琴日去左梅窩度假,2日一夜,

o係間度假屋又燒野食,

仲同d auntie,uncle一齊睇"家好月圓",

真係超好睇,

睇完之後,就"游乾水",

我食左兩鋪,不過只係細細地3番同5番,

跟住玩到1點就訓覺la~~

今日就去左銀鑛灣瀑布同銀鑛洞,

冇乜特別姐,唔係特別靚,

跟住去左一間叫"津津食店"既餐廳食飯,

係食越南菜既,

唔係特別好食,

我食左個咖哩腩飯,超勒,

跟住d青檸梳打d梳打水係無糖既,

超難飲lor,無糖........

跟住番左去度假屋玩水球,

玩左一陣就汁野搭船走la~~

番到屋企睇"家好月圓"大結局,

好好睇,紅e個頭終於變番正常la,

而jo飽同荷媽都復合,

大團圓結局~~

今日去左個fauntie屋企睇波,

睇"雙紅大戰",

我專登去踩佢台,

佢捧紅魔,我捧紅軍,

本來我都諗住紅軍會輸架la,

一開波3分鐘,

就俾迪維斯入波,

我心諗 : 唉,冇望架la,紅軍輸la.......

我隔黎個auntie就勁開心.........

跟住鬥26分鐘,

沙比仔遠射,散中安達臣,

彈左落去雲達沙同布朗之間,

雲達沙撲走佢,

但係彈到布朗慢溜入網,

呵呵,烏龍~~正呀,1:1,

跟住踢到下半場,

開始係紅軍既天下,

大部分時間個波都係o係球場既右邊,

打到77分鐘,

馬斯查蘭奴通傑斯坑渠,

但係過唔到佢,

傑斯o係底線整黎整去,

唔踢個波出底線,

走去傳俾維迪,

彈左落古治到,

古治傳俾巴布,

呵呵,正呀~~2:1~~

我隔黎個auntie即刻好似生意失敗咁.........

跟住打到90分鐘,

維迪同沙比仔頂頭鎚,

維迪要人唔要波,

撞到沙比仔成個飛起左,

2黃一紅!!!!!維迪俾球證趕左出場~~

跟住個比數維持落去,

哈哈~~紅軍7年來首度在聯賽擊敗紅魔!!!!

超正呀,好開心呀~~ 

(大家想睇精華黎依個網址la : http://football-highlight.com/index.php/zh/英超/英超-2008-09/2008-09-13-利物浦-曼聯-2-1.html)

今日上超悶既音樂堂,

個死人文力申又唔知自己樣衰,

個眼鏡戴到勁低,好似江仔咁

個樣又猥瑣,講英文果陣十足個kai子一樣,

佢叫我地試音,揀人入合唱團喎,

麻q煩,仲要成班都要試,冇得唔試喎,

你條食屎狗,唔好以為自己係方力申先得架,

你叫人做咩就做咩,冇得拒絕,

邊位呀你,死猥瑣佬!!!!

咁就試音la,我專登唱衰d,唱到走哂音,

因為就算俾我唱到好似世界3大男高音咁,

我都唔會入合唱團呀!!!!

今日第1次體育堂,

去左柴灣泳池游水,

我地10:40出發,

11點到去到,

跟住就換衫落水la,

我地男女仔分開游, 

分左兩組,A組係識游,B組係唔識游,

有成一半男仔唔識游,

搞錯!男人之家唔識游水,醜死怪!!

咁阿sir就重點教佢地,

我地就落水,先游6個蛙,

個泳池唔係50M,大約25M到,

游游下,族親~~

跟住我發覺.......d水係鹹既!@

shit!!!我宜家游緊沙灘!?竟然會鹹?

但係到冇辦法,咪唔"mat"大個口忍下lor,

游完6個蛙,再游8個蛙,

跟住再游10個自,

游左8個字到就換衫,

但係冇得沖涼,

成身up住d綠氣番學校食飯........

番到去食飯,我今日食"低脂白汁焗海鮮意粉",

一開始食,係好好食既,

跟住食果d石班,

shit!!!!酸既,即刻吐番出黎,

跟住再食第2舊石班,

又係酸既........

搞錯!!!!我o係滬江都未食到過叔左既野,

黎左筲官幾日,就食到叔既野,

超級不滿lor..........

今日又要番學,

上堂d野我唔講la,

講下我地鳳社練習啦啦隊既情況la,

我地鳳社既社員食完飯要去1D班練啦啦隊,

唱乜鬼野會歌同埋喊口號,

個會歌係英文黎既,勁難聽,

最尾果d字完全唔押韻,

又要我地唱得超大聲,

我已經好大聲,但係其他人都唔大聲,

唱左好耐先唱得ok d,

跟住又喊口號,

P-H-O-E-N-I-X Phoenix!!!!

又係喊左好耐先喊得好d,

無論我地喊得幾大聲,

佢地都係咁講"唔夠大聲,再黎,預備,1,2,3!"

跟住又喊.............

我已經喊到把聲拆哂,

聽日仲要練,真係想死...........

今日去左九展飲我表哥果餐,

真係麻煩,其實我唔想去..........

搞婚宴又哂錢,又麻煩,

俾我第時結婚,我一定唔會搞(有得結先算la........)

我同家姐7點幾去到,

8點律師證婚,

成9點半先有得食,

好彩食左個麥當勞包先姐,

如果唔係餓死本大爺,

個婚宴有好多野食,

有乳豬全體,瑤柱脯,翅,鵝掌等等

我食左好多野,除左上面果d大約十樣野外,

仲食左2碗楊州炒飯,一碗伊麵,

但係都只係得8成飽,

死la,食咁多野,唔駛諗住減肥la........

我o係到祝我表哥同埋佢老婆永結同心,白頭到老,連生貴子~~

今日係第2日番全日,

上中文,英文,DT,地理同數學,

中文,英文同數學我唔講la,講DT同地理,

DT係盧sir教,幾好,

唔太悶,不過佢上堂成日飲水,

佢話佢個口有d問題,要成日飲水,

地理堂......大家知唔知係邊個教?

就係......訓導主任王太!!!!!

操他奶奶,搵個訓導教我地,

又唔係好喎,超悶lor,食屎大!!!!!!

今日係第1日番全日,

要上英文,普通話,音樂,數學,中文同LS,

英文個老師好後生,

大約廿幾歲,幾好,

教書唔係太悶,

最重要既係唔惡..........

跟住第3堂上普通話,

個冬菇頭好難頂,

我唔係講佢個人或者佢教書,

係......佢個頭...........,

跟住上我最憎既音樂堂,

個食屎狗文力申教書勁悶,

仲悶過梁碧珊教, 

佢d英文又難聽喎,

講英文果陣個樣十足個kai子一樣(其實佢唔講英文都係一個kai子..........), 

全校得佢一個音樂老師,

真係"蜀中無大將,廖化作先鋒",

走去搵個2打6黎教我地.........

跟住上數學堂,

個惡雞"la"冇我想像中咁惡,

但係佢俾好多功課..........

跟住食飯,食飯冇乜特別,

之後上中文堂,班主任教

終於可以聽番d人話(即係中文),

成堂都係處理班務,

根本冇教書,

之後上LS,落禮堂上

超悶,姓許果條友講勁多野都未入正題,

最尾佢3點4又講,一路講,

講到3點8,冇停過,

講完都唔知佢講咩...............

今日晏奏係中一迎新日,

家長都要黎,

個迎新日超爆悶,悶到連我老母都話悶

聽校長同d老師講埋d關於學校既無聊野,

又要唔比傾計,

我又要晏訓喎,

但係又唔比訓教

想訓都訓唔到,

跟住有d音樂表演,

得果一首係好聽d,

其他悶到............

跟住係服務團隊介紹,

家長唔駛聽,o係操場等,

原本我地係4點半放,

點知攪到差唔多5點半先放,

操他奶奶的雄!!!!!!

我宜家仲煩惱緊入航空青年團定係男童軍.........

今日第1日番筲官,

班主任李秀嫻都幾好,唔太惡,

起碼好過隔黎1A班果條惡雞"la",

今日都係處理d班務既野,

老師黎到課室之後,

有人電話響,即刻俾李秀嫻收,

跟住再響.李秀嫻就叫佢熄左佢,

佢只係咁走個對話,

跟住響第3次,李秀嫻都費事同佢講,

佢就自動出黎熄機,

帶電話唔熄機,仲要唔聽班主任講,

真怪胎.........

跟住有人遲成個鐘先番,

當然俾李秀嫻鬧la,

佢話以為番9:30

跟住李秀嫻問佢住邊,

佢就話九龍灣,

跟住李秀嫻就話 : 你唔識預早d既咩?(下刪數十字)

依個仲怪胎...........

第1日就遲到,真係破哂記錄........

之後就派好多野,

通告,申請表,資料表,社果張紙........

我地班係精英班,

所以d社係分散咁派,

我係鳳社,同1D班一樣,

唔係咁鐘意鳳社,

我好多fd都係其他社......... 

之後番滬江探老師,

係英語角坐左一陣之後,

就上去搵MISS TANG,

點知佢放左工,真可惜........ 

我唔係探左好多個老師,

只係探左李少媛老師,

跟住諗住落番去英語角,

點知俾開緊會既校長,副校長同幾個主任見到,

咪傾兩句lor,之後就唔阻佢地開會,落番去英語角,

之後劉衝提我,我先記得要去探郭sir,

點知佢o係電腦室開緊會,

之後同d同學傾左一陣,就走la

今年滬江陸運會o係12/19,

仲諗住番去添,冇得番,

不過聖誕聯歡o係12/22,

可能可以番去呢~~