩 你無返一日學 而家係咪變左 改造人啦??
35.黃偉碩!(咩事啊)我都無叫你....
36.希特拉在位期間不斷起鐵 起鐵路!!
37.份野我打算比40分鐘你地做 但距離落堂得返25分鐘..好 開始做...
38.我而家要記你紙(明日之後。。。)喂!你做乜無啦啦比人記左紙?(係囉 我都想知...)
39.棋靈王!?今年好Hit嫁wo 我一集都無睇過....(果然走左時代尖端)40.黃韋碩咪再嘈啦(咩事啊)我都無話你
41.我唔需要殺你 我要你人間蒸發就夠!
42.意大利?你有無聽書嫁 錯啊 再答過!(睇書..) 你答岩左啦 坐低
43.大戰之後....德國既人口突然唔見左25%(唔見左 咁使唔使搵失綜人口調查科= =)
44.你自己講你岩唔岩啦 你講啊 講啦 咪答我住 你自己反省下
45.如果你咁做 你唔單止會無分啊仲會比人扣到你一分都無!(無分點比人扣)
46.黃韋碩 你叫乜野名?
47.我一係就唔罰你 一罰呢就 哈哈 我講得好清楚啊下
48.我知你地睇黑版睇得慢 所以我寫慢D (2樣野有關係嗎??)
49.好在今個星期落得兩次雨 一次落左3日 另一次落左成4日(咁咪姐係成個星期都落雨= =)
50.100萬人 話多唔多 話少唔少 其實都幾多下嫁!
51.我指住你 但我唔係話你!
52.你好快就會成臉星星
53.你唔聽書可以訓低我由得你 不過我會記你紙(又話由得我地= =)54.有D同學已經走火入魔 (我懷疑佢練辟邪劍法練到走火入魔...)55.到底羅斯褔點解做做下總統唔做呢?(過了幾分鐘。。)答案係 佢死左(姐係第時我問人"點解高張教教下書唔教呢"...答案係因為....)56.你地唔可以一路訓覺一路做功課交比我啊!(邊個高人可以一路訓一路做咁勁 隨左夢遊..就算夢遊都唔會做功課比你啦!)
57.造反又唔係唔造反又唔係 咁唯有造反啦 呢D就叫官迫民反啦(真係一個字 "無里頭"= =)
58.今堂介紹一個同馬克斯同姓氏既人物意大利既革命領導人馬志尼(英文名點同姓啊大佬 姐係畢卡索同畢比特又同姓 = =?咁我地班都有個李安納度同姓---李賤西= =+)
59.(張sir教得好) 教得好就要罰啦 (係咪罰我地講大話= =?)
60.你地班有幾個人寫字幾靚 我好欣賞 第一個係你 第二個係你 其實仲有好多個 不過寫得靚有咩用?去出書咩(第一...自己話好欣賞又話無用 第二...而家出書都用電腦打字嫁啦= =)
61.你起身答我 有咩方法 可以增加英國既失業率??(阿sir 搵你去做總統咪得囉)
62.由於經濟大衰退 5個人裡面有6個人失業 (咁咪全國無野做 失業率破100%= =)
63.新文化運動後文章唔再用文言文寫..而改用"普通話"(係白話文啊...普通話點寫 寫拼音同聲調嗎= =)
64.佢令到孫中山跌入呢個(諗左陣)萬復不劫既境地 (阿sir 係萬劫不復)是旦啦
65.我會落手 落埋腳 記你地紙~!!
66.打仗死得最多既係男人 其次就係女人 (使乜你講...咁多人死又唔見....)
67.我知唔係你 你認唔認??
68.第4 第5 第6條 我比個名佢 叫4 5 6...(我比個Good你 = =)
69.盧溝橋呢度而家仲有好多獅子(下 咁咪周圍咬人囉)點會咬人啊 我講緊D石像...
70.係條柱裡面刻左好多字(刻系裡面比鬼睇咩??)
71.立即交出黎 立即做 (到底係要交出黎定繼續做好)
72.呢條問題問既內容係上冊 上冊係上冊 你地而家既係下冊 下冊既內容就係下冊(哇 唔講都唔知)
73.你地隨便叫囉 你叫破喉嚨都要做完先走得 我唔介意 唔準叫!再叫留多半粒鐘
74.快d快d 慢慢做
75.睇埋宣布先準走~!(通感......)
76.呢份係選擇題 全部都係mc
77.佢先自殺 再殺晒佢d部下 然後逃之夭夭 (自殺完再殺部下仲可以逃之夭夭..喪屍定殭屍??)
78.聯會國既主要職責係保衛人類，維持世界和平。(超人咩？護衛人類，挽救地球，看守這宇宙)
79.傳比你地睇你地咪知晒人地d分囉，唔得，我讀比你地聽啦。(當我地白痴?)
p.e+社際金句:
1.你地同我坐低 罰企5分鐘(呢兩個動作點先可以一齊做...?)
2.哇 你地咁多人 要"西人"先得啦 (咪承機講粗口喔)
3.除非有一隊先入一球 唔係都好難開到紀錄嫁啦 (唔使你講我都知)
4.呢球波一係入到一係唔入一係出界(入左) 拿 我都話嫁啦(去做預言家啦)
5.開波無耐就入波 好打好多(被追和後) 唉 我都話咁快入未必好嫁啦 大把時間比人追
6.咦 乜你比人換左出黎 話晒我都教過你踢波 (阿sir你無教過..) p.e堂唔算教過咩? (跟住無耐..) 哇 乜咁水皮嫁 我知啦 一定係我無教過你踢波 (又話p.e堂都算..全個F.4都你教嫁啦)
7.我地今堂唔打波啦 你幫我去拎D波出黎 !
8.哇 乜你件衫咁污糟 你比個籃球攬過黎啊??
9.好 比少少時間你地分組先 好 而家開始分組 一個人一組(一個人使乜分組= =?死啦 同邊個一組好呢>Q<)
10.今堂唔圍圈跑 你地圍住個場跑 我再計返米數 = =
11.太嘈啦 你地陣間要幫我執晒所有野先準走(所謂所有野 是四個重百多斤的...雪糕桶=.=)
12.我知D班係無辜既 所以陣間有罪既走先 無辜既留低!(果然無辜 = =)
13.我一定要儲存收集齊晒d人先比走嫁 (我地不是郵票...)
14.你地由呢度跑去對面再跑過對面 (對面-->再對面<-- 姐係跑返黎啦...)
| 
