呼，終於決定左自己既前路啦....

剩係既剩係想屋企人可以理解我既諗法。

書我讀得唔叻，但係又唔可以比自己頹廢落去...

只好放棄哂佢地，要去做警察。

可能呢份工真係會悶，會無聊....

但係可以保持住自己最後一條底線...

因為我真係冇辦法令自己努力甘讀書.......

再係甘讀落去都無補於事......

只會連普通人都比唔上!

難得一個女仔可以唔嫌棄，而我都將我既諗法講哂比佢知

佢都好支持。

佢真係一個好女仔，希望可以留住佢係身邊......

雖然佢未答覆過我D物野。

其實到左而家，除左我既前途，其他野，我已經好滿足。

有完整既家，傾心事既朋友，一班唔會帶壞我既損友，仲有一個溫柔體貼既女仔係身邊。

只要考左警察，我既生活就會開始新既一頁。

平淡而快樂，每過幾年就會有閒錢去下好遠既地方旅行。

甘既生活，其實又點可以唔滿足。

人一生都只不過係追求呢D野。

不過，慢慢黎，我要好好甘錫自己。

唔可以再因為D物野亂發脾氣，要慢慢變得識諗。

因為身邊有好多唔同既好人，佢地每一個都有唔同既優點等住我去學。

文傑既包容，啊九既樂觀，啊武既自信，啊文既成熟，啊鋒既努力，啊東既積極，MONKEY既堅持，FISH既快樂，JANICE既溫柔，女神既堅強。

慢慢慢慢，我會變得更好。因為我身邊有呢一班人係到。

近朱者赤啊嗎~~哈哈

我都會乖乖地，唔會再任性。

大家會支持我既。