今朝上LS堂,

去左cal room玩d關於食物衛生,樓宇安全既電腦遊戲,

雖然就膠左d,

不過都好過上LS堂,

咁鬼悶........

晏奏食完飯,

同Bron,榮一齊,

行左去d board既堆填區,

Bron話同榮玩個芝麻開門遊戲,

叫榮喱入d board後面,

Bron山埋"門",

跟住榮嗌"芝麻開門",

Bron唔開"門",

之後榮衝出黎,

雖然衝得出,

但係搞到成身七彩繽紛,

因為個board用粉筆畫左d野,

但係Bron係唔知既,

佢衝出黎果陣hi哂,

笑死我地XD~~

佢就即刻衝上去2樓洗,

因為地下個廁所要經過花園,

好多人會見到,

我地足足笑左5分鐘,

因為佢真係好火羅XD~~

今日上IS堂果陣,

阿bo無端端面青口唇白,

個樣勁恐怖,

跟住佢就暈左,

真係好突發,

好擔心佢,

鄭B搬四張凳黎俾佢訓,

好彩佢訓一陣就冇事,

仲好精神添~~

跟住上英文堂,

潘潤敏無端端成手血,

一開始以為佢流鼻血,

跟住阿bo話佢原來係咬支紅筆咬斷左,

d墨漏哂出黎,

搞到個口同隻手全部都係紅色既墨,

跟住佢就去廁所洗,

洗左勁耐都未番黎,

去到普通話堂終於番,

佢唔肯"mat"大個口,

肯定d牙全部都係墨,

跟住又問阿bo借口罩,

好想睇下佢棚牙XD~~

今日調位,

番到去d同學同我講,

我要同趙J坐,嚇死,

不過唔緊要,有辦法,

我後面果個係楊寶怡,

佢矮過我,我就o係姣lee黎果陣專登企直d,

辦法非常成功,

佢將我同楊寶怡調,

我就同Carole姐坐,

後面果個係女班長,

不過右後方係長洲佬,

實有排煩,

不過都ok la.........

HE堂,

個痴脷筋o係到同我地訴苦,

話咩個家長唔講道理,

又話"都唔知個家長識唔識教仔架!!"

真係冇人聽佢講野,

你同我地講有屁用??

要講就同個家長講la,

關我地咩事??

教你個書吧la,

哂哂d時間,

今堂上超悶既theory,

我好驚上theory,

因為次次上親theory,

我就會"hup"晏訓,

HE我坐痴脷筋前面,

一訓教就會俾人鬧,

我始終都忍唔住訓左,

但係佢又冇鬧,

唔知點解呢??

之前我上CS堂,

連"hup"晏訓都俾鄭B鬧,

點解佢唔鬧呢??

隻右手傷左,

做咩都勁唔方便,

寫字又震,

著衫除衫又要人幫手,

食飯要盡量用左手食,

覺得自己變左個廢人XD~~

琴晚敷完劑藥之後,

未見好轉,

覆診果陣如實同醫師講,

佢擔心係骨,

叫我去照X光,

不過佢話多數都係筋,

但係check下係咪都好,

因為有d虛位佢未必摸到,

有少少擔心,

因為如果係骨既話有排搞,

不過我依然無悔琴日番去踢班足........

琴日做功課做到11點幾果陣,

個身好痕,

由11點一路R到2點幾做完功課,

之後就訓教,

第二朝起身,

話俾阿媽知,

跟住俾佢睇,

佢就話 : "哎呀,生風"難"la........"

跟住同我打電話番學校請半日假,

因為晏奏有班足,

一定要番,

不過超正,走左VA同MU~~

叫我去睇醫生打針,

仲叫我訓陣先,

訓完之後,

見到個鐘顯示係12點10,

即刻嚇死左,

打俾阿媽,

話個鬧鐘壞左唔響,

宜家12點10 la!!!!!

跟住佢叫我睇清楚個鐘,

原來係10點1,

訓到溫溫鄧鄧,

長短針撈亂左,嚇死,

不過個鬧鐘係較左8點半,

好彩自己識起身........

起左身d風"難"冇哂,勁怪,

連打針都唔駛..............

用電腦用到11點3落街買飯,

食完就搭8X番學校,

12點2番到去,

上緊數學堂,

見到自己張檯俾整璧報既人放哂d野o係到,囧...........

落左堂之後,

就落去換衫,

大約12點半開波,

淫dom打中鋒,

榮打中場,

我打左閘,

奮便打右閘,

bron打last man,

liu yu j打龍,

上半場我地攻勢差唔多,

之後奮便轉打前鋒,

有波就標,

搞到冇哂d氣,唔跑,

有一球榮開角球,

我控住左,

跟住窩利抽埋去,

雖然係貼柱,

但係對面個keeper反應快接實..........

跟住張皓揚同我講 : "王曉瑋你唔係真係要我俾5蚊你呀??"

我就對住佢講 : "我想架~~"

因為我琴日同佢開左果賭盤,

我漏一球就俾5蚊佢,

我入一球就佢就俾5蚊我~~

跟住榮有一球扭過阿lam同陳博滔,

但係射得勁樣衰.........

跟住有一球榮斬上去,

淫dom接住但係又唔射,

跟住俾左奮便又唔射,

俾人封哂位先射,

點入呀??

即刻俾我同榮鬧,

跟住上半場完,0 : 0,

透左2分鐘就下半場,

下半場開始冇幾耐,

耀dee換奮便,

有一淫dom同阿lam爭波,

阿lam成個飛起左,

但係兩個球證都冇吹,

可能係偏幫掛.........

佢再傳俾門前既耀dee,

耀dee唔係幾控到,

同個keeper爭波,

我見形勢唔錯,

衝左上去,

咁岩個波彈左過我果邊,

我快腳射空門,1 : 0~~

我都竟然入到波,囧...............

大家都好興奮~~

跟住開波,

對面既遠射唔中龍,

跟住肥佬話俾黃牌我,

我問點解,

佢話 : "因為你講粗口~~"

跟住我算數了,

俾咪俾lor,

再嗌紅牌都有份..........

跟住有一球個波向住我黎,

我諗住解圍,

雖然係解到,

不過唔小心踩左波車,

成個跌低左,

隻右手禁左落地下,

唔識旭,勁痛,

我唯有捱住痛繼續踢落去,

之後連續兩球俾人散,

有一球朱啟軒掟界外球,

掟中我屎忽,

全場o係到笑...........

隻手傷左之後,

踢到心不在弦,

o係到發夢,

因為實在好痛,

又要唔係幾旭到,

唔知係咩事........

有幾球對面開出角球,

liu yu j又唔接,

個波o係門前飛過,

勁恐怖,

好驚對面會--66咁撞入,

之後兩個球證都幫番2D,

唔再幫我地,

補時專登補多一分鐘,

但係都冇用,

完場哨子一響,

個個1B都歡呼,

1B以1 : 0小勝2D~~

個個都話我好波,

但係我都冇乜反應,

因為隻右手好痛,

好擔心會有咩事.........

踢完之後,

去左校服處搞搞隻手,

搽左d藥膏,

不過搽完好似冇搽咁,

冇乜野療效,

換完衫之後已經打左鐘,

上去上中文堂,

試下寫字,

雖然仲寫到,

不過係咁震,

之後係LS堂,

今堂係visit,

去九龍公園果個乜鬼衛生教育展覽及資源中心,

搭旅遊巴去,

入面都幾細,

冇乜野睇,

第1-4組睇影片先,

第5-8組就做工作紙先,

我前面剔仲做到,

後面要寫一大段野就真係寫唔到,

跟住發現原來上面仲有野睇,

隻烏蠅同老鼠勁"令仔",

送俾CLY做寵物都唔錯XD~~,

做完之後,

就去睇影片,

膠到冇人有,

仲要冇櫈坐,

1B俾d同情心好嗎??

踢完班足咁支力都唔讓座........

冇天理呀.........

捱左半個鐘之後,

就搭車番去,

點知條友帶錯路,

要行番轉頭,

唔識路就咪帶路la,煩!!!!

搭車番到去已經5點幾,

放學lo~~

夜晚去左睇中醫,

佢同我拉d筋,好痛.......

要敷d中藥,

聽日仲要番去覆診,

幾時先好番??

我唔想冇得踢波同上體育堂呀..............

今日係第一場複賽,

兩點五對高主教,

個個都諗住今場輸硬,

要打出超水準先贏到佢地..........

聽完Brian sir講野同熱完身之後,

就開波lo,

今場我打正選中堅,

同Bron夾,

上半場田徑佬o係左路憑佢驚人既速度爆贏高主教班後衛,

美秒咁笠死龍門,1 : 0,

之後上半場再冇紀錄,

下半場開始,

田徑佬又o係左路爆贏佢地,

射向遠柱入網,2 : 0,

諗住贏硬架la,

點知情況大逆轉,

首先對面開出罰球,

門前混戰射成1 : 2,

但係應該係越位既..........

跟住對面既陳俊傑禁區頂遠射得手,2 : 2,

依球我真係好大責任,

點解我唔埋去封佢呢,

用企鵝龐大既身軀封左佢咪唔駛失lor,

宜家諗番起都好後悔,

擋住個波好易做姐,

點解我唔去做呢??

驚乜q野波姐,叼!!!!!

王曉瑋,食塞米!!!!!

個比數維持到完場,

要射十二碼,

過程都唔太記得la,

只係記得我地最後輸3 : 4,

班高主教o係場邊嘈生哂,

搞到我地d壓力大到咩咁,

又話肥仔廢,

佢地好勁咩??

I don't tnink so.

佢地咪又係得個陳俊傑勁...........

踢完之後,

Brian sir話第二球我同肥仔應該各自負一半既責任,

但係我覺得唔係肥仔既錯,

完全係我既錯,

點解我除左眼鏡踢都仲驚波呢??

我唔係除左眼鏡就唔驚波架la咩??

王曉瑋踢波的確廢到冇人有,

我應唔應該放棄足球,專注學業??

我宜家發覺好似對咩都冇哂興趣..........

唯一有興趣既只係winning,

但係打winning勁又點??

俾你炒到邪留丸5 : 0又點??

學校又唔會有winning校隊,

又冇winning依個行業,

俾你打到世界第一又點??

只會顯示到你係電車男.........

王曉瑋,的確廢...........

夜晚睇雙紅大戰,

紅軍竟然贏到4 : 1,

我都好詫異,

奧利里奧同杜辛拿果球都好令~~

不過如果可以揀紅軍或者SGSS C grade足球隊贏波,

我會揀後者lor...........

今日3點要踢學界,

一點三就要走,

搭8號去銅鑼灣再轉72號去香港仔運動場,

香港仔個場爛到嘔,

個場右邊係完全冇草,

得凹凹凸凸既泥,

真係連行都有問題,

何況o係個場到跑??

聽完Brian sir講完野同熱完身之後,

就開波lo,

今場我地一定要贏先可以出到線,

因為得失球差唔夠金文泰黎,

我終於冇正選做,

睇佢地踢,

打左三場正選,

兩場全場都夠皮la

肥仔督魚蛋,

由林司雨守龍

上半場冇入波,

到下半場,

對面有條友同royli o係禁區裡面鬥法,

條友插水,

吹左十二碼,

royli同球證講粗口,

食左張黃牌,

超抵死XD~~

對面條友射入左,0 : 1,

之後中場開波,

張皓揚9 shoot,

原本射唔中龍,

去左個龍既左邊,

對面個龍諗住接,

點知甩手,

個波彈下彈下就入左龍,1 : 1..........

淨低八分鐘追,

之後我地有個機會,

陳頌昇帶波去禁區左邊,

雖然射中龍,

但係個波碌得勁慢,

點知對面兩個後衛誤會左,

你又清唔到,

佢又清唔到,

就咁樣慢溜入網,2 : 1!!!!!!

Brian又痴左咁 : "Yeah~~Yeah~~"

個比數維持到完場,

Yeah~~我地終於出到線la~~

雖然成場都冇得打,

好鬼悶,

見到人地踢得唔好又冇得幫手,

不過贏到波就點都冇所為la~~

傾到一點就訓教lo~~

第二朝七點起身,

依然懵下懵下,

完全未訓醒,

刷完牙,換完衫之後睇電視睇到七點九,

就去食早餐,

轉左同4個同班同埋一d 1A食,

早餐很不豐富,

得凍既饅頭,燒賣,紅腸,

蕃茄肉碎通粉,

同一個湯,

燒賣俾1A既一個自私鬼食左好多,

而蕃茄肉碎通粉又難食,

所以只係食左一碗通粉,

兩個饅頭,兩粒燒賣同兩塊紅腸,

食完好似冇食咁.........

食完之後,

之後就去紮竹筏,

番房換衫同白飯魚,

好膠咁帶左方便雨衣,

好彩軍服阿叔要我地著褸,

先有機會放低件膠衫,

今次我留心左聽導師阿dee講野,

略懂點紮,

不過仲係要bron教,

今次出左好多力,

冇行行企企,

傑作總算可以o係35分鐘內完成,

之後阿dee就教我地點划,

跟住就落水lo,

一開始勁唔齊,

班女仔嗌"1,2,1,2"先至齊d,

我地快過其他組,

專登撞去1B第一同第二組到,

超好玩XD~~

玩完之後汁野,

俾人叫左去汁埋其他野,

遲左番房換衫,

搞到勁趕,

之後就到1點,食晏,

最後午餐還可接受,

有雲耳雞,

餐肉炒蛋等,

個1A自私鬼畢左1/3碟餐肉炒蛋,

我暗串佢自私佢當冇時發生lor,

又要有老師o係到,

冇得攞走d餸唔俾佢食,

因為佢.......

通通通通吃得太多!!!!!!!!

(Bron又拍我個頭了XD)

後來知道,

原來個自私鬼叫丘楚翹,

我要教訓教訓佢!!!!

食完之後就搭車走,

終於回歸PHOENIX XD~~

o係車上面訓足全程,

訓到筲箕灣先起身,

勁好訓XD~~

兩點番到筲官,

要等齊人先去跑馬地踢學界,

但係LION成兩點五到先番到,

原來佢地行錯路........

之後就搭8X去跑馬地,

換完衫都差唔多3點3,

聽完Brian sir講野同埋熱完身之後,

就開波lo,

我打右閘,

有一球我差d食左屎,

我解圍散中左佢,

彈番落黎,

原來攞番,

但係我扭人唔掂,

俾佢搶番,

好彩後面有個張皓揚包,

打完上半場,

仲未入到波,

去到下半場,

榮被Brian換走,

硬膠........

之後陳頌昇入左一球,

冇睇清楚點入,

比數維持到完場,

我地贏衡怡1 : 0,

如果對面唔係死守,

我地應該唔止贏一球...........

今日去歷奇CAMP,

有少少期待,

但係冇辯隊CAMP咁期待,

因為依個CAMP係歷奇,唔係玩,

9點幾上車,

PHOENIX果邊唔夠位,

撇低我地4個去DRAGON...........

我同炫坐,

後面坐左兩大膠神,

陳博禮同林穎朗,

係咁講膠野,

1E果然係膠神集中地.........

我地10點幾去到,

入到禮堂,有個著軍服既阿叔扮哂惡咁講野,

我同榮異口同聲咁講 : 膠.........

膠up完之後,

分組同個MISS講野,

之後玩乜鬼野YARDKA,

即係拍節奏,

真係唔好再膠d.........

跟住玩七巧板,

無聊.........

之後玩咩鬼信任圈,

即係自己同組員拉住一條繩,

跟住放鬆身體,

要唔跌,也蠻膠的........

跟住玩乜野"隔空取物",

即係隔住一個距離攞衫夾,

都可以接受,不太膠,

玩完之後1點,

食飯,

o係樓上同1B既PHOENIX食,

有蔥油雞,

荷蘭豆雲耳炒牛肉,

蓮藕,

娃娃菜,

冬瓜湯等,

味道不太好,

蔥油雞果然係蔥油雞,

d油多到可以滴出黎,

牛肉凍冰冰,

一個字 : 劣.........

之後玩咩營地定向,

要搵番九張紙出黎,

膠既情度同YARDKA有得揮XD,

之後分房,

間屋都唔錯,

我地係八人房,

有兩間房,

每間房兩張碌架床,

一個廁所,

有電視,

仲有180度全海景,

令到嘔XD~~

之後玩羅馬炮架,

導師小寶哥教我地點紮,

超正,玩死左肥西,

跟住就開始紮,

頭先冇番心聽,

搞到唔識紮,

唔知做咩好.........

之後入水彈,

我整到超大個,

勁正~~

小寶哥之前話過紮得最快果組多三個波,

我地同佢講,

佢攞左個裝左水既黎,

話接得住就俾我地,

佢拋去我到,

我係就係接得住,

但係爆左,

成件衫濕哂.........

之後就教我地玩果陣要注意d咩,

小寶哥講果陣提到肥西,

佢又著住件英格蘭衫,

有人以為英格蘭標誌係喀麥隆,

就對肥西講 : "喀麥隆唔要你la!!"

全場笑死..........

跟住就開始玩,

超正~~

我地對住八公軒果組射,

雖然濕哂,

又落雨同埋勁大風,

好鬼凍,

不過都好enjoy~~

之後八公軒果組犯錯,

成組踎o係中間俾我地射,

雖然冇組射得中,

但係導師豪哥攞佢地組既一個水彈出黎,

o係佢地頭上面渣爆佢,

八公軒受哂,

個樣勁唔gur,

超正~~

之後繼續射,

我地有一個水彈射中左八公軒果組,

我同淫dom互拍手~~

玩多陣之後,

就玩完lo.......

羅馬炮架真係好正~~

好好玩~~

之後番房換衫,

已經六點,

食飯~~

落左樓下食,

依餐好正~~

有粟米班腩,

蘿蔔炆雙丸(魚蛋,牛丸),

日式咖喱薯仔炆雞,

仲有小唐菜,

同埋青紅蘿蔔湯,

碟粟米班腩一早就清哂,

我食左兩碗幾飯,

如果唔係因為冇時間食,

我食三碗,甚至四碗都仲得~~

食完之後,

就去一間房同導師討論,

討論完之後,

就去夜行,

行去隔黎既烈士碑園,

有d牛出現,

d人覺得好恐怖,

其實有咩咁恐怖...........

我原本同淫dom佢地一組,

因為多左一個人,

擦鞋妹果組又少左個,

我猜輸左,

俾人迫左過去,

妖!!!!!!!!

我專登行慢d,

等埋佢地,

去到一半,

佢地終於到,

唔駛同班茂利一組.............

玩完夜行之後,

又討論,

討論完之後,

番房沖涼,

岩岩睇得切"耳分高下",

不過唔好睇,

一d都唔好笑,

就同樓上果班女仔傾計,

其實係大嗌,

等到11點九到沖涼,

沖完之後就要熄燈訓教,

因為規定左要12點前熄燈訓教,

不過我其實o係到同淫dom,奮便同julian傾計..........

捱左兩粒鐘之後,

落去沖涼,

沖完之後上去打winning,

先同榮打,

我用利記,

佢用曼聯,

佢死守,我只係贏到1 : 0,

跟住邪留丸話同我打,

佢要沖涼,

叫我玩住先,

講"你淨間唔好輸俾我呀!!"

之後我自己玩,

過左一陣,

佢打完牌,沖涼,

跟住教練洛洛話同我打,

我當然用利記,

佢用紐卡素,

我好驚險咁贏2 : 1,

之後邪留丸沖完涼,

出黎同我打,

我用英格蘭,

佢用西班牙,

禾確特連入兩球頭鎚,

咁矮都入到..........

仲有謝拉特遠射死角入,

大炒佢5 : 0,

比賽期間,

我係咁級佢,

級到佢d後衛食哂屎~~

佢叫我唔好輸比佢,

點知自己輸到一敗塗地,

超爽~~

跟住我地開始跟隊黎打,

我又用利記同洛洛既皇馬打,

俾希古恩補時入,輸0 : 1,

之後邪留丸贏左洛洛,

我又同佢打,

仍然係利記,

今次佢用車仔,

我又o係到級佢,

佢又係吹我唔脹,超正~~

不過我後防一次大意犯錯,

俾杜奧巴一級級過龍門搞掂,

佢o係入波前已經?左一面紅牌,

之後仲?多三張,

差一張我就贏,

點知佢冇?,

我11打7都贏唔到,

因為佢全隊龜縮反防,

仲搵頂上功夫了得,

硬淨到咩咁既杜奧巴打清道夫,

要攻破佢既血肉長城已經有難度,

佢仲要o係後面猜,

結果我始終都係輸0 : 1,

真失敗...........

之後佢地兩個又打,

誰勝誰負我都唔知了,

因為打左好多場,

我地唔記得咁多了...........

同佢地打到4點幾,

佢兩個訓教,

余健文上左黎,

話要同我打,

我依然用利記,

佢用巴塞,

一開始就俾屈機既美斯入左兩球,

好彩我之後入番三球,

險勝3 : 2.

差d老貓燒鬚.........

之後再打多場,

我讓佢用富咸,

佢用曼聯,

贏2 : 0,

打第一場果陣已經好晏訓,

所以佢同我講野,

我都冇乜應佢,

打完第二場之後,

收手唔玩,

落去準備刷牙訓教,

落到去,見到曹先宏o係到抹地,

可能佢係有潔癖..........

之後刷牙,

上床訓教果陣已經係六點la,

一上床就訓左lo..........

不過訓得唔好,

訓到十點就起左身,

不過已經成為尾二起身果個,

最遲係邪留丸..........

刷完牙之後,

就上去汁PS2,

因為就快要走,

汁完之後,

榮同我講,

話老爺想同我打,

咁就?番d野上去,

我仲係用利記,

佢用馬體會,

佢開波前串邪留丸 :

"只要唔失多過五球,目標就完成架la~~"

超正~~

最後,佢既目標完成左,

因為佢只係輸0 : 3,

之後我地跟隊,

同左唔知邊個玩之後,

又同番老爺玩,

今次我又用利記,

佢好似用國米,

同佢打左120分鐘仲未有勝負,

要射十二碼,

羅比堅尼果然廢,

竟然可以射出界,

跟住我好似輸4 : 5,

輸得勁唔抵lor,

輸十二碼..........

之後佢地打多場就己經差唔多十二點,

汁野走lo~~

搭2號出番去,

12點36分去到碼頭,

12點8岩岩有一班快船,

超貴,$36.7,嚇死左,

原本大家都唔想搭,

不過1點4果班又係快船,

唯有死死地氣搭,

快船都只係快普通船半個鐘,

但係就收$36.7,

不過我上網睇左過,

原來星期日同公眾假期會貴d,

不過依個價錢仍然係不合理.........

去長洲差唔多路程,

但係就貴$4.5,

離譜.........

出到去,

一齊去左寶湖飲茶,

飲到兩點半到就搭4號去薄扶林道遊樂場睇波,

因為A grade同C grade都o係果到同澳洲某隊踢五人賽,

C grade唔夠人,

得四個,因為Brian sir好遲先講,

點解唔可以早d通知??

一去到,熱情佬即刻鬧我地,

"仲唔快d換衫??"

膠....唔知頭唔知路o係到嘈,

認真on j.........

澳洲女子隊都幾勁,

贏左4個C grade加1個A grade,

半場果陣,

Brian sir鬧佢地,

"人地o澳洲搭十個鐘飛機'專程'過黎,

你地黎依到最多九個字,

踢d咁既水準俾人睇既??"

人地又會專程過黎lor,

踢埋d咁既爛鬼硬地,

佢地係China tour呀,

咪吹得就吹la,膠........

之後到A grade對澳洲男子隊,

d澳洲男子勁到嘔,

連龍門都識出黎扭,

痴線,唔知大炒班A grade幾多..........

之後佢地再踢多幾場,

始終都係輸,

跟住佢地踢完,

有班阿伯黎踢,

我地C grade就同佢地踢,

一開始俾佢地屈哂,

跟住 d A grade出黎,

即刻反客為主,

屈番班阿伯機,

不過之後有兩個廿幾歲既黎,

勁到嘔,

次次都通我坑渠,

屈哂班A grade...........

依兩日去CAMP真係好正呀,

辯隊真係多野玩~~

I LOVE辯隊~~