| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2007 年 7 月 16 日 星期一  |
| 2007-07-16 |
分類: ●.日记 |
今日下午上咗我嘅第一節new jazz課.
其實都唔會好難,但跳到好冇feel囖.
應該糸因爲我唔熟個度嘅環境,所以好難投入吧.
就好似以前學拉丁,都需要先上一兩節課去熟悉下環境.
都唔會好難,而家都仲糸學基礎,
而且我都學過跳舞,所以所以,一定難唔到我嘅,肯定可以學識.!
原本諗住去D江南小鎮旅遊嘅,點知旅行社冇哩种團.
就好唔明D旅行社嘅,點解一定要去D大城市啫,
去D鄉下D嘅地方咪几好囖,哎..唔通真糸要自由行咩..
|
| 2007 年 7 月 15 日 星期日 |
| 2007-07-15 |
分類: ●.日记 |
第一日假期,晨咁早就起咗床,仲諗住要瞓個大覺..
好平淡咁過咗,非常非常平凡,平凡到冇吔好寫.
就晚上同姐姐出咗下街,全日都幾乎冇出過去.
哎,的確冇吔寫..
|
| 2007 年 7 月 14 日 星期六 |
| 2007-07-14 |
分類: ●.日记 |
 2007年7月14日 晴  |
最後一日以6班學生嘅名義出現喺大家面前.平淡地過了.
今日帶咗本薄番去做留言薄,熟嘅就寫咗D吔,唔熟嘅就簽個名囖.
555,個死肥東,寫埋D咁鬼感性嘅吔,搞到我都有少少眼濕濕.
感動語錄:
大琳:在我16時,有你這個同桌,很開心.
肥東:當某個時候,某個人提起曾經發生喺我哋四人小組身上發生嘅事,回憶美好.
forever 朋友.
小狗:刻在心里.
雪雪:想同你講嘅吔有n+1多,..I always miss you.!
咩咩:幸運地讓我認識了你.
昕昕:好彩有你,如果唔糸我上個學期都唔知點捱.
小月:雖然只和你真正認識不到半年的時間,但確覺得你比班上其他相處更久
的人來得親切.在這個班上,我會記得三個人,一個是你,一個是琳,一個是李銘.
因爲我覺得你們才是我在這個班上的朋友.
冧死,非一般感動.哈哈,我好容易俾人打動嘅.
其實講真啊,對哩個班完全冇感覺,但因爲佢哋几個嘅出現,
令我開始唔捨得離開哩個班.其實糸唔捨得離開佢哋吧.
我同李昕嘅性格脾氣完全唔同,做得到好朋友就真糸緣分.
剛開學時,似乎個個都唔識嘅,日日就同昕混埋一齊.
友誼就糸咁建立起來嘅吧.搞到個個都以爲我哋好早之前就識得嘅.
雖然我哋一齊講嘅吔唔算多,不過就真糸性格所致,与感情深淺無關.
雪雪,哎,最大感觸.好似同你好熟一樣,好多同感,有時覺得我哋都几似.
好朋友嘅感覺,睇怕就糸咁吧.
一直以來同咩咩嘅感情都唔算深,不過佢真糸當我糸佢朋友,我都糸.
所以囖,朋友朋友,.我哋一齊嘅回憶總糸快樂嘅,仲有少少傻.
最後輪到我嘅四人小組.一直以爲上學期嘅四人小組已經好好.
點知今個學期遇到嘅四人小組仲好,更多快樂,更多感動,更多不舍.
其實有好多吔想同你哋講,多到講唔晒,多到都唔從邉度開始講起.
有D吔,大家心裏面明白就好,講得太多反而失去了某種感覺.
仲有好多人都曾經帶俾我唔少快樂,
譬如我以前嘅四人小組啦,曾文艶,woman,耗子.
仲有好睇得起我嘅王昕,對我几好嘅黃玉琦,一齊番屋企嘅黃睿,
可愛到出汁嘅man哥,唔糸好熟嘅劉旭..
你哋都糸我嘅朋友,或者以後距離會越來越遙遠,不過仍會記得曾經的快樂.
數學咁差,真糸愧對葉浩山,一個對我好好嘅老師,雖然你冇好似庄老師咁,
可以令我嘅數學成績輝煌起來,但糸仍要多謝你.!
周董,其實唔糸好熟,只糸上Q傾過,見到面會主動同我打招呼.
李建,其實你好好,只糸唔適合做班主任.
高一生涯就咁過咗,好多謝一直有你們的陪伴.高一因你們精彩.
| |
| 2007 年 7 月 13 日 星期五 |
| 今日好開心,就算糸自己呃自己都好啊. |
分類: ●.日记 |
依舊番學講評試卷,番去玩,番去傾計,番去瞓.
下午搞咩法制教育,我就喺度瞓覺.
小狗就好主動咁幫我pu扇,搞到我瞓得几舒服.
哈哈.對我太好了吧,感動,還傻傻的說不累.
然後呢,然後呢,然後呢,就番咗屋企囖.
然後我就去咗**.,(秘密.)
再然後就自己去逛咗下街,咁啱喺市區嘛,不逛白不逛.
好耐冇試過自己行街啦,感覺就非一般好,自由,舒服.
每次自己一個人去街就肯定會入石頭記,
今日仲差D將個條七綵玉帶番屋企tim.
真糸好中意呀,點解可以咁靚嘅.!!
哈哈,我爲水晶痴迷,我愛瑪瑙,我愛玉石.!我爲石頭記瘋狂.!
哈哈哈,下次送禮物俾我記得送水晶就得啦,絕對中意.
之後呢,就想去食麻辣燙,但糸人多,算.
跟住就去咗本島,入到去都覺得自己一個人格格不入,走.
再跟住就去咗仙仔,仲死,見到某個非常唔想見到嘅人,哎.
到最後冇地方好去,唯有好唔情願咁入咗m記.
仲買咗一大堆吔番屋企食,就好唔明佢點解要俾個黑色嘅kitty我.!!
黑色,點解要糸黑色.???
suan la , bu li le ,bu xiang xiang tai duo .
|
| 2007 年 7 月 12 日 星期四 |
| 今日重新認識咗某些人,真糸非一般惡劣. |
分類: ●.日记 |
今日番去講評試卷餻,哇,D分數真糸嚇死我囖.
生物,我都冇諗過會考得咁好,哈哈,雖然都糸唔合格.
不過分數都算高啦,成個學期都冇聽過課,考前又冇復.
我只復咗歷史同政治,哈哈,考得都唔錯啊,滿意.
我要求好低嘎,唔似得某些人,唔够人高分就死咁鬧.
但糸,哎,數學始終都..物理仲死.
最高分個科同最低分個科相差成60分,真糸..
算吧啦,成績.哈哈,我就糸樂觀過頭啦.
哇哈哈,今晚做咗好多吔啊.
首先呢,就同劉安琪冒住蕩失路兼俾人迷奸嘅危險去沙洲尾.
就真糸有D恐怖囖,尤其糸佢話見到我哋我哋又見佢唔到..
哈哈,我哋就真糸好鬼捞,都唔識去.
之後就過咗市區囖,買咗好多吔呀.
哈哈,全部都糸D禮物,就送俾小狗佢哋囖.
至于D禮物糸咩就下次再講啦,哈哈哈.
今晚仲見到王昕同李曉敏去街餻,哈哈.難得.
哎呀,好攰啊.唔想繼續寫啦.下次再寫長D.
|
| 2007 年 7 月 11 日 星期三 |
| 2007-07-11 |
分類: ●.日记 |
今日終于考完試啦,最後一日,依然考得好差.
算啦,唔講哩D啦.講起成績傷感情.哈哈.
今日就好搞吔.個劉旭將D化學筆記抄晒喺草稿度帶入考場.
就一直都擔心個監考老師會檢查,因爲今日嘅監考老師好嚴.
但糸都糸冇檢查餻.點知到咗考地理佢居然又會檢查.
原來糸因爲考化學時發現有人講D吔抄喺草稿度.
哈哈,老師吸取教訓,就開始檢查草稿.
地理餻,糸我就絕對唔會抄筆記帶入去啦,冇必要吧.
哈哈,果然,老師一D收穫都冇.仲話自己好醒.
聼雪講個馬新宇監考就非一般好笑.
髪化學卷居然髪錯咗,髪咗地理卷,搞到佢哋都睇咗卷啦.!!
仲有好多滑稽吔,唔講啦唔講啦,自己慢慢笑.
到咗考英語,講真我就完全冇信心.
期中后嘅必修四完全冇聽過課,筆記都冇几多,
不過都仲糸將答題卡攤開,劉旭有冇抄到就唔知囖.
小狗之前話搵日要同我步行番屋企,今日終于實現啦.
考完試兩個人就傻傻哋咁番屋企,5點考完,
大概5點2,3個字開始吧,到6點先到我屋企.
哈哈,我哋嘅速度好强啊.後來小狗自己又步行番學校.
佢先用咗半個鐘,果然快.!佢話佢好中意走路餻.
哈哈,下次繼續.
本來今晚四人小組有活動嘅,點知小狗又話請唔到假,
佢唔去,即糸叫我都唔去啫.
于是肥東就同大琳去街啦,哈哈,你哋好sweet啊.
天日番去審下佢哋有冇發生咩事先得.
|
| 2007 年 7 月 10 日 星期二 |
| 開電腦只爲了寫哩篇日記. |
分類: ●.日记 |
考試第二天.最痛苦嘅就糸今日,又考物理,又考數學.
物理,我都唔想講吔囖,答題卷居然冇寫名,
咩班級學號全部都冇寫,好在唔糸答題卡咋.
考歷史寫名時忽然醒起物理冇寫名.
雖然我物理差,但起碼個張答題卷都會有10分左右吧,
0.5分對我來講都好重要啊,更何况..
搞到我考歷史時完全冇mood,半個鐘都冇就做晒,
跟住諗住檢查,又諗到物理..又有少少眼瞓,于是就瞓咗.
之後去咗搵李建,我仲以爲佢會好嚴肅咁講"不是吧".
點知佢同周董都話,沒所謂的,不要緊的.
我頂,我都就來嚇死囖,你哋居然話冇所謂.
李建話如果糸答題卡冇寫就大鍋,
答題卷就冇所謂,到時會幫我搵番張卷,然後加番分上去.
哈哈,第一次對李建産生仰慕之情.
考每科都會有好多時間剩,唯獨考數學最忙.
幾乎個個都做到收卷前一秒.
oh no,差到啊..D題都見過好多次,仲糸唔識.
痴綫嘅,D公式多到人得劉旭都要抄喺張紙到.
點解我就冇人哋咁鬼勇呢,有心無力.
哈哈,就糸過唔到自己個關,差咪差囖,始終都糸自己考嘅.
肥東肥東,我發現人哋長頸鹿真糸越作越强喔.
哈哈,辛苦埋今晚就happy啦,本學年最後一晚睇書啦.
天晚就可以wet啦,哈哈哈,諗起都興奮.
my dearest god,唔該你保佑下我姐姐啊,
佢同未來姐夫嘅感情似乎破裂咗,你幫下手挽救下啦.
佢哋一齊咁多年啦,咩風雨冇見過,就怕捱唔過哩關啊.
人生之中有几多個9年.?真糸好唔容易嘎.
而我同佢都只糸3年感情,話長唔長話短唔短,
始終都糸自己嘅一段青春,真糸唔希望就咁失去咗..
|
| 2007 年 7 月 6 日 星期五 |
| 2007-07-06 |
分類: ●.日记 |
高一最後一個星期,心情唔好,身體唔好.
每節課依然會有事冇事叫下潘小狗,總糸會同大琳吹吹水,
感覺上肥東仲糸咁中意撩交嗌,我哋四人小組仲糸咁有feel.
我哋今個星期坐第四組最後一張台呀,大琳好怕熱,
于是每日下午都同肥東將台搬去第二組後面坐,吹得到風扇嘛.
原本有日下午我同小狗都搬咗過去嘅,不過我就唔多中意,
小狗就唔知點解,(好似糸因爲要陪我吧)所以所以我哋都冇搬過去啦.
于是日日下午就同小狗荒廢學業,不過就真糸好開心囖,
睇怕肥東佢哋都糸一樣.哈哈哈哈.
點解我哋四人小組咁好傾嘅.?哈哈哈.日日都有講唔完嘅吔.
我應該算糸最沉默嘅吧.大琳最凶,肥東最八,小狗最可愛.
我身體最差,大琳最自戀,小狗讀書最叻,肥東最認真.
哈哈,糸時候評下四人小組之最啦.
我一個人諗唔到咁多,都糸等齊人先算喇.
我哋四人小組就好man嘅,個個都好認真,就我哋幾乎節節課玩.
學肥東話嘅,玩完先算,四人小組一貫嘅宗旨.哈哈
原來琴日糸羅鴻海生日呀,真糸呀,我都唔知.
補番句happy birthday 啦.
唔知點解今個星期我嘅魔方又成爲焦點,佢哋幾乎節節課都玩.
哈哈,全部都糸我徒弟.成就感非常大.
今個星期繼續做我嘅生意,D人一見我就話,你賺到第一桶金未.
有咁快就好啦,先兩個星期左右.
今個星期嘅頭等大事,人人見到都會講起.
"你嘅X科選咩呀?".
我報咗化學,算糸理科中最容易學嘅吧.
其實我比較中意政治,興趣真糸蠻大.
不過,算啦,因爲某些私人理由,都糸報咗化學.
我哋班就唔糸一般多人報化學囖.
原來全級報化學嘅人剛好湊夠5個班,唔多唔少.
政治就掂囖,240几人報.嚴重超出預期.
哈哈,哩D吔唔關我事嘅,等學校慢慢去調整.
下個星期就考試啦,555,我同大琳喺課室考,佢哋兩個喺實驗室考.
咁我哋咪有好多日都見唔到.?oh no,我會掛住你哋嘎,親愛的小狗.
加油加油,復好D呀,考好D呀.四人小組一齊努力,再一齊happy.
再一齊晒死某某人.哈哈哈.非常好.絕對有動力.
|
| 2007 年 7 月 1 日 星期日 |
| 2007-07-01 |
分類: ●.日记 |
每一天
我都要花很多的时间来计算
我们到底还可以爱多久呢
至少
你还愿意笑我傻
这真是一件值得欣慰的事情
被宠爱是件很甜蜜的事
可是我怕我就要老了
不肯再相信
|
| 2007 年 6 月 30 日 星期六 |
| 2007-06-30 |
分類: ●.日记 |
无无聊聊,晨咁早就要去开家长会.讲选科嘅事.
我要陪陈莹上体育馆果嗰斜坡,佢自己上唔到.
所以咪叫潘小狗帮我攞凳,然后我就先同陈莹上去囖.
期间见到我哋班嘅人.佢哋见我手上冇凳,
就连望我嘅眼神都有少少怪,就唔糸我敏感.
6班嘅人就糸咁.尤其糸某些女同学.!
有D人啊,仲大大声咁讲,人哋潘狗搬得好辛苦嘎.
惨得过人哋小狗肯帮我攞啊,惨得过我哋关系好啊.
你哋唔会糸嫉妒吧.?咁就继续落去囖.
陈莹话,点解你唔解释下.
有咩好解释,小狗明白咪得囖,那些人,见鬼去吧.
|
« | 4 | 5 | 6 | 7 | 8 | 9 | 10 | 11 | 12 | 13 | »
|
