2年又如何....事實上我一直都係到原地踏步.......
把時間堆得密密的忙忙的，返學打工訓教起身返學。
空閑既時間真係好討厭，我會亂諗野。特別係節日既晚上。
離開左高中之後，踏入左半個社會，雖然接觸既人唔多。
但係總會遇見幾個有好感既女仔，因為當初個件事，一直唔敢踏出安全圈。
有時係屋企父母仲會提起佢，真係好受傷。
今日媽子仲話第時帶我去相親，唔洗我追女仔。
事實上冇人知我係而家係連同一個女仔傾多幾句深入少少既勇氣都冇。
因為每次諗起當初我個心都會痛，係真係痛。唔止精神上，有時連生理上心臟都會係刺痛。
救命啊，而家你地仲搞唱K食飯，講真個句，我完全唔想去，因為我知我會承受唔到。
上次，我先係佢面前一陣間，我就忍唔住拎手機出黎，搵人傾訴，到左一半比低錢比兩個FD就走左去唔理。
仲要2個FD幫我汁手尾，我唔想搞到甘....我一直都知道佢地2個好睇我，關心我，照顧我，知道我少真正既朋友。
佢地願意去包容我呢個情緒化既人。
我弱點多多....但係最大既弱大由2年前就已經變左係佢。
佢換左3個男朋友，可能仲記得我係邊個，但絕對唔記得有一個男仔願意陪佢解決問題。
雖然當初的確係佢付出既比我多，亦係我令佢慢慢變到心灰意冷。
我係一個外表粗枝大葉，但實質上唔會表露內心最真實情感既人....
點解一個女仔可以令我如行尸走肉一樣走過呢2年。
點解一個女仔可以令我保持原本去思念佢呢一個人。
點解一個女仔可以令我做一D對自己半功不利既事逃避一切。
好多個點解，點解我唔可以放開，仲要苦苦糾結當初既一切。
好彩呢個QOOZA係有2個人可能會睇，又有可能唔會睇我既野。
當係我分享自己既心事比佢地聽，我都想有個聽眾。
但希望佢地睇完唔好講出去，因為呢個一直都係我最大既心病。
拜託!!!!!!!!!!!!!!!! |
