今朝我11點起身,

我阿媽同我講佢9點幾起身見到隻飛曱甴,

佢即刻入廚房攞支殺蟲水,

噴隻龜兒子(書劍既黑白無常~~),

隻龜兒子登時了帳(又係書劍),

佢就汁起佢,

"dum"落垃圾桶,

我就同佢講 : 阿媽,你好勁呀,雖然只係用殺蟲水,

但係你竟然咁大膽去殺死佢,

等我頒個大紫荊勳章俾你,

表揚你既功績先~~

佢就o係到係咁笑,

我心諗 : 嗯,阿媽真係唔岩呀,

留番隻龜兒子條屍o係到嘛,

跟住我就送隻龜兒子俾CLY小姐,

嘻嘻,好玩囉~~

今日同cly,mtl,小月,矮仔,余肚去海洋公園,

我地第1個玩瘋狂過山車,

唔駛排隊就有得玩,

一開始我有少少驚,

因為始終都係第1次玩,

但係真係好激,

又上又落,超hi~~

跟住玩海盜船,

依個反而仲驚過過山車,

d離心力勁到咩咁........

跟住想玩跳樓機,

因為真係好激的,

但係佢地唔玩,

咁就算la,

跟住我地玩飛天鞦韆,

依個我地6個一d都唔驚,

完全冇人"艾",

跟住我地行行下,

余肚話想嘔,

佢坐低下就好番d,

真係嚇死人.......

cly同mtl買左個飛碟冰兩粉食,

食食下,cly見到佢阿妹,

跟住佢就緊係即刻走,

我就發揮我既大隻佬本色,阻住佢走,

佢就搵個飛碟冰噴我,

噴到隻右腳膝頭哥,

啊呀~~正啊~~

之後我地去越礦飛車果邊,

見到超多鴨仔,

勁討厭,坐哂o係條天橋到阻住哂,

跟住我地行到去,

見到勁多人,

要等成60分鐘,

又咁熱,緊係唔等,

跟住我地唔知有咩玩好,

矮仔又話滑浪飛船冇開,

我地就去食飯la,

見到麥當勞勁多人,

咁都冇法,照排,

排左一陣,我覺得好熱,

咁就買飛碟冰食,

啊呀~~透心涼呀~~ 

跟住到我,我要左個豬柳漢堡同埋個珍寶可樂,

啊呀~~超爽呀~~冰凍既可樂萬歲~~

之後我地去玩水戰,

小月話個水戰o係下面,

咁我地就聽佢講,

落山玩水戰,

落到去,唔知o係邊,

望下地圖,

原來o係山上面,

俾佢老點左=_=,

我地就搭888去番大樹灣果邊,

超正,一上車就開車,

啊呀~~冰涼既冷氣唷~~

去到大樹灣果邊,

換左拖鞋, 

即刻租個膠箱放低d野,

但係真係勁貴,

80蚊一個,

要"kum"得埋,

仲要唔過13公斤,

真係麻煩,

我地租左兩個箱,

百六蚊,貴死人,

之後我地即刻入去,

不過唔知有咩玩,

行黎行去,

唔知做咩好,

咁我地就3個女仔一組,3個男仔一組,

推果個大籃球,

我地3個係咁用力推,

推到班女仔無力反抗,

但係我地用得咁大力,尤其是我,

所以整親兩隻手,

右手痛到著唔到衫,超law~~

笑la,我知你地3個女仔一定笑我既,

之後我地排隊玩水槍,

個工作人員服務態度真係好有問題,

黑口黑面,食屎大,

海洋公園炒鬼左佢la~~

我地男仔專登入去俾佢射,

之後佢地女仔又入去俾我地男仔射,

互射,勁好玩~~,

(以下依到唔講粗口唔得) 

但係有條友o係到左住哂,

班女仔射緊果陣,

佢就混水摸魚入黎,

佢就話 : 射你條陰!!

我o哂,跟住佢真係射我條陰,

我就罵佢lor,但係佢照射,

都on9既,屌你老母,陷家富貴,死仆街快撚d番屋企吔屎la,

我地就要報仇,

每次見到佢就勁射,

不過我地冇射佢條陰,

因為我地射佢,

佢又可能會報串,

費事同依d on9仔一般見識la,

佢唔報串,我就報串,

話俾d人聽,果個人就話 : 好,我會叫佢唔好咁做架la~~

不過我唔知佢有冇咁做到,

希望佢有la,

之後我地玩到冇野好玩,好悶~~

咁就出去哂乾d衫

兼且睇d人o係張彈床彈黎彈去,

果2個人打勁多個關豆,超勁~~

之後我地就換衫走la,

我地原本諗住去矮仔屋企,

不過3個女仔話有急事,唔去得,

咁就算了,

搭左888番正門之後 

我帶佢地去搭車,

貴為地圖王既我,

竟然行錯路,老貓燒鬚,

真係失敗~~

之後我地就搭99番屋企,

佢地話萬聖節再黎過,

我一定去~~

書劍我8月8號睇哂la~~

香香公主真係死得好慘,

個狗皇帝乾隆出爾反爾,

好賤呀!!!!

仲要整到章進同天山雙鷹都死埋,

抵佢俾人挖墳墓呀!!!!!

宜家我睇緊臭狐外傳,

睇到第2章,

個苗人鳳講到好似好恐怖咁,

武功仲勁過馬行空,商劍鳴同胡一刀,

仲要殺死埋胡一刀,

好勁呀~~

等左咁多日,

QOOZA終於開番,

真係可喜可賀~~

都唔知邊條友o係到玩野,

尊登攻擊QOOZA個server,

正食屎狗!!!!!

搞到本大爺打唔到blog,

俾我見到果條友,

我一定打獲佢!!!!

今日北京奧運開幕,

真係一個大日子,

但係對於我黎講都係一個普通既日子,

o係屋企玩下電腦,睇下書,做功課,

個開幕禮真係好特別,

打果d乜野缶好有氣勢,

仲有書簡果到都好型,

估唔到d字入面竟然係人,

我仲以為係電動既添,

同埋綠衫著燈果到都好勁~~

一個字 : 勁~~~~~~

今日同小月,小月老婆,大大嫂,矮仔同陳頌雅去左動漫展,

一入到去,

見到戲谷,

即刻過左去買琪琪套裝同2包尋寶卡,

跟住我地同小月老婆,大大嫂分開左周圍行,

見到勁舞,

有d人o係到玩緊,

我見到有個細路o係到,

大約8,9歲到既,

玩190 C4,

最尾竟然係佢贏左,

=口=……..

跟住我地又繼續行,

行左一陣,

覺得冇野睇,

俾人昆左水,

就諗住去食飯la,

跟住小月老婆佢地搵番我地,

佢話前面有個檔口抽獎,

10蚊1次,

我地就即刻仆過去,

1獎係大大隻八爪魚公仔1隻,

2獎係1大包公仔,

3獎係魚子壽司公仔+散紙包,

4獎係八爪魚壽司/北寄貝壽司公仔+散紙包,

5獎係壽司鎖匙扣/動物鎖匙扣

我即刻俾左10蚊抽,

抽左個4獎,

要左八爪魚壽司,

跟住係咁抽抽抽(抽筋la,爛gag~~),

抽左成百幾蚊,

但係都抽唔到1獎同2獎,

隔黎有個唔識既人一抽就抽到1獎,

矮仔都抽到2個2獎,

最尾我抽到2個3獎,

3個4獎,

同埋9個5獎,

抽唔到1獎,

好遺憾~~

跟住我地去左食PIZZA HUT

陳頌雅唔同我地食,

我地叫左個4人常餐+1人常餐,

我就唔係好飽,

但係佢地話好飽…….

之後我地落左PIZZA HUT樓下果條太原街行左一陣,

跟住我地就去矮仔屋企,

但係小月老婆阿爸唔比佢去,

又好遺憾~~

跟住咁岩我電話”I Miss You,感動您,這份愛,太神奇”

佢地就o係到同小月老婆唱”I Miss You,感動您”

超好笑~~

我地o係矮仔屋企打麻雀,玩+ --“kum”棉胎同埋咩”MADLUNG”!?(唔識串……)

大約5點半到走,

夜晚我去左泉章居食飯,

幫爺爺慶祝生日,

有我至愛既梅菜扣肉食~~

今日超級超級超級開心呀!!!!!!!!!!!!!

今日幫人玩跑,

又破雪女之國記錄,

冇任何加能力裝之下02:16:23,

有相為證架,

要就留cm,

MSN俾你,

不過今次係俾人撞到飛起左,

飛左勁遠先做到,

但係咁快都贏唔到,

第1果個勁屈裝........

我宜家日日都破記錄,

唔知聽日會唔會2分15呢?

玩完跑之後,

做暑期作業,

d英文方程式,負數超難,

做左成個半鐘都只係做左一個半練習,

d負數難到唔識做,

飛左去做後面果個面積

d暑期作業多到真係連書劍都冇時間睇,

宜家仲差8份閱書報告,通識作業.英文數8個練習同埋張奧運工作紙,

真係做死人呀!!!!!

今日冇乜野發生,

係好平常既一日,

起身,食飯,睇書,打機,去廁所,

不外乎依5樣野, 

只係有個天大既喜訊,

係關於我既, 

大家想唔想知?

想知就留cm la,

我會o係MSN話你知~~

今日係好平常既一日,

打完機大約5點,

就睇書劍上冊,

睇到大約5點半,

睇完第8回,

跟住就繼續睇第9回,

原本我諗住睇到6點就做暑期作業,

點知睇到上左癮,

停唔到,咁就諗住7點先做,

睇到7點,又差幾頁睇哂第9回,

咁就睇埋佢,

睇到7點3,

就做暑期作業,

點知做左兩題,

媽的~~唔識做,

咁就放棄左la........

金庸小說果然厲害,

睇到我上哂癮,

我宜家日日夜晚12點幾又睇,

睇到2點先訓,

阿媽叫我做咩都唔睬佢,

因為我睇書唔可以有人騷擾.........

今日成日都o係屋企,

一字記之曰 : 悶, 

我打完機就做暑期作業,

做到一半,

d代數式完全唔識做,

乜野3x+x-2x,

完住未學過.....

我就唔做la,

跟住開櫃桶搵野,

見到張班相,

一滴眼淚竟然無端端流左出黎,

跟住兩滴,三滴.....

大家係咪未見過我喊呢?

我自己都覺得依個係一個奇蹟, 

因為我好掛住班小學同學同埋間小學,

唔想升中學,

仲要係英文中學,

所以就喊左出黎.........

小學呀,我為你而喊,

你唔好離我而去好唔好?