今日起身果陣,

仲係係咁咳,

搞到唔想番學,

番到學校,

咳搞到我唔想講野,

一講完又咳,超辛苦,

跟住考IS,唔係太難,

可能因為唔係鄭b出,

我諗應該有35分以上掛,

之後上堂一路都係係咁咳,

跟住放小息,

連操場都唔想落,

就係班房過一個bilingual day特長既30分鐘小息,

去到lunch,冇哂胃口,

連我既至愛雲吞麵都唔想食,

但係小息又冇買野食,

所以好肚餓,

最後都係食左個雲吞麵佢,

食完lunch之後果45分鐘一定要落操場,

落左去睇fd捉棋,

果45分鐘真係捱得好辛苦,

之後上中史,

開始流鼻水同四肢冇力,

我已經知道係個食屎大家姐傳染d感冒俾我,

之後上IS堂,

成堂睇片,超悶,

真係捱得超辛苦,

又流鼻水,又咳,

四肢又冇力,又要晏訓,

過左一陣,個身開始慶,

我已經知道係發燒,

好不容易先捱過左兩堂IS,

之後放學番到屋企,

探熱,101度,

我都唔理佢了,

打左俾阿媽之後就去訓教,

訓左個半鐘,

訓完之後好頭暈,

再訓,訓完又再訓,

訓到家姐番黎同我睇醫生,

睇完醫生之後食通粉,之後食藥,

食完之後又訓,

訓到9點半,

訓到出左好多汗,

去左沖涼,沖完之後精神好多,

精神到開左winning黎打,

唔知係咪病會打得好d,

扭人得心應手,

射波好多都中龍,

玩完之後,就溫聽日考既中史,

溫得果半個鐘,

之後就汁書包,

汁完之後就訓教,

始終都係冇早訓到,

依然係12點幾,

其實我都幾擔心中史

咁多野背,但係溫得咁少,

希望聽日考得好la..........

今日考地理,

我琴日夜晚溫左好耐,

所以好多條題目都識答,

兼且份卷唔係太難,

所以我諗我應該攞到45分或以上掛..........

派左中文卷,

得29.5/50,

不過份卷幾難,

隔黎班好多人唔合格,

我地班都有,

我覺得.....都算係咁la掛...........

放左學番黎又練打字,

哈哈,終於比我練到每秒1個字,

我今日打到每分鐘61字,

一路打,望mon既次數比望keyboard既次數仲要多,

真係好難想像我竟然會打到61字,

四年班果陣打19字,

完全唔冇諗過宜家自己一分鐘會打到61字,

真係可喜可賀呀,

不過我問左小月,

佢宜家已經97了,

雖然佢係倉頡,

但係佢真係好勁,

追佢既願望落空了...........

夜晚好晏訓所以訓晏教,

唔知點解訓完係咁咳,

無端端好大舊痰o係個喉嚨到,

真係唔知點解,

係咁咳,係咁咳,

咳到訓唔到教,

希望唔會影響到聽日考IS la.............

今日考數學,

一打開分卷,

就知大事不妙,

d數超複雜,

諗都諗死人,

4版紙得半個鐘做,

仲要係超難,

勁多人做唔哂,

有d一兩條,有d一版,

我就勁d,版半,

很厲害吧~~

如果咁都俾我合到格既話,

真係要拜神..........

之後知到左,

原來係鄭b出既,

唔怪得之咁難la,

之後佢仲走過黎鬧我地,

話點解做得咁少,

大佬,你俾咁多我地做,

4版半個鐘,

每版7.5分鐘,

又唔係得一條題目,

淨係第一版都有十幾條la,

我做第一版用左成差唔多15分鐘,

叫我同埋其他人點做?

痴線既,有問題就番青山la,

仲要過黎鬧我地,

你都烚望既,

食屎la你!!!!!!!!!!!!!

番到屋企,又練打字,

練到每分鐘59字,

都算係咁la掛,

我由四年班開始識打字,

初時19字,宜家59字,

可能係因為打得MSN多,

所以先會進步得咁快

我真係好滿意,

不過美中不足既係,

我仲差1個字就每秒1個字,

我聽日一定要完成我既大業!!!!!!!!!!

今日考英文,

後面果d vocab我唔記得左溫,

所以有d唔識,

唔係漏好多,

不過有d係亂填之嘛,

60分滿分,

應該合到格既,

或者可能會有40分到,

唔會唔合格掛,

唔好嚇我...........

放左學番到屋企,

突然間興起,練打字,

練到每分鐘56字,

我都幾滿意,

因為我終於用速成快過郭sir d倉頡la~~

今日係第一日考試,

考姣lee教既中文,

考試之前我係咁溫文言文,

他奶奶的,點知佢唔考.............

d人話份卷好難,

我就覺得ok la,

同滬江果d差唔多,

琴日溫左半粒鐘,

今日番到學校溫左4個字,

但係有一條唔識,

唔記得左果個破折號既功能,

真係可惜...........

希望攞到40分以上la,

不過大家千其唔好誤會,

係50分滿分..............

之後就要繼續上堂,

有d殘忍lor,

考完之後仲要上堂,

不過都冇辦法,

好過一日考咁多科,

考咁多科我點溫得切..............

今日放左學之後選足球校隊,

作為瘋狂足球迷既我點會唔去選?

不過星期六練波拉傷左大脾條內筋,

都幾痛,不過都忍住佢la,

原來選拔係鬥波,

但係唔駛射門,

只係考你傳波同mark波,

鬥鬥下,俾林司雨解圍散到親愛的子孫根,

第3次俾人散la,

雖然個波冇乜力,

但係都好痛,

因為係好近距離散埋離,

幸好功能還存在................

我鬥波d表現真係...........慘不忍睹,

失哂準,都唔知自己搞乜,

真係對自己好失望呀,

希望入到足球隊la,

我真係好想入呀,

後備都冇問題架~~

我都預左做後備架la,

我d波又唔係勁..........

選完之後,射波,

我屎既其中一樣,

真係唔得,我射波真係好渣

射完之後,正式鬥波,

宜家鬥波又自然番喎,

冇失準,腳風都幾順下,

解圍冇撻q,

mark人又mark到果條友冇啖好食,

佢一接波,我就伸隻腳去"聊"佢,

個感覺好正~~

希望入到足球隊la,

陳祥偉大爺,唔該你la~~

今日食完lunch,

操場又有得唱K,

肥班長超勇,

d人一set好d野,

佢就去唱,唱酷愛,

佢用女人聲唱,

個個都話佢影衰哂張敬軒=_=

我就覺得ok la,

佢肯出去唱已經好好,

可能佢用女人聲唱係專登la,

不過冇所為la,

佢鐘意咪得lor,

跟住班同學拉女班長出去,

同男班長合唱一曲,

女班長緊係唔制la,

跟住我地班有d人識石朗妍(滬江既可能會識),

佢地就拉佢出去唱,

見咁興奮,我就緊係拉埋佢一份la,

跟住石朗妍唱左餘震同斷點,

原來佢好鐘意張敬軒,

跟住1D鳳社班友,

拉我出去lor,

我緊係唔制la,

用盡我平生最大既力去反抗,

佢地五六條友都搞我唔掂,

如果唱K係唱學海既話,

我都仲可能會唱,

但係要我唱張敬軒,

我又唔係鐘意佢,

做乜要唱佢d歌?

我俾人拉完一陣之後,

就緊係要拉番人la,

超好玩~~

今日凌晨1點,

我終於睇完雪山飛狐成本la,

雖然係好開心,

不過睇完之後,

就要停一段時間,

考完Mid-term之後先再開始,

依排睇到上哂癮,

連機都打少左好多,

WE都係打一兩鋪就收機,

如果唔係要同個澳洲番黎既fd鬥,

我諗我都唔會點玩,

我平時番學番到屋企做哂功課又睇,

夜晚食完飯又睇,

睇到成1點先訓,

放假仲睇得多,

朝候早起身又睇,

晏奏留o係屋企又睇,

夜晚食完飯又睇,

凌晨又睇,睇到成3點先訓,

宜家上哂癮,

真係好難停,

日又諗住佢,

夜又諗住佢,

真係好想再開始睇,

我想睇射鵰呀,

不過我借左俾人...........

恭喜你呀,檸檬哥,

你記左7個數學既名,

有1個缺點la,

恭喜哂呀~~

檸檬哥,汁書包既時候睇住手冊黎汁,

d野唔好亂咁擺,

做完功課擺番落書包,

有咩功課做就寫低,

唔好再記多個缺點la,

你都知個惡雞"la"惡啃架la,

唔好再欠咁多樣la,

好自為之la,檸檬哥~~

他媽的黃佩珊,

俾咁多功課,

又要做classwork,

又要做2張工作紙,

果2張工作紙我用午膳之後果9個字做,

都做唔哂,你奶奶的,

死媽包羔子,

回家抱娃娃吧,

不要再在筲官獻世了,

快給我滾!!!!!!!!!!

今日係水運會,

我地phoenix要7點半去到維園泳池,

之後就練下啦啦隊,

練到11點,

啦啦隊比賽開始,

首先係unicorn,

我覺得好唔公平,

佢地有班com幫手表演,

跟住就到我地phoenix,

我用盡我最大聲去喊,

我既最大聲各位小學同學都清楚係點樣了,

跟住喊到"誇啦啦"

地下果兩個水樽唔見左,

唯有扮下打水樽,

表現麻麻地,我覺得冇乜特別,

跟住到lion,

佢地d口號既動作好多,

都唔知點記既..........

之後到dragon,

佢地超狗喱lor,

抄我地首"Pokemon",

dragon不愧為"抄野王",

咩都抄一餐,

之後就出去食飯,

食"隨您鐘意",

食完就番去泳池,

之後有3分鐘再喊,

係個好機會拉番頭先表現唔好失左既分,

之後係社際比賽,

我比人拉左去游接力,

但係又冇帶泳褲同泳鏡,

班com就逼我著人地果條,

泳鏡都冇問題,

泳褲就.........唔太衛生咁lor,

之後就游la,

游咩式都得,

我唔想游自由,就游蛙式,

但係好後悔冇游到自由,

游左自由就追到隔黎果d快我少少既人,

游完之後,我都唔知個成績係點樣..........

之後就公怖啦啦隊成績,

我地同dragon攞季軍(即係包尾),

lion攞亞軍,

unicorn攞冠軍,

都唔知個評判點比分既,

我地咁大聲都包尾,

unicorn細聲過我地,

就可以攞到冠軍,

輸左之後,社長同班com同我地講野,

講果一d勉勵既野,

有d com喊左出黎,

仲有好多同學都喊,

有d係男仔(當然冇我份la),

但係輸左真係好唔抵lor.............

不過"勝不驕,敗不餒,鳳社精神最可取!"

各位鳳社既社員一定要振作呀,

陸運會贏番其他社!