| «‹ October 2015 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2007 年 9 月 15 日 星期六  |
| tired. busy. unhappy |
分類: ●.日记 |
之前用嘅日記又die咗,又要換..
換到冇晒感情啦.始終都糸qy99好用.
哩個日記糸我之前無意中發現到嘅,後來介紹俾某人用.
教師節番咗5中,D老師都走得七七八八啦,
不過何老師仲喺度等我哋,因爲我哋講咗會番嘛.
哈哈,好開心,六點幾先番屋企.~LILY終于都開始番學啦.
體育選修嘅時候我報咗武術,哈哈,好好玩啊,有少少跳舞feel.
百分賽,哈哈,我就知道會輸,.重蹈6班命運.
星期六依然要考試,今個星期考數學..
oh no,50%高一嘅內容,完全唔記得,當時又冇學好..
死得,分數絕對好難睇.~算把啦,又唔糸第一次.
糸蜡,開始晚修啦.~哩個班好恐怖,仲靜過6班,悶死.~
好在潘小狗每晚都會來搵我傾下計,又陪我髪短信.
哈哈,以前都未試過喺學校同佢髪短信嘅.~
有一晚忽然狂風暴雨(少少誇張..),小狗就髪短信來俾我..
哈哈,幾warm,唔錯唔錯,邉似得某人咁冇良心.!
仲要唔信我,我有乜可能會唔記得喔.!!
哈哈,算啦,forget you.~
好攰好攰好攰好攰,一考完試就跳舞,跳咗成晚..
點解啱啱開學冇幾耐就覺得好攰好攰嘅..
幾乎日日上課都喺度釣魚,哈,我發現好多人都糸咁..
作業又多到鬼咁,人哋有D班成個星期都冇作業.!
哩D叫充實咩.? 哩D叫身心疲倦.!
|
| 2007 年 9 月 9 日 星期日 |
| god is watching us.~ |
分類: ●.日记 |
今日好開心,好攰,同時又有少少迷茫.~~
住咗大半個月院,lily終于都出院啦,今朝一齊去湖心飲茶.
哈哈,雖然我一直都冇點出聲,不過心里面仲糸幾開心嘅.
之後陪lily去剪頭髮,哈哈哈,唔錯唔錯,又靚仔咗,
不過好怕你成日惹來D狂蜂浪蝶,尤其糸**個种.!
之前聼越講有個女仔只見過lily一次就開始追lily,
荒謬咗D吧,我相信有素質嘅女仔絕對唔會做哩D事.
越講個女仔有好好人,今日先知原來個女仔就糸阿邉個邉個.
哎,我又唔識佢,絕對冇偏見,但糸一睇就覺得唔糸好女仔啦.
第一感覺就非常不好,連cy都feel到,名聲又好差..
婷話,點解lily成日惹到哩种女仔..!哈,冇辦法啦,魅力.~
哈,唔講哩D啦.陪完lily之後就去幫河馬攞眼鏡,..
去到cy屋企都已經12點半啦,搞到我同婷幾唔好意思,
要你爸爸媽媽等我哋兩個..死得死得,肯定俾人一個好差嘅印象.
不過都唔糸第一次見啦,cy以後記得幫我講多D好話就得啦.
哈哈哈,喺度祝你生日快樂,~~~
你唔細嘎啦,就算你唔成長都始終會有人逼你成長嘎啦.
所以有D吔都糸欣然接受比較好,雖然會好困難.
唔好諗咁多其他吔啦,好好咁讀書,重本啊,
我都唔清楚要考到全級前幾多名先入得到.
我哋而家離重本仲有一段距離,加油啦,唔糸講笑嘎,
一齊努力啦,目光放長遠D,唔試過又點知冇可能呢.
哈哈,我同婷送俾你個份生日禮物俾我放咗喺屋企,
天日番學先帶俾你啦,今朝出門太赶啦.~
其實喺cy屋企都冇玩幾耐,2點幾就要走啦,跳舞啊.
3點跳到6點,今日好冇狀態,可能糸因爲冇瞓好.~
琴晚又同某人傾電話,哈哈,我完全處于半睡眠狀態.
其實都冇咩特別吔想講,只不過糸今日陪唔到你爬山,少少內疚,
而且又有D想聼你把聲,所以就.. 哈哈哈.
哎,死啦,今個周末真糸好忙,休息嘅時間都冇幾多.
跳舞,跳舞,跳舞,.又要學習..我到而家都未做個堆周末作業.
死啦,我真糸驚自己兼顧唔到咁多吔,.身心疲倦.~~
不過又真糸幾開心,好耐都冇同鋒傾電話啦,
琴晚雖然只傾咗短短嘅10幾分鐘,不過都已經好滿足啦.
畢竟大家都咁忙,.. 其實佢比我忙好多嘎.
哈,終于講我同某人嘅事講晒俾鋒聼.
好明顯佢就糸有少少唔開心啦,我都明嘅,換咗糸我都可能會.
不過後來佢居然又同我講,知己難覓,好好珍惜.
好開心,真糸好開心,畢竟佢識咁樣爲我著想...
|
| 2007 年 9 月 8 日 星期六 |
| 2007-09-08 |
分類: ●.日记 |
開學一個星期啦,好攰好攰好攰好攰好攰.~
嚴重睡眠不足,上課悶死,同桌又..哎,好痛苦.
好似都冇點去識新同學,冇興趣.哈哈.
就識咗前面個男仔,同埋坐我後面嘅兩個女仔.
其他人,哎,算了,慢慢來,等有咗少少好感再算啦.
咩咩同雪雪成日都走落來搵我哋,哈,我明嘅,佢哋個班..
終于見到親愛嘅潘小狗啦.哈哈,哩個髮型顯瘦..
仲有man哥,無意中見到,!!激動.!!懷念佢坐我後面嘅日子.
葉浩山,一直都覺得你好好,而家換咗老師,更愛你同周董.!
曾錦平明明糸去咗鄉下支教嘅,琴日又開車番來玩,哈哈.
13班D老師其實都唔多好啦,不過都要去適應嘎..
D同學就更加..無語無語.!尤其糸我同桌.!!!!
算了,我就當冇同桌啦,一日落來講嘅吔都唔超過5句.
時不時彈出句南雄話,我聼唔明佢又好似好bs一樣..
同佢講吔又超敷衍,要我幫手嘅時候又鬼咁熱情.
算啦,唔理你咁多,你讀你嘅書,希望你可以考番去重點班,
咁我高三就唔洗對住你啦.!哈哈哈哈哈哈哈.
哈哈,冬瓜嘅同桌都超誇張,不如我同你坐算啦,原計劃.
昕其實都唔糸冇同桌啊,睇開D,哈哈.
下禮拜你坐第一排,你個位好搶眼,上課老師會提問,小心.!
哎..北中變態咗啦.~以前開學第一周星期六唔洗番學嘎,
而家居然要,仲要考試,不過只糸英語啫,唔驚.!
哈哈,對蜡,班主任前幾日搵我做英語科代表,.
太冇自由啦,再加上對哩個班又冇好感,所以推咗.
某人就威啦,副班長.!撈大D,搞個正班長番來做,哈哈.
講番今日,下午一考完試就同小狗,冬瓜去買書.
然後佢哋就陪我去舞室,之後我就開始跳舞啦..
哈哈,好玩啊,不過都好攰.!畢竟番咗一日學..
本來今日要同某人爬山嘅,點知我又要番學,
都唔明點解北中冇田中咁好,星期六有假放..
天日同lily佢哋去飲早茶,而且cy生日,加上天日下午要跳舞.
所以呢,爬山等到下星期天先啦.一定去,就算我再攰都陪你去.
有咩事就打電話過來啦,淩晨三點我都會接.!
哈哈,我發現我D日記通常都寫得好亂..
冇辦法啦..我糸諗到乜就馬上寫乜嘅,
某人就唔好話我嘅日記貭量唔够你嘅高.
糸你自己話嘅,我嘅日記比較純.你嘅有D都唔算日記嘅,亂來.
哈哈,不寫了不寫了,睡覺去了.~
現在報時,23:21,某人你今天都去哪里了.?
|
| 2007 年 9 月 2 日 星期日 |
| 2007-09-02 |
分類: ●.日记 |
今日番學校注册啦.完全冇番學嘅feel.
555,我嘅校服....所以今日都冇著校服番學..
琴晚耗子仲同我講話我哋班主任糸全級最惡嘅,好凶.
其實,今日見到佢都覺得ok啦,你唔惹佢佢都好nice啊.
一睇就知精明,有經驗,比李建好就得啦.
班主任的確糸幾好,問題糸D同學就..
冬瓜都話,成班好學生,真糸睇到都覺得好唔順眼.
哈哈哈,算啦算啦.我睇得好開嘎,同邉個同班都冇所謂啦.
高一6都已經够差啦,我都可以接受,更何況哩個班呢.
或者人哋糸因爲唔熟,所以冇咩出聲啫.
哈哈.樂觀D,就好似我安慰耗子咁.
本來下午放學要過舞室嘅.,點知..
不過cy晚黑都陪咗我去.其實都唔知糸我陪佢定佢陪我.
哈哈,冇所謂啦.咪順便逛下囖..
哎,一年幾快過,都高二啦,真糸唔想好似高一咁..
哈,vee,你要時刻提醒我,要努力學習,你自己都糸呀.
琴晚同**髪短信時佢話好痛,髪到好辛苦.
所以早上一放學就馬上飛奔去醫院探佢.
哎,前日做咗手術,而家轉咗病房.睇落好嚴重咁.
抽齣來嘅個桶淤血,睇到我都怕.連瞓喺度都會痛.
睇到佢咁嘅樣真糸好心痛,點解會糸佢.???
開咗學之後我就冇可能成日去搵你嘎啦,你要加油啊.
we are waiting for you.!
|
| 2007 年 9 月 1 日 星期六 |
| 暑假的最后一天. |
分類: ●.日记 |
下午同小桃去街,哈哈,幾好玩,唔錯嘛.
佢帶我去佢姐姐間鋪,都唔錯呀,佢姐姐人都幾好.
我哋仲見到泡泡姐,大家一見到面都超激動.
又見到白白同鬼鬼,.日日出街都見得到..
鬼鬼越來越靚女啦.無論著咩衫都一樣咁有feel.
後來落好大雨,我同小桃兩個都著裙.,好唔方便.
不過佢嘅糸長裙,我嘅糸短裙,所以佢濕得比較犀利..
買完吔之後就去咗kfc啦.後來就同埋佢姐姐一齊番屋.
天日就要番學蜡,冇咁多時間玩嘎蜡,
真糸要開始努力啦,vee都糸呀,我哋一齊努力.
一齊證明俾人哋睇,我哋糸得嘅,然後再一齊考大學.
哈哈,髪下夢先.有夢才有進步.對吧.?!
哎,**仲未好番啊,連髪短信都話痛,點算呢,都開學啦..
|
| 2007 年 8 月 31 日 星期五 |
| 2007-08-31 |
分類: ●.日记 |
今日下午終于見到親愛嘅陽咩啦,成個暑假都冇見過..
約咗咩咩同琳去仙仔,哈哈,居然咁都見到安琪.
唔錯嘛,最近出街成日都見得到你,你話嘅,我哋有緣分.
哈哈,仲喺步行街見到小白白,驚訝驚訝,無奈無奈,..
臭咩咩仲從鳳凰城帶咗個D髪帶番來俾我哋,..好怪.~~
搞到我同琳都幾無奈..哈哈,算吧啦,勉强收咗佢.
喺仙仔坐咗冇幾耐就去到處逛.仲去影貼子相.
哈哈哈,笑死,超級搞笑嘅三人組,煩死,老闆都怕睇唔過眼啦..
真糸好好笑,特別糸我哋印印花嘅時候,老闆幾無奈.~
哈哈,幾開心嘅一個下午..
本來今晚糸要同boss&婷去醫院嘅,點知..
哎,都就快開學啦,仲未出院.開學之後就好少機會去陪你嘎啦..
希望**快D出院啦,等你等你..~
|
| 2007 年 8 月 30 日 星期四 |
| 2007-08-30 |
分類: ●.日记 |
今晚我哋dance culture喺唐會搞咗個hip hop party呀,
死阿寶要我哋7點幾就去舞室,成10點先開show.!!
8點開始入場.哈哈,搞到我同另外兩個男嘅仲有一個女仔玩大話色.
哈哈,我發現我技術高咗好多,他們根本就不是我的對手嘛,.
哈哈,開場舞糸阿寶嘅"失去控制",唔錯嘛,幾有feel.
跟住XX同燈膽就開始大顯身手,冠軍級人馬就糸唔同.!
妹頭佢哋嘅舞,幾ok啦,前半段同我哋嘅一樣,就後面個D冇學.
哈哈,其實今晚玩得幾開心,不過因爲要一個人番屋企,所以早走咗.
之後仲同欣去kfc,食得無敵快,因爲人哋要關門啦.
臨走時仲去m記買吔番屋企食,哈哈,兩個都諗住通宵嘅.
期間仲見到泡泡姐,白白同鬼鬼,因爲某些原因又提前走咗..
哈哈,咁正嘅party韶關真糸好少有,期待下一次.!!
|
| 2007 年 8 月 29 日 星期三 |
| 2007-08-29 |
分類: ●.日记 |
洋葱、蘿蔔和番茄不相信世界上有南瓜這種東西,
它們認爲那只是空想,
南瓜默默不說話,它只是繼續成長
|
| 感覺好奇怪的一天. |
分類: ●.日记 |
好久沒看cy的blog了..更新了這麽多東西..
不是不信任你,你想知道什麼的話,來問我,我肯定都會告訴你.
只是不想妳們擔心,我自己都嚇了一跳,大家都很怕..
原本是打算等他完全康復出院了以後再說的,
可是yan都已經猜到一點了,又一直在問,婷告訴了她,所以我也讓你知道.
還有就是高跟鞋的事,我知道你肯定想過,你肯定放在心上了.
就算我不提你還是會想,對吧.其實也不是不可能吧,只是真的要很很很很小心.
或者下次在你家試試吧,我和婷在你旁邊拉著你,..有點不可思議..
哈,我發現河馬和lily的媽媽都很像,感覺.每次我們去河馬家搗亂她都是笑笑的.
lily的媽媽也是,見到我們都是笑嘻嘻的,一看就知道很好相處.
還有婷的媽媽,感覺就像朋友一樣親切,太熟了,哈哈.
不過cy的媽媽就..好像只見過一次吧,那次的感覺也很好.
不過經常聼cy說起,都有點恐懼了..
我媽,妳們好像沒見過吧..qi她們就見過,還說我媽很精明..
哈哈,我們好像跟婷和河馬的家裏人最熟,因爲常去.~
雖然大家都不在同一間學校,可是感情還是沒怎麽變啊.
還是一年一次的大聚會,8.14紀念日.然後去河馬家煮飯吃.
還有我們的BBQ,還有還有...不知道兩年后感情是否依舊..
p.s:
但願我們班和cy她們班的化學不是cy高一時的那個老師教,
但願生物不是那個齊國旺教,
但願班主任不是那種很老很*$#@的女人,
但願黃某某到了高二不要再那麼變態了,頂她不順..
|
| 2007 年 8 月 28 日 星期二 |
| 2007-08-28 |
分類: ●.日记 |
欺騙我感情.!!原本xx話琴日就可以出院嘅,
點知檢查到又有氣體跑咗入去,搞到又要繼續住院.
有冇搞錯,搞到我仲鬼咁興奮,而家連髪條短信都話痛..
so,今日一大早又去咗醫院探佢,好嚴重.!!
不過又冇啱啱入院個時嘅情况咁差.
起碼仲識講笑,咁都好D.陪到差唔多11點就番屋企啦.
死得,開學都未出得院蜡,教師節都未必赶得切去搵何老師.
哎,好擔心.雖然一直安慰婷.一直同老豆講冇咩事..
一個早上就咁冇咗.. 下午就同婷出去.攞命嘅,叫我坐12路車.
兜咗半個幾鐘先到目的地,浪費時間.不過幾好玩,哈哈.
死人關婷婷超衰,原本講好個份生日禮物糸我嘅,
點知買咗之後又後悔,話想自己要...
算,我唔同你爭,俾你.!點知哩個時候佢有話唔要.
果然,其實佢就唔糸十分中意,不過有人爭,所以就想要.
哈哈哈,你被我看透了,我不要了,哈哈哈哈.
生日禮物你另外諗啦,總之你走唔粒嘎啦.
喺市區見到劉安琪,走光,好在我提醒你.快感謝我.
哈哈,還是那個看似斯斯文文,實際上很不羈的小琪.
後來呢,關婷話想去搵xx,于是又去多咗次醫院.
哈哈,同xx講好咗出院之後先去m記,再去仙仔.
good,非常值得期待的好友聚會,真糸好想你快d出院...
額,原本一個下午都無比開心嘅,因爲同關婷一齊.
點知喺xx病房傾計嘅時候收到關婷媽媽嘅電話,
話婷嘅舅父撞車..同樣喺粵北醫院.搞到婷幾緊張..
馬上陪婷去急症室..全家出動,够恐怖..
時候都唔早啦,我就番屋企啦.
後來髪咗條短信俾婷問下佢舅父嘅情况,希望佢冇咩事啦.
點解哩個暑假特別多吔發生嘅呢,.
先糸...再糸...然後xx住院,jp又走咗,而家婷嘅舅父又..
希望我身邊嘅人包括我自己可以平平安安咁過落去..
god,are you watching us.?
p.s:我親愛嘅咩咩終于都番來啦,哈哈,miss you.!
等咗咁耐,哈哈,幾開心呀,
咩咩坐咁車嘅時候就髪短信同我講佢番咁來.
到我下午番到屋企一開電腦就發現佢已經上咁网啦.
good,1號晚黑再好好聚下,先俾你休息幾日.~
|
« | 4 | 5 | 6 | 7 | 8 | 9 | 10 | 11 | 12 | 13 | »
|
