今日再去Rubbishman到睇謝隊長既新聞,

又有一單,

標題係"英警落案控告謝拉特襲擊罪",

真係大濟,

佢真係打人,

唉,唔好咁玩好唔好??

d咁既攞冠軍機會好難得架

發帖者又係果條友,

反利都唔駛咁串呀,

我地d利記有冇咁串你先,

我地冇串你,

你就咁串人,

無品,唔死都冇用,

同你講,睇死阿記今季冇前4,

到時我仲唔串死你??

今朝睇Rubbishman精華果時,

睇到一篇新聞,

標題係"謝拉特疑傷人被警方拘捕",

即刻嚇死左,

跟住禁入去,

見到條友用祖爾巴頓既例子黎串,

火都黎埋,

即刻串番佢轉頭,

你反利都唔駛咁串呀,

你係阿記好好呀,

雲佩斯咪又係咁,

仲衰d添,強姦,

真係火到!!!!!!!!

希望謝隊長唔駛坐監,

利記冇左佢,

真係好大濟,

咁難得先有一次攞冠軍既機會,

就整單咁既野出黎,

唔好咁搞呀...........

今日番香港,

搭2點半船,勁㊣,

架船原本係去港澳碼頭,

點知去左中港城,

仲要係船長同d服務員都唔知,

到d乘客俾張船飛佢地睇先知,

型爆~~搭過咁多次都未試過.........

終於番到屋企,超開心,

8點果陣唔記得左要睇波--紅軍對喜鵲,

睇到茶餐廳播先記得,

失敗!淨係睇到下半場,

最尾紅軍完勝5:1,

隊長梅開二度~~

今日成日都係o係屋企hea,

睇左"Iron man"同"新變型俠醫"

"Iron man"好睇d,

大家可以睇睇,

夜晚睇左一套唔知咩野,

關於槍既,

唔好睇,太高深,

今日真係冇乜野講,

總之成日都係o係屋企hea,

冇特別~~

有時用蚊拍拍下蚊咁lor,

電到d蚊碎哂,

碎屍萬段~~㊣~~

今日晏奏去左睇樓,

咩鬼野"嶺峰",

完全唔實用,

呃錢呃到佢.........

咩110%實用面積喎,

75%都唔知有冇,

算吧la,呃錢~~

跟住夜晚去左"北海食店"食飯,

d野勁好味,又抵,

6個人食只係290蚊,

仲要食左11個餸喎,

對依間野好滿意,

跟住買左d神灣菠蘿番屋企,

一路睇戲一路食,

大人們去按摩,

淨番我同個fd同埋個auntie o係到睇戲,

睇"保持通話",

都唔錯,幾好睇,

不過冇"証人"咁好,

睇完之後直落睇波,

紅軍對保頓錄播,

3:0,堅尼梅開二度,

最後果球快速反撃做得好好,超令,

睇到3點訓教,

今次醒目,點左蚊香,即刻冇蚊~~

今日要搭船去中山,

其實我都有d後悔應承左mum去中山,

寧願o係屋企同fd msn,

又或者去下街,

不過當然唔會溫書,

但係已經買左船飛,

唔通同阿媽講我唔去咩,

佢實憎死我..........

搭12點半船去珠海九州港(唔係日本既九州),

跟住就搭旅巴去雅居樂既灝湖居,

放低行李之後就去食lunch,

習慣左香港既無煙環境,

對煙依樣野好敏感,

隔黎枱有人食煙就即刻掉位,

我最憎人食煙,

食左個豬扒包,

加杯凍檸茶,

大陸d野真係抵,

依個茶餐都只係13蚊,

o係香港食都起碼20蚊,

食完之後去左超市買野,

超市d野既價錢同香港差唔多,

有d仲貴過香港,

之後番左屋企,

7點半就去威尼斯西餐廳"gur"扒,

我地次次去中山都會去依到,

我食左個元冧扒(牛黎既),

我覺得冇以前咁好食,

唔知係咪食到厭左,

食完之後番屋企,

11點到睇謝檸檬既"証人",

幾好睇,佢既演技進步左好多,

之後就訓教,

訓訓下有隻蚊飛黎飛去,

大陸真係好多蚊,

睇睇下電視又有一隻,

用蚊拍拍死左,

唔係,係電死左,

電蚊既快感好正,

電暈左佢,再用電,

電到佢碎哂,

超正(唔好話我變態),

係隻蚊咬我先,

好,講番正題,

隻蚊o係我隻耳仔附近飛黎飛去,

嗡嗡聲,超煩,

成晚就冇得訓,

第2日起身,

俾佢咬左兩隻耳仔,塊面同隻左手,

變左"大耳仔走天涯",

都未試過俾蚊咬到訓唔到,

真係好後悔上左黎.........

我地識左6年幾,

你為左一個網友而唔聽我講野,

你同佢識左1年幾炸,

你真係咁了解佢??

佢究竟係乜水,你知咩??

佢係點樣,你知咩??

佢講既野真定假,你知咩??

佢係唔係衰人,你知咩??

估唔到我o係你既心目中既地位原來係咁低,

我俾左咁多忠告你,

你仲係唔聽,

我都冇辦法,

不過始終都提提你,

佢唔會係一個好人,

你要帶眼識人,

小心提防佢.........

今日試左個九型人格test,結果如下 :

我覺得幾準,我係一個助人型~~(要插就插la........)大家要試試喔!!!!!

琴晚又練打字,

又俾我破左紀錄,

每分鐘65字,

我既目標係每分鐘75字,

期望o係不久既將來做到吧~~

今日o係屋企悶死左,

11點半起身,

1點落街買飯,

試下新開既大快活,

一路玩winnig一路食,

唔好食,d味精多到勁口渴,

玩完winning之後訓左一陣教,

之後家姐出街,

用電腦,又唔知做乜好,

hea左一陣之後做功課,

做左maths同IS,

之後食飯,

食完之後睇左一陣電視,

睇完之後作文,

作到11點,

之後做閱書報告,

做到12點半,

之後睇天龍,

睇到2點幾,

然後就打blog了,

怎樣?我既生活係咪好枯燥,

淨係得食,玩,訓,做功課同睇書,

真係好想出街,

我諗出街已經成為左我生活既一部分了.........

有冇人同我出街呀??

今日番滬江探老師,

晨咁早7:30就o係康怡M記集合,

琴晚又有利記大戰阿記,

睇到2點,跟住又7點起身,

即係訓得5粒鐘...........

番到去,滬江既同學o係禮堂開assembly,

開到10點半,

我地就hea到10點半,

同何sir傾左一陣計,

之後上去探老師,

第1個探既係1D班既李少媛老師,

佢o係到幫d一年班既夾食物,

乜有依樣野既咩,

我一年班冇既.......

佢o係咁叫我地食雞翼,

我地緊係走佬吧,

之後諗住上去2D搵Miss Tang,

但係其他人話上去5B搵屎渠蘭,

咁咪上去先lor,

第一次,佢話佢做緊野,

唔得閒,趕我地走,

咁我地就落2D搵Miss Tang,

冇傾左好耐,

一陣就走了,

之後去電腦室搵個個都話要探既郭sir,

佢勁火,班4年班唔識用電腦,

連"大"字都唔識寫,

係唔識寫,唔係唔識打,

我地就用住電腦先,

我同小月就練打字,

一開始,打唔慣個keyboard,

只係得43字,

第2次都係43,

第3次無心插柳下俾我打到62字,

破左新紀錄~~

之後我同郭sir黎一個擁抱,

同學們囧哂.........

之後又上去搵屎渠蘭,

佢又用同一個藉口趕我地,

第3次又係咁,

放左學佢黎搵我地,

大條道理話好忙,

對住班5B死咁濟,

但係我地見到佢果陣係好得閒咁lor,

咁都俾佢講得通,

不愧為屎渠蘭.........

我同屎渠蘭講,

今日搵唔到黃校長同陳主任,

佢就話黃校長屋企有事,

飛左去美國,

而陳主任就病左,

探完老師之後,

落去食飯,好多人,

唯有去OK食了,

之後冇野做,

好唔想咁番屋企...........

依排我覺得好唔開心,

做咩野都唔上心,

番到屋企就好落寞,

完全係唔想番屋企,想"lan"街,

正如今日咁,

番完滬江冇野做番屋企,

真係好唔想,

唔鐘意自己屋企,

對住部電腦有咩好,

我想對住班小學同學,

唔係中學同學唔好,

只係大家識左冇咁耐,未熟哂,

有d小學同學我同佢6年都同班,

大家都好熟大家,

宜家我打完blog又冇野做了,

連我自己都唔知自己想點,

25-28號俾人迫左去中山,

我真係唔想去,

我想留o係香港,

唔理做咩,總之留o係香港就得,

同同學MSN,傾電話,

都開心過去中山,

對所有野都好似冇哂興趣了..........

今日係Chirstmas Assembly,

番到去已經見到同學們汁好哂d枱,

之後係升旗禮,

悶死左,冇興趣聽人講野,

跟住直接上禮堂,

有片睇,陳祥偉有份做,

個樣超囧.........

之後有遊戲同表演,

玩"亮相",氣氛好好,

跟住d表演幾好睇,

全場hi爆,

Assembly完左之後上番課室開party,

野食就唔係好多,

之後抽獎,我抽中左,

有一個揭既file,

之後就放學lo~~

晏奏去左跑馬地,

校隊練波,

我宜家終於知道虧sir姓乜,

唔係陳祥偉講我都唔知佢姓黃,

真係影衰哂我地d姓黃既人,

雖然我係姓王..........

佢d練習真係膠到冇人有,

講野冇建設性,

講完都唔知佢講乜.........

有一個練習係帶帶下波斬俾人,

接波果個大約要企o係龍門隔黎,

佢竟然可以斬左入龍門,

囧到........佢d波屎爆,

跟住踢比賽,

因為太少人,

所以踢唔哂成場,

佢又唔講我地個禁區o係邊,

又唔講有越位,

踢踢下我問佢先話有,

唔好下世先講!!

我都費事講林司雨做龍門有幾廢,

但係我地輸0:4一定關佢唔講禁區o係邊既事lor,

不過我d表現都係唔好,

解圍撻Q,差d比人入,

表現繼續低沉.............