頭先去左yahoo睇新聞果時 , 咁岩睇到篇報導係講一隻受左傷既流浪狗
俾消防員救左之後 , 最終都係拎左去人道毀滅。但係我一個問題 ,
就係點俾果d人可以用幾個鐘 , 甚至用幾日時間去救d受左傷既動物 ,
但又親手將佢地送去人道毀滅。救起左佢地之後又殺死佢 , 咁同冇救過佢地有咩分別?
報導中提及過要人道毀滅既原因大多數都係因為動物既健康唔好先要咁做
但係點解唔去醫佢地呢? 好多動物都可能只係因為骨折或者皮膚有問題
唔係d咩絕症 , 根本可以醫得番 , 獸醫點解唔盡力去醫治d動物?
網上都有好多拯救流浪狗既真實故事 , 當中既主角比呢d動物仲嚴重得多
佢地都可以醫得好 , 但就偏偏唔盡力去醫呢d流浪動物...
救起左佢地 , 之後又將佢地拎去人道毀滅 , 唔覺好矛盾咩!?
d人話人道毀滅係想d動物死得冇咁痛苦 , 就好似安樂死咁
但係我之後睇過一d文章 , 而家既人道毀滅並唔係咁的
因為成本問題 , 佢地會將一大批要人道毀滅既動物困係個密室到
之後放毒氣而毒死d動物 , 咁樣d動物其實死得仲痛苦
雖然我唔肯呢個係唔係事實 , 不過係都唔出奇 ,
因為每年都有成4萬隻貓狗要人道毀滅 , 如果隻隻打針既費用真係好貴
所以我真係好唔明點解d人要咁做 , 竟然有冇理過d動物既感受?!
------------------------------------------------------------------------------------------------------------------
ps** 篇野純粹打出黎抒發下感受嫁姐 ,
如果有咩唔同意既可以同我討論下 ,
但請各位Calm down /\/\"" | 
