今日o係南華會游完水之後,

同班fd打保齡,

我第一局未warm up,

所以只係打到38分,

第2局warm up左之後,

打到3個全中,有75分,

打完之後,隻手好似廢左咁=_=

聽日就要番學了,

真係唔想番,

因為番中學,

始終都唔慣,

但係如果番滬江既話,

我就超想番了..........

今日夜晚大約12點4到,

我....我.....我.....終於做哂筲官d變態暑期作業la,

我由7月18號努力到8月28號,

5份中文,3份英文閱書報告,

96頁既英文數學作業<---做到我虛脫,超難做.........

8頁通識作業<---諗到我頭到爆........

16頁科學作業,

另附送7份銜接班碌屎俾我地每份做幾part<---地理超難,亂填算數.........

再加銜接班4科小測要溫書,宜家終於做哂la~~

d功課搞到我真係想跳樓,

努力左咁耐,宜家終於做哂la

真係可喜可賀呀~~

今日係筲官既迎新日,

番到去去左禮堂,

要排好隊,仲要勁齊,膠的.......

跟住介紹左個校長同2個副校長,

個校長勁老=_=

跟住就介紹班主任,

我地見到A班個班主任,

一睇就知唔好惹的,

前面果個就同我講佢,

我講左一句,

就到我地1B班主任,

佢就話 : 頭先我見到有人傾計,係依行既同學,(後刪數十字........)

我知道佢講緊我同我前面果個,

我都廢撚事理佢,無撚聊,

最憎人o係到賴正經,正食屎狗,

跟住就分組玩遊戲,

有3個學長同我地一齊,

余肚同我一組,

首先作左組名同口號,

A班就要有個A字,

B班就要有個B字,

我地既組名係.........BB去爬山~~(kai的..........),

口號就係.........

BB去爬山,

BB去買衫,

BB去洗衫, 

BB去晾衫,

BB碌落山!!(暈!@)

跟住就玩遊戲,

玩"花名接龍"先,

即係問哂組員既花名先,

跟住就接龍,

我問開始先,

就用"瑋爺"先,

跟住佢地就接龍,

到第2 round, 

佢地唔轉花名,我轉,

我用我既經典花名"屎忽大王",

佢地笑爆肚........

第2個遊戲係要"喬"住手,

向內圍一個圈,

學長放汽球入黎,

要用手之外既地方去令度佢唔跌落地下,

第1次,佢地係咁踢,

踢到我條子孫根=_=

好彩唔係好痛,仲呵得出........

我地最高記錄有4個汽球,

不過只係維持到一陣,

好快就亂成一團..........

第3個遊戲係搵條尼龍繩圍住我地,

跟住就跑,我地都懶得數123,

跑左一陣,就全部跌低哂,

之後搞左勁耐先起得番身衝去終點.........

跟住玩"校園追蹤",

o係間學校到周圍搵題目紙上面既問題答案,

限時20分鐘,

我地搵搵下失散左,

好彩都搵得番,

之後個迎新日就完la,

我就落去東大街買M記上去食,

條斜路真係行到我中暑,

又斜又熱,真係好難頂,

不個我都行得快架la,

12點7到落去,

1點已經番到,

食完M記,要上資訊科技堂,

好大個電腦室,40部機,

只係有8個學生上堂(計埋我).........

上完之後就番屋企la~~

今日都幾開心,不過個癲雞"la"發癲就搞到我唔係幾開心,

不過我駛乜理佢姐,佢癲架嘛~~

今日為時16日既京奧閉幕,

真係有d唔捨得,

d時間過得咁鬼快既=_=

個閉幕禮有d悶,

d人係咁唱歌,

悶到我家姐睇到訓左教,

不過今次京奧搞得好成功,

完全冇阻滯,

一個字 : 好!!!!!!!!!!

今日係最後一日銜接班,

上英文數同綜合科學兼做小測,

小測我綜合科學冇溫書,

所以得6/20,唔合格=_=

英文數我都冇溫書,

但係竟然有48/60,無言...........

臨走之前,我地同阿sir交換MSN,

竟然有d唔捨得佢........

今日打九號風球,

最後一堂銜接班要改o係聽日上,

真係麻鬼煩,

今日成日都o係屋企,超悶,

家姐又o係到阻頭阻勢,

冇得玩電腦,

雖然有得玩winning,

但係玩左2場就冇mood玩la,

打風真係麻煩,

冇得出街,o係屋企悶死,

食飯又得好少選擇,

討鬼厭!!!!!!!!!! 

今日上地理同世史,

地理堂照舊都係咁悶,

我o係地理堂都唔知打左幾多個"喊冒",

真係仲悶過肥鳳同埋梁碧珊教,

放小息果陣,佢又遲放la,

成10點8先俾我地放,

正一食屎大~~

跟住係世史堂,

又係果個集麒麟臂,甲組腳同大肚腩於一身既MISS,

佢勁快咁教完幾頁,

俾brake我地,佢又訓la~~

原本就話5分鐘,

點知變左20分鐘...........

o係佢訓緊果陣,

d人出哂課室外面,

因為o係課室唔俾嘈,

一嘈,佢就話 : 喂,唔好嘈住我訓覺呀!!!! 

有人影佢既睡姿,我又影,

對準個位之後,

佢就突然間勁大聲喊 : 喂!!!!!!!!!!!!!!!!

我以為佢喂我,

就即刻收埋部電話,

點知佢係喂有d番左課室既人,

叫佢地唔好嘈住佢訓覺,

真係嚇死人,

跟住佢又勁快咁教哂份碌屎,

就12點3 la,落堂~~

番到屋企,

玩左一陣電腦,

就要做功課,

如果唔係做唔切,

終於做哂本英文數作業,

仲做左一個閱書報告,

本"十三歲的深秋"真係超難寫,

又要冇高潮同佳句,

本書同個作者真係失敗.......... 

今日係第3日既銜接班,

上綜合科學同數學,

又係果個呆老師教,

超㊣~~

我地今日更加作反,

狂傾,佢都冇我地符,

淨係搵張黃紙(懲罰記錄表)嚇我地,

不過已經唔work了..........

但係上佢堂都幾好,

好多人都enjoy,包括我,

佢同我地好傾得埋,

因為佢廿幾歲,

大家傾既話題差唔多

如果佢可以做我地班主任咁就好lor,

不過好可惜佢唔係筲官既老師...........

今日同家姐既同學玩winning,

第1場我用利物浦對拜仁贏1:0,

第2場我用曼聯對AC米蘭輸1:2,

第3場精采lor,

我用荷蘭對西班牙,

我用施多夫開紀錄先,

跟住佢托利斯追番球,

跟住我再用雲佩斯入1球,

佢又用托利斯追番球,

跟住打加時, 

佢用韋拿入多球,

原本我諗住輸架la,

跟住加時下半場補時,

雲佩斯傳中,

雲達華治頂入,

哈哈,3:3~~

跟住射12碼,

佢第2球托利斯射失,

第4球我控制雲達沙擋出,

哈哈,贏得好險~~

今日上地理同世史,

地理果條MISS教書教到悶死,

又要唔比傾計,作反,

教到緯度同經度果陣悶到簡直想跳樓,

跟住果條友問 : 邊個係家長接送,邊個係自行回家既?

我地全班o哂嘴,

跟住佢問 : 你地唔知咩,放學嘛,家長接送排右邊,自行回家排左邊,

我地更加o嘴,

跟住有人問 : 唔係上到12點幾既咩?

佢就話 : 下,你地係上到12點架,我以為我係上完一班再上另外一班添,全部坐低la,

俾佢咁樣一攪,小息都冇埋...............

跟住上世史,見到個MISS,

即刻笑到收唔到聲,

忍左好耐先收到聲, 

佢廿幾歲,但係果樣十足四十幾歲,

麒麟臂,甲組腳,大肚腩全部有齊,

睇到佢個kai樣,

又係咁笑,真係超好笑,

其他人都係咁笑,

真係.........

跟住上堂,佢派左份碌屎之後,

勁快好攪笑咁講左3,4頁,

佢就話 : 唔教la,好晏訓,訓陣先,今日好早起身呀!!大家透陣la!!

我地勁開心,o係到作哂反,

跟住佢又話 : 喂!你地咁嘈我點訓呀,自己做自己野!!

再訓左一陣佢就唔訓la,講左好多佢以前既野,

跟住佢又教左一兩頁,話 : 大家做自己野la!!

佢又訓la,我地真係好開心,玩左一陣之後就落堂la~~ 

今日第一日上筲官既銜接班,

真係唔想上=_=,

但係筲官要我地個個都要上,

又要俾500蚊,

寧願攞黎食餐勁既好過.......

今日上綜合科學同數學,

個導師黎sir超好笑,

佢好呆,十足個kai子咁樣,

佢又要矮喎,高我小小炸........

佢教書都幾好,

雖然唔識搞氣氛,

但係佢好鬆,

我地o係到玩佢,

佢就好似郭sir咁回敬一句,

今日綜合科學就初步介紹化學,生物同物理,

數學就做負數,ok難,

但係竟然有功課,星期3交,

仲要有默書,

我連暑期作業都未做哂,

仲要俾功課,想做死人咩........

番到屋企,上網睇到劉翔退出左百一米跨欄,

我咩感覺??超級心酸lor!!

佢練左咁耐,點知臨比賽先至受傷,

13億人既期望,佢既壓力真係好大,

我諗d人都會明白佢既,

佢自己都唔想,

傷患依樣野冇得避既,

我祝佢早日康復,

為中國攞多d金牌la!!!!